Nava Durga Stotram

nava durgā stotram

Śloka 1

gaṇeśaḥ

haridrābhañcaturvādu hāridravasanaṃvibhum |

pāśāṅkuśadharaṃ daivammodakandantameva ca ||

devī śailaputrī

vande vāñchitalābhāya candrārdhakṛtaśekharāṃ|

vṛṣārūḍhāṃ śūladharāṃ śailaputrī yaśasvinīm ||

devī brahmacāriṇī

dadhānā karapadmābhyāmakṣamālā kamaṇḍalū |

devī prasīdatu mayi brahmacāriṇyanuttamā ||

devī candraghaṇṭeti

piṇḍajapravarārūḍhā candakopāstrakairyutā |

prasādaṃ tanute mahyaṃ candraghaṇṭeti viśrutā ||

devī kūṣmāṇḍā

surāsampūrṇakalaśaṃ rudhirāplutameva ca |

dadhānā hastapadmābhyāṃ kūṣmāṇḍā śubhadāstu me ||

devīskandamātā

siṃhāsanagatā nityaṃ padmāśritakaradvayā |

śubhadāstu sadā devī skandamātā yaśasvinī ||

devīkātyāyaṇī

candrahāsojjvalakarā śārdūlavaravāhanā |

kātyāyanī śubhaṃ dadyādevī dānavaghātinī ||

devīkālarātri

ekaveṇī japākarṇapūra nagnā kharāsthitā |

lamboṣṭhī karṇikākarṇī tailābhyaktaśarīriṇī || vāmapādollasallohalatākaṇṭakabhūṣaṇā |

vardhanamūrdhvajā kṛṣṇā kālarātrirbhayaṅkarī ||

devīmahāgaurī

śvete vṛṣe samārūḍhā śvetāmbaradharā śuciḥ |

mahāgaurī śubhaṃ dadyānmahādevapramodadā ||

devīsiddhidātri

siddhagandharvayakṣādyairasurairamarairapi |

sevyamānā sadā bhūyāt siddhidā siddhidāyinī ||