Saraswati Suktam

sarasvatI sUktam

zloka 1

-(R.ve.6.61)

i॒yam॑dadAdrabha॒samR॑Na॒cyuta॒-ndivo᳚dAsaM-va~drya॒zvAya॑ dA॒zuSe᳚ |

yA zazva᳚ntamAca॒khazadA᳚va॒sa-mpa॒Ni-ntA te᳚ dA॒trANi॑ tavi॒SA sa॑rasvati || 1 ||

i॒yaM zuSme᳚bhirbisa॒khA i॑vAruja॒tsAnu॑ girI॒NA-nta॑vi॒Sebhi॑rU॒rmibhiH॑ |

pA॒rA॒va॒ta॒ghnImava॑se suvR॒ktibhi॑ssara॑svatI॒ mA vi॑vAsema dhI॒tibhiH॑ || 2 ||

sara॑svati deva॒nido॒ ni ba॑r​haya pra॒jAM-vi~zva॑sya॒ bRsa॑yasya mA॒yinaH॑ |

u॒ta kSi॒tibhyo॒-'vanI᳚ravindo vi॒Same᳚bhyo asravo vAjinIvati || 3 ||

praNo᳚ de॒vI sara॑svatI॒ vAje᳚bhirvA॒jinI᳚vatI |

dhI॒nAma॑vi॒trya॑vatu || 4 ||

yastvA᳚ devi sarasvatyupabrU॒te dhane᳚ hi॒te |

indra॒-nna vR॑tra॒tUrye᳚ || 5 ||

tva-nde᳚vi sarasva॒tyavA॒ vAje᳚Su vAjini |

radA᳚ pU॒Seva॑ na-ssa॒nim || 6 ||

u॒ta syA na॒-ssara॑svatI gho॒rA hira᳚NyavartaniH |

vR॒tra॒ghnI va॑STi suSTu॒tim || 7 ||

yasyA᳚ ana॒nto ahru॑tastve॒Sazca॑ri॒SNura᳚rNa॒vaH |

ama॒zcara॑ti॒ roru॑vat || 8 ||

sA no॒ vizvA॒ ati॒ dviSa॒-ssvasRR᳚ra॒nyA R॒tAva॑rI |

ata॒nnahe᳚va॒ sUryaH॑ || 9 ||

u॒ta naH॑ pri॒yA pri॒yAsu॑ sa॒ptasva॑sA॒ suju॑STA |

sara॑svatI॒ stomyA᳚ bhUt || 10 ||

A॒pa॒pruSI॒ pArthi॑vAnyu॒ru rajo᳚ a॒ntari॑kSam |

sara॑svatI ni॒daspA᳚tu || 11 ||

tri॒Sa॒dhasthA᳚ sa॒ptadhA᳚tuH॒ paJca॑ jA॒tA va॒rdhaya᳚ntI |

vAje᳚vAje॒ havyA᳚ bhUt || 12 ||

pra yA ma॑hi॒mnA ma॒hinA᳚su॒ ceki॑te dyu॒mnebhi॑ra॒nyA a॒pasA᳚ma॒pasta॑mA |

ratha॑ iva bRha॒tI vi॒bhvane᳚ kR॒topa॒stutyA᳚ ciki॒tuSA॒ sara॑svatI || 13 ||

sara॑svatya॒bhi no᳚ neSi॒ vasyo॒ mApa॑ spharIH॒ paya॑sA॒ mA na॒ A dha॑k |

ju॒Sasva॑ na-ssa॒khyA ve॒zyA᳚ ca॒ mA tva-tkSetrA॒Nyara॑NAni ganma || 14 ||

–(R.ve.7.95)

pra kSoda॑sA॒ dhAya॑sA sasra e॒SA sara॑svatI dha॒ruNa॒mAya॑sI॒ pUH |

pra॒bAba॑dhAnA ra॒thye᳚va yAti॒ vizvA᳚ a॒po ma॑hi॒nA sindhu॑ra॒nyAH || 15 ||

ekA᳚ceta॒tsara॑svatI na॒dInAM॒ zuci᳚rya॒tI gi॒ribhya॒ A sa॑mu॒drAt |

rA॒yazceta᳚ntI॒ bhuva॑nasya॒ bhUre᳚rghR॒ta-mpayo᳚ duduhe॒ nAhu॑SAya || 16 ||

sa vA᳚vRdhe॒ naryo॒ yoSa॑NAsu॒ vRSA॒ zizu᳚rvRSa॒bho ya॒jJiyA᳚su |

sa vA॒jina᳚-mma॒ghava॑dbhyo dadhAti॒ vi sA॒taye᳚ ta॒nva᳚-mmAmRjIta || 17 ||

u॒ta syA na॒-ssara॑svatI juSA॒Nopa॑ zravatsu॒bhagA᳚ ya॒jJe a॒sminn |

mi॒tajJu॑bhirnama॒syai᳚riyA॒nA rA॒yA yu॒jA ci॒dutta॑rA॒ sakhi॑bhyaH || 18 ||

i॒mA juhvA᳚nA yu॒SmadA namo᳚bhiH॒ prati॒ stomaM᳚ sarasvati juSasva |

tava॒ zarma᳚npri॒yata॑me॒ dadhA᳚nA॒ upa॑ stheyAma zara॒Na-nna vR॒kSam || 19 ||

a॒yamu॑ te sarasvati॒ vasi॑STho॒ dvArA᳚vR॒tasya॑ subhage॒ vyA᳚vaH |

vardha॑ zubhre stuva॒te rA᳚si॒ vAjA॑nyU॒ya-mpA᳚ta sva॒stibhi॒-ssadA᳚ naH || 20 ||

(R.ve.7.96)

bR॒hadu॑ gAyiSe॒ vaco᳚-'su॒ryA᳚ na॒dInA᳚m |

sara॑svatI॒minma॑hayA suvR॒ktibhi॒sstomai᳚rvasiSTha॒ roda॑sI || 21 ||

u॒bhe yatte᳚ mahi॒nA zu॑bhre॒ andha॑sI adhikSi॒yanti॑ pU॒ravaH॑ |

sA no᳚ bodhyavi॒trI ma॒rutsa॑khA॒ coda॒ rAdho᳚ ma॒ghonA᳚m || 22 ||

bha॒dramidbha॒drA kR॑Nava॒tsara॑sva॒tyaka॑vArI cetati vA॒jinI᳚vatI |

gR॒NA॒nA ja॑madagni॒vatstu॑vA॒nA ca॑ vasiSTha॒vat || 23 ||

ja॒nI॒yanto॒ nvagra॑vaH putrI॒yantaH॑ su॒dAna॑vaH |

sara॑svantaM havAmahe || 24 ||

ye te᳚ sarasva U॒rmayo॒ madhu॑manto ghRta॒zcutaH॑ |

tebhi᳚rno-'vi॒tA bha॒va || 25 ||

pI॒pi॒vAMsaM॒ sara॑svata॒-sstanaM॒-yo~ vi॒zvada॑r​zataH |

bha॒kSI॒mahi॑ pra॒jAmiSam᳚ || 26 ||

(R.ve.2.41.16)

ambi॑tame॒ nadI᳚tame॒ devi॑tame॒ sara॑svati |

a॒pra॒za॒stA i॑va smasi॒ praza॑stimamba naskRdhi || 27 ||

tve vizvA᳚ sarasvati zri॒tAyUM᳚Si de॒vyAm |

zu॒naho᳚treSu matsva pra॒jA-nde᳚vi didiDDhi naH || 28 ||

i॒mA brahma॑ sarasvati ju॒Sasva॑ vAjinIvati |

yA te॒ manma॑ gRtsama॒dA R॑tAvari pri॒yA de॒veSu॒ juhva॑ti || 29 ||

(R.ve.1.3.10)

pA॒va॒kA na॒-ssara॑svatI॒ vAje᳚bhirvA॒jinI᳚vatI |

ya॒jJaM-va~॑STu dhi॒yAva॑suH || 30 ||

co॒da॒yi॒trI sU॒nRtA᳚nA॒-Jceta᳚ntI sumatI॒nAm |

ya॒jJa-nda॑dhe॒ sara॑svatI || 31 ||

ma॒ho arNa॒-ssara॑svatI॒ pra ce᳚tayati ke॒tunA᳚ |

dhiyo॒ vizvA॒ vi rA᳚jati || 32 ||

(R.ve.10.17.7)

sara॑svatI-ndeva॒yanto᳚ havante॒ sara॑svatImadhva॒re tA॒yamA᳚ne |

sara॑svatIM su॒kRto᳚ ahvayanta॒ sara॑svatI dA॒zuSe॒ vArya᳚-ndAt || 33 ||

sara॑svati॒ yA sa॒rathaM᳚-ya~॒yAtha॑ sva॒dhAbhi॑rdevi pi॒tRbhi॒rmada᳚ntI |

A॒sadyA॒sminba॒r​hiSi॑ mAdayasvAnamI॒vA iSa॒ A dhe᳚hya॒sme || 34 ||

sara॑svatIM॒-yA~-mpi॒taro॒ hava᳚nte dakSi॒NA ya॒jJama॑bhi॒nakSa॑mANAH |

sa॒ha॒srA॒rghami॒lo atra॑ bhA॒gaM rA॒yaspoSaM॒-ya~ja॑mAneSu dhehi || 35 ||

(R.ve.5.43.11)

A no᳚ di॒vo bR॑ha॒taH parva॑tA॒dA sara॑svatI yaja॒tA ga᳚ntu ya॒jJam |

hava᳚-nde॒vI ju॑juSA॒NA ghR॒tAcI᳚ za॒gmA-nno॒ vAca॑muza॒tI zR॑Notu || 36 ||

(R.ve.2.32.4)

rA॒kAma॒haM su॒havAM᳚ suSTu॒tI hu॑ve zR॒Notu॑ na-ssu॒bhagA॒ bodha॑tu॒ tmanA᳚ |

sIvya॒tvapaH॑ sU॒cyAcchi॑dyamAnayA॒ dadA᳚tu vI॒raM za॒tadA᳚yamu॒kthyam᳚ || 37 ||

yAste᳚ rAke suma॒tayaH॑ su॒peza॑so॒ yAbhi॒rdadA᳚si dA॒zuSe॒ vasU᳚ni |

tAbhi᳚rno a॒dya su॒manA᳚ u॒pAga॑hi sahasrapo॒SaM su॑bhage॒ rarA᳚NA || 38 ||

sinI᳚vAli॒ pRthu॑STuke॒ yA de॒vAnA॒masi॒ svasA᳚ |

ju॒Sasva॑ ha॒vyamAhu॑ta-mpra॒jA-nde᳚vi didiDDhi naH || 39 ||

yA su॑bA॒hu-ssva᳚Ggu॒ri-ssu॒SUmA᳚ bahu॒sUva॑rI |

tasyai᳚ vi॒zpatnyai᳚ ha॒vi-ssi॑nIvA॒lyai ju॑hotana || 40 ||

yA gu॒GgUryA si॑nIvA॒lI yA rA॒kA yA sara॑svatI |

i॒ndrA॒NIma॑hva U॒taye᳚ varuNA॒nIM sva॒staye᳚ || 41 ||

OM zAnti॒-zzAnti॒-zzAntiH॑ ||