Saraswati Suktam

සරස්වතී සූක්තම්

ශ්ලොක 1

-(ඍ.වේ.6.61)

ඉ॒යම්॑දදාද්රභ॒සමෘ॑ණ॒ච්යුත॒-න්දිවෝ᳚දාසං-වँද්ර්ය॒ශ්වාය॑ දා॒ශුෂේ᳚ .

යා ශශ්ව᳚න්තමාච॒ඛශදා᳚ව॒ස-ම්ප॒ණි-න්තා තේ᳚ දා॒ත්රාණි॑ තවි॒ෂා ස॑රස්වති .. 1 ..

ඉ॒යං ශුෂ්මේ᳚භිර්බිස॒ඛා ඉ॑වාරුජ॒ත්සානු॑ ගිරී॒ණා-න්ත॑වි॒ෂේභි॑රූ॒ර්මිභිඃ॑ .

පා॒රා॒ව॒ත॒ඝ්නීමව॑සේ සුවෘ॒ක්තිභි॑ස්සර॑ස්වතී॒ මා වි॑වාසේම ධී॒තිභිඃ॑ .. 2 ..

සර॑ස්වති දේව॒නිදෝ॒ නි බ॑ර්​හය ප්ර॒ජාං-විँශ්ව॑ස්ය॒ බෘස॑යස්ය මා॒යිනඃ॑ .

උ॒ත ක්ෂි॒තිභ්යෝ॒-(අ)වනී᳚රවින්දෝ වි॒ෂමේ᳚භ්යෝ අස්රවෝ වාජිනීවති .. 3 ..

ප්රණෝ᳚ දේ॒වී සර॑ස්වතී॒ වාජේ᳚භිර්වා॒ජිනී᳚වතී .

ධී॒නාම॑වි॒ත්ර්ය॑වතු .. 4 ..

යස්ත්වා᳚ දේවි සරස්වත්යුපබ්රූ॒තේ ධනේ᳚ හි॒තේ .

ඉන්ද්ර॒-න්න වෘ॑ත්ර॒තූර්යේ᳚ .. 5 ..

ත්ව-න්දේ᳚වි සරස්ව॒ත්යවා॒ වාජේ᳚ෂු වාජිනි .

රදා᳚ පූ॒ෂේව॑ න-ස්ස॒නිම් .. 6 ..

උ॒ත ස්යා න॒-ස්සර॑ස්වතී ඝෝ॒රා හිර᳚ණ්යවර්තනිඃ .

වෘ॒ත්ර॒ඝ්නී ව॑ෂ්ටි සුෂ්ටු॒තිම් .. 7 ..

යස්යා᳚ අන॒න්තෝ අහ්රු॑තස්ත්වේ॒ෂශ්ච॑රි॒ෂ්ණුර᳚ර්ණ॒වඃ .

අම॒ශ්චර॑ති॒ රෝරු॑වත් .. 8 ..

සා නෝ॒ විශ්වා॒ අති॒ ද්විෂ॒-ස්ස්වසෲ᳚ර॒න්යා ඍ॒තාව॑රී .

අත॒න්නහේ᳚ව॒ සූර්යඃ॑ .. 9 ..

උ॒ත නඃ॑ ප්රි॒යා ප්රි॒යාසු॑ ස॒ප්තස්ව॑සා॒ සුජු॑ෂ්ටා .

සර॑ස්වතී॒ ස්තෝම්යා᳚ භූත් .. 10 ..

ආ॒ප॒ප්රුෂී॒ පාර්ථි॑වාන්යු॒රු රජෝ᳚ අ॒න්තරි॑ක්ෂම් .

සර॑ස්වතී නි॒දස්පා᳚තු .. 11 ..

ත්රි॒ෂ॒ධස්ථා᳚ ස॒ප්තධා᳚තුඃ॒ පඤ්ච॑ ජා॒තා ව॒ර්ධය᳚න්තී .

වාජේ᳚වාජේ॒ හව්යා᳚ භූත් .. 12 ..

ප්ර යා ම॑හි॒ම්නා ම॒හිනා᳚සු॒ චේකි॑තේ ද්යු॒ම්නේභි॑ර॒න්යා අ॒පසා᳚ම॒පස්ත॑මා .

රථ॑ ඉව බෘහ॒තී වි॒භ්වනේ᳚ කෘ॒තෝප॒ස්තුත්යා᳚ චිකි॒තුෂා॒ සර॑ස්වතී .. 13 ..

සර॑ස්වත්ය॒භි නෝ᳚ නේෂි॒ වස්යෝ॒ මාප॑ ස්ඵරීඃ॒ පය॑සා॒ මා න॒ ආ ධ॑ක් .

ජු॒ෂස්ව॑ න-ස්ස॒ඛ්යා වේ॒ශ්යා᳚ ච॒ මා ත්ව-ත්ක්ෂේත්රා॒ණ්යර॑ණානි ගන්ම .. 14 ..

–(ඍ.වේ.7.95)

ප්ර ක්ෂෝද॑සා॒ ධාය॑සා සස්ර ඒ॒ෂා සර॑ස්වතී ධ॒රුණ॒මාය॑සී॒ පූඃ .

ප්ර॒බාබ॑ධානා ර॒ථ්යේ᳚ව යාති॒ විශ්වා᳚ අ॒පෝ ම॑හි॒නා සින්ධු॑ර॒න්යාඃ .. 15 ..

ඒකා᳚චේත॒ත්සර॑ස්වතී න॒දීනාං॒ ශුචි᳚ර්ය॒තී ගි॒රිභ්ය॒ ආ ස॑මු॒ද්රාත් .

රා॒යශ්චේත᳚න්තී॒ භුව॑නස්ය॒ භූරේ᳚ර්ඝෘ॒ත-ම්පයෝ᳚ දුදුහේ॒ නාහු॑ෂාය .. 16 ..

ස වා᳚වෘධේ॒ නර්යෝ॒ යෝෂ॑ණාසු॒ වෘෂා॒ ශිශු᳚ර්වෘෂ॒භෝ ය॒ජ්ඤියා᳚සු .

ස වා॒ජින᳚-ම්ම॒ඝව॑ද්භ්යෝ දධාති॒ වි සා॒තයේ᳚ ත॒න්ව᳚-ම්මාමෘජීත .. 17 ..

උ॒ත ස්යා න॒-ස්සර॑ස්වතී ජුෂා॒ණෝප॑ ශ්රවත්සු॒භගා᳚ ය॒ජ්ඤේ අ॒ස්මින්න් .

මි॒තජ්ඤු॑භිර්නම॒ස්යෛ᳚රියා॒නා රා॒යා යු॒ජා චි॒දුත්ත॑රා॒ සඛි॑භ්යඃ .. 18 ..

ඉ॒මා ජුහ්වා᳚නා යු॒ෂ්මදා නමෝ᳚භිඃ॒ ප්රති॒ ස්තෝමං᳚ සරස්වති ජුෂස්ව .

තව॒ ශර්ම᳚න්ප්රි॒යත॑මේ॒ දධා᳚නා॒ උප॑ ස්ථේයාම ශර॒ණ-න්න වෘ॒ක්ෂම් .. 19 ..

අ॒යමු॑ තේ සරස්වති॒ වසි॑ෂ්ඨෝ॒ ද්වාරා᳚වෘ॒තස්ය॑ සුභගේ॒ ව්යා᳚වඃ .

වර්ධ॑ ශුභ්රේ ස්තුව॒තේ රා᳚සි॒ වාජා॑න්යූ॒ය-ම්පා᳚ත ස්ව॒ස්තිභි॒-ස්සදා᳚ නඃ .. 20 ..

(ඍ.වේ.7.96)

බෘ॒හදු॑ ගායිෂේ॒ වචෝ᳚-(අ)සු॒ර්යා᳚ න॒දීනා᳚ම් .

සර॑ස්වතී॒මින්ම॑හයා සුවෘ॒ක්තිභි॒ස්ස්තෝමෛ᳚ර්වසිෂ්ඨ॒ රෝද॑සී .. 21 ..

උ॒භේ යත්තේ᳚ මහි॒නා ශු॑භ්රේ॒ අන්ධ॑සී අධික්ෂි॒යන්ති॑ පූ॒රවඃ॑ .

සා නෝ᳚ බෝධ්යවි॒ත්රී ම॒රුත්ස॑ඛා॒ චෝද॒ රාධෝ᳚ ම॒ඝෝනා᳚ම් .. 22 ..

භ॒ද්රමිද්භ॒ද්රා කෘ॑ණව॒ත්සර॑ස්ව॒ත්යක॑වාරී චේතති වා॒ජිනී᳚වතී .

ගෘ॒ණා॒නා ජ॑මදග්නි॒වත්ස්තු॑වා॒නා ච॑ වසිෂ්ඨ॒වත් .. 23 ..

ජ॒නී॒යන්තෝ॒ න්වග්ර॑වඃ පුත්රී॒යන්තඃ॑ සු॒දාන॑වඃ .

සර॑ස්වන්තං හවාමහේ .. 24 ..

යේ තේ᳚ සරස්ව ඌ॒ර්මයෝ॒ මධු॑මන්තෝ ඝෘත॒ශ්චුතඃ॑ .

තේභි᳚ර්නෝ-(අ)වි॒තා භ॒ව .. 25 ..

පී॒පි॒වාංසං॒ සර॑ස්වත॒-ස්ස්තනං॒-යෝँ වි॒ශ්වද॑ර්​ශතඃ .

භ॒ක්ෂී॒මහි॑ ප්ර॒ජාමිෂම්᳚ .. 26 ..

(ඍ.වේ.2.41.16)

අම්බි॑තමේ॒ නදී᳚තමේ॒ දේවි॑තමේ॒ සර॑ස්වති .

අ॒ප්ර॒ශ॒ස්තා ඉ॑ව ස්මසි॒ ප්රශ॑ස්තිමම්බ නස්කෘධි .. 27 ..

ත්වේ විශ්වා᳚ සරස්වති ශ්රි॒තායූං᳚ෂි දේ॒ව්යාම් .

ශු॒නහෝ᳚ත්රේෂු මත්ස්ව ප්ර॒ජා-න්දේ᳚වි දිදිඩ්ඪි නඃ .. 28 ..

ඉ॒මා බ්රහ්ම॑ සරස්වති ජු॒ෂස්ව॑ වාජිනීවති .

යා තේ॒ මන්ම॑ ගෘත්සම॒දා ඍ॑තාවරි ප්රි॒යා දේ॒වේෂු॒ ජුහ්ව॑ති .. 29 ..

(ඍ.වේ.1.3.10)

පා॒ව॒කා න॒-ස්සර॑ස්වතී॒ වාජේ᳚භිර්වා॒ජිනී᳚වතී .

ය॒ජ්ඤං-වँ॑ෂ්ටු ධි॒යාව॑සුඃ .. 30 ..

චෝ॒ද॒යි॒ත්රී සූ॒නෘතා᳚නා॒-ඤ්චේත᳚න්තී සුමතී॒නාම් .

ය॒ජ්ඤ-න්ද॑ධේ॒ සර॑ස්වතී .. 31 ..

ම॒හෝ අර්ණ॒-ස්සර॑ස්වතී॒ ප්ර චේ᳚තයති කේ॒තුනා᳚ .

ධියෝ॒ විශ්වා॒ වි රා᳚ජති .. 32 ..

(ඍ.වේ.10.17.7)

සර॑ස්වතී-න්දේව॒යන්තෝ᳚ හවන්තේ॒ සර॑ස්වතීමධ්ව॒රේ තා॒යමා᳚නේ .

සර॑ස්වතීං සු॒කෘතෝ᳚ අහ්වයන්ත॒ සර॑ස්වතී දා॒ශුෂේ॒ වාර්ය᳚-න්දාත් .. 33 ..

සර॑ස්වති॒ යා ස॒රථං᳚-යँ॒යාථ॑ ස්ව॒ධාභි॑ර්දේවි පි॒තෘභි॒ර්මද᳚න්තී .

ආ॒සද්යා॒ස්මින්බ॒ර්​හිෂි॑ මාදයස්වානමී॒වා ඉෂ॒ ආ ධේ᳚හ්ය॒ස්මේ .. 34 ..

සර॑ස්වතීං॒-යාँ-ම්පි॒තරෝ॒ හව᳚න්තේ දක්ෂි॒ණා ය॒ජ්ඤම॑භි॒නක්ෂ॑මාණාඃ .

ස॒හ॒ස්රා॒ර්ඝමි॒ලෝ අත්ර॑ භා॒ගං රා॒යස්පෝෂං॒-යँජ॑මානේෂු ධේහි .. 35 ..

(ඍ.වේ.5.43.11)

ආ නෝ᳚ දි॒වෝ බෘ॑හ॒තඃ පර්ව॑තා॒දා සර॑ස්වතී යජ॒තා ග᳚න්තු ය॒ජ්ඤම් .

හව᳚-න්දේ॒වී ජු॑ජුෂා॒ණා ඝෘ॒තාචී᳚ ශ॒ග්මා-න්නෝ॒ වාච॑මුශ॒තී ශෘ॑ණෝතු .. 36 ..

(ඍ.වේ.2.32.4)

රා॒කාම॒හං සු॒හවාං᳚ සුෂ්ටු॒තී හු॑වේ ශෘ॒ණෝතු॑ න-ස්සු॒භගා॒ බෝධ॑තු॒ ත්මනා᳚ .

සීව්ය॒ත්වපඃ॑ සූ॒ච්යාච්ඡි॑ද්යමානයා॒ දදා᳚තු වී॒රං ශ॒තදා᳚යමු॒ක්ථ්යම්᳚ .. 37 ..

යාස්තේ᳚ රාකේ සුම॒තයඃ॑ සු॒පේශ॑සෝ॒ යාභි॒ර්දදා᳚සි දා॒ශුෂේ॒ වසූ᳚නි .

තාභි᳚ර්නෝ අ॒ද්ය සු॒මනා᳚ උ॒පාග॑හි සහස්රපෝ॒ෂං සු॑භගේ॒ රරා᳚ණා .. 38 ..

සිනී᳚වාලි॒ පෘථු॑ෂ්ටුකේ॒ යා දේ॒වානා॒මසි॒ ස්වසා᳚ .

ජු॒ෂස්ව॑ හ॒ව්යමාහු॑ත-ම්ප්ර॒ජා-න්දේ᳚වි දිදිඩ්ඪි නඃ .. 39 ..

යා සු॑බා॒හු-ස්ස්ව᳚ඞ්ගු॒රි-ස්සු॒ෂූමා᳚ බහු॒සූව॑රී .

තස්යෛ᳚ වි॒ශ්පත්න්යෛ᳚ හ॒වි-ස්සි॑නීවා॒ල්යෛ ජු॑හෝතන .. 40 ..

යා ගු॒ඞ්ගූර්යා සි॑නීවා॒ලී යා රා॒කා යා සර॑ස්වතී .

ඉ॒න්ද්රා॒ණීම॑හ්ව ඌ॒තයේ᳚ වරුණා॒නීං ස්ව॒ස්තයේ᳚ .. 41 ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..