শিব ভুজঙ্গ স্তোত্রম্

শিব ভুজঙ্গ স্তোত্রম্

শ্লোক 1

গলদ্দানগণ্ডং মিলদ্ভৃঙ্গষণ্ডং

চলচ্চারুশুণ্ডং জগত্ত্রাণশৌণ্ডম্ ।

কনদ্দন্তকাণ্ডং বিপদ্ভঙ্গচণ্ডং

শিবপ্রেমপিণ্ডং ভজে বক্রতুণ্ডম্

শ্লোক 2

অনাদ্যন্তমাদ্যং পরং তত্ত্বমর্থং

চিদাকারমেকং তুরীযং ত্বমেযম্ ।

হরিব্রহ্মমৃগ্যং পরব্রহ্মরূপং

মনোবাগতীতং মহঃশৈবমীডে

॥ 1 ॥

শ্লোক 3

স্বশক্ত্যাদি শক্ত্যন্ত সিংহাসনস্থং

মনোহারি সর্বাঙ্গরত্নোরুভূষম্ ।

জটাহীন্দুগঙ্গাস্থিশম্যাকমৌলিং

পরাশক্তিমিত্রং নমঃ পঞ্চবক্ত্রম্

॥ 2 ॥

শ্লোক 4

শিবেশানতত্পূরুষাঘোরবামাদিভিঃ

পঞ্চভির্হৃন্মুখৈঃ ষড্ভিরঙ্গৈঃ ।

অনৌপম্য ষট্ত্রিংশতং তত্ত্ববিদ্যামতীতং

পরং ত্বাং কথং বেত্তি কো বা

॥ 3 ॥

শ্লোক 5

প্রবালপ্রবাহপ্রভাশোণমর্ধং

মরুত্বন্মণি শ্রীমহঃ শ্যামমর্ধম্ ।

গুণস্যূতমেতদ্বপুঃ শৈবমন্তঃ

স্মরামি স্মরাপত্তিসম্পত্তিহেতোঃ

॥ 4 ॥

শ্লোক 6

স্বসেবাসমাযাতদেবাসুরেন্দ্রা

নমন্মৌলিমন্দারমালাভিষিক্তম্ ।

নমস্যামি শম্ভো পদাম্ভোরুহং তে

ভবাম্ভোধিপোতং ভবানী বিভাব্যম্

॥ 5 ॥

শ্লোক 7

জগন্নাথ মন্নাথ গৌরীসনাথ

প্রপন্নানুকম্পিন্বিপন্নার্তিহারিন্ ।

মহঃস্তোমমূর্তে সমস্তৈকবন্ধো

নমস্তে নমস্তে পুনস্তে নমোঽস্তু

॥ 6 ॥

শ্লোক 8

বিরূপাক্ষ বিশ্বেশ বিশ্বাদিদেব

ত্রযী মূল শম্ভো শিব ত্র্যম্বক ত্বম্ ।

প্রসীদ স্মর ত্রাহি পশ্যাবমুক্ত্যৈ

ক্ষমাং প্রাপ্নুহি ত্র্যক্ষ মাং রক্ষ মোদাত্

॥ 7 ॥

শ্লোক 9

মহাদেব দেবেশ দেবাদিদেব

স্মরারে পুরারে যমারে হরেতি ।

ব্রুবাণঃ স্মরিষ্যামি ভক্ত্যা \লিনॆ ভবন্তং ততো মে দযাশীল দেব প্রসীদ

॥ 8 ॥

শ্লোক 10

ত্বদন্যঃ শরণ্যঃ প্রপন্নস্য নেতি

প্রসীদ স্মরন্নেব হন্যাস্তু দৈন্যম্ ।

ন চেত্তে ভবেদ্ভক্তবাত্সল্যহানিস্ততো

মে দযালো সদা সন্নিধেহি

॥ 9 ॥

শ্লোক 11

অযং দানকালস্ত্বহং দানপাত্রং

ভবানেব দাতা ত্বদন্যং ন যাচে ।

ভবদ্ভক্তিমেব স্থিরাং দেহি মহ্যং

কৃপাশীল শম্ভো কৃতার্থোঽস্মি তস্মাত্

॥ 10 ॥

শ্লোক 12

পশুং বেত্সি চেন্মাং তমেবাধিরূঢঃ

কলঙ্কীতি বা মূর্ধ্নি ধত্সে তমেব ।

দ্বিজিহ্বঃ পুনঃ সোঽপি তে কণ্ঠভূষা

ত্বদঙ্গীকৃতাঃ শর্ব সর্বেঽপি ধন্যাঃ

॥ 11 ॥

শ্লোক 13

ন শক্নোমি কর্তুং পরদ্রোহলেশং

কথং প্রীযসে ত্বং ন জানে গিরীশ ।

তথাহি প্রসন্নোঽসি কস্যাপি

কান্তাসুতদ্রোহিণো বা পিতৃদ্রোহিণো বা

॥ 12 ॥

শ্লোক 14

স্তুতিং ধ্যানমর্চাং যথাবদ্বিধাতুং

ভজন্নপ্যজানন্মহেশাবলম্বে ।

ত্রসন্তং সুতং ত্রাতুমগ্রে

মৃকণ্ডোর্যমপ্রাণনির্বাপণং ত্বত্পদাব্জম্

॥ 13 ॥

শ্লোক 15

শিরো দৃষ্টি হৃদ্রোগ শূল প্রমেহজ্বরার্শো জরাযক্ষ্মহিক্কাবিষার্তান্ ।

ত্বমাদ্যো ভিষগ্ভেষজং ভস্ম শম্ভো

ত্বমুল্লাঘযাস্মান্বপুর্লাঘবায

॥ 14 ॥

শ্লোক 16

দরিদ্রোঽস্ম্যভদ্রোঽস্মি ভগ্নোঽস্মি দূযে

বিষণ্ণোঽস্মি সন্নোঽস্মি খিন্নোঽস্মি চাহম্ ।

ভবান্প্রাণিনামন্তরাত্মাসি শম্ভো

মমাধিং ন বেত্সি প্রভো রক্ষ মাং ত্বম্

॥ 15 ॥

শ্লোক 17

ত্বদক্ষ্ণোঃ কটাক্ষঃ পতেত্ত্র্যক্ষ যত্র

ক্ষণং ক্ষ্মা চ লক্ষ্মীঃ স্বযং তং বৃণাতে ।

কিরীটস্ফুরচ্চামরচ্ছত্রমালাকলাচীগজক্ষৌমভূষাবিশেষৈঃ

॥ 16 ॥

শ্লোক 18

ভবান্যৈ ভবাযাপি মাত্রে চ পিত্রে

মৃডান্যৈ মৃডাযাপ্যঘঘ্ন্যৈ মখঘ্নে ।

শিবাঙ্গ্যৈ শিবাঙ্গায কুর্মঃ শিবাযৈ

শিবাযাম্বিকাযৈ নমস্ত্র্যম্বকায

॥ 17 ॥

শ্লোক 19

ভবদ্গৌরবং মল্লঘুত্বং বিদিত্বা

প্রভো রক্ষ কারুণ্যদৃষ্ট্যানুগং মাম্ ।

শিবাত্মানুভাবস্তুতাবক্ষমোঽহং

স্বশক্ত্যা কৃতং মেঽপরাধং ক্ষমস্ব

॥ 18 ॥

শ্লোক 20

যদা কর্ণরন্ধ্রং ব্রজেত্কালবাহদ্বিষত্কণ্ঠঘণ্টা ঘণাত্কারনাদঃ ।

বৃষাধীশমারুহ্য দেবৌপবাহ্যন্তদা

বত্স মা ভীরিতি প্রীণয ত্বম্

॥ 19 ॥

শ্লোক 21

যদা দারুণাভাষণা ভীষণা মে

ভবিষ্যন্ত্যুপান্তে কৃতান্তস্য দূতাঃ ।

তদা মন্মনস্ত্বত্পদাম্ভোরুহস্থং

কথং নিশ্চলং স্যান্নমস্তেঽস্তু শম্ভো

॥ 20 ॥

শ্লোক 22

যদা দুর্নিবারব্যথোঽহং শযানো

লুঠন্নিঃশ্বসন্নিঃসৃতাব্যক্তবাণিঃ ।

তদা জহ্নুকন্যাজলালঙ্কৃতং তে

জটামণ্ডলং মন্মনোমন্দিরে স্যাত্

॥ 21 ॥

শ্লোক 23

যদা পুত্রমিত্রাদযো মত্সকাশে

রুদন্ত্যস্য হা কীদৃশীযং দশেতি ।

তদা দেবদেবেশ গৌরীশ শম্ভো

নমস্তে শিবাযেত্যজস্রং ব্রবাণি

॥ 22 ॥

শ্লোক 24

যদা পশ্যতাং মামসৌ বেত্তি

নাস্মানযং শ্বাস এবেতি বাচো ভবেযুঃ ।

তদা ভূতিভূষং ভুজঙ্গাবনদ্ধং

পুরারে ভবন্তং স্ফুটং ভাবযেযম্

॥ 23 ॥

শ্লোক 25

যদা যাতনাদেহসন্দেহবাহী

ভবেদাত্মদেহে ন মোহো মহান্মে ।

তদা কাশশীতাংশুসঙ্কাশমীশ

স্মরারে বপুস্তে নমস্তে স্মরামি

॥ 24 ॥

শ্লোক 26

যদাপারমচ্ছাযমস্থানমদ্ভির্জনৈর্বা বিহীনং গমিষ্যামি মার্গম্ ।

তদা তং নিরুন্ধঙ্কৃতান্তস্য মার্গং

মহাদেব মহ্যং মনোজ্ঞং প্রযচ্ছ

॥ 25 ॥

শ্লোক 27

যদা রৌরবাদি স্মরন্নেব ভীত্যা

ব্রজাম্যত্র মোহং মহাদেব ঘোরম্ ।

তদা মামহো নাথ কস্তারযিষ্যত্যনাথং পরাধীনমর্ধেন্দুমৌলে

॥ 26 ॥

শ্লোক 28

যদা শ্বেতপত্রাযতালঙ্ঘ্যশক্তেঃ

কৃতান্তাদ্ভযং ভক্তিবাত্সল্যভাবাত্ ।

তদা পাহি মাং পার্বতীবল্লভান্যং

ন পশ্যামি পাতারমেতাদৃশং মে

॥ 27 ॥

শ্লোক 29

ইদানীমিদানীং মৃতির্মে ভবিত্রীত্যহো সন্ততং চিন্তযা পীডিতোঽস্মি ।

কথং নাম মা ভূন্মৃতৌ ভীতিরেষা

নমস্তে গতীনাং গতে নীলকণ্ঠ

॥ 28 ॥

শ্লোক 30

অমর্যাদমেবাহমাবালবৃদ্ধং

হরন্তং কৃতান্তং সমীক্ষ্যাস্মি ভীতঃ ।

মৃতৌ তাবকাঙ্ঘ্র্যব্জদিব্যপ্রসাদাদ্ভবানীপতে নির্ভযোঽহং ভবানি

॥ 29 ॥

শ্লোক 31

জরাজন্মগর্ভাধিবাসাদিদুঃখান্যসহ্যানি জহ্যাং জগন্নাথ দেব ।

ভবন্তং বিনা মে গতির্নৈব শম্ভো

দযালো ন জাগর্তি কিং বা দযা তে

॥ 30 ॥

শ্লোক 32

শিবাযেতি শব্দো নমঃপূর্ব এষ

স্মরন্মুক্তিকৃন্মৃত্যুহা তত্ত্ববাচী ।

মহেশান মা গান্মনস্তো বচস্তঃ

সদা মহ্যমেতত্প্রদানং প্রযচ্ছ

॥ 31 ॥

শ্লোক 33

ত্বমপ্যম্ব মাং পশ্য শীতাংশুমৌলিপ্রিযে ভেষজং ত্বং ভবব্যাধিশান্তৌ

বহুক্লেশভাজং পদাম্ভোজপোতে

ভবাব্ধৌ নিমগ্নং নযস্বাদ্য পারম্

॥ 32 ॥

শ্লোক 34

অনুদ্যল্ললাটাক্ষি বহ্নি প্ররোহৈরবামস্ফুরচ্চারুবামোরুশোভৈঃ ।

অনঙ্গভ্রমদ্ভোগিভূষাবিশেষৈরচন্দ্রার্ধচূডৈরলং দৈবতৈর্নঃ

॥ 33 ॥

শ্লোক 35

অকণ্ঠেকলঙ্কাদনঙ্গেভুজঙ্গাদপাণৌকপালাদফালেঽনলাক্ষাত্ ।

অমৌলৌশশাঙ্কাদবামেকলত্রাদহং দেবমন্যং ন মন্যে ন মন্যে

॥ 34 ॥

শ্লোক 36

মহাদেব শম্ভো গিরীশ ত্রিশূলিংস্ত্বদীযং সমস্তং বিভাতীতি যস্মাত্ ।

শিবাদন্যথা দৈবতং নাভিজানে

শিবোঽহং শিবোঽহং শিবোঽহং শিবোঽহম্

॥ 35 ॥

শ্লোক 37

যতোঽজাযতেদং প্রপঞ্চং বিচিত্রং

স্থিতিং যাতি যস্মিন্যদেকান্তমন্তে ।

স কর্মাদিহীনঃ স্বযঞ্জ্যোতিরাত্মা

শিবোঽহং শিবোঽহং শিবোঽহং শিবোঽহম্

॥ 36 ॥

শ্লোক 38

কিরীটে নিশেশো ললাটে হুতাশো

ভুজে ভোগিরাজো গলে কালিমা চ ।

তনৌ কামিনী যস্য তত্তুল্যদেবং

ন জানে ন জানে ন জানে ন জানে

॥ 37 ॥

শ্লোক 39

অনেন স্তবেনাদরাদম্বিকেশং

পরাং ভক্তিমাসাদ্য যং যে নমন্তি ।

মৃতৌ নির্ভযাস্তে জনাস্তং ভজন্তে

হৃদম্ভোজমধ্যে সদাসীনমীশম্

॥ 38 ॥

শ্লোক 40

ভুজঙ্গপ্রিযাকল্প শম্ভো মযৈবং

ভুজঙ্গপ্রযাতেন বৃত্তেন ক্লৃপ্তম্ ।

নরঃ স্তোত্রমেতত্পঠিত্বোরুভক্ত্যা

সুপুত্রাযুরারোগ্যমৈশ্বর্যমেতি

॥ 39 ॥

শ্লোক 41