ಶಿವ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶಿವ ಅಷ್ಟೋತ್ತರ ಶತ ನಾಮ ಸ್ತೋತ್ರಮ್

ಶ್ಲೋಕ 1

ಶಿವೋ ಮಹೇಶ್ವರ-ಶ್ಶಮ್ಭುಃ ಪಿನಾಕೀ ಶಶಿಶೇಖರಃ

ವಾಮದೇವೋ ವಿರೂಪಾಕ್ಷಃ ಕಪರ್ದೀ ನೀಲಲೋಹಿತಃ

ಶ್ಲೋಕ 2

ಶಙ್ಕರ-ಶ್ಶೂಲಪಾಣಿಶ್ಚ ಖಟ್ವಾಙ್ಗೀ ವಿಷ್ಣುವಲ್ಲಭಃ

ಶಿಪಿವಿಷ್ಟೋಽಮ್ಬಿಕಾನಾಥಃ ಶ್ರೀಕಣ್ಠೋ ಭಕ್ತವತ್ಸಲಃ

॥ 1 ॥

ಶ್ಲೋಕ 3

ಭವ-ಶ್ಶರ್ವ-ಸ್ತ್ರಿಲೋಕೇಶಃ ಶಿತಿಕಣ್ಠಃ ಶಿವಾಪ್ರಿಯಃ

ಉಗ್ರಃ ಕಪಾಲೀ ಕಾಮಾರಿ ರನ್ಧಕಾಸುರಸೂದನಃ

॥ 2 ॥

ಶ್ಲೋಕ 4

ಗಙ್ಗಾಧರೋ ಲಲಾಟಾಕ್ಷಃ ಕಾಲಕಾಲಃ ಕೃಪಾನಿಧಿಃ

ಭೀಮಃ ಪರಶುಹಸ್ತಶ್ಚ ಮೃಗಪಾಣಿ-ರ್ಜಟಾಧರಃ

॥ 3 ॥

ಶ್ಲೋಕ 5

ಕೈಲಾಸವಾಸೀ ಕವಚೀ ಕಠೋರ-ಸ್ತ್ರಿಪುರಾನ್ತಕಃ

ವೃಷಾಙ್ಕೋ ವೃಷಭಾರೂಢೋ ಭಸ್ಮೋದ್ಧೂಲಿತವಿಗ್ರಹಃ

॥ 4 ॥

ಶ್ಲೋಕ 6

ಸಾಮಪ್ರಿಯ-ಸ್ಸ್ವರಮಯ-ಸ್ತ್ರಯೀಮೂರ್ತಿ-ರನೀಶ್ವರಃ

ಸರ್ವಜ್ಞಃ ಪರಮಾತ್ಮಾ ಚ ಸೋಮಸೂರ್ಯಾಗ್ನಿಲೋಚನಃ

॥ 5 ॥

ಶ್ಲೋಕ 7

ಹವಿ-ರ್ಯಜ್ಞಮಯ-ಸ್ಸೋಮಃ ಪಞ್ಚವಕ್ತ್ರ-ಸ್ಸದಾಶಿವಃ

ವಿಶ್ವೇಶ್ವರೋ ವೀರಭದ್ರೋ ಗಣನಾಥಃ ಪ್ರಜಾಪತಿಃ

॥ 6 ॥

ಶ್ಲೋಕ 8

ಹಿರಣ್ಯರೇತಾ ದುರ್ಧರ್ಷೋ ಗಿರೀಶೋ ಗಿರಿಶೋಽನಘಃ

ಭುಜಙ್ಗಭೂಷಣೋ ಭರ್ಗೋ ಗಿರಿಧನ್ವಾ ಗಿರಿಪ್ರಿಯಃ

॥ 7 ॥

ಶ್ಲೋಕ 9

ಕೃತ್ತಿವಾಸಾಃ ಪುರಾರಾತಿ-ರ್ಭಗವಾನ್ ಪ್ರಮಥಾಧಿಪಃ

ಮೃತ್ಯುಞ್ಜಯ-ಸ್ಸೂಕ್ಷ್ಮತನು-ರ್ಜಗದ್ವ್ಯಾಪೀ ಜಗದ್ಗುರುಃ

॥ 8 ॥

ಶ್ಲೋಕ 10

ವ್ಯೋಮಕೇಶೋ ಮಹಾಸೇನಜನಕ-ಶ್ಚಾರುವಿಕ್ರಮಃ

ರುದ್ರೋ ಭೂತಪತಿಃ ಸ್ಥಾಣು-ರಹಿರ್ಭುಧ್ನ್ಯೋ ದಿಗಮ್ಬರಃ

॥ 9 ॥

ಶ್ಲೋಕ 11

ಅಷ್ಟಮೂರ್ತಿ-ರನೇಕಾತ್ಮಾ ಸಾತ್ತ್ವಿಕ-ಶ್ಶುದ್ಧವಿಗ್ರಹಃ

ಶಾಶ್ವತಃ ಖಣ್ಡಪರಶು-ರಜಃ ಪಾಶವಿಮೋಚಕಃ

॥ 10 ॥

ಶ್ಲೋಕ 12

ಮೃಡಃ ಪಶುಪತಿ-ರ್ದೇವೋ ಮಹಾದೇವೋಽವ್ಯಯೋ ಹರಿಃ

ಪೂಷದನ್ತಭಿ-ದವ್ಯಗ್ರೋ ದಕ್ಷಾಧ್ವರಹರೋ ಹರಃ

॥ 11 ॥

ಶ್ಲೋಕ 13

ಭಗನೇತ್ರಭಿ-ದವ್ಯಕ್ತೋ ಸಹಸ್ರಾಕ್ಷ-ಸ್ಸಹಸ್ರಪಾತ್

ಅಪವರ್ಗಪ್ರದೋಽನನ್ತ-ಸ್ತಾರಕಃ ಪರಮೇಶ್ವರಃ

॥ 12 ॥

ಶ್ಲೋಕ 14

ಏವಂ ಶ್ರೀ ಶಮ್ಭುದೇವಸ್ಯ ನಾಮ್ನಾಮಷ್ಟೋತ್ತರಂ ಶತಮ್ ॥

ಇತಿ ಶ್ರೀ ಶಿವಾಷ್ಟೋತ್ತರಶತನಾಮಸ್ತೋತ್ರರತ್ನಂ ಸಮಾಪ್ತಮ್ ।