ನಾರಾಯಣೀಯಂ ದಶಕ 100 - ಭಗವತಃ ಕೇಶಾದಿಪಾದವರ್ಣನಮ್

ನಾರಾಯಣೀಯಂ ದಶಕ 100 - ಭಗವತಃ ಕೇಶಾದಿಪಾದವರ್ಣನಮ್

ಶ್ಲೋಕ 1

ಅಗ್ರೇ ಪಶ್ಯಾಮಿ ತೇಜೋ ನಿಬಿಡತರಕಲಾಯಾವಲೀಲೋಭನೀಯಂ

ಪೀಯೂಷಾಪ್ಲಾವಿತೋಽಹಂ ತದನು ತದುದರೇ ದಿವ್ಯಕೈಶೋರವೇಷಮ್ ।

ತಾರುಣ್ಯಾರಮ್ಭರಮ್ಯಂ ಪರಮಸುಖರಸಾಸ್ವಾದರೋಮಾಞ್ಚಿತಾಙ್ಗೈ-

ರಾವೀತಂ ನಾರದಾದ್ಯೈರ್ವಿಲಸದುಪನಿಷತ್ಸುನ್ದರೀಮಣ್ಡಲೈಶ್ಚ

ಶ್ಲೋಕ 2

ನೀಲಾಭಂ ಕುಞ್ಚಿತಾಗ್ರಂ ಘನಮಮಲತರಂ ಸಂಯತಂ ಚಾರುಭಙ್ಗ್ಯಾ

ರತ್ನೋತ್ತಂಸಾಭಿರಾಮಂ ವಲಯಿತಮುದಯಚ್ಚನ್ದ್ರಕೈಃ ಪಿಞ್ಛಜಾಲೈಃ ।

ಮನ್ದಾರಸ್ರಙ್ನಿವೀತಂ ತವ ಪೃಥುಕಬರೀಭಾರಮಾಲೋಕಯೇಽಹಂ

ಸ್ನಿಗ್ಧಶ್ವೇತೋರ್ಧ್ವಪುಣ್ಡ್ರಾಮಪಿ ಚ ಸುಲಲಿತಾಂ ಫಾಲಬಾಲೇನ್ದುವೀಥೀಮ್ ॥2

ಹೃದ್ಯಂ ಪೂರ್ಣಾನುಕಮ್ಪಾರ್ಣವಮೃದುಲಹರೀಚಞ್ಚಲಭ್ರೂವಿಲಾಸೈ-

ರಾನೀಲಸ್ನಿಗ್ಧಪಕ್ಷ್ಮಾವಲಿಪರಿಲಸಿತಂ ನೇತ್ರಯುಗ್ಮಂ ವಿಭೋ ತೇ ।

ಸಾನ್ದ್ರಚ್ಛಾಯಂ ವಿಶಾಲಾರುಣಕಮಲದಲಾಕಾರಮಾಮುಗ್ಧತಾರಂ

ಕಾರುಣ್ಯಾಲೋಕಲೀಲಾಶಿಶಿರಿತಭುವನಂ ಕ್ಷಿಪ್ಯತಾಂ ಮಯ್ಯನಾಥೇ

॥1॥

ಶ್ಲೋಕ 3

ಉತ್ತುಙ್ಗೋಲ್ಲಾಸಿನಾಸಂ ಹರಿಮಣಿಮುಕುರಪ್ರೋಲ್ಲಸದ್ಗಣ್ಡಪಾಲೀ-

ವ್ಯಾಲೋಲತ್ಕರ್ಣಪಾಶಾಞ್ಚಿತಮಕರಮಣೀಕುಣ್ಡಲದ್ವನ್ದ್ವದೀಪ್ರಮ್ ।

ಉನ್ಮೀಲದ್ದನ್ತಪಙ್ಕ್ತಿಸ್ಫುರದರುಣತರಚ್ಛಾಯಬಿಮ್ಬಾಧರಾನ್ತಃ-

ಪ್ರೀತಿಪ್ರಸ್ಯನ್ದಿಮನ್ದಸ್ಮಿತಮಧುರತರಂ ವಕ್ತ್ರಮುದ್ಭಾಸತಾಂ ಮೇ

॥3॥

ಶ್ಲೋಕ 4

ಬಾಹುದ್ವನ್ದ್ವೇನ ರತ್ನೋಜ್ಜ್ವಲವಲಯಭೃತಾ ಶೋಣಪಾಣಿಪ್ರವಾಲೇ-

ನೋಪಾತ್ತಾಂ ವೇಣುನಾಲೀ ಪ್ರಸೃತನಖಮಯೂಖಾಙ್ಗುಲೀಸಙ್ಗಶಾರಾಮ್ ।

ಕೃತ್ವಾ ವಕ್ತ್ರಾರವಿನ್ದೇ ಸುಮಧುರವಿಕಸದ್ರಾಗಮುದ್ಭಾವ್ಯಮಾನೈಃ

ಶಬ್ದಬ್ರಹ್ಮಾಮೃತೈಸ್ತ್ವಂ ಶಿಶಿರಿತಭುವನೈಃ ಸಿಞ್ಚ ಮೇ ಕರ್ಣವೀಥೀಮ್

॥4॥

ಶ್ಲೋಕ 5

ಉತ್ಸರ್ಪತ್ಕೌಸ್ತುಭಶ್ರೀತತಿಭಿರರುಣಿತಂ ಕೋಮಲಂ ಕಣ್ಠದೇಶಂ

ವಕ್ಷಃ ಶ್ರೀವತ್ಸರಮ್ಯಂ ತರಲತರಸಮುದ್ದೀಪ್ರಹಾರಪ್ರತಾನಮ್ ।

ನಾನಾವರ್ಣಪ್ರಸೂನಾವಲಿಕಿಸಲಯಿನೀಂ ವನ್ಯಮಾಲಾಂ ವಿಲೋಲ-

ಲ್ಲೋಲಮ್ಬಾಂ ಲಮ್ಬಮಾನಾಮುರಸಿ ತವ ತಥಾ ಭಾವಯೇ ರತ್ನಮಾಲಾಮ್

॥5॥

ಶ್ಲೋಕ 6

ಅಙ್ಗೇ ಪಞ್ಚಾಙ್ಗರಾಗೈರತಿಶಯವಿಕಸತ್ಸೌರಭಾಕೃಷ್ಟಲೋಕಂ

ಲೀನಾನೇಕತ್ರಿಲೋಕೀವಿತತಿಮಪಿ ಕೃಶಾಂ ಬಿಭ್ರತಂ ಮಧ್ಯವಲ್ಲೀಮ್ ।

ಶಕ್ರಾಶ್ಮನ್ಯಸ್ತತಪ್ತೋಜ್ಜ್ವಲಕನಕನಿಭಂ ಪೀತಚೇಲಂ ದಧಾನಂ

ಧ್ಯಾಯಾಮೋ ದೀಪ್ತರಶ್ಮಿಸ್ಫುಟಮಣಿರಶನಾಕಿಙ್ಕಿಣೀಮಣ್ಡಿತಂ ತ್ವಾಮ್

॥6॥

ಶ್ಲೋಕ 7

ಊರೂ ಚಾರೂ ತವೋರೂ ಘನಮಸೃಣರುಚೌ ಚಿತ್ತಚೋರೌ ರಮಾಯಾಃ

ವಿಶ್ವಕ್ಷೋಭಂ ವಿಶಙ್ಕ್ಯ ಧ್ರುವಮನಿಶಮುಭೌ ಪೀತಚೇಲಾವೃತಾಙ್ಗೌ ।

ಆನಮ್ರಾಣಾಂ ಪುರಸ್ತಾನ್ನ್ಯಸನಧೃತಸಮಸ್ತಾರ್ಥಪಾಲೀಸಮುದ್ಗ-

ಚ್ಛಾಯಂ ಜಾನುದ್ವಯಂ ಚ ಕ್ರಮಪೃಥುಲಮನೋಜ್ಞೇ ಚ ಜಙ್ಘೇ ನಿಷೇವೇ

॥7॥

ಶ್ಲೋಕ 8

ಮಞ್ಜೀರಂ ಮಞ್ಜುನಾದೈರಿವ ಪದಭಜನಂ ಶ್ರೇಯ ಇತ್ಯಾಲಪನ್ತಂ

ಪಾದಾಗ್ರಂ ಭ್ರಾನ್ತಿಮಜ್ಜತ್ಪ್ರಣತಜನಮನೋಮನ್ದರೋದ್ಧಾರಕೂರ್ಮಮ್ ।

ಉತ್ತುಙ್ಗಾತಾಮ್ರರಾಜನ್ನಖರಹಿಮಕರಜ್ಯೋತ್ಸ್ನಯಾ ಚಾಽಶ್ರಿತಾನಾಂ

ಸನ್ತಾಪಧ್ವಾನ್ತಹನ್ತ್ರೀಂ ತತಿಮನುಕಲಯೇ ಮಙ್ಗಲಾಮಙ್ಗುಲೀನಾಮ್

॥8॥

ಶ್ಲೋಕ 9

ಯೋಗೀನ್ದ್ರಾಣಾಂ ತ್ವದಙ್ಗೇಷ್ವಧಿಕಸುಮಧುರಂ ಮುಕ್ತಿಭಾಜಾಂ ನಿವಾಸೋ

ಭಕ್ತಾನಾಂ ಕಾಮವರ್ಷದ್ಯುತರುಕಿಸಲಯಂ ನಾಥ ತೇ ಪಾದಮೂಲಮ್ ।

ನಿತ್ಯಂ ಚಿತ್ತಸ್ಥಿತಂ ಮೇ ಪವನಪುರಪತೇ ಕೃಷ್ಣ ಕಾರುಣ್ಯಸಿನ್ಧೋ

ಹೃತ್ವಾ ನಿಶ್ಶೇಷತಾಪಾನ್ ಪ್ರದಿಶತು ಪರಮಾನನ್ದಸನ್ದೋಹಲಕ್ಷ್ಮೀಮ್

॥9॥

ಶ್ಲೋಕ 10

ಅಜ್ಞಾತ್ವಾ ತೇ ಮಹತ್ವಂ ಯದಿಹ ನಿಗದಿತಂ ವಿಶ್ವನಾಥ ಕ್ಷಮೇಥಾಃ

ಸ್ತೋತ್ರಂ ಚೈತತ್ಸಹಸ್ರೋತ್ತರಮಧಿಕತರಂ ತ್ವತ್ಪ್ರಸಾದಾಯ ಭೂಯಾತ್ ।

ದ್ವೇಧಾ ನಾರಾಯಣೀಯಂ ಶ್ರುತಿಷು ಚ ಜನುಷಾ ಸ್ತುತ್ಯತಾವರ್ಣನೇನ

ಸ್ಫೀತಂ ಲೀಲಾವತಾರೈರಿದಮಿಹ ಕುರುತಾಮಾಯುರಾರೋಗ್ಯಸೌಖ್ಯಮ್

॥10॥

ಶ್ಲೋಕ 11