Sarasvati Kavacham
സരസ്വതീ കവചമ്
Sarasvati Kavacham
സരസ്വതീ കവചമ്
(ബ്രഹ്മവൈവര്ത മഹാപുരാണാന്തര്ഗതം)
ഭൃഗുരുവാച ।
ബ്രഹ്മന്ബ്രഹ്മവിദാംശ്രേഷ്ഠ ബ്രഹ്മജ്ഞാനവിശാരദ ।
സര്വജ്ഞ സര്വജനക സര്വപൂജകപൂജിത ॥ 60
സരസ്വത്യാശ്ച കവചം ബ്രൂഹി വിശ്വജയം പ്രഭോ ।
അയാതയാമമന്ത്രാണാം സമൂഹോ യത്ര സംയുതഃ ॥ 61 ॥
ബ്രഹ്മോവാച ।
ശൃണു വത്സ പ്രവക്ഷ്യാമി കവചം സര്വകാമദമ് ।
ശ്രുതിസാരം ശ്രുതിസുഖം ശ്രുത്യുക്തം ശ്രുതിപൂജിതമ് ॥ 62 ॥
ഉക്തം കൃഷ്ണേന ഗോലോകേ മഹ്യം വൃന്ദാവനേ വനേ ।
രാസേശ്വരേണ വിഭുനാ രാസേ വൈ രാസമണ്ഡലേ ॥ 63 ॥
അതീവ ഗോപനീയഞ്ച കല്പവൃക്ഷസമം പരമ് ।
അശ്രുതാദ്ഭുതമന്ത്രാണാം സമൂഹൈശ്ച സമന്വിതമ് ॥ 64 ॥
യദ്ധൃത്വാ പഠനാദ്ബ്രഹ്മന്ബുദ്ധിമാംശ്ച ബൃഹസ്പതിഃ ।
യദ്ധൃത്വാ ഭഗവാഞ്ഛുക്രഃ സര്വദൈത്യേഷു പൂജിതഃ ॥ 65 ॥
പഠനാദ്ധാരണാദ്വാഗ്മീ കവീന്ദ്രോ വാല്മികീ മുനിഃ ।
സ്വായമ്ഭുവോ മനുശ്ചൈവ യദ്ധൃത്വാ സര്വപൂജിതാഃ ॥ 66 ॥
കണാദോ ഗൌതമഃ കണ്വഃ പാണിനിഃ ശാകടായനഃ ।
ഗ്രന്ഥം ചകാര യദ്ധൃത്വാ ദക്ഷഃ കാത്യായനഃ സ്വയമ് ॥ 67 ॥
ധൃത്വാ വേദവിഭാഗഞ്ച പുരാണാന്യഖിലാനി ച ।
ചകാര ലീലാമാത്രേണ കൃഷ്ണദ്വൈപായനഃ സ്വയമ് ॥ 68 ॥
ശാതാതപശ്ച സംവര്തോ വസിഷ്ഠശ്ച പരാശരഃ ।
യദ്ധൃത്വാ പഠനാദ്ഗ്രന്ഥം യാജ്ഞവല്ക്യശ്ചകാര സഃ ॥ 69 ॥
ഋഷ്യശൃങ്ഗോ ഭരദ്വാജശ്ചാസ്തീകോ ദേവലസ്തഥാ ।
ജൈഗീഷവ്യോഽഥ ജാബാലിര്യദ്ധൃത്വാ സര്വപൂജിതഃ ॥ 70 ॥
കവചസ്യാസ്യ വിപ്രേന്ദ്ര ഋഷിരേഷ പ്രജാപതിഃ ।
സ്വയം ബൃഹസ്പതിശ്ഛന്ദോ ദേവോ രാസേശ്വരഃ പ്രഭുഃ ॥ 71 ॥
സര്വതത്ത്വപരിജ്ഞാനേ സര്വാര്ഥേഽപി ച സാധനേ ।
കവിതാസു ച സര്വാസു വിനിയോഗഃ പ്രകീര്തിതഃ ॥ 72 ॥
( കവചം )
ഓം ഹ്രീം സരസ്വത്യൈ സ്വാഹാ ശിരോ മേ പാതു സര്വതഃ ।
ശ്രീം വാഗ്ദേവതായൈ സ്വാഹാ ഭാലം മേ സര്വദാഽവതു ॥ 73 ॥
ഓം ഹ്രീം സരസ്വത്യൈ സ്വാഹേതി ശ്രോത്രേ പാതു നിരന്തരമ് ।
ഓം ശ്രീം ഹ്രീം ഭഗവത്യൈ സരസ്വത്യൈ സ്വാഹാ നേത്രയുഗ്മം സദാഽവതു ॥ 74 ॥
ഐം ഹ്രീം വാഗ്വാദിന്യൈ സ്വാഹാ നാസാം മേ സര്വദാഽവതു ।
ഹ്രീം വിദ്യാധിഷ്ഠാതൃദേവ്യൈ സ്വാഹാ ചോംഷ്ഠ സദാഽവതു ॥ 75 ॥
ഓം ശ്രീം ഹ്രീം ബ്രാഹ്മ്യൈ സ്വാഹേതി ദന്തപങ്ക്തിം സദാഽവതു ।
ഐമിത്യേകാക്ഷരോ മന്ത്രോ മമ കണ്ഠം സദാഽവതു ॥ 76 ॥
ഓം ശ്രീം ഹ്രീം പാതു മേ ഗ്രീവാം സ്കന്ധം മേ ശ്രീം സദാഽവതു ।
ഓം ഹ്രീം വിദ്യാധിഷ്ഠാതൃദേവ്യൈ സ്വാഹാ വക്ഷഃ സദാഽവതു ॥ 77 ॥
ഓം ഹ്രീം വിദ്യാസ്വരൂപായൈ സ്വാഹാ മേ പാതു നാഭികാമ് ।
ഓം ഹ്രീം ക്ലീം വാണ്യൈ സ്വാഹേതി മമ പൃഷ്ഠം സദാഽവതു ॥ 78 ॥
ഓം സര്വവര്ണാത്മികായൈ പാദയുഗ്മം സദാഽവതു ।
ഓം രാഗാധിഷ്ഠാതൃദേവ്യൈ സര്വാങ്ഗം മേ സദാഽവതു ॥ 79 ॥
ഓം സര്വകണ്ഠവാസിന്യൈ സ്വാഹാ പ്രച്യാം സദാഽവതു ।
ഓം ഹ്രീം ജിഹ്വാഗ്രവാസിന്യൈ സ്വാഹാഽഗ്നിദിശി രക്ഷതു ॥ 80 ॥
ഓം ഐം ഹ്രീം ശ്രീം സരസ്വത്യൈ ബുധജനന്യൈ സ്വാഹാ ।
സതതം മന്ത്രരാജോഽയം ദക്ഷിണേ മാം സദാഽവതു ॥ 81 ॥
ഓം ഹ്രീം ശ്രീം ത്ര്യക്ഷരോ മന്ത്രോ നൈരൃത്യാം മേ സദാഽവതു ।
കവിജിഹ്വാഗ്രവാസിന്യൈ സ്വാഹാ മാം വാരുണേഽവതു ॥ 82 ॥
ഓം സദമ്ബികായൈ സ്വാഹാ വായവ്യേ മാം സദാഽവതു ।
ഓം ഗദ്യപദ്യവാസിന്യൈ സ്വാഹാ മാമുത്തരേഽവതു ॥ 83 ॥
ഓം സര്വശാസ്ത്രവാസിന്യൈ സ്വാഹൈശാന്യാം സദാഽവതു ।
ഓം ഹ്രീം സര്വപൂജിതായൈ സ്വാഹാ ചോര്ധ്വം സദാഽവതു ॥ 84 ॥
ഐം ഹ്രീം പുസ്തകവാസിന്യൈ സ്വാഹാഽധോ മാം സദാവതു ।
ഓം ഗ്രന്ഥബീജരൂപായൈ സ്വാഹാ മാം സര്വതോഽവതു ॥ 85 ॥
ഇതി തേ കഥിതം വിപ്ര സര്വമന്ത്രൌഘവിഗ്രഹമ് ।
ഇദം വിശ്വജയം നാമ കവചം ബ്രഹ്മാരൂപകമ് ॥ 86 ॥
പുരാ ശ്രുതം ധര്മവക്ത്രാത്പര്വതേ ഗന്ധമാദനേ ।
തവ സ്നേഹാന്മയാഽഽഖ്യാതം പ്രവക്തവ്യം ന കസ്യചിത് ॥ 87 ॥
ഗുരുമഭ്യര്ച്യ വിധിവദ്വസ്ത്രാലങ്കാരചന്ദനൈഃ ।
പ്രണമ്യ ദണ്ഡവദ്ഭൂമൌ കവചം ധാരയേത്സുധീഃ ॥ 88 ॥
പഞ്ചലക്ഷജപേനൈവ സിദ്ധം തു കവചം ഭവേത് ।
യദി സ്യാത്സിദ്ധകവചോ ബൃഹസ്പതി സമോ ഭവേത് ॥ 89 ॥
മഹാവാഗ്മീ കവീന്ദ്രശ്ച ത്രൈലോക്യവിജയീ ഭവേത് ।
ശക്നോതി സര്വം ജേതും സ കവചസ്യ പ്രഭാവതഃ ॥ 90 ॥
ഇദം തേ കാണ്വശാഖോക്തം കഥിതം കവചം മുനേ ।
സ്തോത്രം പൂജാവിധാനം ച ധ്യാനം വൈ വന്ദനം തഥാ ॥ 91 ॥
ഇതി ശ്രീ ബ്രഹ്മവൈവര്തേ മഹാപുരാണേ പ്രകൃതിഖണ്ഡേ നാരദനാരായണസംവാദേ സരസ്വതീകവചം നാമ ചതുര്ഥോഽധ്യായഃ ।
Related Scriptures
सरस्वती सहस्र नामावलि
1000 verses
1000 Names of Goddess Saraswati
1000 verses
108 Names of Goddess Saraswati
108 verses
सरस्वती अष्टोत्तर शत नामावलि
108 verses
Jai Shri Sakal Buddhi Balrasi
0 verses
सरस्वती द्वादश नाम स्तोत्रम्
5 verses
About This Stotram
Overview
The Sarasvati Kavacham is a Sanskrit kavacham (protective hymn) of 31 verses dedicated to Goddess Saraswati, drawn from the Brahmavaivarta Purana. It is structured as a dialogue in which the sage Bhrigu requests Brahma to reveal a protective armour (kavacham) of Saraswati containing potent mantras. The text belongs to the Shakta devotional tradition within Puranic literature.
What are the benefits of chanting Sarasvati Kavacham?
- Protection from obstacles in the pursuit of learning and creative endeavors
- Attainment of knowledge, eloquence, and clarity of thought
- Success in intellectual and worldly undertakings
- Spiritual growth through devotion to the Goddess of knowledge
When is the best time to recite this?
Morning recitation is standard, particularly on Vasant Panchami (Saraswati Puja). It is also recited before examinations, new academic or creative projects, and on Navratri days associated with Saraswati worship (typically the eighth and ninth days).
What is the historical and traditional background?
The Brahmavaivarta Purana is one of the eighteen Mahapuranas, traditionally attributed to Vyasa. Its current form is generally placed in the latter half of the first millennium CE, though individual sections developed over a longer period. Kavachams as a genre originate in Tantric and Puranic literature and follow a prescribed structure in which specific deities are invoked to protect different parts of the devotee's body and surroundings. The Sarasvati Kavacham follows this established format within the Brahmavaivarta Puranic context.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Saraswati Stotram — a 21-verse Sanskrit stotram honoring the same deity with a focus on her attributes rather than protective invocation
- Saraswati Suktam — the Vedic source hymns to Saraswati, representing an earlier stratum of texts in the same tradition