Patanjali Yoga Sutras

පතඤ්ජලි යෝග සූත්රාණි - 1 (සමාධි පාද)

ශ්ලොක 1

අථ සමාධිපාදඃ .

අථ යෝගානුශාසනම් .. 1 ..

යෝගශ්චිත්තවෘත්ති නිරෝධඃ .. 2 ..

තදා ද්රෂ්ටුඃ ස්වරූපේ(අ)වස්ථානම් .. 3 ..

වෘත්ති සාරූප්යමිතරත්ර .. 4 ..

වෘත්තයඃ පඤ්චතය්යඃ ක්ලිෂ්ටා(අ)ක්ලිෂ්ටාඃ .. 5 ..

ප්රමාණ විපර්යය විකල්ප නිද්රා ස්මෘතයඃ .. 6 ..

ප්රත්යක්ෂානුමානාගමාඃ ප්රමාණානි .. 7 ..

විපර්යයෝ මිථ්යාජ්ඤානමතද්රූප ප්රතිෂ්ඨම් .. 8 ..

ශබ්දජ්ඤානානුපාතී වස්තුශූන්යෝ විකල්පඃ .. 9 ..

අභාව ප්රත්යයාලම්බනා වෘත්තිර්නිද්රා .. 10 ..

අනුභූත විෂයාසම්ප්රමෝෂඃ ස්මෘතිඃ .. 11 ..

අභ්යාස වෛරාග්යාභ්යාං තන්නිරෝධඃ .. 12 ..

තත්ර ස්ථිතෞ යත්නෝ(අ)භ්යාසඃ .. 13 ..

ස තු දීර්ඝකාල නෛරන්තර්ය සත්කාරාසේවිතෝ දෘඪභූමිඃ .. 14 ..

දෘෂ්ටානුශ්රවික විෂය විතෘෂ්ණස්ය වශීකාරසඤ්ජ්ඤා වෛරාග්යම් .. 15 ..

තත්පරං පුරුෂඛ්යාතේ-ර්ගුණවෛතෘෂ්ණ්යම් .. 16 ..

විතර්ක විචාරානන්දාස්මිතාරූපානුගමාත් සම්ප්රජ්ඤාතඃ .. 17 ..

විරාමප්රත්යයාභ්යාසපූර්වඃ සංස්කාරශේෂෝ(අ)න්යඃ .. 18 ..

භවප්රත්යයෝ විදේහප්රකෘතිලයානාම් .. 19 ..

ශ්රද්ධා වීර්ය ස්මෘති සමාධිප්රජ්ඤා පූර්වක ඉතරේෂාම් .. 20 ..

තීව්රසංවේගානාමාසන්නඃ .. 21 ..

මෘදුමධ්යාධිමාත්රත්වාත්තතෝ(අ)පි විශේෂඃ .. 22 ..

ඊශ්වරප්රණිධානාද්වා .. 23 ..

ක්ලේශ කර්ම විපාකාශයෛරපරාමෘෂ්ටඃ පුරුෂවිශේෂ ඊශ්වරඃ .. 24 ..

තත්ර නිරතිශයං සර්වජ්ඤබීජම් .. 25 ..

ස ඒෂඃ පූර්වේෂාමපි ගුරුඃ කාලේනානවච්ඡේදාත් .. 26 ..

තස්ය වාචකඃ ප්රණවඃ .. 27 ..

තජ්ජපස්තදර්ථභාවනම් .. 28 ..

තතඃ ප්රත්යක්චේතනාධිගමෝ(අ)ප්යන්තරායාභාවශ්ච .. 29 ..

ව්යාධි ස්ත්යාන සංශය ප්රමාදාලස්යාවිරති භ්රාන්ති

දර්ශනාලබ්ධභූමිකත්වානවස්ථිතත්වානි චිත්තවික්ෂේපාස්තේං(අ)තරායාඃ .. 30 ..

දුඃඛ දෞර්මනස්යාඞ්ගමේජයත්ව ශ්වාසප්රශ්වාසා වික්ෂේපසහභුවඃ .. 31 ..

තත්ප්රතිෂේධාර්ථමේකතත්ත්වාභ්යාසඃ .. 32 ..

මෛත්රී කරුණා මුදිතෝපේක්ෂාණාං සුඛ දුඃඛ පුණ්යාපුණ්ය විෂයාණාම්-භාවනාතශ්චිත්තප්රසාදනම් .. 33 ..

ප්රච්ඡර්දන විධාරණාභ්යාං වා ප්රාණස්ය .. 34 ..

විෂයවතී වා ප්රවෘත්තිරුත්පන්නා මනසඃ ස්ථිති නිබන්ධිනී .. 35 ..

විශෝකා වා ජ්යෝතිෂ්මතී .. 36 ..

වීතරාග විෂයං වා චිත්තම් .. 37 ..

ස්වප්න නිද්රා ජ්ඤානාලම්බනං වා .. 38 ..

යථාභිමතධ්යානාද්වා .. 39 ..

පරමාණු පරම මහත්ත්වාන්තෝ(අ)ස්ය වශීකාරඃ .. 40 ..

ක්ෂීණවෘත්තේරභිජාතස්යේව මණේර්ග්රහීතෘග්රහණ ග්රාහ්යේෂු තත්ස්ථ තදඤ්ජනතා සමාපත්තිඃ .. 41 ..

තත්ර ශබ්දාර්ථ ජ්ඤාන විකල්පෛඃ සඞ්කීර්ණා සවිතර්කා සමාපත්තිඃ .. 42 ..

ස්මෘති පරිශුද්ධෞ ස්වරූප ශූන්යේවාර්ථ මාත්රනිර්භාසා නිර්විතර්කා .. 43 ..

ඒතයෛව සවිචාරා නිර්විචාරා ච සූක්ෂ්මවිෂයා ව්යාඛ්යාතා .. 44 ..

සූක්ෂ්ම විෂයත්වං චාලිඞ්ගපර්යවසානම් .. 45 ..

තා ඒව සබීජඃ සමාධිඃ .. 46 ..

නිර්විචාර වෛශාරාද්යේ(අ)ධ්යාත්මප්රසාදඃ .. 47 ..

ඍතම්භරා තත්ර ප්රජ්ඤා .. 48 ..

ශ්රුතානුමාන ප්රජ්ඤාභ්යාමන්යවිෂයා විශේෂාර්ථත්වාත් .. 49 ..

තජ්ජඃ සංස්කාරෝ(අ)න්යසංස්කාර ප්රතිබන්ධී .. 50 ..

තස්යාපි නිරෝධේ සර්වනිරෝධාන්නිර්බීජස්සමාධිඃ .. 51 ..

ඉති පාතඤ්ජලයෝගදර්ශනේ සමාධිපාදෝ නාම ප්රථමඃ පාදඃ .