Saraswati Suktam

সরস্বতী সূক্তম্

শ্লোক 1

-(ঋ.বে.6.61)

ই॒যম্॑দদাদ্রভ॒সমৃ॑ণ॒চ্যুত॒-ন্দিবো᳚দাসং-বঁদ্র্য॒শ্বায॑ দা॒শুষে᳚ ।

যা শশ্ব᳚ন্তমাচ॒খশদা᳚ব॒স-ম্প॒ণি-ন্তা তে᳚ দা॒ত্রাণি॑ তবি॒ষা স॑রস্বতি

শ্লোক 2

ই॒যং শুষ্মে᳚ভির্বিস॒খা ই॑বারুজ॒ত্সানু॑ গিরী॒ণা-ন্ত॑বি॒ষেভি॑রূ॒র্মিভিঃ॑ ।

পা॒রা॒ব॒ত॒ঘ্নীমব॑সে সুবৃ॒ক্তিভি॑স্সর॑স্বতী॒ মা বি॑বাসেম ধী॒তিভিঃ॑

॥ 1 ॥

শ্লোক 3

সর॑স্বতি দেব॒নিদো॒ নি ব॑র্​হয প্র॒জাং-বিঁশ্ব॑স্য॒ বৃস॑যস্য মা॒যিনঃ॑ ।

উ॒ত ক্ষি॒তিভ্যো॒-ঽবনী᳚রবিন্দো বি॒ষমে᳚ভ্যো অস্রবো বাজিনীবতি

॥ 2 ॥

শ্লোক 4

প্রণো᳚ দে॒বী সর॑স্বতী॒ বাজে᳚ভির্বা॒জিনী᳚বতী ।

ধী॒নাম॑বি॒ত্র্য॑বতু

॥ 3 ॥

শ্লোক 5

যস্ত্বা᳚ দেবি সরস্বত্যুপব্রূ॒তে ধনে᳚ হি॒তে ।

ইন্দ্র॒-ন্ন বৃ॑ত্র॒তূর্যে᳚

॥ 4 ॥

শ্লোক 6

ত্ব-ন্দে᳚বি সরস্ব॒ত্যবা॒ বাজে᳚ষু বাজিনি ।

রদা᳚ পূ॒ষেব॑ ন-স্স॒নিম্

॥ 5 ॥

শ্লোক 7

উ॒ত স্যা ন॒-স্সর॑স্বতী ঘো॒রা হির᳚ণ্যবর্তনিঃ ।

বৃ॒ত্র॒ঘ্নী ব॑ষ্টি সুষ্টু॒তিম্

॥ 6 ॥

শ্লোক 8

যস্যা᳚ অন॒ন্তো অহ্রু॑তস্ত্বে॒ষশ্চ॑রি॒ষ্ণুর᳚র্ণ॒বঃ ।

অম॒শ্চর॑তি॒ রোরু॑বত্

॥ 7 ॥

শ্লোক 9

সা নো॒ বিশ্বা॒ অতি॒ দ্বিষ॒-স্স্বসৄ᳚র॒ন্যা ঋ॒তাব॑রী ।

অত॒ন্নহে᳚ব॒ সূর্যঃ॑

॥ 8 ॥

শ্লোক 10

উ॒ত নঃ॑ প্রি॒যা প্রি॒যাসু॑ স॒প্তস্ব॑সা॒ সুজু॑ষ্টা ।

সর॑স্বতী॒ স্তোম্যা᳚ ভূত্

॥ 9 ॥

শ্লোক 11

আ॒প॒প্রুষী॒ পার্থি॑বান্যু॒রু রজো᳚ অ॒ন্তরি॑ক্ষম্ ।

সর॑স্বতী নি॒দস্পা᳚তু

॥ 10 ॥

শ্লোক 12

ত্রি॒ষ॒ধস্থা᳚ স॒প্তধা᳚তুঃ॒ পঞ্চ॑ জা॒তা ব॒র্ধয᳚ন্তী ।

বাজে᳚বাজে॒ হব্যা᳚ ভূত্

॥ 11 ॥

শ্লোক 13

প্র যা ম॑হি॒ম্না ম॒হিনা᳚সু॒ চেকি॑তে দ্যু॒ম্নেভি॑র॒ন্যা অ॒পসা᳚ম॒পস্ত॑মা ।

রথ॑ ইব বৃহ॒তী বি॒ভ্বনে᳚ কৃ॒তোপ॒স্তুত্যা᳚ চিকি॒তুষা॒ সর॑স্বতী

॥ 12 ॥

শ্লোক 14

সর॑স্বত্য॒ভি নো᳚ নেষি॒ বস্যো॒ মাপ॑ স্ফরীঃ॒ পয॑সা॒ মা ন॒ আ ধ॑ক্ ।

জু॒ষস্ব॑ ন-স্স॒খ্যা বে॒শ্যা᳚ চ॒ মা ত্ব-ত্ক্ষেত্রা॒ণ্যর॑ণানি গন্ম

॥ 13 ॥

শ্লোক 15

–(ঋ.বে.7.95)

প্র ক্ষোদ॑সা॒ ধায॑সা সস্র এ॒ষা সর॑স্বতী ধ॒রুণ॒মায॑সী॒ পূঃ ।

প্র॒বাব॑ধানা র॒থ্যে᳚ব যাতি॒ বিশ্বা᳚ অ॒পো ম॑হি॒না সিন্ধু॑র॒ন্যাঃ

॥ 14 ॥

শ্লোক 16

একা᳚চেত॒ত্সর॑স্বতী ন॒দীনাং॒ শুচি᳚র্য॒তী গি॒রিভ্য॒ আ স॑মু॒দ্রাত্ ।

রা॒যশ্চেত᳚ন্তী॒ ভুব॑নস্য॒ ভূরে᳚র্ঘৃ॒ত-ম্পযো᳚ দুদুহে॒ নাহু॑ষায

॥ 15 ॥

শ্লোক 17

স বা᳚বৃধে॒ নর্যো॒ যোষ॑ণাসু॒ বৃষা॒ শিশু᳚র্বৃষ॒ভো য॒জ্ঞিযা᳚সু ।

স বা॒জিন᳚-ম্ম॒ঘব॑দ্ভ্যো দধাতি॒ বি সা॒তযে᳚ ত॒ন্ব᳚-ম্মামৃজীত

॥ 16 ॥

শ্লোক 18

উ॒ত স্যা ন॒-স্সর॑স্বতী জুষা॒ণোপ॑ শ্রবত্সু॒ভগা᳚ য॒জ্ঞে অ॒স্মিন্ন্ ।

মি॒তজ্ঞু॑ভির্নম॒স্যৈ᳚রিযা॒না রা॒যা যু॒জা চি॒দুত্ত॑রা॒ সখি॑ভ্যঃ

॥ 17 ॥

শ্লোক 19

ই॒মা জুহ্বা᳚না যু॒ষ্মদা নমো᳚ভিঃ॒ প্রতি॒ স্তোমং᳚ সরস্বতি জুষস্ব ।

তব॒ শর্ম᳚ন্প্রি॒যত॑মে॒ দধা᳚না॒ উপ॑ স্থেযাম শর॒ণ-ন্ন বৃ॒ক্ষম্

॥ 18 ॥

শ্লোক 20

অ॒যমু॑ তে সরস্বতি॒ বসি॑ষ্ঠো॒ দ্বারা᳚বৃ॒তস্য॑ সুভগে॒ ব্যা᳚বঃ ।

বর্ধ॑ শুভ্রে স্তুব॒তে রা᳚সি॒ বাজা॑ন্যূ॒য-ম্পা᳚ত স্ব॒স্তিভি॒-স্সদা᳚ নঃ

॥ 19 ॥

শ্লোক 21

(ঋ.বে.7.96)

বৃ॒হদু॑ গাযিষে॒ বচো᳚-ঽসু॒র্যা᳚ ন॒দীনা᳚ম্ ।

সর॑স্বতী॒মিন্ম॑হযা সুবৃ॒ক্তিভি॒স্স্তোমৈ᳚র্বসিষ্ঠ॒ রোদ॑সী

॥ 20 ॥

শ্লোক 22

উ॒ভে যত্তে᳚ মহি॒না শু॑ভ্রে॒ অন্ধ॑সী অধিক্ষি॒যন্তি॑ পূ॒রবঃ॑ ।

সা নো᳚ বোধ্যবি॒ত্রী ম॒রুত্স॑খা॒ চোদ॒ রাধো᳚ ম॒ঘোনা᳚ম্

॥ 21 ॥

শ্লোক 23

ভ॒দ্রমিদ্ভ॒দ্রা কৃ॑ণব॒ত্সর॑স্ব॒ত্যক॑বারী চেততি বা॒জিনী᳚বতী ।

গৃ॒ণা॒না জ॑মদগ্নি॒বত্স্তু॑বা॒না চ॑ বসিষ্ঠ॒বত্

॥ 22 ॥

শ্লোক 24

জ॒নী॒যন্তো॒ ন্বগ্র॑বঃ পুত্রী॒যন্তঃ॑ সু॒দান॑বঃ ।

সর॑স্বন্তং হবামহে

॥ 23 ॥

শ্লোক 25

যে তে᳚ সরস্ব ঊ॒র্মযো॒ মধু॑মন্তো ঘৃত॒শ্চুতঃ॑ ।

তেভি᳚র্নো-ঽবি॒তা ভ॒ব

॥ 24 ॥

শ্লোক 26

পী॒পি॒বাংসং॒ সর॑স্বত॒-স্স্তনং॒-যোঁ বি॒শ্বদ॑র্​শতঃ ।

ভ॒ক্ষী॒মহি॑ প্র॒জামিষম্᳚

॥ 25 ॥

শ্লোক 27

(ঋ.বে.2.41.16)

অম্বি॑তমে॒ নদী᳚তমে॒ দেবি॑তমে॒ সর॑স্বতি ।

অ॒প্র॒শ॒স্তা ই॑ব স্মসি॒ প্রশ॑স্তিমম্ব নস্কৃধি

॥ 26 ॥

শ্লোক 28

ত্বে বিশ্বা᳚ সরস্বতি শ্রি॒তাযূং᳚ষি দে॒ব্যাম্ ।

শু॒নহো᳚ত্রেষু মত্স্ব প্র॒জা-ন্দে᳚বি দিদিড্ঢি নঃ

॥ 27 ॥

শ্লোক 29

ই॒মা ব্রহ্ম॑ সরস্বতি জু॒ষস্ব॑ বাজিনীবতি ।

যা তে॒ মন্ম॑ গৃত্সম॒দা ঋ॑তাবরি প্রি॒যা দে॒বেষু॒ জুহ্ব॑তি

॥ 28 ॥

শ্লোক 30

(ঋ.বে.1.3.10)

পা॒ব॒কা ন॒-স্সর॑স্বতী॒ বাজে᳚ভির্বা॒জিনী᳚বতী ।

য॒জ্ঞং-বঁ॑ষ্টু ধি॒যাব॑সুঃ

॥ 29 ॥

শ্লোক 31

চো॒দ॒যি॒ত্রী সূ॒নৃতা᳚না॒-ঞ্চেত᳚ন্তী সুমতী॒নাম্ ।

য॒জ্ঞ-ন্দ॑ধে॒ সর॑স্বতী

॥ 30 ॥

শ্লোক 32

ম॒হো অর্ণ॒-স্সর॑স্বতী॒ প্র চে᳚তযতি কে॒তুনা᳚ ।

ধিযো॒ বিশ্বা॒ বি রা᳚জতি

॥ 31 ॥

শ্লোক 33

(ঋ.বে.10.17.7)

সর॑স্বতী-ন্দেব॒যন্তো᳚ হবন্তে॒ সর॑স্বতীমধ্ব॒রে তা॒যমা᳚নে ।

সর॑স্বতীং সু॒কৃতো᳚ অহ্বযন্ত॒ সর॑স্বতী দা॒শুষে॒ বার্য᳚-ন্দাত্

॥ 32 ॥

শ্লোক 34

সর॑স্বতি॒ যা স॒রথং᳚-যঁ॒যাথ॑ স্ব॒ধাভি॑র্দেবি পি॒তৃভি॒র্মদ᳚ন্তী ।

আ॒সদ্যা॒স্মিন্ব॒র্​হিষি॑ মাদযস্বানমী॒বা ইষ॒ আ ধে᳚হ্য॒স্মে

॥ 33 ॥

শ্লোক 35

সর॑স্বতীং॒-যাঁ-ম্পি॒তরো॒ হব᳚ন্তে দক্ষি॒ণা য॒জ্ঞম॑ভি॒নক্ষ॑মাণাঃ ।

স॒হ॒স্রা॒র্ঘমি॒লো অত্র॑ ভা॒গং রা॒যস্পোষং॒-যঁজ॑মানেষু ধেহি

॥ 34 ॥

শ্লোক 36

(ঋ.বে.5.43.11)

আ নো᳚ দি॒বো বৃ॑হ॒তঃ পর্ব॑তা॒দা সর॑স্বতী যজ॒তা গ᳚ন্তু য॒জ্ঞম্ ।

হব᳚-ন্দে॒বী জু॑জুষা॒ণা ঘৃ॒তাচী᳚ শ॒গ্মা-ন্নো॒ বাচ॑মুশ॒তী শৃ॑ণোতু

॥ 35 ॥

শ্লোক 37

(ঋ.বে.2.32.4)

রা॒কাম॒হং সু॒হবাং᳚ সুষ্টু॒তী হু॑বে শৃ॒ণোতু॑ ন-স্সু॒ভগা॒ বোধ॑তু॒ ত্মনা᳚ ।

সীব্য॒ত্বপঃ॑ সূ॒চ্যাচ্ছি॑দ্যমানযা॒ দদা᳚তু বী॒রং শ॒তদা᳚যমু॒ক্থ্যম্᳚

॥ 36 ॥

শ্লোক 38

যাস্তে᳚ রাকে সুম॒তযঃ॑ সু॒পেশ॑সো॒ যাভি॒র্দদা᳚সি দা॒শুষে॒ বসূ᳚নি ।

তাভি᳚র্নো অ॒দ্য সু॒মনা᳚ উ॒পাগ॑হি সহস্রপো॒ষং সু॑ভগে॒ ররা᳚ণা

॥ 37 ॥

শ্লোক 39

সিনী᳚বালি॒ পৃথু॑ষ্টুকে॒ যা দে॒বানা॒মসি॒ স্বসা᳚ ।

জু॒ষস্ব॑ হ॒ব্যমাহু॑ত-ম্প্র॒জা-ন্দে᳚বি দিদিড্ঢি নঃ

॥ 38 ॥

শ্লোক 40

যা সু॑বা॒হু-স্স্ব᳚ঙ্গু॒রি-স্সু॒ষূমা᳚ বহু॒সূব॑রী ।

তস্যৈ᳚ বি॒শ্পত্ন্যৈ᳚ হ॒বি-স্সি॑নীবা॒ল্যৈ জু॑হোতন

॥ 39 ॥

শ্লোক 41

যা গু॒ঙ্গূর্যা সি॑নীবা॒লী যা রা॒কা যা সর॑স্বতী ।

ই॒ন্দ্রা॒ণীম॑হ্ব ঊ॒তযে᳚ বরুণা॒নীং স্ব॒স্তযে᳚

॥ 40 ॥

শ্লোক 42

ওঁ শান্তি॒-শ্শান্তি॒-শ্শান্তিঃ॑ ॥