Narayaniyam Dashaka 69
Narayaniyam Dashaka 69
Narayaniyam Dashaka 69
nArAyaNIyaM dashaka 69 - rAsakrIDA
shloka 1
keshapAshadhRRitapinChikAvitatisanchalanmakarakuNDalaM
hArajAlavanamAlikAlalitama~NgarAgaghanasaurabham |
pItacheladhRRitakAnchikAnchitamuda~nchadaMshumaNinUpuraM
rAsakeliparibhUShitaM tava hi rUpamIsha kalayAmahe ||1||
tAvadeva kRRitamaNDane kalitaka~nchulIkakuchamaNDale
gaNDalolamaNikuNDale yuvatimaNDale.atha parimaNDale |
antarA sakalasundarIyugalamindirAramaNa sa~ncharan
manjulAM tadanu rAsakelimayi kanjanAbha samupAdadhAH ||2||
vAsudeva tava bhAsamAnamiha rAsakelirasasaurabhaM
dUrato.api khalu nAradAgaditamAkalayya kutukAkulA |
veShabhUShaNavilAsapeshalavilAsinIshatasamAvRRitA
nAkato yugapadAgatA viyati vegato.atha suramaNDalI ||3||
veNunAdakRRitatAnadAnakalagAnarAgagatiyojanA-
lobhanIyamRRidupAdapAtakRRitatAlamelanamanoharam |
pANisaNkvaNitakaNkaNaM cha muhuraMsalambitakarAmbujaM
shroNibimbachaladambaraM bhajata rAsakelirasaDambaram ||4||
spardhayA virachitAnugAnakRRitatAratAramadhurasvare
nartane.atha lalitANgahAralulitANgahAramaNibhUShaNe |
sammadena kRRitapuShpavarShamalamunmiShaddiviShadAM kulaM
chinmaye tvayi nilIyamAnamiva sammumoha savadhUkulam ||5||
svinnasannatanuvallarI tadanu kApi nAma pashupA~NganA
kAntamaMsamavalambate sma tava tAntibhAramukulekShaNA ||
kAchidAchalitakuntalA navapaTIrasAraghanasaurabhaM
vanchanena tava sanchuchumba bhujamanchitorupulakANkurA ||6||
kApi gaNDabhuvi sannidhAya nijagaNDamAkulitakuNDalaM
puNyapUranidhiranvavApa tava pUgacharvitarasAmRRitam |
indirAvihRRitimandiraM bhuvanasundaraM hi naTanAntare
tvAmavApya dadhura~NganAH kimu na sammadonmadadashAntaram ||7||
gAnamIsha virataM krameNa kila vAdyamelanamupArataM
brahmasammadarasAkulAH sadasi kevalaM nanRRitura~NganAH |
nAvidannapi cha nIvikAM kimapi kuntalImapi cha ka~nchulIM
jyotiShAmapi kadambakaM divi vilambitaM kimaparaM bruve ||8||
modasImni bhuvanaM vilApya vihRRitiM samApya cha tato vibho
kelisammRRiditanirmalA~NganavagharmaleshasubhagAtmanAm |
manmathAsahanachetasAM pashupayoShitAM sukRRitachodita-
stAvadAkalitamUrtirAdadhitha mAravIraparamotsavAn ||9||
kelibhedaparilolitAbhiratilAlitAbhirabalAlibhiH
svairamIsha nanu sUrajApayasi chArunAma vihRRitiM vyadhAH |
kAnane.api cha visArishItalakishoramArutamanohare
sUnasaurabhamaye vilesitha vilAsinIshatavimohanam ||10||
kAminIriti hi yAminIShu khalu kAmanIyakanidhe bhavAn
pUrNasammadarasArNavaM kamapi yogigamyamanubhAvayan |
brahmashaNkaramukhAnapIha pashupANganAsu bahumAnayan
bhaktalokagamanIyarUpa kamanIya kRRiShNa paripAhi mAm ||11||