Saraswati Stotram

sarasvatI stotram

shloka 1

yA kundendu tuShArahAradhavalA yA shubhravastrAvRRitA

yA vINAvaradaNDamaNDitakarA yA shvetapadmAsanA |

yA brahmAchyuta sha~NkaraprabhRRitibhirdevaissadA pUjitA

sA mAM pAtu sarasvatI bhagavatI nishsheShajADyApahA || 1 ||

dorbhiryuktA chaturbhiH sphaTikamaNinibhai rakShamAlAndadhAnA

hastenaikena padmaM sitamapicha shukaM pustakaM chApareNa |

bhAsA kundendusha~NkhasphaTikamaNinibhA bhAsamAnAzsamAnA

sA me vAgdevateyaM nivasatu vadane sarvadA suprasannA || 2 ||

surAsuraissevitapAdapa~NkajA kare virAjatkamanIyapustakA |

viri~nchipatnI kamalAsanasthitA sarasvatI nRRityatu vAchi me sadA || 3 ||

sarasvatI sarasijakesaraprabhA tapasvinI sitakamalAsanapriyA |

ghanastanI kamalavilolalochanA manasvinI bhavatu varaprasAdinI || 4 ||

sarasvati namastubhyaM varade kAmarUpiNi |

vidyArambhaM kariShyAmi siddhirbhavatu me sadA || 5 ||

sarasvati namastubhyaM sarvadevi namo namaH |

shAntarUpe shashidhare sarvayoge namo namaH || 6 ||

nityAnande nirAdhAre niShkalAyai namo namaH |

vidyAdhare vishAlAkShi shuddhaj~nAne namo namaH || 7 ||

shuddhasphaTikarUpAyai sUkShmarUpe namo namaH |

shabdabrahmi chaturhaste sarvasiddhyai namo namaH || 8 ||

muktAlaNkRRita sarvANgyai mUlAdhAre namo namaH |

mUlamantrasvarUpAyai mUlashaktyai namo namaH || 9 ||

manonmani mahAbhoge vAgIshvari namo namaH |

vAgmyai varadahastAyai varadAyai namo namaH || 10 ||

vedAyai vedarUpAyai vedAntAyai namo namaH |

guNadoShavivarjinyai guNadIptyai namo namaH || 11 ||

sarvaj~nAne sadAnande sarvarUpe namo namaH |

sampannAyai kumAryai cha sarvaj~ne te namo namaH || 12 ||

yogAnArya umAdevyai yogAnande namo namaH |

divyaj~nAna trinetrAyai divyamUrtyai namo namaH || 13 ||

ardhachandrajaTAdhAri chandrabimbe namo namaH |

chandrAdityajaTAdhAri chandrabimbe namo namaH || 14 ||

aNurUpe mahArUpe vishvarUpe namo namaH |

aNimAdyaShTasiddhAyai AnandAyai namo namaH || 15 ||

jnAna vijnAna rUpAyai j~nAnamUrte namo namaH |

nAnAshAstra svarUpAyai nAnArUpe namo namaH || 16 ||

padmajA padmavaMshA cha padmarUpe namo namaH |

parameShThyai parAmUrtyai namaste pApanAshinI || 17 ||

mahAdevyai mahAkAlyai mahAlakShmyai namo namaH |

brahmaviShNushivAyai cha brahmanAryai namo namaH || 18 ||

kamalAkarapuShpA cha kAmarUpe namo namaH |

kapAlikarmadIptAyai karmadAyai namo namaH || 19 ||

sAyaM prAtaH paThennityaM ShaNmAsAtsiddhiruchyate |

choravyAghrabhayaM nAsti paThatAM shRRiNvatAmapi || 20 ||

itthaM sarasvatI stotramagastyamuni vAchakam |

sarvasiddhikaraM nRRINAM sarvapApapraNAshanam || 21 ||