Narayaniyam Dashaka 84
Narayaniyam Dashaka 84
ନାରାଯଣୀଯଂ ଦଶକ 84 - ସମନ୍ତପଞ୍ଚକତୀର୍ଥଯାତ୍ରା - ବନ୍ଧୁମିତ୍ରାଦି ସମାଗମମ୍
ଶ୍ଲୋକ 1
କ୍ଵଚିଦଥ ତପନୋପରାଗକାଲେ ପୁରି ନିଦଧତ୍ କୃତଵର୍ମକାମସୂନୂ ।
ଯଦୁକୁଲମହିଲାଵୃତଃ ସୁତୀର୍ଥଂ ସମୁପଗତୋଽସି ସମନ୍ତପଞ୍ଚକାଖ୍ଯମ୍
ଶ୍ଲୋକ 2
ବହୁତରଜନତାହିତାଯ ତତ୍ର ତ୍ଵମପି ପୁନନ୍ ଵିନିମଜ୍ଯ ତୀର୍ଥତୋଯମ୍ ।
ଦ୍ଵିଜଗଣପରିମୁକ୍ତଵିତ୍ତରାଶିଃ ସମମିଲଥାଃ କୁରୁପାଣ୍ଡଵାଦିମିତ୍ରୈଃ
॥1॥
ଶ୍ଲୋକ 3
ତଵ ଖଲୁ ଦଯିତାଜନୈଃ ସମେତା ଦ୍ରୁପଦସୁତା ତ୍ଵଯି ଗାଢଭକ୍ତିଭାରା ।
ତଦୁଦିତଭଵଦାହୃତିପ୍ରକାରୈଃ ଅତିମୁମୁଦେ ସମମନ୍ଯଭାମିନୀଭିଃ
॥2॥
ଶ୍ଲୋକ 4
ତଦନୁ ଚ ଭଗଵନ୍ ନିରୀକ୍ଷ୍ଯ ଗୋପାନତିକୁତୁକାଦୁପଗମ୍ଯ ମାନଯିତ୍ଵା।
ଚିରତରଵିରହାତୁରାଙ୍ଗରେଖାଃ ପଶୁପଵଧୂଃ ସରସଂ ତ୍ଵମନ୍ଵଯାସୀଃ
॥3॥
ଶ୍ଲୋକ 5
ସପଦି ଚ ଭଵଦୀକ୍ଷଣୋତ୍ସଵେନ ପ୍ରମୁଷିତମାନହୃଦାଂ ନିତମ୍ବିନୀନାମ୍ ।
ଅତିରସପରିମୁକ୍ତକଞ୍ଚୁଲୀକେ ପରିଚଯହୃଦ୍ଯତରେ କୁଚେ ନ୍ଯଲୈଷୀଃ
॥4॥
ଶ୍ଲୋକ 6
ରିପୁଜନକଲହୈଃ ପୁନଃ ପୁନର୍ମେ ସମୁପଗତୈରିଯତୀ ଵିଲମ୍ବନାଽଭୂତ୍ ।
ଇତି କୃତପରିରମ୍ଭଣେତ୍ଵଯି ଦ୍ରାକ୍ ଅତିଵିଵଶା ଖଲୁ ରାଧିକା ନିଲିଲ୍ଯେ
॥5॥
ଶ୍ଲୋକ 7
ଅପଗତଵିରହଵ୍ଯଥାସ୍ତଦା ତା ରହସି ଵିଧାଯ ଦଦାଥ ତତ୍ତ୍ଵବୋଧମ୍ ।
ପରମସୁଖଚିଦାତ୍ମକୋଽହମାତ୍ମେତ୍ଯୁଦଯତୁ ଵଃ ସ୍ଫୁଟମେଵ ଚେତସୀତି
॥6॥
ଶ୍ଲୋକ 8
ସୁଖରସପରିମିଶ୍ରିତୋ ଵିଯୋଗଃ କିମପି ପୁରାଽଭଵଦୁଦ୍ଧଵୋପଦେଶୈଃ ।
ସମଭଵଦମୁତଃ ପରଂ ତୁ ତାସାଂ ପରମସୁଖୈକ୍ଯମଯୀ ଭଵଦ୍ଵିଚିନ୍ତା
॥7॥
ଶ୍ଲୋକ 9
ମୁନିଵରନିଵହୈସ୍ତଵାଥ ପିତ୍ରା ଦୁରିତଶମାଯ ଶୁଭାନି ପୃଚ୍ଛ୍ଯମାନୈଃ ।
ତ୍ଵଯି ସତି କିମିଦଂ ଶୁଭାନ୍ତରୈଃ ରିତ୍ଯୁରୁହସିତୈରପି ଯାଜିତସ୍ତଦାଽସୌ
॥8॥
ଶ୍ଲୋକ 10
ସୁମହତି ଯଜନେ ଵିତାଯମାନେ ପ୍ରମୁଦିତମିତ୍ରଜନେ ସହୈଵ ଗୋପାଃ ।
ଯଦୁଜନମହିତାସ୍ତ୍ରିମାସମାତ୍ରଂ ଭଵଦନୁଷଙ୍ଗରସଂ ପୁରେଵ ଭେଜୁ ଃ
॥9॥
ଶ୍ଲୋକ 11
ଵ୍ଯପଗମସମଯେ ସମେତ୍ଯ ରାଧାଂ ଦୃଢମୁପଗୂହ୍ଯ ନିରୀକ୍ଷ୍ଯ ଵୀତଖେଦାମ୍ ।
ପ୍ରମୁଦିତହୃଦଯଃ ପୁରଂ ପ୍ରଯାତଃ ପଵନପୁରେଶ୍ଵର ପାହି ମାଂ ଗଦେଭ୍ଯଃ
॥10॥