ಶಿವಾಷ್ಟಕಮ್

ಶಿವಾಷ್ಟಕಮ್

ಶ್ಲೋಕ 1

ಪ್ರಭುಂ ಪ್ರಾಣನಾಥಂ ವಿಭುಂ ವಿಶ್ವನಾಥಂ ಜಗನ್ನಾಥ ನಾಥಂ ಸದಾನನ್ದ ಭಾಜಾಮ್ ।

ಭವದ್ಭವ್ಯ ಭೂತೇಶ್ವರಂ ಭೂತನಾಥಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

ಶ್ಲೋಕ 2

ಗಲೇ ರುಣ್ಡಮಾಲಂ ತನೌ ಸರ್ಪಜಾಲಂ ಮಹಾಕಾಲ ಕಾಲಂ ಗಣೇಶಾದಿ ಪಾಲಮ್ ।

ಜಟಾಜೂಟ ಗಙ್ಗೋತ್ತರಙ್ಗೈರ್ವಿಶಾಲಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 1 ॥

ಶ್ಲೋಕ 3

ಮುದಾಮಾಕರಂ ಮಣ್ಡನಂ ಮಣ್ಡಯನ್ತಂ ಮಹಾ ಮಣ್ಡಲಂ ಭಸ್ಮ ಭೂಷಾಧರಂ ತಮ್ ।

ಅನಾದಿಂ ಹ್ಯಪಾರಂ ಮಹಾ ಮೋಹಮಾರಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 2॥

ಶ್ಲೋಕ 4

ವಟಾಧೋ ನಿವಾಸಂ ಮಹಾಟ್ಟಾಟ್ಟಹಾಸಂ ಮಹಾಪಾಪ ನಾಶಂ ಸದಾ ಸುಪ್ರಕಾಶಮ್ ।

ಗಿರೀಶಂ ಗಣೇಶಂ ಸುರೇಶಂ ಮಹೇಶಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 3 ॥

ಶ್ಲೋಕ 5

ಗಿರೀನ್ದ್ರಾತ್ಮಜಾ ಸಙ್ಗೃಹೀತಾರ್ಧದೇಹಂ ಗಿರೌ ಸಂಸ್ಥಿತಂ ಸರ್ವದಾಪನ್ನ ಗೇಹಮ್ ।

ಪರಬ್ರಹ್ಮ ಬ್ರಹ್ಮಾದಿಭಿರ್-ವನ್ದ್ಯಮಾನಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 4 ॥

ಶ್ಲೋಕ 6

ಕಪಾಲಂ ತ್ರಿಶೂಲಂ ಕರಾಭ್ಯಾಂ ದಧಾನಂ ಪದಾಮ್ಭೋಜ ನಮ್ರಾಯ ಕಾಮಂ ದದಾನಮ್ ।

ಬಲೀವರ್ಧಯಾನಂ ಸುರಾಣಾಂ ಪ್ರಧಾನಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 5 ॥

ಶ್ಲೋಕ 7

ಶರಚ್ಚನ್ದ್ರ ಗಾತ್ರಂ ಗಣಾನನ್ದಪಾತ್ರಂ ತ್ರಿನೇತ್ರಂ ಪವಿತ್ರಂ ಧನೇಶಸ್ಯ ಮಿತ್ರಮ್ ।

ಅಪರ್ಣಾ ಕಲತ್ರಂ ಸದಾ ಸಚ್ಚರಿತ್ರಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 6 ॥

ಶ್ಲೋಕ 8

ಹರಂ ಸರ್ಪಹಾರಂ ಚಿತಾ ಭೂವಿಹಾರಂ ಭವಂ ವೇದಸಾರಂ ಸದಾ ನಿರ್ವಿಕಾರಂ।

ಶ್ಮಶಾನೇ ವಸನ್ತಂ ಮನೋಜಂ ದಹನ್ತಂ, ಶಿವಂ ಶಙ್ಕರಂ ಶಮ್ಭು ಮೀಶಾನಮೀಡೇ

॥ 7 ॥

ಶ್ಲೋಕ 9

ಸ್ವಯಂ ಯಃ ಪ್ರಭಾತೇ ನರಶ್ಶೂಲ ಪಾಣೇ ಪಠೇತ್ ಸ್ತೋತ್ರರತ್ನಂ ತ್ವಿಹಪ್ರಾಪ್ಯರತ್ನಮ್ ।

ಸುಪುತ್ರಂ ಸುಧಾನ್ಯಂ ಸುಮಿತ್ರಂ ಕಲತ್ರಂ ವಿಚಿತ್ರೈಸ್ಸಮಾರಾಧ್ಯ ಮೋಕ್ಷಂ ಪ್ರಯಾತಿ ॥