ശിവസങ്കല്പോപനിഷത് (ശിവ സങ്കല്പമസ്തു)

ശിവസങ്കല്പോപനിഷത് (ശിവ സങ്കല്പമസ്തു)

ശ്ലോക 1

യേനേദം ഭൂതം ഭുവനം ഭവിഷ്യത് പരിഗൃഹീതമമൃതേന സര്വമ് ।

യേന യജ്ഞസ്തായതേ സപ്തഹോതാ തന്മേ മനഃ ശിവസങ്കല്പമസ്തു

ശ്ലോക 2

യേന കര്മാണി പ്രചരന്തി ധീരാ യതോ വാചാ മനസാ ചാരു യന്തി ।

യത്സമ്മിതമനു സംയന്തി പ്രാണിനസ്തന്മേ മനഃ ശിവസങ്കല്പമസ്തു

॥ 1॥

ശ്ലോക 3

യേന കര്മാണ്യപസോ മനീഷിണോ യജ്ഞേ കൃണ്വന്തി വിദഥേഷു ധീരാഃ ।

യദപൂര്വം യക്ഷമന്തഃ പ്രജാനാം തന്മേ മനഃ ശിവസങ്കല്പമസ്തു

॥ 2॥

ശ്ലോക 4

യത്പ്രജ്ഞാനമുത ചേതോ ധൃതിശ്ച യജ്ജ്യോതിരന്തരമൃതം പ്രജാസു ।

യസ്മാന്ന ഋതേ കിഞ്ചന കര്മ ക്രിയതേ തന്മേ മനഃ ശിവസങ്കല്പമസ്തു

॥ 3॥

ശ്ലോക 5

സുഷാരഥിരശ്വാനിവ യന്മനുഷ്യാന്നേനീയതേഽഭീശുഭിര്വാജിന ഇവ ।

ഹൃത്പ്രതിഷ്ഠം യദജിരം ജവിഷ്ഠം തന്മേ മനഃ ശിവസങ്കല്പമസ്തു

॥ 4॥

ശ്ലോക 6

യസ്മിന്നൃചഃ സാമ യജൂഷി യസ്മിന് പ്രതിഷ്ഠിതാ രഥനാഭാവിവാരാഃ ।

യസ്മിംശ്ചിത്തം സര്വമോതം പ്രജാനാം തന്മേ മനഃ ശിവസങ്കല്പമസ്തു

॥ 5॥

ശ്ലോക 7

യദത്ര ഷഷ്ഠം ത്രിശതം സുവീരം യജ്ഞസ്യ ഗുഹ്യം നവനാവമായ്യം (?) ।

ദശ പഞ്ച ത്രിംശതം യത്പരം ച തന്മേ മനഃ ശിവസങ്കല്പമസ്തു

॥ 6॥

ശ്ലോക 8

യജ്ജാഗ്രതോ ദൂരമുദൈതി ദൈവം തദു സുപ്തസ്യ തഥൈവൈതി ।

ദൂരങ്ഗമം ജ്യോതിഷാം ജ്യോതിരേകം തന്മേ മനഃ ശിവസങ്കല്പമസ്തു

॥ 7॥

ശ്ലോക 9

യേന ദ്യൌഃ പൃഥിവീ ചാന്തരിക്ഷം ച യേ പര്വതാഃ പ്രദിശോ ദിശശ്ച ।

യേനേദം ജഗദ്വ്യാപ്തം പ്രജാനാം തന്മേ മനഃ ശിവസങ്കല്പമസ്തു

॥ 8॥

ശ്ലോക 10

യേനേദം വിശ്വം ജഗതോ ബഭൂവ യേ ദേവാ അപി മഹതോ ജാതവേദാഃ ।

തദേവാഗ്നിസ്തമസോ ജ്യോതിരേകം തന്മേ മനഃ ശിവസങ്കല്പമസ്തു

॥ 9॥

ശ്ലോക 11

യേ മനോ ഹൃദയം യേ ച ദേവാ യേ ദിവ്യാ ആപോ യേ സൂര്യരശ്മിഃ ।

തേ ശ്രോത്രേ ചക്ഷുഷീ സഞ്ചരന്തം തന്മേ മനഃ ശിവസങ്കല്പമസ്തു

॥ 10॥

ശ്ലോക 12

അചിന്ത്യം ചാപ്രമേയം ച വ്യക്താവ്യക്തപരം ച യത ।

സൂക്ഷ്മാത്സൂക്ഷ്മതരം ജ്ഞേയം തന്മേ മനഃ ശിവസങ്കല്പമസ്തു

॥ 11॥

ശ്ലോക 13

ഏകാ ച ദശ ശതം ച സഹസ്രം ചായുതം ച

നിയുതം ച പ്രയുതം ചാര്ബുദം ച ന്യര്ബുദം ച ।

സമുദ്രശ്ച മധ്യം ചാന്തശ്ച പരാര്ധശ്ച

തന്മേ മനഃ ശിവസങ്കല്പമസ്തു

॥ 12॥

ശ്ലോക 14

യേ പഞ്ച പഞ്ചദശ ശതം സഹസ്രമയുതം ന്യര്ബുദം ച ।

തേഽഗ്നിചിത്യേഷ്ടകാസ്തം ശരീരം തന്മേ മനഃ ശിവസങ്കല്പമസ്തു

॥ 13॥

ശ്ലോക 15

വേദാഹമേതം പുരുഷം മഹാന്തമാദിത്യവര്ണം തമസഃ പരസ്താത് ।

യസ്യ യോനിം പരിപശ്യന്തി ധീരാസ്തന്മേ മനഃ ശിവസങ്കല്പമസ്തു ॥

യസ്യേദം ധീരാഃ പുനന്തി കവയോ ബ്രഹ്മാണമേതം ത്വാ വൃണുത ഇന്ദുമ് ।

സ്ഥാവരം ജങ്ഗമം ദ്യൌരാകാശം തന്മേ മനഃ ശിവസങ്കല്പമസ്തു

॥ 14॥

ശ്ലോക 16

പരാത് പരതരം ചൈവ യത്പരാച്ചൈവ യത്പരമ് ।

യത്പരാത് പരതോ ജ്ഞേയം തന്മേ മനഃ ശിവസങ്കല്പമസ്തു

॥ 16॥

ശ്ലോക 17

പരാത് പരതരോ ബ്രഹ്മാ തത്പരാത് പരതോ ഹരിഃ ।

തത്പരാത് പരതോഽധീശസ്തന്മേ മനഃ ശിവസങ്കല്പമസ്തു

॥ 17॥

ശ്ലോക 18

യാ വേദാദിഷു ഗായത്രീ സര്വവ്യാപീ മഹേശ്വരീ ।

ഋഗ്യജുസ്സാമാഥര്വൈശ്ച തന്മേ മനഃ ശിവസങ്കല്പമസ്തു

॥ 18॥

ശ്ലോക 19

യോ വൈ ദേവം മഹാദേവം പ്രണവം പുരുഷോത്തമമ് ।

യഃ സര്വേ സര്വവേദൈശ്ച തന്മേ മനഃ ശിവസങ്കല്പമസ്തു

॥ 19॥

ശ്ലോക 20

പ്രയതഃ പ്രണവോങ്കാരം പ്രണവം പുരുഷോത്തമമ് ।

ഓങ്കാരം പ്രണവാത്മാനം തന്മേ മനഃ ശിവസങ്കല്പമസ്തു

॥ 20॥

ശ്ലോക 21

യോഽസൌ സര്വേഷു വേദേഷു പഠ്യതേ ഹ്യജ ഇശ്വരഃ ।

അകായോ നിര്ഗുണോ ഹ്യാത്മാ തന്മേ മനഃ ശിവസങ്കല്പമസ്തു

॥ 21॥

ശ്ലോക 22

ഗോഭിര്ജുഷ്ടം ധനേന ഹ്യായുഷാ ച ബലേന ച ।

പ്രജയാ പശുഭിഃ പുഷ്കരാക്ഷം തന്മേ മനഃ ശിവസങ്കല്പമസ്തു

॥ 22॥

ശ്ലോക 23

ത്രിയമ്ബകം യജാമഹേ സുഗന്ധിം പുഷ്ടിവര്ധനമ് ।

ഉര്വാരുകമിവ ബന്ധനാന്മൃത്യോര്മുക്ഷീയ

മാഽമൃതാത്തന്മേ മനഃ ശിവസങ്കല്പമസ്തു

॥ 23॥

ശ്ലോക 24

കൈലാസശിഖരേ രമ്യേ ശങ്കരസ്യ ശിവാലയേ ।

ദേവതാസ്തത്ര മോദന്തേ തന്മേ മനഃ ശിവസങ്കല്പമസ്തു

॥ 24॥

ശ്ലോക 25

വിശ്വതശ്ചക്ഷുരുത വിശ്വതോമുഖോ വിശ്വതോഹസ്ത ഉത വിശ്വതസ്പാത് ।

സമ്ബാഹുഭ്യാം നമതി സമ്പതത്രൈര്ദ്യാവാപൃഥിവീ

ജനയന് ദേവ ഏകസ്തന്മേ മനഃ ശിവസങ്കല്പമസ്തു

॥ 25॥

ശ്ലോക 26

ചതുരോ വേദാനധീയീത സര്വശാസ്യമയം വിദുഃ ।

ഇതിഹാസപുരാണാനാം തന്മേ മന ശിവസങ്കന്ല്പമസ്തു

॥ 26॥

ശ്ലോക 27

മാ നോ മഹാന്തമുത മാ നോ അര്ഭകം മാ ന ഉക്ഷന്തമുത മാ ന ഉക്ഷിതമ് ।

മാ നോ വധീഃ പിതരം മോത മാതരം പ്രിയാ മാ നഃ

തനുവോ രുദ്ര രീരിഷസ്തന്മേ മനഃ ശിവസങ്കല്പമസ്തു

॥ 27॥

ശ്ലോക 28

മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।

വീരാന്മാ നോ രുദ്ര ഭാമിതോ വധീര്ഹവിഷ്മന്തഃ

നമസാ വിധേമ തേ തന്മേ മനഃ ശിവസങ്കല്പമസ്തു

॥ 28॥

ശ്ലോക 29

ഋതം സത്യം പരം ബ്രഹ്മ പുരുഷം കൃഷ്ണപിങ്ഗലമ് ।

ഊര്ധ്വരേതം വിരൂപാക്ഷം വിശ്വരൂപായ വൈ നമോ നമഃ

തന്മേ മനഃ ശിവസങ്കല്പമസ്തു

॥ 29॥

ശ്ലോക 30

കദ്രുദ്രായ പ്രചേതസേ മീഢുഷ്ടമായ തവ്യസേ ।

വോചേമ ശന്തമം ഹൃദേ । സര്വോ ഹ്യേഷ രുദ്രസ്തസ്മൈ രുദ്രായ

നമോ അസ്തു തന്മേ മനഃ ശിവസങ്കല്പമസ്തു

॥ 30॥

ശ്ലോക 31

ബ്രഹ്മ ജജ്ഞാനം പ്രഥമം പുരസ്താത് വി സീമതഃ സുരുചോ വേന ആവഃ ।

സ ബുധ്നിയാ ഉപമാ അസ്യ വിഷ്ഠാഃ സതശ്ച യോനിം

അസതശ്ച വിവസ്തന്മേ മനഃ ശിവസങ്കല്പമസ്തു

॥ 31॥

ശ്ലോക 32

യഃ പ്രാണതോ നിമിഷതോ മഹിത്വൈക ഇദ്രാജാ ജഗതോ ബഭൂവ ।

യ ഈശേ അസ്യ ദ്വിപദശ്ചതുഷ്പദഃ കസ്മൈ ദേവായ

ഹവിഷാ വിധേമ തന്മേ മനഃ ശിവസങ്കല്പമസ്തു

॥ 32॥

ശ്ലോക 33

യ ആത്മദാ ബലദാ യസ്യ വിശ്വേ ഉപാസതേ പ്രശിഷം യസ്യ ദേവാഃ ।

യസ്യ ഛായാഽമൃതം യസ്യ മൃത്യുഃ കസ്മൈ ദേവായ

ഹവിഷാ വിധേമ തന്മേ മനഃ ശിവസങ്കല്പമസ്തു

॥ 33॥

ശ്ലോക 34

യോ രുദ്രോ അഗ്നൌ യോ അപ്സു യ ഓഷധീഷു യോ രുദ്രോ വിശ്വാ ഭുവനാഽഽവിവേശ ।

തസ്മൈ രുദ്രായ നമോ അസ്തു തന്മേ മനഃ ശിവസങ്കല്പമസ്തു

॥ 34॥

ശ്ലോക 35

ഗന്ധദ്വാരാം ദുരാധര്ഷാം നിത്യപുഷ്ടാം കരീഷിണീമ് ।

ഈശ്വരീം സര്വഭൂതാനാം താമിഹോപഹ്വയേ ശ്രിയം

തന്മേ മനഃ ശിവസങ്കല്പമസ്തു

॥ 35॥

ശ്ലോക 36

യ ഇദം ശിവസങ്കല്പം സദാ ധ്യായന്തി ബ്രാഹ്മണാഃ ।

തേ പരം മോക്ഷം ഗമിഷ്യന്തി തന്മേ മനഃ ശിവസങ്കല്പമസ്തു

॥ 36॥

ശ്ലോക 37

ഇതി ശിവസങ്കല്പമന്ത്രാഃ സമാപ്താഃ ।

(ശൈവ-ഉപനിഷദഃ)

ഇതി ശിവസങ്കല്പോപനിഷത് സമാപ്ത ।