శివసఙ్కల్పోపనిషత్ (శివ సఙ్కల్పమస్తు)

శివసఙ్కల్పోపనిషత్ (శివ సఙ్కల్పమస్తు)

శ్లోక 1

యేనేదం భూతం భువనం భవిష్యత్ పరిగృహీతమమృతేన సర్వమ్ ।

యేన యజ్ఞస్తాయతే సప్తహోతా తన్మే మనః శివసఙ్కల్పమస్తు

శ్లోక 2

యేన కర్మాణి ప్రచరన్తి ధీరా యతో వాచా మనసా చారు యన్తి ।

యత్సమ్మితమను సంయన్తి ప్రాణినస్తన్మే మనః శివసఙ్కల్పమస్తు

॥ 1॥

శ్లోక 3

యేన కర్మాణ్యపసో మనీషిణో యజ్ఞే కృణ్వన్తి విదథేషు ధీరాః ।

యదపూర్వం యక్షమన్తః ప్రజానాం తన్మే మనః శివసఙ్కల్పమస్తు

॥ 2॥

శ్లోక 4

యత్ప్రజ్ఞానముత చేతో ధృతిశ్చ యజ్జ్యోతిరన్తరమృతం ప్రజాసు ।

యస్మాన్న ఋతే కిఞ్చన కర్మ క్రియతే తన్మే మనః శివసఙ్కల్పమస్తు

॥ 3॥

శ్లోక 5

సుషారథిరశ్వానివ యన్మనుష్యాన్నేనీయతేఽభీశుభిర్వాజిన ఇవ ।

హృత్ప్రతిష్ఠం యదజిరం జవిష్ఠం తన్మే మనః శివసఙ్కల్పమస్తు

॥ 4॥

శ్లోక 6

యస్మిన్నృచః సామ యజూషి యస్మిన్ ప్రతిష్ఠితా రథనాభావివారాః ।

యస్మింశ్చిత్తం సర్వమోతం ప్రజానాం తన్మే మనః శివసఙ్కల్పమస్తు

॥ 5॥

శ్లోక 7

యదత్ర షష్ఠం త్రిశతం సువీరం యజ్ఞస్య గుహ్యం నవనావమాయ్యం (?) ।

దశ పఞ్చ త్రింశతం యత్పరం చ తన్మే మనః శివసఙ్కల్పమస్తు

॥ 6॥

శ్లోక 8

యజ్జాగ్రతో దూరముదైతి దైవం తదు సుప్తస్య తథైవైతి ।

దూరఙ్గమం జ్యోతిషాం జ్యోతిరేకం తన్మే మనః శివసఙ్కల్పమస్తు

॥ 7॥

శ్లోక 9

యేన ద్యౌః పృథివీ చాన్తరిక్షం చ యే పర్వతాః ప్రదిశో దిశశ్చ ।

యేనేదం జగద్వ్యాప్తం ప్రజానాం తన్మే మనః శివసఙ్కల్పమస్తు

॥ 8॥

శ్లోక 10

యేనేదం విశ్వం జగతో బభూవ యే దేవా అపి మహతో జాతవేదాః ।

తదేవాగ్నిస్తమసో జ్యోతిరేకం తన్మే మనః శివసఙ్కల్పమస్తు

॥ 9॥

శ్లోక 11

యే మనో హృదయం యే చ దేవా యే దివ్యా ఆపో యే సూర్యరశ్మిః ।

తే శ్రోత్రే చక్షుషీ సఞ్చరన్తం తన్మే మనః శివసఙ్కల్పమస్తు

॥ 10॥

శ్లోక 12

అచిన్త్యం చాప్రమేయం చ వ్యక్తావ్యక్తపరం చ యత ।

సూక్ష్మాత్సూక్ష్మతరం జ్ఞేయం తన్మే మనః శివసఙ్కల్పమస్తు

॥ 11॥

శ్లోక 13

ఏకా చ దశ శతం చ సహస్రం చాయుతం చ

నియుతం చ ప్రయుతం చార్బుదం చ న్యర్బుదం చ ।

సముద్రశ్చ మధ్యం చాన్తశ్చ పరార్ధశ్చ

తన్మే మనః శివసఙ్కల్పమస్తు

॥ 12॥

శ్లోక 14

యే పఞ్చ పఞ్చదశ శతం సహస్రమయుతం న్యర్బుదం చ ।

తేఽగ్నిచిత్యేష్టకాస్తం శరీరం తన్మే మనః శివసఙ్కల్పమస్తు

॥ 13॥

శ్లోక 15

వేదాహమేతం పురుషం మహాన్తమాదిత్యవర్ణం తమసః పరస్తాత్ ।

యస్య యోనిం పరిపశ్యన్తి ధీరాస్తన్మే మనః శివసఙ్కల్పమస్తు ॥

యస్యేదం ధీరాః పునన్తి కవయో బ్రహ్మాణమేతం త్వా వృణుత ఇన్దుమ్ ।

స్థావరం జఙ్గమం ద్యౌరాకాశం తన్మే మనః శివసఙ్కల్పమస్తు

॥ 14॥

శ్లోక 16

పరాత్ పరతరం చైవ యత్పరాచ్చైవ యత్పరమ్ ।

యత్పరాత్ పరతో జ్ఞేయం తన్మే మనః శివసఙ్కల్పమస్తు

॥ 16॥

శ్లోక 17

పరాత్ పరతరో బ్రహ్మా తత్పరాత్ పరతో హరిః ।

తత్పరాత్ పరతోఽధీశస్తన్మే మనః శివసఙ్కల్పమస్తు

॥ 17॥

శ్లోక 18

యా వేదాదిషు గాయత్రీ సర్వవ్యాపీ మహేశ్వరీ ।

ఋగ్యజుస్సామాథర్వైశ్చ తన్మే మనః శివసఙ్కల్పమస్తు

॥ 18॥

శ్లోక 19

యో వై దేవం మహాదేవం ప్రణవం పురుషోత్తమమ్ ।

యః సర్వే సర్వవేదైశ్చ తన్మే మనః శివసఙ్కల్పమస్తు

॥ 19॥

శ్లోక 20

ప్రయతః ప్రణవోఙ్కారం ప్రణవం పురుషోత్తమమ్ ।

ఓఙ్కారం ప్రణవాత్మానం తన్మే మనః శివసఙ్కల్పమస్తు

॥ 20॥

శ్లోక 21

యోఽసౌ సర్వేషు వేదేషు పఠ్యతే హ్యజ ఇశ్వరః ।

అకాయో నిర్గుణో హ్యాత్మా తన్మే మనః శివసఙ్కల్పమస్తు

॥ 21॥

శ్లోక 22

గోభిర్జుష్టం ధనేన హ్యాయుషా చ బలేన చ ।

ప్రజయా పశుభిః పుష్కరాక్షం తన్మే మనః శివసఙ్కల్పమస్తు

॥ 22॥

శ్లోక 23

త్రియమ్బకం యజామహే సుగన్ధిం పుష్టివర్ధనమ్ ।

ఉర్వారుకమివ బన్ధనాన్మృత్యోర్ముక్షీయ

మాఽమృతాత్తన్మే మనః శివసఙ్కల్పమస్తు

॥ 23॥

శ్లోక 24

కైలాసశిఖరే రమ్యే శఙ్కరస్య శివాలయే ।

దేవతాస్తత్ర మోదన్తే తన్మే మనః శివసఙ్కల్పమస్తు

॥ 24॥

శ్లోక 25

విశ్వతశ్చక్షురుత విశ్వతోముఖో విశ్వతోహస్త ఉత విశ్వతస్పాత్ ।

సమ్బాహుభ్యాం నమతి సమ్పతత్రైర్ద్యావాపృథివీ

జనయన్ దేవ ఏకస్తన్మే మనః శివసఙ్కల్పమస్తు

॥ 25॥

శ్లోక 26

చతురో వేదానధీయీత సర్వశాస్యమయం విదుః ।

ఇతిహాసపురాణానాం తన్మే మన శివసఙ్కన్ల్పమస్తు

॥ 26॥

శ్లోక 27

మా నో మహాన్తముత మా నో అర్భకం మా న ఉక్షన్తముత మా న ఉక్షితమ్ ।

మా నో వధీః పితరం మోత మాతరం ప్రియా మా నః

తనువో రుద్ర రీరిషస్తన్మే మనః శివసఙ్కల్పమస్తు

॥ 27॥

శ్లోక 28

మా నస్తోకే తనయే మా న ఆయుషి మా నో గోషు మా నో అశ్వేషు రీరిషః ।

వీరాన్మా నో రుద్ర భామితో వధీర్హవిష్మన్తః

నమసా విధేమ తే తన్మే మనః శివసఙ్కల్పమస్తు

॥ 28॥

శ్లోక 29

ఋతం సత్యం పరం బ్రహ్మ పురుషం కృష్ణపిఙ్గలమ్ ।

ఊర్ధ్వరేతం విరూపాక్షం విశ్వరూపాయ వై నమో నమః

తన్మే మనః శివసఙ్కల్పమస్తు

॥ 29॥

శ్లోక 30

కద్రుద్రాయ ప్రచేతసే మీఢుష్టమాయ తవ్యసే ।

వోచేమ శన్తమం హృదే । సర్వో హ్యేష రుద్రస్తస్మై రుద్రాయ

నమో అస్తు తన్మే మనః శివసఙ్కల్పమస్తు

॥ 30॥

శ్లోక 31

బ్రహ్మ జజ్ఞానం ప్రథమం పురస్తాత్ వి సీమతః సురుచో వేన ఆవః ।

స బుధ్నియా ఉపమా అస్య విష్ఠాః సతశ్చ యోనిం

అసతశ్చ వివస్తన్మే మనః శివసఙ్కల్పమస్తు

॥ 31॥

శ్లోక 32

యః ప్రాణతో నిమిషతో మహిత్వైక ఇద్రాజా జగతో బభూవ ।

య ఈశే అస్య ద్విపదశ్చతుష్పదః కస్మై దేవాయ

హవిషా విధేమ తన్మే మనః శివసఙ్కల్పమస్తు

॥ 32॥

శ్లోక 33

య ఆత్మదా బలదా యస్య విశ్వే ఉపాసతే ప్రశిషం యస్య దేవాః ।

యస్య ఛాయాఽమృతం యస్య మృత్యుః కస్మై దేవాయ

హవిషా విధేమ తన్మే మనః శివసఙ్కల్పమస్తు

॥ 33॥

శ్లోక 34

యో రుద్రో అగ్నౌ యో అప్సు య ఓషధీషు యో రుద్రో విశ్వా భువనాఽఽవివేశ ।

తస్మై రుద్రాయ నమో అస్తు తన్మే మనః శివసఙ్కల్పమస్తు

॥ 34॥

శ్లోక 35

గన్ధద్వారాం దురాధర్షాం నిత్యపుష్టాం కరీషిణీమ్ ।

ఈశ్వరీం సర్వభూతానాం తామిహోపహ్వయే శ్రియం

తన్మే మనః శివసఙ్కల్పమస్తు

॥ 35॥

శ్లోక 36

య ఇదం శివసఙ్కల్పం సదా ధ్యాయన్తి బ్రాహ్మణాః ।

తే పరం మోక్షం గమిష్యన్తి తన్మే మనః శివసఙ్కల్పమస్తు

॥ 36॥

శ్లోక 37

ఇతి శివసఙ్కల్పమన్త్రాః సమాప్తాః ।

(శైవ-ఉపనిషదః)

ఇతి శివసఙ్కల్పోపనిషత్ సమాప్త ।