Panchamruta Snanam
Panchamruta Snanam
paJcAmRta snAnAbhiSekam
zloka 1
(vA॒ma॒devA॒ya na॑maH – snAnaM)
ityAdi nirmAlyaM-vi~sRjyetyanta-mprativAra-GkuryAt ||
|| paJcAmRtasnAnam ||
atha (paJcAmRta snAnaM) paJcAmRtadevatAbhyo namaH |
dhyAnAvAhanAdi SoDazopacArapUjAssamarpayAmi |
bhavAnIzaGkaramuddizya bhavAnIzaGkara prItyartha-mpaJcAmRtasnAna-GkariSyAmaH |
kSIraM
ApyA॑yasva॒ same॑tu te vi॒zvata॑ssoma॒ vRSNi॑yam |
bhavA॒ vAja॑sya saGga॒the ||
zrI bhavAnIzaGkarAsvAmine namaH, kSIreNa snapayAmi |
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | kSIrasnAnAnantaraM zuddhodaka snAnaM samarpayAmi |
dadhi
da॒dhi॒krAvNNo॑ akAriSa-Jji॒SNorazva॑sya vA॒jinaH॑ |
su॒ra॒bhi no॒ mukhA॑ kara॒tprANa॒ AyUgM॑Si tAriSat ||
zrI bhavAnIzaGkarAsvAmine namaH | dadhnA snapayAmi |
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | dadhisnAnAnantaraM zuddhodaka snAnaM samarpayAmi |
AjyaM
zu॒krama॑si॒ jyoti॑rasi॒ tejo॑si de॒vova॑ssavi॒totpu॑nA॒-
tvacchi॑dreNa pa॒vitre॑Na॒ vaso॒ssUrya॑sya ra॒zmibhiH॑ |
zrI bhavAnIzaGkarAsvAmine namaH | Ajyena snapayAmi |
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | Ajya snAnAnantaraM zuddhodaka snAnaM samarpayAmi |
madhu
madhu॒vAtA॑ RtAya॒te madhu॑kSaranti॒ sindha॑vaH |
mAdhvI᳚rna-ssa॒ntvoSa॑dhIH |
madhu॒ nakta॑mu॒toSa॑si॒ madhu॑ma॒tpArthi॑va॒gM॒ rajaH॑ |
madhu॒dyaura॑stu naH pi॒tA |
madhu॑mAnno॒ vana॒spati॒rmadhu॑mAgM astu॒ sUryaH॑ |
mAdhvI॒rgAvo॑ bhavantu naH |
zrI bhavAnIzaGkarAsvAmine namaH | madhunA snapayAmi |
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | madhusnAnAnantaraM zuddhodaka snAnaM samarpayAmi |
zarkara
svA॒duH pa॑vasva di॒vyAya॒ janma॑ne |
svA॒durindrA॑ya su॒havI॑tu॒ nAmne᳚ |
svA॒durmi॒trAya॒ varu॑NAya vA॒yave॒ |
bRha॒spata॑ye॒ madhu॑mA॒gM adA᳚bhyaH |
zrI bhavAnIzaGkarAsvAmine namaH | zarkarayA snapayAmi |
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | zarkara snAnAnantaraM zuddhodaka snAnaM samarpayAmi |
zrI bhavAnIzaGkarAsvAmine namaH | paJcAmRta snAnaM samarpayAmi |
zaGkhodakaM
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | zaGkhodakena snapayAmi ||
phalodakaM
yAH pha॒linI॒ryA a॑pha॒lA a॑pu॒SpAyAzca॑ pu॒SpiNIH᳚ |
bRha॒spati॑ prasUtA॒stAno॑ muJca॒ntvagM ha॑saH ||
zrI bhavAnIzaGkarAsvAmine namaH | phalodakena snapayAmi |
gandhodakaM
ga॒ndha॒dvA॒rA-ndu॑rAdha॒rSA॒-nni॒tyapu॑STA-GkarI॒SiNI᳚m |
I॒zvarI॑gM sarva॑bhUtA॒nA॒-ntAmi॒hopa॑hvaye॒ zriyam ||
zrI bhavAnIzaGkarAsvAmine namaH | gandhodakena snapayAmi |
puSpodakaM
yo॑-'pA-mpuSpaM॒-ve~da॑ |
puSpa॑vA-npra॒jAvA॑-npazu॒mA-nbha॑vati |
ca॒ndramA॒ vA a॒pA-mpuSpa॑m |
puSpa॑vA-npra॒jAvA॑-npazu॒mA-nbha॑vati |
zrI bhavAnIzaGkarAsvAmine namaH | puSpodakena snapayAmi |
akSatodakaM
Aya॑ne te pa॒rAya॑Ne॒ dUrvA॑ rohantu pu॒SpiNIH॑ |
hra॒dAzca॑ pu॒NDarI॑kANi samu॒drasya॑ gR॒hA i॒me |
zrI bhavAnIzaGkarAsvAmine namaH | akSatodakena snapayAmi |
suvarNodakaM
tathsu॒varNa॒gM॒ hira॑Nyamabhavat |
tathsu॒varNa॑sya॒ hira॑Nyasya॒janma॑ |
ya e॒vagM su॒varNa॑sya॒ hira॑Nyasya॒ janma॒ve॑da |
su॒varNa॑ A॒tmanA॑ bhavati |
zrI bhavAnIzaGkarAsvAmine namaH | suvarNodakena snapayAmi |
rudrAkSodakaM
trya॑mbakaM-ya~jAmahe suga॒ndhi-mpu॑STi॒ vardha॑nam |
u॒rvA॒ru॒kami॑va॒ bandha॑nAnmR॒tyormu॑kSIya॒ mA-'mRtA᳚t ||
zrI bhavAnIzaGkarAsvAmine namaH | rudrAkSodakena snapayAmi |
bhasmodakaM
mA no॑ ma॒hAnta॑mu॒ta mA no॑ arbha॒kaM
mA na॒ ukSa॑ntamu॒ta mA na॑ ukSi॒tam |
mA no॑-'vadhIH pi॒tara॒-mmota mA॒taraM॑
pri॒yA mA na॑sta॒nuvo॑ rudra rIriSaH |
zrI bhavAnIzaGkarAsvAmine namaH | bhasmodakena snapayAmi |
bilvodakaM
mA na॑sto॒ke tana॑ye॒ mA na॒ Ayu॑Si॒
mA no॒ goSu॒ mA no॒ azve॑Su rIriSaH |
vI॒rAnmA no॑ rudra bhAmi॒to-'va॑dhIrha॒viSma॑nto॒
nama॑sA vidhema te |
zrI bhavAnIzaGkarAsvAmine namaH | bilvodakena snapayAmi |
dUrvodakaM
kANDA॑tkANDAtpra॒roha॑nti paru॑SaH paruSaH॒ pari॑ |
e॒vAno॑ dUrve॒ prata॑nu sa॒hasre॑Na za॒tena॑ ca ||
zrI bhavAnIzaGkarAsvAmine namaH | dUrvodakena snapayAmi |
atha malApakarSaNa snAnam |
hira॑NyavarNA॒zzuca॑yaH pAva॒kA
yAsu॑ jA॒taH ka॒zyapo॒ yAsvindraH॑ |
a॒gniM-yA~ garbha॑-ndadhi॒re virU॑pA॒stA
na॒ Apa॒zzagg syo॒nA bha॑vantu ||
yAsA॒gM॒ rAjA॒ varu॑No॒ yAti॒ madhye॑
satyAnR॒te a॑va॒pazya॒JjanA॑nAm |
ma॒dhu॒zcuta॒zzuca॑yo॒ yAH pA॑va॒kAstA
na॒ Apa॒zzagg syo॒nA bha॑vantu ||
yAsA॑-nde॒vA di॒vi kR॒Nvanti॑ bha॒kSaM
yA a॒ntari॑kSe bahu॒dhA bhava॑nti |
yAH pR॑thi॒vI-mpaya॑so॒ndanti॑ zu॒krAstA
na॒ Apa॒zzagg syo॒nA bha॑vantu ||
zi॒vena॑ mA॒ cakSu॑SA pazyatApazzi॒vayA॑
ta॒nuvopa॑ spRzata॒ tvaca॑-mme |
sarvAgM॑ a॒gnIgM ra॑phsu॒Sado॑ huve vo॒ mayi॒
varco॒ bala॒mojo॒ nidha॑tta ||
(a.ve., kANDa-3, sUktaM-13)
yada॒da-ssa॑mpraya॒tIrahA॒vana॑datA ha॒te |
tasmA॒dA na॒dyo॑ nAma॑ stha॒ tA vo॒ nAmA॑ni sindhavaH || 1
yatpreSi॑tA॒ varu॑Ne॒natAzzIbha॑gM sa॒mava॑lgata |
tadA॑pno॒dindro॑ vo ya॒tIstasmA॒dApo॒ anu॑sthana || 2
A॒pa॒kA॒maggM syanda॑mAnA॒ avI॑varata vo॒ hi ka॑m |
indro॑ va॒zzakti॑bhirdevI॒stasmA॒dvArNAma॑ vo hi॒tam || 3
eko॑ vo de॒vo apya॑tiSTha॒thsyanda॑mAnA yathAva॒zam |
udA॑niSurma॒hIriti॒ tasmA॑duda॒kamu॑cyate || 4
Apo॑ bha॒drA ghR॒tamidApa॑ Anura॒gnISomau॑ bibhra॒tyApa॒ ittAH |
tI॒vro raso॑ madhu॒pRcAM॑ a॒ra॒Gga॒ma A mA॑ prA॒Nena॑ sa॒ha varca॑sAgann || 5
Aditpa॑zyAmyu॒ta vA॑ zRNo॒myA mA॒ ghoSo॑ gacchati॒ vAGma॑ AsAm |
manye॑ bhejA॒no a॒mRta॑sya॒ tarhi॒ hira॑NyavarNA॒ atR॑paM-ya~॒dA vaH॑ || 6
Apo॒ hiSThA ma॑yo॒bhuva॒stA na॑ U॒rje da॑dhAtana |
ma॒heraNA॑ya॒ cakSa॑se |
yo vaH॑ zi॒vata॑mo rasa॒stasya॑ bhAjayate॒ ha naH॑ |
u॒za॒tIri॑va mA॒ta॑raH |
tasmA॒ ara॑GgamAmavo॒ yasya॒ kSayA॑ya॒ jinva॑tha |
Apo॑ ja॒naya॑thA ca naH |
zrI bhavAnIzaGkarAsvAmine namaH | zuddhodakena snapayAmi |
[ di॒vizra॑yasvA॒ntari॑kSeyatasva pRthi॒vyAsambha॑va brahmavarca॒sama॑si brahmavarca॒sAya॑tvA | a॒pA-GgrahA॑ngRhNAtye॒tadvApa rA॑ja॒sUyaM॒-yade॒tegrahA॑ssa॒vo॑-'gnirva॑ruNasa॒vo rA॑ja॒sUya॑magnisa॒vazcitya॒stAbhyA॑me॒va sU॑ya॒te-'tho॑ u॒bhAve॒valo॒kAva॒bhija॑yati॒ yazca॑ rAja॒sUye॑nejA॒nasya॒ yazcA॑gni॒cita॒ Apo॑ bhava॒ntyApo॒ vA a॒gnerbhrAtR॑vyA॒ yada॒po॑-'gnera॒dhastA॑dupa॒dadhA॑ti॒ bhrAtR॑vyAbhibhUtyai॒ bhava॑tyA॒tmanA॒parA॑-'sya॒bhrAtR॑vyo bhavatya॒mRtaM॒-vA Apa॒stasmA॑da॒dbhirava॑tAntama॒bhiSi॑Jcanti॒ nArti॒mArcha॑ti॒sarva॒mAyu॑reti ||
]
pava॑mAna॒ssuva॒rjanaH॑ | pa॒vitre॑Na॒ vica॑rSaNiH |
yaH potA॒ sa pu॑nAtu mA | pu॒nantu॑ mA devaja॒nAH |
pu॒nantu॒ mana॑vo dhi॒yA | pu॒nantu॒ vizva॑ A॒yavaH॑ |
jAta॑vedaH pa॒vitra॑vat | pa॒vitre॑Na punAhi mA |
zu॒kreNa॑ deva॒dIdya॑t | agne॒ kratvA॒ kratU॒gM॒ ranu॑ |
yatte॑ pa॒vitra॑ma॒rciSi॑ | agne॒ vita॑tamanta॒rA |
brahma॒ tena॑ punImahe | u॒bhAbhyA᳚-ndevasavitaH |
pa॒vitre॑Na sa॒vena॑ ca | i॒da-mbrahma॑ punImahe |
vai॒zva॒de॒vI pu॑na॒tI de॒vyAgA᳚t |
yasyai॑ ba॒hvIsta॒nuvo॑ vI॒tapR॑SThAH |
tayA॒ mada॑nta-ssadha॒mAdye॑Su |
va॒yagg syA॑ma॒ pata॑yo rayI॒NAm |
vai॒zvA॒na॒ro ra॒zmibhi॑rmA punAtu |
vAtaH॑ prA॒Nene॑Si॒ro ma॑yo॒ bhUH |
dyAvA॑pRthi॒vI paya॑sA॒ payo॑bhiH |
R॒tAva॑rI ya॒jJiye॑ mA punItAm ||
bR॒hadbhi॑ssavita॒stRbhiH॑ | varSi॑SThairdeva॒manma॑bhiH |
agne॒ dakSaiH᳚ punAhi mA | yena॑ de॒vA apu॑nata |
yenApo॑ di॒vyaGkazaH॑ | tena॑ di॒vyena॒ brahma॑NA |
i॒da-mbrahma॑ punImahe | yaH pA॑vamA॒nIra॒ddhyeti॑ |
RSi॑bhi॒ssambhR॑ta॒gM॒ rasam॑ | sarva॒gM॒ sa pU॒tama॑znAti |
sva॒di॒ta-mmA॑ta॒rizva॑nA | pA॒va॒mA॒nIryo a॒dhyeti॑ |
RSi॑bhi॒ssambhR॑ta॒gM॒ rasam᳚ | tasmai॒ sara॑svatI duhe |
kSI॒ragM sa॒rpirmadhU॑da॒kam ||
pA॒va॒mA॒nIssva॒styaya॑nIH | su॒dughA॒hi paya॑svatIH |
RSi॑bhi॒ssambhR॑to॒ rasaH॑ | brA॒hma॒NeSva॒mRtagM॑ hi॒tam |
pA॒va॒mA॒nIrdi॑zantu naH | i॒maM-lo~॒kamatho॑ a॒mum |
kAmA॒nthsama॑rdhayantu naH | de॒vIrde॒vaissa॒mAbhR॑tAH |
pA॒va॒mA॒nIssva॒styaya॑nIH | su॒dughA॒hi ghR॑ta॒zcutaH॑ |
RSi॑bhi॒ssambhR॑to॒ rasaH॑ | brA॒hma॒NeSva॒mRtagM॑ hi॒tam |
yena॑ de॒vAH pa॒vitre॑Na | A॒tmAna॑-mpu॒nate॒ sadA᳚ |
tena॑ sa॒hasra॑dhAreNa | pA॒va॒mA॒nyaH pu॑nantu mA |
prA॒jA॒pa॒tya-mpa॒vitram᳚ | za॒todyA॑magM hira॒Nmayam᳚ |
tena॑ brahma॒ vido॑ va॒yam | pU॒ta-mbrahma॑ punImahe |
indra॑ssunI॒tI sa॒hamA॑ punAtu | soma॑ssva॒styA varu॑Nassa॒mIcyA᳚ |
ya॒mo rAjA᳚ pramR॒NAbhiH॑ punAtu mA | jA॒tave॑dA mo॒rjaya॑ntyA punAtu |
Apo॒ vA i॒dagM sarvaM॒-vi~zvA॑ bhU॒tAnyApaH॑ prA॒NA vA ApaH॑
pa॒zava॒ Apo-'nna॒mApo-'mR॑ta॒mApaH॑ sa॒mrADApo॑ vi॒rADApaH॑
sva॒rADApa॒zchandA॒gM॒syApo॒ jyotI॒gM॒SyApo॒
yajU॒gM॒SyApa॑ssa॒tyamApa॒ssarvA॑ de॒vatA॒ Apo॒
bhUrbhuva॒ssuva॒rApa॒ om ||
a॒paH praNa॑yati | zra॒ddhAvA ApaH॑ |
zra॒ddhAme॒vArabhya॑ pra॒NIya॒ praca॑rati |
a॒paH praNa॑yati | ya॒jJo vAa ApaH॑ |
ya॒jJame॒vArabhya॑ pra॒NIya॒ praca॑rati
a॒paH praNa॑yati | va॒jro vA ApaH॑ |
vajra॑me॒va bhrAtR॑vyebhyaH prahRtya॑ pra॒NIya॒ praca॑rati |
a॒paH praNa॑yati | Apo॒ vai ra॑kSo॒ghnIH |
rakSa॑sA॒mapa॑hatyai |
a॒paH praNa॑yati | Apo॒ vai de॒vAnA॑-mpri॒yandhAma॑ |
de॒vAnA॑me॒va pri॒yandhAma॑ pra॒NIya॒ praca॑rati |
a॒paH praNa॑yati | Apo॒ vai sarvA॑ de॒vatAH॑ |
de॒vatA॑ e॒vArabhya॑ pra॒NIya॒ praca॑rati |
(Apo॒vaizA॒ntAH | zA॒ntAbhi॑re॒vAsya॑ zucagM॑zamayati ||)
zrI bhavAnIzaGkarAsvAmine namaH | malApakarSaNasnAnaM samarpayAmi |