Nataraja Stotram (Patanjali Krutam)

ନଟରାଜ ସ୍ତୋତ୍ରଂ (ପତଞ୍ଜଲି କୃତମ୍)

ଶ୍ଲୋକ 1

ଅଥ ଚରଣଶୃଙ୍ଗରହିତ ଶ୍ରୀ ନଟରାଜ ସ୍ତୋତ୍ରଂ

ସଦଞ୍ଚିତ-ମୁଦଞ୍ଚିତ ନିକୁଞ୍ଚିତ ପଦଂ ଝଲଝଲଂ-ଚଲିତ ମଞ୍ଜୁ କଟକମ୍ ।

ପତଞ୍ଜଲି ଦୃଗଞ୍ଜନ-ମନଞ୍ଜନ-ମଚଞ୍ଚଲପଦଂ ଜନନ ଭଞ୍ଜନ କରମ୍ ।

କଦମ୍ବରୁଚିମମ୍ବରଵସଂ ପରମମମ୍ବୁଦ କଦମ୍ବ କଵିଡମ୍ବକ ଗଲମ୍

ଚିଦମ୍ବୁଧି ମଣିଂ ବୁଧ ହୃଦମ୍ବୁଜ ରଵିଂ ପର ଚିଦମ୍ବର ନଟଂ ହୃଦି ଭଜ

ଶ୍ଲୋକ 2

ହରଂ ତ୍ରିପୁର ଭଞ୍ଜନ-ମନନ୍ତକୃତକଙ୍କଣ-ମଖଣ୍ଡଦଯ-ମନ୍ତରହିତଂ

ଵିରିଞ୍ଚିସୁରସଂହତିପୁରନ୍ଧର ଵିଚିନ୍ତିତପଦଂ ତରୁଣଚନ୍ଦ୍ରମକୁଟମ୍ ।

ପରଂ ପଦ ଵିଖଣ୍ଡିତଯମଂ ଭସିତ ମଣ୍ଡିତତନୁଂ ମଦନଵଞ୍ଚନ ପରଂ

ଚିରନ୍ତନମମୁଂ ପ୍ରଣଵସଞ୍ଚିତନିଧିଂ ପର ଚିଦମ୍ବର ନଟଂ ହୃଦି ଭଜ

॥ 1 ॥

ଶ୍ଲୋକ 3

ଅଵନ୍ତମଖିଲଂ ଜଗଦଭଙ୍ଗ ଗୁଣତୁଙ୍ଗମମତଂ ଧୃତଵିଧୁଂ ସୁରସରିତ୍-

ତରଙ୍ଗ ନିକୁରୁମ୍ବ ଧୃତି ଲମ୍ପଟ ଜଟଂ ଶମନଦମ୍ଭସୁହରଂ ଭଵହରମ୍ ।

ଶିଵଂ ଦଶଦିଗନ୍ତର ଵିଜୃମ୍ଭିତକରଂ କରଲସନ୍ମୃଗଶିଶୁଂ ପଶୁପତିଂ

ହରଂ ଶଶିଧନଞ୍ଜଯପତଙ୍ଗନଯନଂ ପର ଚିଦମ୍ବର ନଟଂ ହୃଦି ଭଜ

॥ 2 ॥

ଶ୍ଲୋକ 4

ଅନନ୍ତନଵରତ୍ନଵିଲସତ୍କଟକକିଙ୍କିଣିଝଲଂ ଝଲଝଲଂ ଝଲରଵଂ

ମୁକୁନ୍ଦଵିଧି ହସ୍ତଗତମଦ୍ଦଲ ଲଯଧ୍ଵନିଧିମିଦ୍ଧିମିତ ନର୍ତନ ପଦମ୍ ।

ଶକୁନ୍ତରଥ ବର୍ହିରଥ ନନ୍ଦିମୁଖ ଭୃଙ୍ଗିରିଟିସଙ୍ଘନିକଟଂ ଭଯହରମ୍

ସନନ୍ଦ ସନକ ପ୍ରମୁଖ ଵନ୍ଦିତ ପଦଂ ପର ଚିଦମ୍ବର ନଟଂ ହୃଦି ଭଜ

॥ 3 ॥

ଶ୍ଲୋକ 5

ଅନନ୍ତମହସଂ ତ୍ରିଦଶଵନ୍ଦ୍ଯ ଚରଣଂ ମୁନି ହୃଦନ୍ତର ଵସନ୍ତମମଲମ୍

କବନ୍ଧ ଵିଯଦିନ୍ଦ୍ଵଵନି ଗନ୍ଧଵହ ଵହ୍ନିମଖ ବନ୍ଧୁରଵିମଞ୍ଜୁ ଵପୁଷମ୍ ।

ଅନନ୍ତଵିଭଵଂ ତ୍ରିଜଗଦନ୍ତର ମଣିଂ ତ୍ରିନଯନଂ ତ୍ରିପୁର ଖଣ୍ଡନ ପରମ୍

ସନନ୍ଦ ମୁନି ଵନ୍ଦିତ ପଦଂ ସକରୁଣଂ ପର ଚିଦମ୍ବର ନଟଂ ହୃଦି ଭଜ

॥ 4 ॥

ଶ୍ଲୋକ 6

ଅଚିନ୍ତ୍ଯମଲିଵୃନ୍ଦ ରୁଚି ବନ୍ଧୁରଗଲଂ କୁରିତ କୁନ୍ଦ ନିକୁରୁମ୍ବ ଧଵଲମ୍

ମୁକୁନ୍ଦ ସୁର ଵୃନ୍ଦ ବଲ ହନ୍ତୃ କୃତ ଵନ୍ଦନ ଲସନ୍ତମହିକୁଣ୍ଡଲ ଧରମ୍ ।

ଅକମ୍ପମନୁକମ୍ପିତ ରତିଂ ସୁଜନ ମଙ୍ଗଲନିଧିଂ ଗଜହରଂ ପଶୁପତିମ୍

ଧନଞ୍ଜଯ ନୁତଂ ପ୍ରଣତ ରଞ୍ଜନପରଂ ପର ଚିଦମ୍ବର ନଟଂ ହୃଦି ଭଜ

॥ 5 ॥

ଶ୍ଲୋକ 7

ପରଂ ସୁରଵରଂ ପୁରହରଂ ପଶୁପତିଂ ଜନିତ ଦନ୍ତିମୁଖ ଷଣ୍ମୁଖମମୁଂ

ମୃଡଂ କନକ ପିଙ୍ଗଲ ଜଟଂ ସନକ ପଙ୍କଜ ରଵିଂ ସୁମନସଂ ହିମରୁଚିମ୍ ।

ଅସଙ୍ଘମନସଂ ଜଲଧି ଜନ୍ମଗରଲଂ କଵଲଯନ୍ତ ମତୁଲଂ ଗୁଣନିଧିମ୍

ସନନ୍ଦ ଵରଦଂ ଶମିତମିନ୍ଦୁ ଵଦନଂ ପର ଚିଦମ୍ବର ନଟଂ ହୃଦି ଭଜ

॥ 6 ॥

ଶ୍ଲୋକ 8

ଅଜଂ କ୍ଷିତିରଥଂ ଭୁଜଗପୁଙ୍ଗଵଗୁଣଂ କନକ ଶୃଙ୍ଗି ଧନୁଷଂ କରଲସତ୍

କୁରଙ୍ଗ ପୃଥୁ ଟଙ୍କ ପରଶୁଂ ରୁଚିର କୁଙ୍କୁମ ରୁଚିଂ ଡମରୁକଂ ଚ ଦଧତମ୍ ।

ମୁକୁନ୍ଦ ଵିଶିଖଂ ନମଦଵନ୍ଧ୍ଯ ଫଲଦଂ ନିଗମ ଵୃନ୍ଦ ତୁରଗଂ ନିରୁପମଂ

ସ ଚଣ୍ଡିକମମୁଂ ଝଟିତି ସଂହୃତପୁରଂ ପର ଚିଦମ୍ବର ନଟଂ ହୃଦି ଭଜ

॥ 7 ॥

ଶ୍ଲୋକ 9

ଅନଙ୍ଗପରିପନ୍ଥିନମଜଂ କ୍ଷିତି ଧୁରନ୍ଧରମଲଂ କରୁଣଯନ୍ତମଖିଲଂ

ଜ୍ଵଲନ୍ତମନଲଂ ଦଧତମନ୍ତକରିପୁଂ ସତତମିନ୍ଦ୍ର ସୁରଵନ୍ଦିତପଦମ୍ ।

ଉଦଞ୍ଚଦରଵିନ୍ଦକୁଲ ବନ୍ଧୁଶତ ବିମ୍ବରୁଚି ସଂହତି ସୁଗନ୍ଧି ଵପୁଷଂ

ପତଞ୍ଜଲି ନୁତଂ ପ୍ରଣଵ ପଞ୍ଜର ଶୁକଂ ପର ଚିଦମ୍ବର ନଟଂ ହୃଦି ଭଜ

॥ 8 ॥

ଶ୍ଲୋକ 10

ଇତି ସ୍ତଵମମୁଂ ଭୁଜଗପୁଙ୍ଗଵ କୃତଂ ପ୍ରତିଦିନଂ ପଠତି ଯଃ କୃତମୁଖଃ

ସଦଃ ପ୍ରଭୁପଦ ଦ୍ଵିତଯଦର୍ଶନପଦଂ ସୁଲଲିତଂ ଚରଣ ଶୃଙ୍ଗ ରହିତମ୍ ।

ସରଃ ପ୍ରଭଵ ସମ୍ଭଵ ହରିତ୍ପତି ହରିପ୍ରମୁଖ ଦିଵ୍ଯନୁତ ଶଙ୍କରପଦଂ

ସ ଗଚ୍ଛତି ପରଂ ନ ତୁ ଜନୁର୍ଜଲନିଧିଂ ପରମଦୁଃଖଜନକଂ ଦୁରିତଦମ୍

॥ 9 ॥

ଶ୍ଲୋକ 11

ଇତି ଶ୍ରୀ ପତଞ୍ଜଲିମୁନି ପ୍ରଣୀତଂ ଚରଣଶୃଙ୍ଗରହିତ ନଟରାଜ ସ୍ତୋତ୍ରଂ ସମ୍ପୂର୍ଣମ୍ ॥