Nataraja Stotram (Patanjali Krutam)

naTarAja stotraM (pata~njali kRRitam)

shloka 1

atha charaNashRRi~Ngarahita shrI naTarAja stotraM

sadanchita-mudanchita nikunchita padaM jhalajhalaM-chalita manju kaTakam |

patanjali dRRiganjana-mananjana-machanchalapadaM janana bha~njana karam |

kadambaruchimambaravasaM paramamambuda kadamba kaviDambaka galam

chidambudhi maNiM budha hRRidambuja raviM para chidambara naTaM hRRidi bhaja || 1 ||

haraM tripura bhanjana-manantakRRitakaNkaNa-makhaNDadaya-mantarahitaM

viri~nchisurasaMhatipurandhara vichintitapadaM taruNachandramakuTam |

paraM pada vikhaNDitayamaM bhasita maNDitatanuM madanava~nchana paraM

chirantanamamuM praNavasa~nchitanidhiM para chidambara naTaM hRRidi bhaja || 2 ||

avantamakhilaM jagadabhaNga guNatuNgamamataM dhRRitavidhuM surasarit-

tara~Nga nikurumba dhRRiti lampaTa jaTaM shamanadambhasuharaM bhavaharam |

shivaM dashadigantara vijRRimbhitakaraM karalasanmRRigashishuM pashupatiM

haraM shashidhananjayapataNganayanaM para chidambara naTaM hRRidi bhaja || 3 ||

anantanavaratnavilasatkaTakaki~NkiNijhalaM jhalajhalaM jhalaravaM

mukundavidhi hastagatamaddala layadhvanidhimiddhimita nartana padam |

shakuntaratha barhiratha nandimukha bhRRiNgiriTisaNghanikaTaM bhayaharam

sananda sanaka pramukha vandita padaM para chidambara naTaM hRRidi bhaja || 4 ||

anantamahasaM tridashavandya charaNaM muni hRRidantara vasantamamalam

kabandha viyadindvavani gandhavaha vahnimakha bandhuravima~nju vapuSham |

anantavibhavaM trijagadantara maNiM trinayanaM tripura khaNDana param

sananda muni vandita padaM sakaruNaM para chidambara naTaM hRRidi bhaja || 5 ||

achintyamalivRRinda ruchi bandhuragalaM kurita kunda nikurumba dhavalam

mukunda sura vRRinda bala hantRRi kRRita vandana lasantamahikuNDala dharam |

akampamanukampita ratiM sujana ma~NgalanidhiM gajaharaM pashupatim

dhananjaya nutaM praNata ranjanaparaM para chidambara naTaM hRRidi bhaja || 6 ||

paraM suravaraM puraharaM pashupatiM janita dantimukha ShaNmukhamamuM

mRRiDaM kanaka piNgala jaTaM sanaka paNkaja raviM sumanasaM himaruchim |

asa~NghamanasaM jaladhi janmagaralaM kavalayanta matulaM guNanidhim

sananda varadaM shamitamindu vadanaM para chidambara naTaM hRRidi bhaja || 7 ||

ajaM kShitirathaM bhujagapuNgavaguNaM kanaka shRRiNgi dhanuShaM karalasat

kuraNga pRRithu TaNka parashuM ruchira ku~Nkuma ruchiM DamarukaM cha dadhatam |

mukunda vishikhaM namadavandhya phaladaM nigama vRRinda turagaM nirupamaM

sa chaNDikamamuM jhaTiti saMhRRitapuraM para chidambara naTaM hRRidi bhaja || 8 ||

ana~NgaparipanthinamajaM kShiti dhurandharamalaM karuNayantamakhilaM

jvalantamanalaM dadhatamantakaripuM satatamindra suravanditapadam |

uda~nchadaravindakula bandhushata bimbaruchi saMhati sugandhi vapuShaM

patanjali nutaM praNava panjara shukaM para chidambara naTaM hRRidi bhaja || 9 ||

iti stavamamuM bhujagapu~Ngava kRRitaM pratidinaM paThati yaH kRRitamukhaH

sadaH prabhupada dvitayadarshanapadaM sulalitaM charaNa shRRi~Nga rahitam |

saraH prabhava sambhava haritpati haripramukha divyanuta sha~NkarapadaM

sa gachChati paraM na tu janurjalanidhiM paramaduHkhajanakaM duritadam || 10 ||

iti shrI patanjalimuni praNItaM charaNashRRiNgarahita naTarAja stotraM sampUrNam ||