ശിവാഷ്ടകമ്

ശിവാഷ്ടകമ്

ശ്ലോക 1

പ്രഭും പ്രാണനാഥം വിഭും വിശ്വനാഥം ജഗന്നാഥ നാഥം സദാനന്ദ ഭാജാമ് ।

ഭവദ്ഭവ്യ ഭൂതേശ്വരം ഭൂതനാഥം, ശിവം ശങ്കരം ശമ്ഭു മീശാനമീഡേ

ശ്ലോക 2

ഗലേ രുണ്ഡമാലം തനൌ സര്പജാലം മഹാകാല കാലം ഗണേശാദി പാലമ് ।

ജടാജൂട ഗങ്ഗോത്തരങ്ഗൈര്വിശാലം, ശിവം ശങ്കരം ശമ്ഭു മീശാനമീഡേ

॥ 1 ॥

ശ്ലോക 3

മുദാമാകരം മണ്ഡനം മണ്ഡയന്തം മഹാ മണ്ഡലം ഭസ്മ ഭൂഷാധരം തമ് ।

അനാദിം ഹ്യപാരം മഹാ മോഹമാരം, ശിവം ശങ്കരം ശമ്ഭു മീശാനമീഡേ

॥ 2॥

ശ്ലോക 4

വടാധോ നിവാസം മഹാട്ടാട്ടഹാസം മഹാപാപ നാശം സദാ സുപ്രകാശമ് ।

ഗിരീശം ഗണേശം സുരേശം മഹേശം, ശിവം ശങ്കരം ശമ്ഭു മീശാനമീഡേ

॥ 3 ॥

ശ്ലോക 5

ഗിരീന്ദ്രാത്മജാ സങ്ഗൃഹീതാര്ധദേഹം ഗിരൌ സംസ്ഥിതം സര്വദാപന്ന ഗേഹമ് ।

പരബ്രഹ്മ ബ്രഹ്മാദിഭിര്-വന്ദ്യമാനം, ശിവം ശങ്കരം ശമ്ഭു മീശാനമീഡേ

॥ 4 ॥

ശ്ലോക 6

കപാലം ത്രിശൂലം കരാഭ്യാം ദധാനം പദാമ്ഭോജ നമ്രായ കാമം ദദാനമ് ।

ബലീവര്ധയാനം സുരാണാം പ്രധാനം, ശിവം ശങ്കരം ശമ്ഭു മീശാനമീഡേ

॥ 5 ॥

ശ്ലോക 7

ശരച്ചന്ദ്ര ഗാത്രം ഗണാനന്ദപാത്രം ത്രിനേത്രം പവിത്രം ധനേശസ്യ മിത്രമ് ।

അപര്ണാ കലത്രം സദാ സച്ചരിത്രം, ശിവം ശങ്കരം ശമ്ഭു മീശാനമീഡേ

॥ 6 ॥

ശ്ലോക 8

ഹരം സര്പഹാരം ചിതാ ഭൂവിഹാരം ഭവം വേദസാരം സദാ നിര്വികാരം।

ശ്മശാനേ വസന്തം മനോജം ദഹന്തം, ശിവം ശങ്കരം ശമ്ഭു മീശാനമീഡേ

॥ 7 ॥

ശ്ലോക 9

സ്വയം യഃ പ്രഭാതേ നരശ്ശൂല പാണേ പഠേത് സ്തോത്രരത്നം ത്വിഹപ്രാപ്യരത്നമ് ।

സുപുത്രം സുധാന്യം സുമിത്രം കലത്രം വിചിത്രൈസ്സമാരാധ്യ മോക്ഷം പ്രയാതി ॥