సరస్వతీ కవచమ్

సరస్వతీ కవచమ్

శ్లోక 1

(బ్రహ్మవైవర్త మహాపురాణాన్తర్గతం)

భృగురువాచ ।

బ్రహ్మన్బ్రహ్మవిదాంశ్రేష్ఠ బ్రహ్మజ్ఞానవిశారద ।

సర్వజ్ఞ సర్వజనక సర్వపూజకపూజిత ॥ 60

సరస్వత్యాశ్చ కవచం బ్రూహి విశ్వజయం ప్రభో ।

అయాతయామమన్త్రాణాం సమూహో యత్ర సంయుతః

శ్లోక 2

బ్రహ్మోవాచ ।

శృణు వత్స ప్రవక్ష్యామి కవచం సర్వకామదమ్ ।

శ్రుతిసారం శ్రుతిసుఖం శ్రుత్యుక్తం శ్రుతిపూజితమ్

॥ 61 ॥

శ్లోక 3

ఉక్తం కృష్ణేన గోలోకే మహ్యం వృన్దావనే వనే ।

రాసేశ్వరేణ విభునా రాసే వై రాసమణ్డలే

॥ 62 ॥

శ్లోక 4

అతీవ గోపనీయఞ్చ కల్పవృక్షసమం పరమ్ ।

అశ్రుతాద్భుతమన్త్రాణాం సమూహైశ్చ సమన్వితమ్

॥ 63 ॥

శ్లోక 5

యద్ధృత్వా పఠనాద్బ్రహ్మన్బుద్ధిమాంశ్చ బృహస్పతిః ।

యద్ధృత్వా భగవాఞ్ఛుక్రః సర్వదైత్యేషు పూజితః

॥ 64 ॥

శ్లోక 6

పఠనాద్ధారణాద్వాగ్మీ కవీన్ద్రో వాల్మికీ మునిః ।

స్వాయమ్భువో మనుశ్చైవ యద్ధృత్వా సర్వపూజితాః

॥ 65 ॥

శ్లోక 7

కణాదో గౌతమః కణ్వః పాణినిః శాకటాయనః ।

గ్రన్థం చకార యద్ధృత్వా దక్షః కాత్యాయనః స్వయమ్

॥ 66 ॥

శ్లోక 8

ధృత్వా వేదవిభాగఞ్చ పురాణాన్యఖిలాని చ ।

చకార లీలామాత్రేణ కృష్ణద్వైపాయనః స్వయమ్

॥ 67 ॥

శ్లోక 9

శాతాతపశ్చ సంవర్తో వసిష్ఠశ్చ పరాశరః ।

యద్ధృత్వా పఠనాద్గ్రన్థం యాజ్ఞవల్క్యశ్చకార సః

॥ 68 ॥

శ్లోక 10

ఋష్యశృఙ్గో భరద్వాజశ్చాస్తీకో దేవలస్తథా ।

జైగీషవ్యోఽథ జాబాలిర్యద్ధృత్వా సర్వపూజితః

॥ 69 ॥

శ్లోక 11

కవచస్యాస్య విప్రేన్ద్ర ఋషిరేష ప్రజాపతిః ।

స్వయం బృహస్పతిశ్ఛన్దో దేవో రాసేశ్వరః ప్రభుః

॥ 70 ॥

శ్లోక 12

సర్వతత్త్వపరిజ్ఞానే సర్వార్థేఽపి చ సాధనే ।

కవితాసు చ సర్వాసు వినియోగః ప్రకీర్తితః

॥ 71 ॥

శ్లోక 13

( కవచం )

ఓం హ్రీం సరస్వత్యై స్వాహా శిరో మే పాతు సర్వతః ।

శ్రీం వాగ్దేవతాయై స్వాహా భాలం మే సర్వదాఽవతు

॥ 72 ॥

శ్లోక 14

ఓం హ్రీం సరస్వత్యై స్వాహేతి శ్రోత్రే పాతు నిరన్తరమ్ ।

ఓం శ్రీం హ్రీం భగవత్యై సరస్వత్యై స్వాహా నేత్రయుగ్మం సదాఽవతు

॥ 73 ॥

శ్లోక 15

ఐం హ్రీం వాగ్వాదిన్యై స్వాహా నాసాం మే సర్వదాఽవతు ।

హ్రీం విద్యాధిష్ఠాతృదేవ్యై స్వాహా చోంష్ఠ సదాఽవతు

॥ 74 ॥

శ్లోక 16

ఓం శ్రీం హ్రీం బ్రాహ్మ్యై స్వాహేతి దన్తపఙ్క్తిం సదాఽవతు ।

ఐమిత్యేకాక్షరో మన్త్రో మమ కణ్ఠం సదాఽవతు

॥ 75 ॥

శ్లోక 17

ఓం శ్రీం హ్రీం పాతు మే గ్రీవాం స్కన్ధం మే శ్రీం సదాఽవతు ।

ఓం హ్రీం విద్యాధిష్ఠాతృదేవ్యై స్వాహా వక్షః సదాఽవతు

॥ 76 ॥

శ్లోక 18

ఓం హ్రీం విద్యాస్వరూపాయై స్వాహా మే పాతు నాభికామ్ ।

ఓం హ్రీం క్లీం వాణ్యై స్వాహేతి మమ పృష్ఠం సదాఽవతు

॥ 77 ॥

శ్లోక 19

ఓం సర్వవర్ణాత్మికాయై పాదయుగ్మం సదాఽవతు ।

ఓం రాగాధిష్ఠాతృదేవ్యై సర్వాఙ్గం మే సదాఽవతు

॥ 78 ॥

శ్లోక 20

ఓం సర్వకణ్ఠవాసిన్యై స్వాహా ప్రచ్యాం సదాఽవతు ।

ఓం హ్రీం జిహ్వాగ్రవాసిన్యై స్వాహాఽగ్నిదిశి రక్షతు

॥ 79 ॥

శ్లోక 21

ఓం ఐం హ్రీం శ్రీం సరస్వత్యై బుధజనన్యై స్వాహా ।

సతతం మన్త్రరాజోఽయం దక్షిణే మాం సదాఽవతు

॥ 80 ॥

శ్లోక 22

ఓం హ్రీం శ్రీం త్ర్యక్షరో మన్త్రో నైరృత్యాం మే సదాఽవతు ।

కవిజిహ్వాగ్రవాసిన్యై స్వాహా మాం వారుణేఽవతు

॥ 81 ॥

శ్లోక 23

ఓం సదమ్బికాయై స్వాహా వాయవ్యే మాం సదాఽవతు ।

ఓం గద్యపద్యవాసిన్యై స్వాహా మాముత్తరేఽవతు

॥ 82 ॥

శ్లోక 24

ఓం సర్వశాస్త్రవాసిన్యై స్వాహైశాన్యాం సదాఽవతు ।

ఓం హ్రీం సర్వపూజితాయై స్వాహా చోర్ధ్వం సదాఽవతు

॥ 83 ॥

శ్లోక 25

ఐం హ్రీం పుస్తకవాసిన్యై స్వాహాఽధో మాం సదావతు ।

ఓం గ్రన్థబీజరూపాయై స్వాహా మాం సర్వతోఽవతు

॥ 84 ॥

శ్లోక 26

ఇతి తే కథితం విప్ర సర్వమన్త్రౌఘవిగ్రహమ్ ।

ఇదం విశ్వజయం నామ కవచం బ్రహ్మారూపకమ్

॥ 85 ॥

శ్లోక 27

పురా శ్రుతం ధర్మవక్త్రాత్పర్వతే గన్ధమాదనే ।

తవ స్నేహాన్మయాఽఽఖ్యాతం ప్రవక్తవ్యం న కస్యచిత్

॥ 86 ॥

శ్లోక 28

గురుమభ్యర్చ్య విధివద్వస్త్రాలఙ్కారచన్దనైః ।

ప్రణమ్య దణ్డవద్భూమౌ కవచం ధారయేత్సుధీః

॥ 87 ॥

శ్లోక 29

పఞ్చలక్షజపేనైవ సిద్ధం తు కవచం భవేత్ ।

యది స్యాత్సిద్ధకవచో బృహస్పతి సమో భవేత్

॥ 88 ॥

శ్లోక 30

మహావాగ్మీ కవీన్ద్రశ్చ త్రైలోక్యవిజయీ భవేత్ ।

శక్నోతి సర్వం జేతుం స కవచస్య ప్రభావతః

॥ 89 ॥

శ్లోక 31

ఇదం తే కాణ్వశాఖోక్తం కథితం కవచం మునే ।

స్తోత్రం పూజావిధానం చ ధ్యానం వై వన్దనం తథా

॥ 90 ॥

శ్లోక 32

ఇతి శ్రీ బ్రహ్మవైవర్తే మహాపురాణే ప్రకృతిఖణ్డే నారదనారాయణసంవాదే సరస్వతీకవచం నామ చతుర్థోఽధ్యాయః ।