Narayaniyam Dashaka 100
Narayaniyam Dashaka 100
ନାରାଯଣୀଯଂ ଦଶକ 100 - ଭଗଵତଃ କେଶାଦିପାଦଵର୍ଣନମ୍
ଶ୍ଲୋକ 1
ଅଗ୍ରେ ପଶ୍ଯାମି ତେଜୋ ନିବିଡତରକଲାଯାଵଲୀଲୋଭନୀଯଂ
ପୀଯୂଷାପ୍ଲାଵିତୋଽହଂ ତଦନୁ ତଦୁଦରେ ଦିଵ୍ଯକୈଶୋରଵେଷମ୍ ।
ତାରୁଣ୍ଯାରମ୍ଭରମ୍ଯଂ ପରମସୁଖରସାସ୍ଵାଦରୋମାଞ୍ଚିତାଙ୍ଗୈ-
ରାଵୀତଂ ନାରଦାଦ୍ଯୈର୍ଵିଲସଦୁପନିଷତ୍ସୁନ୍ଦରୀମଣ୍ଡଲୈଶ୍ଚ
ଶ୍ଲୋକ 2
ନୀଲାଭଂ କୁଞ୍ଚିତାଗ୍ରଂ ଘନମମଲତରଂ ସଂଯତଂ ଚାରୁଭଙ୍ଗ୍ଯା
ରତ୍ନୋତ୍ତଂସାଭିରାମଂ ଵଲଯିତମୁଦଯଚ୍ଚନ୍ଦ୍ରକୈଃ ପିଞ୍ଛଜାଲୈଃ ।
ମନ୍ଦାରସ୍ରଙ୍ନିଵୀତଂ ତଵ ପୃଥୁକବରୀଭାରମାଲୋକଯେଽହଂ
ସ୍ନିଗ୍ଧଶ୍ଵେତୋର୍ଧ୍ଵପୁଣ୍ଡ୍ରାମପି ଚ ସୁଲଲିତାଂ ଫାଲବାଲେନ୍ଦୁଵୀଥୀମ୍ ॥2
ହୃଦ୍ଯଂ ପୂର୍ଣାନୁକମ୍ପାର୍ଣଵମୃଦୁଲହରୀଚଞ୍ଚଲଭ୍ରୂଵିଲାସୈ-
ରାନୀଲସ୍ନିଗ୍ଧପକ୍ଷ୍ମାଵଲିପରିଲସିତଂ ନେତ୍ରଯୁଗ୍ମଂ ଵିଭୋ ତେ ।
ସାନ୍ଦ୍ରଚ୍ଛାଯଂ ଵିଶାଲାରୁଣକମଲଦଲାକାରମାମୁଗ୍ଧତାରଂ
କାରୁଣ୍ଯାଲୋକଲୀଲାଶିଶିରିତଭୁଵନଂ କ୍ଷିପ୍ଯତାଂ ମଯ୍ଯନାଥେ
॥1॥
ଶ୍ଲୋକ 3
ଉତ୍ତୁଙ୍ଗୋଲ୍ଲାସିନାସଂ ହରିମଣିମୁକୁରପ୍ରୋଲ୍ଲସଦ୍ଗଣ୍ଡପାଲୀ-
ଵ୍ଯାଲୋଲତ୍କର୍ଣପାଶାଞ୍ଚିତମକରମଣୀକୁଣ୍ଡଲଦ୍ଵନ୍ଦ୍ଵଦୀପ୍ରମ୍ ।
ଉନ୍ମୀଲଦ୍ଦନ୍ତପଙ୍କ୍ତିସ୍ଫୁରଦରୁଣତରଚ୍ଛାଯବିମ୍ବାଧରାନ୍ତଃ-
ପ୍ରୀତିପ୍ରସ୍ଯନ୍ଦିମନ୍ଦସ୍ମିତମଧୁରତରଂ ଵକ୍ତ୍ରମୁଦ୍ଭାସତାଂ ମେ
॥3॥
ଶ୍ଲୋକ 4
ବାହୁଦ୍ଵନ୍ଦ୍ଵେନ ରତ୍ନୋଜ୍ଜ୍ଵଲଵଲଯଭୃତା ଶୋଣପାଣିପ୍ରଵାଲେ-
ନୋପାତ୍ତାଂ ଵେଣୁନାଲୀ ପ୍ରସୃତନଖମଯୂଖାଙ୍ଗୁଲୀସଙ୍ଗଶାରାମ୍ ।
କୃତ୍ଵା ଵକ୍ତ୍ରାରଵିନ୍ଦେ ସୁମଧୁରଵିକସଦ୍ରାଗମୁଦ୍ଭାଵ୍ଯମାନୈଃ
ଶବ୍ଦବ୍ରହ୍ମାମୃତୈସ୍ତ୍ଵଂ ଶିଶିରିତଭୁଵନୈଃ ସିଞ୍ଚ ମେ କର୍ଣଵୀଥୀମ୍
॥4॥
ଶ୍ଲୋକ 5
ଉତ୍ସର୍ପତ୍କୌସ୍ତୁଭଶ୍ରୀତତିଭିରରୁଣିତଂ କୋମଲଂ କଣ୍ଠଦେଶଂ
ଵକ୍ଷଃ ଶ୍ରୀଵତ୍ସରମ୍ଯଂ ତରଲତରସମୁଦ୍ଦୀପ୍ରହାରପ୍ରତାନମ୍ ।
ନାନାଵର୍ଣପ୍ରସୂନାଵଲିକିସଲଯିନୀଂ ଵନ୍ଯମାଲାଂ ଵିଲୋଲ-
ଲ୍ଲୋଲମ୍ବାଂ ଲମ୍ବମାନାମୁରସି ତଵ ତଥା ଭାଵଯେ ରତ୍ନମାଲାମ୍
॥5॥
ଶ୍ଲୋକ 6
ଅଙ୍ଗେ ପଞ୍ଚାଙ୍ଗରାଗୈରତିଶଯଵିକସତ୍ସୌରଭାକୃଷ୍ଟଲୋକଂ
ଲୀନାନେକତ୍ରିଲୋକୀଵିତତିମପି କୃଶାଂ ବିଭ୍ରତଂ ମଧ୍ଯଵଲ୍ଲୀମ୍ ।
ଶକ୍ରାଶ୍ମନ୍ଯସ୍ତତପ୍ତୋଜ୍ଜ୍ଵଲକନକନିଭଂ ପୀତଚେଲଂ ଦଧାନଂ
ଧ୍ଯାଯାମୋ ଦୀପ୍ତରଶ୍ମିସ୍ଫୁଟମଣିରଶନାକିଙ୍କିଣୀମଣ୍ଡିତଂ ତ୍ଵାମ୍
॥6॥
ଶ୍ଲୋକ 7
ଊରୂ ଚାରୂ ତଵୋରୂ ଘନମସୃଣରୁଚୌ ଚିତ୍ତଚୋରୌ ରମାଯାଃ
ଵିଶ୍ଵକ୍ଷୋଭଂ ଵିଶଙ୍କ୍ଯ ଧ୍ରୁଵମନିଶମୁଭୌ ପୀତଚେଲାଵୃତାଙ୍ଗୌ ।
ଆନମ୍ରାଣାଂ ପୁରସ୍ତାନ୍ନ୍ଯସନଧୃତସମସ୍ତାର୍ଥପାଲୀସମୁଦ୍ଗ-
ଚ୍ଛାଯଂ ଜାନୁଦ୍ଵଯଂ ଚ କ୍ରମପୃଥୁଲମନୋଜ୍ଞେ ଚ ଜଙ୍ଘେ ନିଷେଵେ
॥7॥
ଶ୍ଲୋକ 8
ମଞ୍ଜୀରଂ ମଞ୍ଜୁନାଦୈରିଵ ପଦଭଜନଂ ଶ୍ରେଯ ଇତ୍ଯାଲପନ୍ତଂ
ପାଦାଗ୍ରଂ ଭ୍ରାନ୍ତିମଜ୍ଜତ୍ପ୍ରଣତଜନମନୋମନ୍ଦରୋଦ୍ଧାରକୂର୍ମମ୍ ।
ଉତ୍ତୁଙ୍ଗାତାମ୍ରରାଜନ୍ନଖରହିମକରଜ୍ଯୋତ୍ସ୍ନଯା ଚାଽଶ୍ରିତାନାଂ
ସନ୍ତାପଧ୍ଵାନ୍ତହନ୍ତ୍ରୀଂ ତତିମନୁକଲଯେ ମଙ୍ଗଲାମଙ୍ଗୁଲୀନାମ୍
॥8॥
ଶ୍ଲୋକ 9
ଯୋଗୀନ୍ଦ୍ରାଣାଂ ତ୍ଵଦଙ୍ଗେଷ୍ଵଧିକସୁମଧୁରଂ ମୁକ୍ତିଭାଜାଂ ନିଵାସୋ
ଭକ୍ତାନାଂ କାମଵର୍ଷଦ୍ଯୁତରୁକିସଲଯଂ ନାଥ ତେ ପାଦମୂଲମ୍ ।
ନିତ୍ଯଂ ଚିତ୍ତସ୍ଥିତଂ ମେ ପଵନପୁରପତେ କୃଷ୍ଣ କାରୁଣ୍ଯସିନ୍ଧୋ
ହୃତ୍ଵା ନିଶ୍ଶେଷତାପାନ୍ ପ୍ରଦିଶତୁ ପରମାନନ୍ଦସନ୍ଦୋହଲକ୍ଷ୍ମୀମ୍
॥9॥
ଶ୍ଲୋକ 10
ଅଜ୍ଞାତ୍ଵା ତେ ମହତ୍ଵଂ ଯଦିହ ନିଗଦିତଂ ଵିଶ୍ଵନାଥ କ୍ଷମେଥାଃ
ସ୍ତୋତ୍ରଂ ଚୈତତ୍ସହସ୍ରୋତ୍ତରମଧିକତରଂ ତ୍ଵତ୍ପ୍ରସାଦାଯ ଭୂଯାତ୍ ।
ଦ୍ଵେଧା ନାରାଯଣୀଯଂ ଶ୍ରୁତିଷୁ ଚ ଜନୁଷା ସ୍ତୁତ୍ଯତାଵର୍ଣନେନ
ସ୍ଫୀତଂ ଲୀଲାଵତାରୈରିଦମିହ କୁରୁତାମାଯୁରାରୋଗ୍ଯସୌଖ୍ଯମ୍
॥10॥