Sani Ashtottara Sata Nama Stotram

shani aShTottara shata nAma stotram

shloka 1

shanaishcharAya shAntAya sarvAbhIShTapradAyine |

sharaNyAya vareNyAya sarveshAya namo namaH || 1 ||

saumyAya suravandyAya suralokavihAriNe |

sukhAsanopaviShTAya sundarAya namo namaH || 2 ||

ghanAya ghanarUpAya ghanAbharaNadhAriNe |

ghanasAravilepAya khadyotAya namo namaH || 3 ||

mandAya mandacheShTAya mahanIyaguNAtmane |

martyapAvanapAdAya maheshAya namo namaH || 4 ||

ChAyAputrAya sharvAya sharatUNIradhAriNe |

charasthirasvabhAvAya cha~nchalAya namo namaH || 5 ||

nIlavarNAya nityAya nIlA~njananibhAya cha |

nIlAmbaravibhUShAya nishchalAya namo namaH || 6 ||

vedyAya vidhirUpAya virodhAdhArabhUmaye |

bhedAspadasvabhAvAya vajradehAya te namaH || 7 ||

vairAgyadAya vIrAya vItarogabhayAya cha |

vipatparampareshAya vishvavandyAya te namaH || 8 ||

gRRidhnavAhAya gUDhAya kUrmA~NgAya kurUpiNe |

kutsitAya guNADhyAya gocharAya namo namaH || 9 ||

avidyAmUlanAshAya vidyA.avidyAsvarUpiNe |

AyuShyakAraNAyA.a.apaduddhartre cha namo namaH || 10 ||

viShNubhaktAya vashine vividhAgamavedine |

vidhistutyAya vandyAya virUpAkShAya te namaH || 11 ||

variShThAya gariShThAya vajrA~NkushadharAya cha |

varadA.abhayahastAya vAmanAya namo namaH || 12 ||

jyeShThApatnIsametAya shreShThAya mitabhAShiNe |

kaShTaughanAshakaryAya puShTidAya namo namaH || 13 ||

stutyAya stotragamyAya bhaktivashyAya bhAnave |

bhAnuputrAya bhavyAya pAvanAya namo namaH || 14 ||

dhanurmaNDalasaMsthAya dhanadAya dhanuShmate |

tanuprakAshadehAya tAmasAya namo namaH || 15 ||

asheShajanavandyAya visheShaphaladAyine |

vashIkRRitajaneshAya pashUnAM pataye namaH || 16 ||

khecharAya khageshAya ghananIlAmbarAya cha |

kAThinyamAnasAyA.a.aryagaNastutyAya te namaH || 17 ||

nIlachChatrAya nityAya nirguNAya guNAtmane |

nirAmayAya nindyAya vandanIyAya te namaH || 18 ||

dhIrAya divyadehAya dInArtiharaNAya cha |

dainyanAshakarAyA.a.aryajanagaNyAya te namaH || 19 ||

krUrAya krUracheShTAya kAmakrodhakarAya cha |

kalatraputrashatrutvakAraNAya namo namaH || 20 ||

paripoShitabhaktAya parabhItiharAya cha |

bhaktasa~Nghamano.abhIShTaphaladAya namo namaH || 21 ||

itthaM shanaishcharAyedaM nAmnAmaShTottaraM shatam |

pratyahaM prajapanmartyo dIrghamAyuravApnuyAt || 22 ||

iti shrI shani aShTottarashatanAma stotram |