Narayaniyam Dashaka 2
Narayaniyam Dashaka 2
ନାରାଯଣୀଯଂ ଦଶକ 2 - ଭଗଵତଃ ସ୍ଵରୂପମାଧୁର୍ଯଂ ତଥା ଭକ୍ତିମହତ୍ତ୍ଵମ୍
ଶ୍ଲୋକ 1
ସୂର୍ଯସ୍ପର୍ଧିକିରୀଟମୂର୍ଧ୍ଵତିଲକପ୍ରୋଦ୍ଭାସିଫାଲାନ୍ତରଂ
କାରୁଣ୍ଯାକୁଲନେତ୍ରମାର୍ଦ୍ରହସିତୋଲ୍ଲାସଂ ସୁନାସାପୁଟମ୍।
ଗଣ୍ଡୋଦ୍ଯନ୍ମକରାଭକୁଣ୍ଡଲଯୁଗଂ କଣ୍ଠୋଜ୍ଵଲତ୍କୌସ୍ତୁଭଂ
ତ୍ଵଦ୍ରୂପଂ ଵନମାଲ୍ଯହାରପଟଲଶ୍ରୀଵତ୍ସଦୀପ୍ରଂ ଭଜେ
ଶ୍ଲୋକ 2
କେଯୂରାଙ୍ଗଦକଙ୍କଣୋତ୍ତମମହାରତ୍ନାଙ୍ଗୁଲୀଯାଙ୍କିତ-
ଶ୍ରୀମଦ୍ବାହୁଚତୁଷ୍କସଙ୍ଗତଗଦାଶଙ୍ଖାରିପଙ୍କେରୁହାମ୍ ।
କାଞ୍ଚିତ୍ କାଞ୍ଚନକାଞ୍ଚିଲାଞ୍ଚ୍ଛିତଲସତ୍ପୀତାମ୍ବରାଲମ୍ବିନୀ-
ମାଲମ୍ବେ ଵିମଲାମ୍ବୁଜଦ୍ଯୁତିପଦାଂ ମୂର୍ତିଂ ତଵାର୍ତିଚ୍ଛିଦମ୍
॥1॥
ଶ୍ଲୋକ 3
ଯତ୍ତ୍ତ୍ରୈଲୋକ୍ଯମହୀଯସୋଽପି ମହିତଂ ସମ୍ମୋହନଂ ମୋହନାତ୍
କାନ୍ତଂ କାନ୍ତିନିଧାନତୋଽପି ମଧୁରଂ ମାଧୁର୍ଯଧୁର୍ଯାଦପି ।
ସୌନ୍ଦର୍ଯୋତ୍ତରତୋଽପି ସୁନ୍ଦରତରଂ ତ୍ଵଦ୍ରୂପମାଶ୍ଚର୍ଯତୋଽ-
ପ୍ଯାଶ୍ଚର୍ଯଂ ଭୁଵନେ ନ କସ୍ଯ କୁତୁକଂ ପୁଷ୍ଣାତି ଵିଷ୍ଣୋ ଵିଭୋ
॥2॥
ଶ୍ଲୋକ 4
ତତ୍ତାଦୃଙ୍ମଧୁରାତ୍ମକଂ ତଵ ଵପୁଃ ସମ୍ପ୍ରାପ୍ଯ ସମ୍ପନ୍ମଯୀ
ସା ଦେଵୀ ପରମୋତ୍ସୁକା ଚିରତରଂ ନାସ୍ତେ ସ୍ଵଭକ୍ତେଷ୍ଵପି ।
ତେନାସ୍ଯା ବତ କଷ୍ଟମଚ୍ଯୁତ ଵିଭୋ ତ୍ଵଦ୍ରୂପମାନୋଜ୍ଞକ -
ପ୍ରେମସ୍ଥୈର୍ଯମଯାଦଚାପଲବଲାଚ୍ଚାପଲ୍ଯଵାର୍ତୋଦଭୂତ୍
॥3॥
ଶ୍ଲୋକ 5
ଲକ୍ଷ୍ମୀସ୍ତାଵକରାମଣୀଯକହୃତୈଵେଯଂ ପରେଷ୍ଵସ୍ଥିରେ-
ତ୍ଯସ୍ମିନ୍ନନ୍ଯଦପି ପ୍ରମାଣମଧୁନା ଵକ୍ଷ୍ଯାମି ଲକ୍ଷ୍ମୀପତେ ।
ଯେ ତ୍ଵଦ୍ଧ୍ଯାନଗୁଣାନୁକୀର୍ତନରସାସକ୍ତା ହି ଭକ୍ତା ଜନା-
ସ୍ତେଷ୍ଵେଷା ଵସତି ସ୍ଥିରୈଵ ଦଯିତପ୍ରସ୍ତାଵଦତ୍ତାଦରା
॥4॥
ଶ୍ଲୋକ 6
ଏଵମ୍ଭୂତମନୋଜ୍ଞତାନଵସୁଧାନିଷ୍ଯନ୍ଦସନ୍ଦୋହନଂ
ତ୍ଵଦ୍ରୂପଂ ପରଚିଦ୍ରସାଯନମଯଂ ଚେତୋହରଂ ଶୃଣ୍ଵତାମ୍ ।
ସଦ୍ଯଃ ପ୍ରେରଯତେ ମତିଂ ମଦଯତେ ରୋମାଞ୍ଚଯତ୍ଯଙ୍ଗକଂ
ଵ୍ଯାସିଞ୍ଚତ୍ଯପି ଶୀତଵାଷ୍ପଵିସରୈରାନନ୍ଦମୂର୍ଛୋଦ୍ଭଵୈଃ
॥5॥
ଶ୍ଲୋକ 7
ଏଵମ୍ଭୂତତଯା ହି ଭକ୍ତ୍ଯଭିହିତୋ ଯୋଗସ୍ସ ଯୋଗଦ୍ଵଯାତ୍
କର୍ମଜ୍ଞାନମଯାତ୍ ଭୃଶୋତ୍ତମତରୋ ଯୋଗୀଶ୍ଵରୈର୍ଗୀଯତେ ।
ସୌନ୍ଦର୍ଯୈକରସାତ୍ମକେ ତ୍ଵଯି ଖଲୁ ପ୍ରେମପ୍ରକର୍ଷାତ୍ମିକା
ଭକ୍ତିର୍ନିଶ୍ରମମେଵ ଵିଶ୍ଵପୁରୁଷୈର୍ଲଭ୍ଯା ରମାଵଲ୍ଲଭ
॥6॥
ଶ୍ଲୋକ 8
ନିଷ୍କାମଂ ନିଯତସ୍ଵଧର୍ମଚରଣଂ ଯତ୍ କର୍ମଯୋଗାଭିଧଂ
ତଦ୍ଦୂରେତ୍ଯଫଲଂ ଯଦୌପନିଷଦଜ୍ଞାନୋପଲଭ୍ଯଂ ପୁନଃ ।
ତତ୍ତ୍ଵଵ୍ଯକ୍ତତଯା ସୁଦୁର୍ଗମତରଂ ଚିତ୍ତସ୍ଯ ତସ୍ମାଦ୍ଵିଭୋ
ତ୍ଵତ୍ପ୍ରେମାତ୍ମକଭକ୍ତିରେଵ ସତତଂ ସ୍ଵାଦୀଯସୀ ଶ୍ରେଯସୀ
॥7॥
ଶ୍ଲୋକ 9
ଅତ୍ଯାଯାସକରାଣି କର୍ମପଟଲାନ୍ଯାଚର୍ଯ ନିର୍ଯନ୍ମଲା
ବୋଧେ ଭକ୍ତିପଥେଽଥଵାଽପ୍ଯୁଚିତତାମାଯାନ୍ତି କିଂ ତାଵତା ।
କ୍ଲିଷ୍ଟ୍ଵା ତର୍କପଥେ ପରଂ ତଵ ଵପୁର୍ବ୍ରହ୍ମାଖ୍ଯମନ୍ଯେ ପୁନ-
ଶ୍ଚିତ୍ତାର୍ଦ୍ରତ୍ଵମୃତେ ଵିଚିନ୍ତ୍ଯ ବହୁଭିସ୍ସିଦ୍ଧ୍ଯନ୍ତି ଜନ୍ମାନ୍ତରୈଃ
॥8॥
ଶ୍ଲୋକ 10
ତ୍ଵଦ୍ଭକ୍ତିସ୍ତୁ କଥାରସାମୃତଝରୀନିର୍ମଜ୍ଜନେନ ସ୍ଵଯଂ
ସିଦ୍ଧ୍ଯନ୍ତୀ ଵିମଲପ୍ରବୋଧପଦଵୀମକ୍ଲେଶତସ୍ତନ୍ଵତୀ ।
ସଦ୍ଯସ୍ସିଦ୍ଧିକରୀ ଜଯତ୍ଯଯି ଵିଭୋ ସୈଵାସ୍ତୁ ମେ ତ୍ଵତ୍ପଦ-
ପ୍ରେମପ୍ରୌଢିରସାର୍ଦ୍ରତା ଦ୍ରୁତତରଂ ଵାତାଲଯାଧୀଶ୍ଵର
॥9॥