શિવ ભુજઙ્ગ સ્તોત્રમ્

શિવ ભુજઙ્ગ સ્તોત્રમ્

શ્લોક 1

ગલદ્દાનગણ્ડં મિલદ્ભૃઙ્ગષણ્ડં

ચલચ્ચારુશુણ્ડં જગત્ત્રાણશૌણ્ડમ્ ।

કનદ્દન્તકાણ્ડં વિપદ્ભઙ્ગચણ્ડં

શિવપ્રેમપિણ્ડં ભજે વક્રતુણ્ડમ્

શ્લોક 2

અનાદ્યન્તમાદ્યં પરં તત્ત્વમર્થં

ચિદાકારમેકં તુરીયં ત્વમેયમ્ ।

હરિબ્રહ્મમૃગ્યં પરબ્રહ્મરૂપં

મનોવાગતીતં મહઃશૈવમીડે

॥ 1 ॥

શ્લોક 3

સ્વશક્ત્યાદિ શક્ત્યન્ત સિંહાસનસ્થં

મનોહારિ સર્વાઙ્ગરત્નોરુભૂષમ્ ।

જટાહીન્દુગઙ્ગાસ્થિશમ્યાકમૌલિં

પરાશક્તિમિત્રં નમઃ પઞ્ચવક્ત્રમ્

॥ 2 ॥

શ્લોક 4

શિવેશાનતત્પૂરુષાઘોરવામાદિભિઃ

પઞ્ચભિર્હૃન્મુખૈઃ ષડ્ભિરઙ્ગૈઃ ।

અનૌપમ્ય ષટ્ત્રિંશતં તત્ત્વવિદ્યામતીતં

પરં ત્વાં કથં વેત્તિ કો વા

॥ 3 ॥

શ્લોક 5

પ્રવાલપ્રવાહપ્રભાશોણમર્ધં

મરુત્વન્મણિ શ્રીમહઃ શ્યામમર્ધમ્ ।

ગુણસ્યૂતમેતદ્વપુઃ શૈવમન્તઃ

સ્મરામિ સ્મરાપત્તિસમ્પત્તિહેતોઃ

॥ 4 ॥

શ્લોક 6

સ્વસેવાસમાયાતદેવાસુરેન્દ્રા

નમન્મૌલિમન્દારમાલાભિષિક્તમ્ ।

નમસ્યામિ શમ્ભો પદામ્ભોરુહં તે

ભવામ્ભોધિપોતં ભવાની વિભાવ્યમ્

॥ 5 ॥

શ્લોક 7

જગન્નાથ મન્નાથ ગૌરીસનાથ

પ્રપન્નાનુકમ્પિન્વિપન્નાર્તિહારિન્ ।

મહઃસ્તોમમૂર્તે સમસ્તૈકબન્ધો

નમસ્તે નમસ્તે પુનસ્તે નમોઽસ્તુ

॥ 6 ॥

શ્લોક 8

વિરૂપાક્ષ વિશ્વેશ વિશ્વાદિદેવ

ત્રયી મૂલ શમ્ભો શિવ ત્ર્યમ્બક ત્વમ્ ।

પ્રસીદ સ્મર ત્રાહિ પશ્યાવમુક્ત્યૈ

ક્ષમાં પ્રાપ્નુહિ ત્ર્યક્ષ માં રક્ષ મોદાત્

॥ 7 ॥

શ્લોક 9

મહાદેવ દેવેશ દેવાદિદેવ

સ્મરારે પુરારે યમારે હરેતિ ।

બ્રુવાણઃ સ્મરિષ્યામિ ભક્ત્યા \લિનॆ ભવન્તં તતો મે દયાશીલ દેવ પ્રસીદ

॥ 8 ॥

શ્લોક 10

ત્વદન્યઃ શરણ્યઃ પ્રપન્નસ્ય નેતિ

પ્રસીદ સ્મરન્નેવ હન્યાસ્તુ દૈન્યમ્ ।

ન ચેત્તે ભવેદ્ભક્તવાત્સલ્યહાનિસ્તતો

મે દયાલો સદા સન્નિધેહિ

॥ 9 ॥

શ્લોક 11

અયં દાનકાલસ્ત્વહં દાનપાત્રં

ભવાનેવ દાતા ત્વદન્યં ન યાચે ।

ભવદ્ભક્તિમેવ સ્થિરાં દેહિ મહ્યં

કૃપાશીલ શમ્ભો કૃતાર્થોઽસ્મિ તસ્માત્

॥ 10 ॥

શ્લોક 12

પશું વેત્સિ ચેન્માં તમેવાધિરૂઢઃ

કલઙ્કીતિ વા મૂર્ધ્નિ ધત્સે તમેવ ।

દ્વિજિહ્વઃ પુનઃ સોઽપિ તે કણ્ઠભૂષા

ત્વદઙ્ગીકૃતાઃ શર્વ સર્વેઽપિ ધન્યાઃ

॥ 11 ॥

શ્લોક 13

ન શક્નોમિ કર્તું પરદ્રોહલેશં

કથં પ્રીયસે ત્વં ન જાને ગિરીશ ।

તથાહિ પ્રસન્નોઽસિ કસ્યાપિ

કાન્તાસુતદ્રોહિણો વા પિતૃદ્રોહિણો વા

॥ 12 ॥

શ્લોક 14

સ્તુતિં ધ્યાનમર્ચાં યથાવદ્વિધાતું

ભજન્નપ્યજાનન્મહેશાવલમ્બે ।

ત્રસન્તં સુતં ત્રાતુમગ્રે

મૃકણ્ડોર્યમપ્રાણનિર્વાપણં ત્વત્પદાબ્જમ્

॥ 13 ॥

શ્લોક 15

શિરો દૃષ્ટિ હૃદ્રોગ શૂલ પ્રમેહજ્વરાર્શો જરાયક્ષ્મહિક્કાવિષાર્તાન્ ।

ત્વમાદ્યો ભિષગ્ભેષજં ભસ્મ શમ્ભો

ત્વમુલ્લાઘયાસ્માન્વપુર્લાઘવાય

॥ 14 ॥

શ્લોક 16

દરિદ્રોઽસ્મ્યભદ્રોઽસ્મિ ભગ્નોઽસ્મિ દૂયે

વિષણ્ણોઽસ્મિ સન્નોઽસ્મિ ખિન્નોઽસ્મિ ચાહમ્ ।

ભવાન્પ્રાણિનામન્તરાત્માસિ શમ્ભો

મમાધિં ન વેત્સિ પ્રભો રક્ષ માં ત્વમ્

॥ 15 ॥

શ્લોક 17

ત્વદક્ષ્ણોઃ કટાક્ષઃ પતેત્ત્ર્યક્ષ યત્ર

ક્ષણં ક્ષ્મા ચ લક્ષ્મીઃ સ્વયં તં વૃણાતે ।

કિરીટસ્ફુરચ્ચામરચ્છત્રમાલાકલાચીગજક્ષૌમભૂષાવિશેષૈઃ

॥ 16 ॥

શ્લોક 18

ભવાન્યૈ ભવાયાપિ માત્રે ચ પિત્રે

મૃડાન્યૈ મૃડાયાપ્યઘઘ્ન્યૈ મખઘ્ને ।

શિવાઙ્ગ્યૈ શિવાઙ્ગાય કુર્મઃ શિવાયૈ

શિવાયામ્બિકાયૈ નમસ્ત્ર્યમ્બકાય

॥ 17 ॥

શ્લોક 19

ભવદ્ગૌરવં મલ્લઘુત્વં વિદિત્વા

પ્રભો રક્ષ કારુણ્યદૃષ્ટ્યાનુગં મામ્ ।

શિવાત્માનુભાવસ્તુતાવક્ષમોઽહં

સ્વશક્ત્યા કૃતં મેઽપરાધં ક્ષમસ્વ

॥ 18 ॥

શ્લોક 20

યદા કર્ણરન્ધ્રં વ્રજેત્કાલવાહદ્વિષત્કણ્ઠઘણ્ટા ઘણાત્કારનાદઃ ।

વૃષાધીશમારુહ્ય દેવૌપવાહ્યન્તદા

વત્સ મા ભીરિતિ પ્રીણય ત્વમ્

॥ 19 ॥

શ્લોક 21

યદા દારુણાભાષણા ભીષણા મે

ભવિષ્યન્ત્યુપાન્તે કૃતાન્તસ્ય દૂતાઃ ।

તદા મન્મનસ્ત્વત્પદામ્ભોરુહસ્થં

કથં નિશ્ચલં સ્યાન્નમસ્તેઽસ્તુ શમ્ભો

॥ 20 ॥

શ્લોક 22

યદા દુર્નિવારવ્યથોઽહં શયાનો

લુઠન્નિઃશ્વસન્નિઃસૃતાવ્યક્તવાણિઃ ।

તદા જહ્નુકન્યાજલાલઙ્કૃતં તે

જટામણ્ડલં મન્મનોમન્દિરે સ્યાત્

॥ 21 ॥

શ્લોક 23

યદા પુત્રમિત્રાદયો મત્સકાશે

રુદન્ત્યસ્ય હા કીદૃશીયં દશેતિ ।

તદા દેવદેવેશ ગૌરીશ શમ્ભો

નમસ્તે શિવાયેત્યજસ્રં બ્રવાણિ

॥ 22 ॥

શ્લોક 24

યદા પશ્યતાં મામસૌ વેત્તિ

નાસ્માનયં શ્વાસ એવેતિ વાચો ભવેયુઃ ।

તદા ભૂતિભૂષં ભુજઙ્ગાવનદ્ધં

પુરારે ભવન્તં સ્ફુટં ભાવયેયમ્

॥ 23 ॥

શ્લોક 25

યદા યાતનાદેહસન્દેહવાહી

ભવેદાત્મદેહે ન મોહો મહાન્મે ।

તદા કાશશીતાંશુસઙ્કાશમીશ

સ્મરારે વપુસ્તે નમસ્તે સ્મરામિ

॥ 24 ॥

શ્લોક 26

યદાપારમચ્છાયમસ્થાનમદ્ભિર્જનૈર્વા વિહીનં ગમિષ્યામિ માર્ગમ્ ।

તદા તં નિરુન્ધઙ્કૃતાન્તસ્ય માર્ગં

મહાદેવ મહ્યં મનોજ્ઞં પ્રયચ્છ

॥ 25 ॥

શ્લોક 27

યદા રૌરવાદિ સ્મરન્નેવ ભીત્યા

વ્રજામ્યત્ર મોહં મહાદેવ ઘોરમ્ ।

તદા મામહો નાથ કસ્તારયિષ્યત્યનાથં પરાધીનમર્ધેન્દુમૌલે

॥ 26 ॥

શ્લોક 28

યદા શ્વેતપત્રાયતાલઙ્ઘ્યશક્તેઃ

કૃતાન્તાદ્ભયં ભક્તિવાત્સલ્યભાવાત્ ।

તદા પાહિ માં પાર્વતીવલ્લભાન્યં

ન પશ્યામિ પાતારમેતાદૃશં મે

॥ 27 ॥

શ્લોક 29

ઇદાનીમિદાનીં મૃતિર્મે ભવિત્રીત્યહો સન્તતં ચિન્તયા પીડિતોઽસ્મિ ।

કથં નામ મા ભૂન્મૃતૌ ભીતિરેષા

નમસ્તે ગતીનાં ગતે નીલકણ્ઠ

॥ 28 ॥

શ્લોક 30

અમર્યાદમેવાહમાબાલવૃદ્ધં

હરન્તં કૃતાન્તં સમીક્ષ્યાસ્મિ ભીતઃ ।

મૃતૌ તાવકાઙ્ઘ્ર્યબ્જદિવ્યપ્રસાદાદ્ભવાનીપતે નિર્ભયોઽહં ભવાનિ

॥ 29 ॥

શ્લોક 31

જરાજન્મગર્ભાધિવાસાદિદુઃખાન્યસહ્યાનિ જહ્યાં જગન્નાથ દેવ ।

ભવન્તં વિના મે ગતિર્નૈવ શમ્ભો

દયાલો ન જાગર્તિ કિં વા દયા તે

॥ 30 ॥

શ્લોક 32

શિવાયેતિ શબ્દો નમઃપૂર્વ એષ

સ્મરન્મુક્તિકૃન્મૃત્યુહા તત્ત્વવાચી ।

મહેશાન મા ગાન્મનસ્તો વચસ્તઃ

સદા મહ્યમેતત્પ્રદાનં પ્રયચ્છ

॥ 31 ॥

શ્લોક 33

ત્વમપ્યમ્બ માં પશ્ય શીતાંશુમૌલિપ્રિયે ભેષજં ત્વં ભવવ્યાધિશાન્તૌ

બહુક્લેશભાજં પદામ્ભોજપોતે

ભવાબ્ધૌ નિમગ્નં નયસ્વાદ્ય પારમ્

॥ 32 ॥

શ્લોક 34

અનુદ્યલ્લલાટાક્ષિ વહ્નિ પ્રરોહૈરવામસ્ફુરચ્ચારુવામોરુશોભૈઃ ।

અનઙ્ગભ્રમદ્ભોગિભૂષાવિશેષૈરચન્દ્રાર્ધચૂડૈરલં દૈવતૈર્નઃ

॥ 33 ॥

શ્લોક 35

અકણ્ઠેકલઙ્કાદનઙ્ગેભુજઙ્ગાદપાણૌકપાલાદફાલેઽનલાક્ષાત્ ।

અમૌલૌશશાઙ્કાદવામેકલત્રાદહં દેવમન્યં ન મન્યે ન મન્યે

॥ 34 ॥

શ્લોક 36

મહાદેવ શમ્ભો ગિરીશ ત્રિશૂલિંસ્ત્વદીયં સમસ્તં વિભાતીતિ યસ્માત્ ।

શિવાદન્યથા દૈવતં નાભિજાને

શિવોઽહં શિવોઽહં શિવોઽહં શિવોઽહમ્

॥ 35 ॥

શ્લોક 37

યતોઽજાયતેદં પ્રપઞ્ચં વિચિત્રં

સ્થિતિં યાતિ યસ્મિન્યદેકાન્તમન્તે ।

સ કર્માદિહીનઃ સ્વયઞ્જ્યોતિરાત્મા

શિવોઽહં શિવોઽહં શિવોઽહં શિવોઽહમ્

॥ 36 ॥

શ્લોક 38

કિરીટે નિશેશો લલાટે હુતાશો

ભુજે ભોગિરાજો ગલે કાલિમા ચ ।

તનૌ કામિની યસ્ય તત્તુલ્યદેવં

ન જાને ન જાને ન જાને ન જાને

॥ 37 ॥

શ્લોક 39

અનેન સ્તવેનાદરાદમ્બિકેશં

પરાં ભક્તિમાસાદ્ય યં યે નમન્તિ ।

મૃતૌ નિર્ભયાસ્તે જનાસ્તં ભજન્તે

હૃદમ્ભોજમધ્યે સદાસીનમીશમ્

॥ 38 ॥

શ્લોક 40

ભુજઙ્ગપ્રિયાકલ્પ શમ્ભો મયૈવં

ભુજઙ્ગપ્રયાતેન વૃત્તેન ક્લૃપ્તમ્ ।

નરઃ સ્તોત્રમેતત્પઠિત્વોરુભક્ત્યા

સુપુત્રાયુરારોગ્યમૈશ્વર્યમેતિ

॥ 39 ॥

શ્લોક 41