Sani Ashtottara Sata Nama Stotram

ශනි අෂ්ටෝත්තර ශත නාම ස්තෝත්රම්

ශ්ලොක 1

ශනෛශ්චරාය ශාන්තාය සර්වාභීෂ්ටප්රදායිනේ .

ශරණ්යාය වරේණ්යාය සර්වේශාය නමෝ නමඃ .. 1 ..

සෞම්යාය සුරවන්ද්යාය සුරලෝකවිහාරිණේ .

සුඛාසනෝපවිෂ්ටාය සුන්දරාය නමෝ නමඃ .. 2 ..

ඝනාය ඝනරූපාය ඝනාභරණධාරිණේ .

ඝනසාරවිලේපාය ඛද්යෝතාය නමෝ නමඃ .. 3 ..

මන්දාය මන්දචේෂ්ටාය මහනීයගුණාත්මනේ .

මර්ත්යපාවනපාදාය මහේශාය නමෝ නමඃ .. 4 ..

ඡායාපුත්රාය ශර්වාය ශරතූණීරධාරිණේ .

චරස්ථිරස්වභාවාය චඤ්චලාය නමෝ නමඃ .. 5 ..

නීලවර්ණාය නිත්යාය නීලාඤ්ජනනිභාය ච .

නීලාම්බරවිභූෂාය නිශ්චලාය නමෝ නමඃ .. 6 ..

වේද්යාය විධිරූපාය විරෝධාධාරභූමයේ .

භේදාස්පදස්වභාවාය වජ්රදේහාය තේ නමඃ .. 7 ..

වෛරාග්යදාය වීරාය වීතරෝගභයාය ච .

විපත්පරම්පරේශාය විශ්වවන්ද්යාය තේ නමඃ .. 8 ..

ගෘධ්නවාහාය ගූඪාය කූර්මාඞ්ගාය කුරූපිණේ .

කුත්සිතාය ගුණාඪ්යාය ගෝචරාය නමෝ නමඃ .. 9 ..

අවිද්යාමූලනාශාය විද්යා(අ)විද්යාස්වරූපිණේ .

ආයුෂ්යකාරණායා(අ)(අ)පදුද්ධර්ත්රේ ච නමෝ නමඃ .. 10 ..

විෂ්ණුභක්තාය වශිනේ විවිධාගමවේදිනේ .

විධිස්තුත්යාය වන්ද්යාය විරූපාක්ෂාය තේ නමඃ .. 11 ..

වරිෂ්ඨාය ගරිෂ්ඨාය වජ්රාඞ්කුශධරාය ච .

වරදා(අ)භයහස්තාය වාමනාය නමෝ නමඃ .. 12 ..

ජ්යේෂ්ඨාපත්නීසමේතාය ශ්රේෂ්ඨාය මිතභාෂිණේ .

කෂ්ටෞඝනාශකර්යාය පුෂ්ටිදාය නමෝ නමඃ .. 13 ..

ස්තුත්යාය ස්තෝත්රගම්යාය භක්තිවශ්යාය භානවේ .

භානුපුත්රාය භව්යාය පාවනාය නමෝ නමඃ .. 14 ..

ධනුර්මණ්ඩලසංස්ථාය ධනදාය ධනුෂ්මතේ .

තනුප්රකාශදේහාය තාමසාය නමෝ නමඃ .. 15 ..

අශේෂජනවන්ද්යාය විශේෂඵලදායිනේ .

වශීකෘතජනේශාය පශූනාං පතයේ නමඃ .. 16 ..

ඛේචරාය ඛගේශාය ඝනනීලාම්බරාය ච .

කාඨින්යමානසායා(අ)(අ)ර්යගණස්තුත්යාය තේ නමඃ .. 17 ..

නීලච්ඡත්රාය නිත්යාය නිර්ගුණාය ගුණාත්මනේ .

නිරාමයාය නින්ද්යාය වන්දනීයාය තේ නමඃ .. 18 ..

ධීරාය දිව්යදේහාය දීනාර්තිහරණාය ච .

දෛන්යනාශකරායා(අ)(අ)ර්යජනගණ්යාය තේ නමඃ .. 19 ..

ක්රූරාය ක්රූරචේෂ්ටාය කාමක්රෝධකරාය ච .

කලත්රපුත්රශත්රුත්වකාරණාය නමෝ නමඃ .. 20 ..

පරිපෝෂිතභක්තාය පරභීතිහරාය ච .

භක්තසඞ්ඝමනෝ(අ)භීෂ්ටඵලදාය නමෝ නමඃ .. 21 ..

ඉත්ථං ශනෛශ්චරායේදං නාම්නාමෂ්ටෝත්තරං ශතම් .

ප්රත්යහං ප්රජපන්මර්ත්යෝ දීර්ඝමායුරවාප්නුයාත් .. 22 ..

ඉති ශ්රී ශනි අෂ්ටෝත්තරශතනාම ස්තෝත්රම් .