Nataraja Stotram (Patanjali Krutam)

නටරාජ ස්තෝත්රං (පතඤ්ජලි කෘතම්)

ශ්ලොක 1

අථ චරණශෘඞ්ගරහිත ශ්රී නටරාජ ස්තෝත්රං

සදඤ්චිත-මුදඤ්චිත නිකුඤ්චිත පදං ඣලඣලං-චලිත මඤ්ජු කටකම් .

පතඤ්ජලි දෘගඤ්ජන-මනඤ්ජන-මචඤ්චලපදං ජනන භඤ්ජන කරම් .

කදම්බරුචිමම්බරවසං පරමමම්බුද කදම්බ කවිඩම්බක ගලම්

චිදම්බුධි මණිං බුධ හෘදම්බුජ රවිං පර චිදම්බර නටං හෘදි භජ .. 1 ..

හරං ත්රිපුර භඤ්ජන-මනන්තකෘතකඞ්කණ-මඛණ්ඩදය-මන්තරහිතං

විරිඤ්චිසුරසංහතිපුරන්ධර විචින්තිතපදං තරුණචන්ද්රමකුටම් .

පරං පද විඛණ්ඩිතයමං භසිත මණ්ඩිතතනුං මදනවඤ්චන පරං

චිරන්තනමමුං ප්රණවසඤ්චිතනිධිං පර චිදම්බර නටං හෘදි භජ .. 2 ..

අවන්තමඛිලං ජගදභඞ්ග ගුණතුඞ්ගමමතං ධෘතවිධුං සුරසරිත්-

තරඞ්ග නිකුරුම්බ ධෘති ලම්පට ජටං ශමනදම්භසුහරං භවහරම් .

ශිවං දශදිගන්තර විජෘම්භිතකරං කරලසන්මෘගශිශුං පශුපතිං

හරං ශශිධනඤ්ජයපතඞ්ගනයනං පර චිදම්බර නටං හෘදි භජ .. 3 ..

අනන්තනවරත්නවිලසත්කටකකිඞ්කිණිඣලං ඣලඣලං ඣලරවං

මුකුන්දවිධි හස්තගතමද්දල ලයධ්වනිධිමිද්ධිමිත නර්තන පදම් .

ශකුන්තරථ බර්හිරථ නන්දිමුඛ භෘඞ්ගිරිටිසඞ්ඝනිකටං භයහරම්

සනන්ද සනක ප්රමුඛ වන්දිත පදං පර චිදම්බර නටං හෘදි භජ .. 4 ..

අනන්තමහසං ත්රිදශවන්ද්ය චරණං මුනි හෘදන්තර වසන්තමමලම්

කබන්ධ වියදින්ද්වවනි ගන්ධවහ වහ්නිමඛ බන්ධුරවිමඤ්ජු වපුෂම් .

අනන්තවිභවං ත්රිජගදන්තර මණිං ත්රිනයනං ත්රිපුර ඛණ්ඩන පරම්

සනන්ද මුනි වන්දිත පදං සකරුණං පර චිදම්බර නටං හෘදි භජ .. 5 ..

අචින්ත්යමලිවෘන්ද රුචි බන්ධුරගලං කුරිත කුන්ද නිකුරුම්බ ධවලම්

මුකුන්ද සුර වෘන්ද බල හන්තෘ කෘත වන්දන ලසන්තමහිකුණ්ඩල ධරම් .

අකම්පමනුකම්පිත රතිං සුජන මඞ්ගලනිධිං ගජහරං පශුපතිම්

ධනඤ්ජය නුතං ප්රණත රඤ්ජනපරං පර චිදම්බර නටං හෘදි භජ .. 6 ..

පරං සුරවරං පුරහරං පශුපතිං ජනිත දන්තිමුඛ ෂණ්මුඛමමුං

මෘඩං කනක පිඞ්ගල ජටං සනක පඞ්කජ රවිං සුමනසං හිමරුචිම් .

අසඞ්ඝමනසං ජලධි ජන්මගරලං කවලයන්ත මතුලං ගුණනිධිම්

සනන්ද වරදං ශමිතමින්දු වදනං පර චිදම්බර නටං හෘදි භජ .. 7 ..

අජං ක්ෂිතිරථං භුජගපුඞ්ගවගුණං කනක ශෘඞ්ගි ධනුෂං කරලසත්

කුරඞ්ග පෘථු ටඞ්ක පරශුං රුචිර කුඞ්කුම රුචිං ඩමරුකං ච දධතම් .

මුකුන්ද විශිඛං නමදවන්ධ්ය ඵලදං නිගම වෘන්ද තුරගං නිරුපමං

ස චණ්ඩිකමමුං ඣටිති සංහෘතපුරං පර චිදම්බර නටං හෘදි භජ .. 8 ..

අනඞ්ගපරිපන්ථිනමජං ක්ෂිති ධුරන්ධරමලං කරුණයන්තමඛිලං

ජ්වලන්තමනලං දධතමන්තකරිපුං සතතමින්ද්ර සුරවන්දිතපදම් .

උදඤ්චදරවින්දකුල බන්ධුශත බිම්බරුචි සංහති සුගන්ධි වපුෂං

පතඤ්ජලි නුතං ප්රණව පඤ්ජර ශුකං පර චිදම්බර නටං හෘදි භජ .. 9 ..

ඉති ස්තවමමුං භුජගපුඞ්ගව කෘතං ප්රතිදිනං පඨති යඃ කෘතමුඛඃ

සදඃ ප්රභුපද ද්විතයදර්ශනපදං සුලලිතං චරණ ශෘඞ්ග රහිතම් .

සරඃ ප්රභව සම්භව හරිත්පති හරිප්රමුඛ දිව්යනුත ශඞ්කරපදං

ස ගච්ඡති පරං න තු ජනුර්ජලනිධිං පරමදුඃඛජනකං දුරිතදම් .. 10 ..

ඉති ශ්රී පතඤ්ජලිමුනි ප්රණීතං චරණශෘඞ්ගරහිත නටරාජ ස්තෝත්රං සම්පූර්ණම් ..