శివ అష్టోత్తర శత నామ స్తోత్రమ్

శివ అష్టోత్తర శత నామ స్తోత్రమ్

శ్లోక 1

శివో మహేశ్వర-శ్శమ్భుః పినాకీ శశిశేఖరః

వామదేవో విరూపాక్షః కపర్దీ నీలలోహితః

శ్లోక 2

శఙ్కర-శ్శూలపాణిశ్చ ఖట్వాఙ్గీ విష్ణువల్లభః

శిపివిష్టోఽమ్బికానాథః శ్రీకణ్ఠో భక్తవత్సలః

॥ 1 ॥

శ్లోక 3

భవ-శ్శర్వ-స్త్రిలోకేశః శితికణ్ఠః శివాప్రియః

ఉగ్రః కపాలీ కామారి రన్ధకాసురసూదనః

॥ 2 ॥

శ్లోక 4

గఙ్గాధరో లలాటాక్షః కాలకాలః కృపానిధిః

భీమః పరశుహస్తశ్చ మృగపాణి-ర్జటాధరః

॥ 3 ॥

శ్లోక 5

కైలాసవాసీ కవచీ కఠోర-స్త్రిపురాన్తకః

వృషాఙ్కో వృషభారూఢో భస్మోద్ధూలితవిగ్రహః

॥ 4 ॥

శ్లోక 6

సామప్రియ-స్స్వరమయ-స్త్రయీమూర్తి-రనీశ్వరః

సర్వజ్ఞః పరమాత్మా చ సోమసూర్యాగ్నిలోచనః

॥ 5 ॥

శ్లోక 7

హవి-ర్యజ్ఞమయ-స్సోమః పఞ్చవక్త్ర-స్సదాశివః

విశ్వేశ్వరో వీరభద్రో గణనాథః ప్రజాపతిః

॥ 6 ॥

శ్లోక 8

హిరణ్యరేతా దుర్ధర్షో గిరీశో గిరిశోఽనఘః

భుజఙ్గభూషణో భర్గో గిరిధన్వా గిరిప్రియః

॥ 7 ॥

శ్లోక 9

కృత్తివాసాః పురారాతి-ర్భగవాన్ ప్రమథాధిపః

మృత్యుఞ్జయ-స్సూక్ష్మతను-ర్జగద్వ్యాపీ జగద్గురుః

॥ 8 ॥

శ్లోక 10

వ్యోమకేశో మహాసేనజనక-శ్చారువిక్రమః

రుద్రో భూతపతిః స్థాణు-రహిర్భుధ్న్యో దిగమ్బరః

॥ 9 ॥

శ్లోక 11

అష్టమూర్తి-రనేకాత్మా సాత్త్విక-శ్శుద్ధవిగ్రహః

శాశ్వతః ఖణ్డపరశు-రజః పాశవిమోచకః

॥ 10 ॥

శ్లోక 12

మృడః పశుపతి-ర్దేవో మహాదేవోఽవ్యయో హరిః

పూషదన్తభి-దవ్యగ్రో దక్షాధ్వరహరో హరః

॥ 11 ॥

శ్లోక 13

భగనేత్రభి-దవ్యక్తో సహస్రాక్ష-స్సహస్రపాత్

అపవర్గప్రదోఽనన్త-స్తారకః పరమేశ్వరః

॥ 12 ॥

శ్లోక 14

ఏవం శ్రీ శమ్భుదేవస్య నామ్నామష్టోత్తరం శతమ్ ॥

ఇతి శ్రీ శివాష్టోత్తరశతనామస్తోత్రరత్నం సమాప్తమ్ ।