Pitru Stotram 3 (Brihaddharma Puranam)

pitR stotraM 2 (bRhaddharma purANam)

zloka 1

brahmovAca |

namaH pitre janmadAtre sarvadevamayAya ca |

sukhadAya prasannAya suprItAya mahAtmane || 1 ||

sarvayajJasvarUpAya svargAya parameSThine |

sarvatIrthAvalokAya karuNAsAgarAya ca || 2 ||

namaH sadA''zutoSAya zivarUpAya te namaH |

sadA'parAdhakSamiNe sukhAya sukhadAya ca || 3 ||

durlabhaM mAnuSamidaM yena labdhaM mayA vapuH |

sambhAvanIyaM dharmArthe tasmai pitre namo namaH || 4 ||

tIrthasnAnatapohomajapAdIn yasya darzanam |

mahAgurozca gurave tasmai pitre namo namaH || 5 ||

yasya praNAma stavanAt koTizaH pitRtarpaNam |

azvamedhazataistulyaM tasmai pitre namo namaH || 6 ||

idaM stotraM pitRH puNyaM yaH paThet prayato naraH |

pratyahaM prAtarutthAya pitRzrAddhadine'pi ca || 7 ||

svajanmadivase sAkSAt pituragre sthito'pi vA |

na tasya durlabhaM kiJcit sarvajJatvAdi vAJchitam || 8 ||

nAnApakarma kRtvA'pi yaH stauti pitaraM sutaH |

sa dhRvaM pravidhAyaiva prAyazcittaM sukhI bhavet |

pitRprItikarairnityaM sarvakarmANyathArhati || 9 ||

iti bRhaddharmapurANAntargata brahmakRta pitR stotram |