Patanjali Yoga Sutras

pata~njali yoga sUtrANi - 1 (samAdhi pAda)

shloka 1

atha samAdhipAdaH |

atha yogAnushAsanam || 1 ||

yogashchittavRRitti nirodhaH || 2 ||

tadA draShTuH svarUpe.avasthAnam || 3 ||

vRRitti sArUpyamitaratra || 4 ||

vRRittayaH pa~nchatayyaH kliShTA.akliShTAH || 5 ||

pramANa viparyaya vikalpa nidrA smRRitayaH || 6 ||

pratyakShAnumAnAgamAH pramANAni || 7 ||

viparyayo mithyAj~nAnamatadrUpa pratiShTham || 8 ||

shabdaj~nAnAnupAtI vastushUnyo vikalpaH || 9 ||

abhAva pratyayAlambanA vRRittirnidrA || 10 ||

anubhUta viShayAsampramoShaH smRRitiH || 11 ||

abhyAsa vairAgyAbhyAM tannirodhaH || 12 ||

tatra sthitau yatno.abhyAsaH || 13 ||

sa tu dIrghakAla nairantarya satkArAsevito dRRiDhabhUmiH || 14 ||

dRRiShTAnushravika viShaya vitRRiShNasya vashIkArasanjnA vairAgyam || 15 ||

tatparaM puruShakhyAte-rguNavaitRRiShNyam || 16 ||

vitarka vichArAnandAsmitArUpAnugamAt sampraj~nAtaH || 17 ||

virAmapratyayAbhyAsapUrvaH saMskArasheSho.anyaH || 18 ||

bhavapratyayo videhaprakRRitilayAnAm || 19 ||

shraddhA vIrya smRRiti samAdhipraj~nA pUrvaka itareShAm || 20 ||

tIvrasaMvegAnAmAsannaH || 21 ||

mRRidumadhyAdhimAtratvAttato.api visheShaH || 22 ||

IshvarapraNidhAnAdvA || 23 ||

klesha karma vipAkAshayairaparAmRRiShTaH puruShavisheSha IshvaraH || 24 ||

tatra niratishayaM sarvaj~nabIjam || 25 ||

sa eShaH pUrveShAmapi guruH kAlenAnavachChedAt || 26 ||

tasya vAchakaH praNavaH || 27 ||

tajjapastadarthabhAvanam || 28 ||

tataH pratyakchetanAdhigamo.apyantarAyAbhAvashcha || 29 ||

vyAdhi styAna saMshaya pramAdAlasyAvirati bhrAnti

darshanAlabdhabhUmikatvAnavasthitatvAni chittavikShepAsteM.atarAyAH || 30 ||

duHkha daurmanasyA~Ngamejayatva shvAsaprashvAsA vikShepasahabhuvaH || 31 ||

tatpratiShedhArthamekatattvAbhyAsaH || 32 ||

maitrI karuNA muditopekShANAM sukha duHkha puNyApuNya viShayANAm-bhAvanAtashchittaprasAdanam || 33 ||

prachChardana vidhAraNAbhyAM vA prANasya || 34 ||

viShayavatI vA pravRRittirutpannA manasaH sthiti nibandhinI || 35 ||

vishokA vA jyotiShmatI || 36 ||

vItarAga viShayaM vA chittam || 37 ||

svapna nidrA j~nAnAlambanaM vA || 38 ||

yathAbhimatadhyAnAdvA || 39 ||

paramANu parama mahattvAnto.asya vashIkAraH || 40 ||

kShINavRRitterabhijAtasyeva maNergrahItRRigrahaNa grAhyeShu tatstha tada~njanatA samApattiH || 41 ||

tatra shabdArtha jnAna vikalpaiH saNkIrNA savitarkA samApattiH || 42 ||

smRRiti parishuddhau svarUpa shUnyevArtha mAtranirbhAsA nirvitarkA || 43 ||

etayaiva savichArA nirvichArA cha sUkShmaviShayA vyAkhyAtA || 44 ||

sUkShma viShayatvaM chAli~NgaparyavasAnam || 45 ||

tA eva sabIjaH samAdhiH || 46 ||

nirvichAra vaishArAdye.adhyAtmaprasAdaH || 47 ||

RRitambharA tatra praj~nA || 48 ||

shrutAnumAna praj~nAbhyAmanyaviShayA visheShArthatvAt || 49 ||

tajjaH saMskAro.anyasaMskAra pratibandhI || 50 ||

tasyApi nirodhe sarvanirodhAnnirbIjassamAdhiH || 51 ||

iti pAta~njalayogadarshane samAdhipAdo nAma prathamaH pAdaH |