સરસ્વતી કવચમ્

સરસ્વતી કવચમ્

શ્લોક 1

(બ્રહ્મવૈવર્ત મહાપુરાણાન્તર્ગતં)

ભૃગુરુવાચ ।

બ્રહ્મન્બ્રહ્મવિદાંશ્રેષ્ઠ બ્રહ્મજ્ઞાનવિશારદ ।

સર્વજ્ઞ સર્વજનક સર્વપૂજકપૂજિત ॥ 60

સરસ્વત્યાશ્ચ કવચં બ્રૂહિ વિશ્વજયં પ્રભો ।

અયાતયામમન્ત્રાણાં સમૂહો યત્ર સંયુતઃ

શ્લોક 2

બ્રહ્મોવાચ ।

શૃણુ વત્સ પ્રવક્ષ્યામિ કવચં સર્વકામદમ્ ।

શ્રુતિસારં શ્રુતિસુખં શ્રુત્યુક્તં શ્રુતિપૂજિતમ્

॥ 61 ॥

શ્લોક 3

ઉક્તં કૃષ્ણેન ગોલોકે મહ્યં વૃન્દાવને વને ।

રાસેશ્વરેણ વિભુના રાસે વૈ રાસમણ્ડલે

॥ 62 ॥

શ્લોક 4

અતીવ ગોપનીયઞ્ચ કલ્પવૃક્ષસમં પરમ્ ।

અશ્રુતાદ્ભુતમન્ત્રાણાં સમૂહૈશ્ચ સમન્વિતમ્

॥ 63 ॥

શ્લોક 5

યદ્ધૃત્વા પઠનાદ્બ્રહ્મન્બુદ્ધિમાંશ્ચ બૃહસ્પતિઃ ।

યદ્ધૃત્વા ભગવાઞ્છુક્રઃ સર્વદૈત્યેષુ પૂજિતઃ

॥ 64 ॥

શ્લોક 6

પઠનાદ્ધારણાદ્વાગ્મી કવીન્દ્રો વાલ્મિકી મુનિઃ ।

સ્વાયમ્ભુવો મનુશ્ચૈવ યદ્ધૃત્વા સર્વપૂજિતાઃ

॥ 65 ॥

શ્લોક 7

કણાદો ગૌતમઃ કણ્વઃ પાણિનિઃ શાકટાયનઃ ।

ગ્રન્થં ચકાર યદ્ધૃત્વા દક્ષઃ કાત્યાયનઃ સ્વયમ્

॥ 66 ॥

શ્લોક 8

ધૃત્વા વેદવિભાગઞ્ચ પુરાણાન્યખિલાનિ ચ ।

ચકાર લીલામાત્રેણ કૃષ્ણદ્વૈપાયનઃ સ્વયમ્

॥ 67 ॥

શ્લોક 9

શાતાતપશ્ચ સંવર્તો વસિષ્ઠશ્ચ પરાશરઃ ।

યદ્ધૃત્વા પઠનાદ્ગ્રન્થં યાજ્ઞવલ્ક્યશ્ચકાર સઃ

॥ 68 ॥

શ્લોક 10

ઋષ્યશૃઙ્ગો ભરદ્વાજશ્ચાસ્તીકો દેવલસ્તથા ।

જૈગીષવ્યોઽથ જાબાલિર્યદ્ધૃત્વા સર્વપૂજિતઃ

॥ 69 ॥

શ્લોક 11

કવચસ્યાસ્ય વિપ્રેન્દ્ર ઋષિરેષ પ્રજાપતિઃ ।

સ્વયં બૃહસ્પતિશ્છન્દો દેવો રાસેશ્વરઃ પ્રભુઃ

॥ 70 ॥

શ્લોક 12

સર્વતત્ત્વપરિજ્ઞાને સર્વાર્થેઽપિ ચ સાધને ।

કવિતાસુ ચ સર્વાસુ વિનિયોગઃ પ્રકીર્તિતઃ

॥ 71 ॥

શ્લોક 13

( કવચં )

ૐ હ્રીં સરસ્વત્યૈ સ્વાહા શિરો મે પાતુ સર્વતઃ ।

શ્રીં વાગ્દેવતાયૈ સ્વાહા ભાલં મે સર્વદાઽવતુ

॥ 72 ॥

શ્લોક 14

ૐ હ્રીં સરસ્વત્યૈ સ્વાહેતિ શ્રોત્રે પાતુ નિરન્તરમ્ ।

ૐ શ્રીં હ્રીં ભગવત્યૈ સરસ્વત્યૈ સ્વાહા નેત્રયુગ્મં સદાઽવતુ

॥ 73 ॥

શ્લોક 15

ઐં હ્રીં વાગ્વાદિન્યૈ સ્વાહા નાસાં મે સર્વદાઽવતુ ।

હ્રીં વિદ્યાધિષ્ઠાતૃદેવ્યૈ સ્વાહા ચોંષ્ઠ સદાઽવતુ

॥ 74 ॥

શ્લોક 16

ૐ શ્રીં હ્રીં બ્રાહ્મ્યૈ સ્વાહેતિ દન્તપઙ્ક્તિં સદાઽવતુ ।

ઐમિત્યેકાક્ષરો મન્ત્રો મમ કણ્ઠં સદાઽવતુ

॥ 75 ॥

શ્લોક 17

ૐ શ્રીં હ્રીં પાતુ મે ગ્રીવાં સ્કન્ધં મે શ્રીં સદાઽવતુ ।

ૐ હ્રીં વિદ્યાધિષ્ઠાતૃદેવ્યૈ સ્વાહા વક્ષઃ સદાઽવતુ

॥ 76 ॥

શ્લોક 18

ૐ હ્રીં વિદ્યાસ્વરૂપાયૈ સ્વાહા મે પાતુ નાભિકામ્ ।

ૐ હ્રીં ક્લીં વાણ્યૈ સ્વાહેતિ મમ પૃષ્ઠં સદાઽવતુ

॥ 77 ॥

શ્લોક 19

ૐ સર્વવર્ણાત્મિકાયૈ પાદયુગ્મં સદાઽવતુ ।

ૐ રાગાધિષ્ઠાતૃદેવ્યૈ સર્વાઙ્ગં મે સદાઽવતુ

॥ 78 ॥

શ્લોક 20

ૐ સર્વકણ્ઠવાસિન્યૈ સ્વાહા પ્રચ્યાં સદાઽવતુ ।

ૐ હ્રીં જિહ્વાગ્રવાસિન્યૈ સ્વાહાઽગ્નિદિશિ રક્ષતુ

॥ 79 ॥

શ્લોક 21

ૐ ઐં હ્રીં શ્રીં સરસ્વત્યૈ બુધજનન્યૈ સ્વાહા ।

સતતં મન્ત્રરાજોઽયં દક્ષિણે માં સદાઽવતુ

॥ 80 ॥

શ્લોક 22

ૐ હ્રીં શ્રીં ત્ર્યક્ષરો મન્ત્રો નૈરૃત્યાં મે સદાઽવતુ ।

કવિજિહ્વાગ્રવાસિન્યૈ સ્વાહા માં વારુણેઽવતુ

॥ 81 ॥

શ્લોક 23

ૐ સદમ્બિકાયૈ સ્વાહા વાયવ્યે માં સદાઽવતુ ।

ૐ ગદ્યપદ્યવાસિન્યૈ સ્વાહા મામુત્તરેઽવતુ

॥ 82 ॥

શ્લોક 24

ૐ સર્વશાસ્ત્રવાસિન્યૈ સ્વાહૈશાન્યાં સદાઽવતુ ।

ૐ હ્રીં સર્વપૂજિતાયૈ સ્વાહા ચોર્ધ્વં સદાઽવતુ

॥ 83 ॥

શ્લોક 25

ઐં હ્રીં પુસ્તકવાસિન્યૈ સ્વાહાઽધો માં સદાવતુ ।

ૐ ગ્રન્થબીજરૂપાયૈ સ્વાહા માં સર્વતોઽવતુ

॥ 84 ॥

શ્લોક 26

ઇતિ તે કથિતં વિપ્ર સર્વમન્ત્રૌઘવિગ્રહમ્ ।

ઇદં વિશ્વજયં નામ કવચં બ્રહ્મારૂપકમ્

॥ 85 ॥

શ્લોક 27

પુરા શ્રુતં ધર્મવક્ત્રાત્પર્વતે ગન્ધમાદને ।

તવ સ્નેહાન્મયાઽઽખ્યાતં પ્રવક્તવ્યં ન કસ્યચિત્

॥ 86 ॥

શ્લોક 28

ગુરુમભ્યર્ચ્ય વિધિવદ્વસ્ત્રાલઙ્કારચન્દનૈઃ ।

પ્રણમ્ય દણ્ડવદ્ભૂમૌ કવચં ધારયેત્સુધીઃ

॥ 87 ॥

શ્લોક 29

પઞ્ચલક્ષજપેનૈવ સિદ્ધં તુ કવચં ભવેત્ ।

યદિ સ્યાત્સિદ્ધકવચો બૃહસ્પતિ સમો ભવેત્

॥ 88 ॥

શ્લોક 30

મહાવાગ્મી કવીન્દ્રશ્ચ ત્રૈલોક્યવિજયી ભવેત્ ।

શક્નોતિ સર્વં જેતું સ કવચસ્ય પ્રભાવતઃ

॥ 89 ॥

શ્લોક 31

ઇદં તે કાણ્વશાખોક્તં કથિતં કવચં મુને ।

સ્તોત્રં પૂજાવિધાનં ચ ધ્યાનં વૈ વન્દનં તથા

॥ 90 ॥

શ્લોક 32

ઇતિ શ્રી બ્રહ્મવૈવર્તે મહાપુરાણે પ્રકૃતિખણ્ડે નારદનારાયણસંવાદે સરસ્વતીકવચં નામ ચતુર્થોઽધ્યાયઃ ।