Narayaniyam Dashaka 84
Narayaniyam Dashaka 84
Narayaniyam Dashaka 84
nArAyaNIyaM dashaka 84 - samantapa~nchakatIrthayAtrA - bandhumitrAdi samAgamam
shloka 1
kvachidatha tapanoparAgakAle puri nidadhat kRRitavarmakAmasUnU |
yadukulamahilAvRRitaH sutIrthaM samupagato.asi samantapa~nchakAkhyam ||1||
bahutarajanatAhitAya tatra tvamapi punan vinimajya tIrthatoyam |
dvijagaNaparimuktavittarAshiH samamilathAH kurupANDavAdimitraiH ||2||
tava khalu dayitAjanaiH sametA drupadasutA tvayi gADhabhaktibhArA |
taduditabhavadAhRRitiprakAraiH atimumude samamanyabhAminIbhiH ||3||
tadanu cha bhagavan nirIkShya gopAnatikutukAdupagamya mAnayitvA|
chirataravirahAturA~NgarekhAH pashupavadhUH sarasaM tvamanvayAsIH ||4||
sapadi cha bhavadIkShaNotsavena pramuShitamAnahRRidAM nitambinInAm |
atirasaparimuktaka~nchulIke parichayahRRidyatare kuche nyalaiShIH ||5||
ripujanakalahaiH punaH punarme samupagatairiyatI vilambanA.abhUt |
iti kRRitaparirambhaNetvayi drAk ativivashA khalu rAdhikA nililye ||6||
apagatavirahavyathAstadA tA rahasi vidhAya dadAtha tattvabodham |
paramasukhachidAtmako.ahamAtmetyudayatu vaH sphuTameva chetasIti ||7||
sukharasaparimishrito viyogaH kimapi purA.abhavaduddhavopadeshaiH |
samabhavadamutaH paraM tu tAsAM paramasukhaikyamayI bhavadvichintA ||8||
munivaranivahaistavAtha pitrA duritashamAya shubhAni pRRichChyamAnaiH |
tvayi sati kimidaM shubhAntaraiH rityuruhasitairapi yAjitastadA.asau ||9||
sumahati yajane vitAyamAne pramuditamitrajane sahaiva gopAH |
yadujanamahitAstrimAsamAtraM bhavadanuSha~NgarasaM pureva bheju H ||10||
vyapagamasamaye sametya rAdhAM dRRiDhamupagUhya nirIkShya vItakhedAm |
pramuditahRRidayaH puraM prayAtaH pavanapureshvara pAhi mAM gadebhyaH ||11||