ಸಙ್ಕಟ ನಾಶನ ಗಣೇಶ ಸ್ತೋತ್ರಮ್

ಸಙ್ಕಟ ನಾಶನ ಗಣೇಶ ಸ್ತೋತ್ರಮ್

ಶ್ಲೋಕ 1

ನಾರದ ಉವಾಚ ।

ಪ್ರಣಮ್ಯ ಶಿರಸಾ ದೇವಂ ಗೌರೀಪುತ್ರಂ ವಿನಾಯಕಮ್ ।

ಭಕ್ತಾವಾಸಂ ಸ್ಮರೇನ್ನಿತ್ಯಮಾಯುಷ್ಕಾಮಾರ್ಥಸಿದ್ಧಯೇ

ಶ್ಲೋಕ 2

ಪ್ರಥಮಂ ವಕ್ರತುಣ್ಡಂ ಚ, ಏಕದನ್ತಂ ದ್ವಿತೀಯಕಮ್ ।

ತೃತೀಯಂ ಕೃಷ್ಣಪಿಙ್ಗಾಕ್ಷಂ, ಗಜವಕ್ತ್ರಂ ಚತುರ್ಥಕಮ್

॥ 1 ॥

ಶ್ಲೋಕ 3

ಲಮ್ಬೋದರಂ ಪಞ್ಚಮಂ ಚ, ಷಷ್ಠಂ ವಿಕಟಮೇವ ಚ ।

ಸಪ್ತಮಂ ವಿಘ್ನರಾಜಂ ಚ, ಧೂಮ್ರವರ್ಣಂ ತಥಾಷ್ಟಮಮ್

॥ 2 ॥

ಶ್ಲೋಕ 4

ನವಮಂ ಭಾಲಚನ್ದ್ರಂ ಚ, ದಶಮಂ ತು ವಿನಾಯಕಮ್ ।

ಏಕಾದಶಂ ಗಣಪತಿಂ, ದ್ವಾದಶಂ ತು ಗಜಾನನಮ್

॥ 3 ॥

ಶ್ಲೋಕ 5

ದ್ವಾದಶೈತಾನಿ ನಾಮಾನಿ ತ್ರಿಸನ್ಧ್ಯಂ ಯಃ ಪಠೇನ್ನರಃ ।

ನ ಚ ವಿಘ್ನಭಯಂ ತಸ್ಯ ಸರ್ವಸಿದ್ಧಿಕರಂ ಪರಮ್

॥ 4 ॥

ಶ್ಲೋಕ 6

ವಿದ್ಯಾರ್ಥೀ ಲಭತೇ ವಿದ್ಯಾಂ ಧನಾರ್ಥೀ ಲಭತೇ ಧನಮ್ ।

ಪುತ್ರಾರ್ಥೀ ಲಭತೇ ಪುತ್ರಾನ್ಮೋಕ್ಷಾರ್ಥೀ ಲಭತೇ ಗತಿಮ್

॥ 5 ॥

ಶ್ಲೋಕ 7

ಜಪೇದ್ಗಣಪತಿಸ್ತೋತ್ರಂ ಷಡ್ಭಿರ್ಮಾಸೈಃ ಫಲಂ ಲಭೇತ್ ।

ಸಂವತ್ಸರೇಣ ಸಿದ್ಧಿಂ ಚ ಲಭತೇ ನಾತ್ರ ಸಂಶಯಃ

॥ 6 ॥

ಶ್ಲೋಕ 8

ಅಷ್ಟಭ್ಯೋ ಬ್ರಾಹ್ಮಣೇಭ್ಯಶ್ಚ ಲಿಖಿತ್ವಾ ಯಃ ಸಮರ್ಪಯೇತ್ ।

ತಸ್ಯ ವಿದ್ಯಾ ಭವೇತ್ಸರ್ವಾ ಗಣೇಶಸ್ಯ ಪ್ರಸಾದತಃ

॥ 7 ॥

ಶ್ಲೋಕ 9

ಇತಿ ಶ್ರೀನಾರದಪುರಾಣೇ ಸಙ್ಕಷ್ಟನಾಶನಂ ನಾಮ ಗಣೇಶ ಸ್ತೋತ್ರಮ್ ।