Sani Ashtottara Sata Nama Stotram

zani aSTottara zata nAma stotram

zloka 1

zanaizcarAya zAntAya sarvAbhISTapradAyine |

zaraNyAya vareNyAya sarvezAya namo namaH || 1 ||

saumyAya suravandyAya suralokavihAriNe |

sukhAsanopaviSTAya sundarAya namo namaH || 2 ||

ghanAya ghanarUpAya ghanAbharaNadhAriNe |

ghanasAravilepAya khadyotAya namo namaH || 3 ||

mandAya mandaceSTAya mahanIyaguNAtmane |

martyapAvanapAdAya mahezAya namo namaH || 4 ||

chAyAputrAya zarvAya zaratUNIradhAriNe |

carasthirasvabhAvAya caJcalAya namo namaH || 5 ||

nIlavarNAya nityAya nIlAJjananibhAya ca |

nIlAmbaravibhUSAya nizcalAya namo namaH || 6 ||

vedyAya vidhirUpAya virodhAdhArabhUmaye |

bhedAspadasvabhAvAya vajradehAya te namaH || 7 ||

vairAgyadAya vIrAya vItarogabhayAya ca |

vipatparamparezAya vizvavandyAya te namaH || 8 ||

gRdhnavAhAya gUDhAya kUrmAGgAya kurUpiNe |

kutsitAya guNADhyAya gocarAya namo namaH || 9 ||

avidyAmUlanAzAya vidyA'vidyAsvarUpiNe |

AyuSyakAraNAyA''paduddhartre ca namo namaH || 10 ||

viSNubhaktAya vazine vividhAgamavedine |

vidhistutyAya vandyAya virUpAkSAya te namaH || 11 ||

variSThAya gariSThAya vajrAGkuzadharAya ca |

varadA'bhayahastAya vAmanAya namo namaH || 12 ||

jyeSThApatnIsametAya zreSThAya mitabhASiNe |

kaSTaughanAzakaryAya puSTidAya namo namaH || 13 ||

stutyAya stotragamyAya bhaktivazyAya bhAnave |

bhAnuputrAya bhavyAya pAvanAya namo namaH || 14 ||

dhanurmaNDalasaMsthAya dhanadAya dhanuSmate |

tanuprakAzadehAya tAmasAya namo namaH || 15 ||

azeSajanavandyAya vizeSaphaladAyine |

vazIkRtajanezAya pazUnAM pataye namaH || 16 ||

khecarAya khagezAya ghananIlAmbarAya ca |

kAThinyamAnasAyA''ryagaNastutyAya te namaH || 17 ||

nIlacchatrAya nityAya nirguNAya guNAtmane |

nirAmayAya nindyAya vandanIyAya te namaH || 18 ||

dhIrAya divyadehAya dInArtiharaNAya ca |

dainyanAzakarAyA''ryajanagaNyAya te namaH || 19 ||

krUrAya krUraceSTAya kAmakrodhakarAya ca |

kalatraputrazatrutvakAraNAya namo namaH || 20 ||

paripoSitabhaktAya parabhItiharAya ca |

bhaktasaGghamano'bhISTaphaladAya namo namaH || 21 ||

itthaM zanaizcarAyedaM nAmnAmaSTottaraM zatam |

pratyahaM prajapanmartyo dIrghamAyuravApnuyAt || 22 ||

iti zrI zani aSTottarazatanAma stotram |