Narayaniyam Dashaka 8

නාරායණීයං දශක 8 - ප්රලයවර්ණනම්

ශ්ලොක 1

ඒවං තාවත් ප්රාකෘතප්රක්ෂයාන්තේ

බ්රාහ්මේ කල්පේ හ්යාදිමේ ලබ්ධජන්මා .

බ්රහ්මා භූයස්ත්වත්ත ඒවාප්ය වේදාන්

සෘෂ්ටිං චක්රේ පූර්වකල්පෝපමානාම් ..1..

සෝ(අ)යං චතුර්යුගසහස්රමිතාන්යහානි

තාවන්මිතාශ්ච රජනීර්බහුශෝ නිනාය .

නිද්රාත්යසෞ ත්වයි නිලීය සමං ස්වසෘෂ්ටෛ-

ර්නෛමිත්තිකප්රලයමාහුරතෝ(අ)ස්ය රාත්රිම් ..2..

අස්මාදෘශාං පුනරහර්මුඛකෘත්යතුල්යාං

සෘෂ්ටිං කරෝත්යනුදිනං ස භවත්ප්රසාදාත් .

ප්රාග්බ්රාහ්මකල්පජනුෂාං ච පරායුෂාං තු

සුප්තප්රබෝධනසමාස්ති තදා(අ)පි සෘෂ්ටිඃ ..3..

පඤ්චාශදබ්දමධුනා ස්වවයෝර්ධරූප-

මේකං පරාර්ධමතිවෘත්ය හි වර්තතේ(අ)සෞ .

තත්රාන්ත්යරාත්රිජනිතාන් කථයාමි භූමන්

පශ්චාද්දිනාවතරණේ ච භවද්විලාසාන් ..4..

දිනාවසානේ(අ)ථ සරෝජයෝනිඃ

සුෂුප්තිකාමස්ත්වයි සන්නිලිල්යේ .

ජගන්ති ච ත්වජ්ජඨරං සමීයු-

ස්තදේදමේකාර්ණවමාස විශ්වම් ..5..

තවෛව වේෂේ ඵණිරාජි ශේෂේ

ජලෛකශේෂේ භුවනේ ස්ම ශේෂේ .

ආනන්දසාන්ද්රානුභවස්වරූපඃ

ස්වයෝගනිද්රාපරිමුද්රිතාත්මා ..6..

කාලාඛ්යශක්තිං ප්රලයාවසානේ

ප්රබෝධයේත්යාදිශතා කිලාදෞ .

ත්වයා ප්රසුප්තං පරිසුප්තශක්ති-

ව්රජේන තත්රාඛිලජීවධාම්නා ..7..

චතුර්යුගාණාං ච සහස්රමේවං

ත්වයි ප්රසුප්තේ පුනරද්විතීයේ .

කාලාඛ්යශක්තිඃ ප්රථමප්රබුද්ධා

ප්රාබෝධයත්ත්වාං කිල විශ්වනාථ ..8..

විබුධ්ය ච ත්වං ජලගර්භශායින්

විලෝක්ය ලෝකානඛිලාන් ප්රලීනාන් .

තේෂ්වේව සූක්ෂ්මාත්මතයා නිජාන්තඃ -

ස්ථිතේෂු විශ්වේෂු දදාථ දෘෂ්ටිම් ..9..

තතස්ත්වදීයාදයි නාභිරන්ධ්රා-

දුදඤ්චිතං කිඤ්චන දිව්යපද්මම් .

නිලීනනිශ්ශේෂපදාර්ථමාලා-

සඞ්ක්ෂේපරූපං මුකුලායමානම් ..10..

තදේතදම්භෝරුහකුඩ්මලං තේ

කලේවරාත් තෝයපථේ ප්රරූඪම් .

බහිර්නිරීතං පරිතඃ ස්ඵුරද්භිඃ

ස්වධාමභිර්ධ්වාන්තමලං න්යකෘන්තත් ..11..

සම්ඵුල්ලපත්රේ නිතරාං විචිත්රේ

තස්මින් භවද්වීර්යධෘතේ සරෝජේ .

ස පද්මජන්මා විධිරාවිරාසීත්

ස්වයම්ප්රබුද්ධාඛිලවේදරාශිඃ ..12..

අස්මින් පරාත්මන් නනු පාද්මකල්පේ

ත්වමිත්ථමුත්ථාපිතපද්මයෝනිඃ .

අනන්තභූමා මම රෝගරාශිං

නිරුන්ධි වාතාලයවාස විෂ්ණෝ ..13..