സരസ്വതീ സ്തോത്രമ്

സരസ്വതീ സ്തോത്രമ്

ശ്ലോക 1

യാ കുന്ദേന്ദു തുഷാരഹാരധവലാ യാ ശുഭ്രവസ്ത്രാവൃതാ

യാ വീണാവരദണ്ഡമണ്ഡിതകരാ യാ ശ്വേതപദ്മാസനാ ।

യാ ബ്രഹ്മാച്യുത ശങ്കരപ്രഭൃതിഭിര്ദേവൈസ്സദാ പൂജിതാ

സാ മാം പാതു സരസ്വതീ ഭഗവതീ നിശ്ശേഷജാഡ്യാപഹാ

ശ്ലോക 2

ദോര്ഭിര്യുക്താ ചതുര്ഭിഃ സ്ഫടികമണിനിഭൈ രക്ഷമാലാന്ദധാനാ

ഹസ്തേനൈകേന പദ്മം സിതമപിച ശുകം പുസ്തകം ചാപരേണ ।

ഭാസാ കുന്ദേന്ദുശങ്ഖസ്ഫടികമണിനിഭാ ഭാസമാനാzസമാനാ

സാ മേ വാഗ്ദേവതേയം നിവസതു വദനേ സര്വദാ സുപ്രസന്നാ

॥ 1 ॥

ശ്ലോക 3

സുരാസുരൈസ്സേവിതപാദപങ്കജാ കരേ വിരാജത്കമനീയപുസ്തകാ ।

വിരിഞ്ചിപത്നീ കമലാസനസ്ഥിതാ സരസ്വതീ നൃത്യതു വാചി മേ സദാ

॥ 2 ॥

ശ്ലോക 4

സരസ്വതീ സരസിജകേസരപ്രഭാ തപസ്വിനീ സിതകമലാസനപ്രിയാ ।

ഘനസ്തനീ കമലവിലോലലോചനാ മനസ്വിനീ ഭവതു വരപ്രസാദിനീ

॥ 3 ॥

ശ്ലോക 5

സരസ്വതി നമസ്തുഭ്യം വരദേ കാമരൂപിണി ।

വിദ്യാരമ്ഭം കരിഷ്യാമി സിദ്ധിര്ഭവതു മേ സദാ

॥ 4 ॥

ശ്ലോക 6

സരസ്വതി നമസ്തുഭ്യം സര്വദേവി നമോ നമഃ ।

ശാന്തരൂപേ ശശിധരേ സര്വയോഗേ നമോ നമഃ

॥ 5 ॥

ശ്ലോക 7

നിത്യാനന്ദേ നിരാധാരേ നിഷ്കലായൈ നമോ നമഃ ।

വിദ്യാധരേ വിശാലാക്ഷി ശുദ്ധജ്ഞാനേ നമോ നമഃ

॥ 6 ॥

ശ്ലോക 8

ശുദ്ധസ്ഫടികരൂപായൈ സൂക്ഷ്മരൂപേ നമോ നമഃ ।

ശബ്ദബ്രഹ്മി ചതുര്ഹസ്തേ സര്വസിദ്ധ്യൈ നമോ നമഃ

॥ 7 ॥

ശ്ലോക 9

മുക്താലങ്കൃത സര്വാങ്ഗ്യൈ മൂലാധാരേ നമോ നമഃ ।

മൂലമന്ത്രസ്വരൂപായൈ മൂലശക്ത്യൈ നമോ നമഃ

॥ 8 ॥

ശ്ലോക 10

മനോന്മനി മഹാഭോഗേ വാഗീശ്വരി നമോ നമഃ ।

വാഗ്മ്യൈ വരദഹസ്തായൈ വരദായൈ നമോ നമഃ

॥ 9 ॥

ശ്ലോക 11

വേദായൈ വേദരൂപായൈ വേദാന്തായൈ നമോ നമഃ ।

ഗുണദോഷവിവര്ജിന്യൈ ഗുണദീപ്ത്യൈ നമോ നമഃ

॥ 10 ॥

ശ്ലോക 12

സര്വജ്ഞാനേ സദാനന്ദേ സര്വരൂപേ നമോ നമഃ ।

സമ്പന്നായൈ കുമാര്യൈ ച സര്വജ്ഞേ തേ നമോ നമഃ

॥ 11 ॥

ശ്ലോക 13

യോഗാനാര്യ ഉമാദേവ്യൈ യോഗാനന്ദേ നമോ നമഃ ।

ദിവ്യജ്ഞാന ത്രിനേത്രായൈ ദിവ്യമൂര്ത്യൈ നമോ നമഃ

॥ 12 ॥

ശ്ലോക 14

അര്ധചന്ദ്രജടാധാരി ചന്ദ്രബിമ്ബേ നമോ നമഃ ।

ചന്ദ്രാദിത്യജടാധാരി ചന്ദ്രബിമ്ബേ നമോ നമഃ

॥ 13 ॥

ശ്ലോക 15

അണുരൂപേ മഹാരൂപേ വിശ്വരൂപേ നമോ നമഃ ।

അണിമാദ്യഷ്ടസിദ്ധായൈ ആനന്ദായൈ നമോ നമഃ

॥ 14 ॥

ശ്ലോക 16

ജ്ഞാന വിജ്ഞാന രൂപായൈ ജ്ഞാനമൂര്തേ നമോ നമഃ ।

നാനാശാസ്ത്ര സ്വരൂപായൈ നാനാരൂപേ നമോ നമഃ

॥ 15 ॥

ശ്ലോക 17

പദ്മജാ പദ്മവംശാ ച പദ്മരൂപേ നമോ നമഃ ।

പരമേഷ്ഠ്യൈ പരാമൂര്ത്യൈ നമസ്തേ പാപനാശിനീ

॥ 16 ॥

ശ്ലോക 18

മഹാദേവ്യൈ മഹാകാല്യൈ മഹാലക്ഷ്മ്യൈ നമോ നമഃ ।

ബ്രഹ്മവിഷ്ണുശിവായൈ ച ബ്രഹ്മനാര്യൈ നമോ നമഃ

॥ 17 ॥

ശ്ലോക 19

കമലാകരപുഷ്പാ ച കാമരൂപേ നമോ നമഃ ।

കപാലികര്മദീപ്തായൈ കര്മദായൈ നമോ നമഃ

॥ 18 ॥

ശ്ലോക 20

സായം പ്രാതഃ പഠേന്നിത്യം ഷണ്മാസാത്സിദ്ധിരുച്യതേ ।

ചോരവ്യാഘ്രഭയം നാസ്തി പഠതാം ശൃണ്വതാമപി

॥ 19 ॥

ശ്ലോക 21

ഇത്ഥം സരസ്വതീ സ്തോത്രമഗസ്ത്യമുനി വാചകമ് ।

സര്വസിദ്ധികരം നൄണാം സര്വപാപപ്രണാശനമ്

॥ 20 ॥

ശ്ലോക 22