Padmavathi Stotram

padmAvatI stotraM

zloka 1

viSNupatni jaganmAtaH viSNuvakSasthalasthite |

padmAsane padmahaste padmAvati namo'stu te || 1 ||

veGkaTezapriye pUjye kSIrAbditanaye zubhe |

padmerame lokamAtaH padmAvati namo'stu te || 2 ||

kalyANI kamale kAnte kalyANapuranAyike |

kAruNyakalpalatike padmAvati namo'stu te || 3 ||

sahasradalapadmasthe koTicandranibhAnane |

padmapatravizAlAkSI padmAvati namo'stu te || 4 ||

sarvajJe sarvavarade sarvamaGgaladAyinI |

sarvasammAnite devI padmAvati namo'stu te || 5 ||

sarvahRddaharAvAse sarvapApabhayApahe |

aSTaizvaryaprade lakSmI padmAvati namo'stu te || 6 ||

dehi me mokSasAmrAjyaM dehi tvatpAdadarzanam |

aSTaizvaryaM ca me dehi padmAvati namo'stu te || 7 ||

nakrazravaNanakSatre kRtodvAhamahotsave |

kRpayA pAhi naH padme tvadbhaktibharitAn rame || 8 ||

indire hemavarNAbhe tvAM vande paramAtmikAm |

bhavasAgaramagnaM mAM rakSa rakSa mahezvarI || 9 ||

kalyANapuravAsinyai nArAyaNyai zriyai namaH |

zRtistutipragItAyai devadevyai ca maGgalam || 10 ||