സങ്കട നാശന ഗണേശ സ്തോത്രമ്

സങ്കട നാശന ഗണേശ സ്തോത്രമ്

ശ്ലോക 1

നാരദ ഉവാച ।

പ്രണമ്യ ശിരസാ ദേവം ഗൌരീപുത്രം വിനായകമ് ।

ഭക്താവാസം സ്മരേന്നിത്യമായുഷ്കാമാര്ഥസിദ്ധയേ

ശ്ലോക 2

പ്രഥമം വക്രതുണ്ഡം ച, ഏകദന്തം ദ്വിതീയകമ് ।

തൃതീയം കൃഷ്ണപിങ്ഗാക്ഷം, ഗജവക്ത്രം ചതുര്ഥകമ്

॥ 1 ॥

ശ്ലോക 3

ലമ്ബോദരം പഞ്ചമം ച, ഷഷ്ഠം വികടമേവ ച ।

സപ്തമം വിഘ്നരാജം ച, ധൂമ്രവര്ണം തഥാഷ്ടമമ്

॥ 2 ॥

ശ്ലോക 4

നവമം ഭാലചന്ദ്രം ച, ദശമം തു വിനായകമ് ।

ഏകാദശം ഗണപതിം, ദ്വാദശം തു ഗജാനനമ്

॥ 3 ॥

ശ്ലോക 5

ദ്വാദശൈതാനി നാമാനി ത്രിസന്ധ്യം യഃ പഠേന്നരഃ ।

ന ച വിഘ്നഭയം തസ്യ സര്വസിദ്ധികരം പരമ്

॥ 4 ॥

ശ്ലോക 6

വിദ്യാര്ഥീ ലഭതേ വിദ്യാം ധനാര്ഥീ ലഭതേ ധനമ് ।

പുത്രാര്ഥീ ലഭതേ പുത്രാന്മോക്ഷാര്ഥീ ലഭതേ ഗതിമ്

॥ 5 ॥

ശ്ലോക 7

ജപേദ്ഗണപതിസ്തോത്രം ഷഡ്ഭിര്മാസൈഃ ഫലം ലഭേത് ।

സംവത്സരേണ സിദ്ധിം ച ലഭതേ നാത്ര സംശയഃ

॥ 6 ॥

ശ്ലോക 8

അഷ്ടഭ്യോ ബ്രാഹ്മണേഭ്യശ്ച ലിഖിത്വാ യഃ സമര്പയേത് ।

തസ്യ വിദ്യാ ഭവേത്സര്വാ ഗണേശസ്യ പ്രസാദതഃ

॥ 7 ॥

ശ്ലോക 9

ഇതി ശ്രീനാരദപുരാണേ സങ്കഷ്ടനാശനം നാമ ഗണേശ സ്തോത്രമ് ।