Narayana Upanishad
Narayana Upanishad
ନାରାଯଣ ଉପନିଷଦ୍
ଶ୍ଲୋକ 1
ଓଁ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ଯ॑-ଙ୍କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
ଓଁ ଅଥ ପୁରୁଷୋ ହ ଵୈ ନାରାଯଣୋ-ଽକାମଯତ ପ୍ରଜା-ସ୍ସୃ॑ଜେଯେ॒ତି ।
ନା॒ରା॒ଯ॒ଣାତ୍ପ୍ରା॑ଣୋ ଜା॒ଯତେ । ମନ-ସ୍ସର୍ଵେନ୍ଦ୍ରି॑ଯାଣି॒ ଚ ।
ଖଂ-ଵାଁଯୁର୍ଜ୍ଯୋତିରାପଃ ପୃଥିଵୀ ଵିଶ୍ଵ॑ସ୍ଯ ଧା॒ରିଣୀ ।
ନା॒ରା॒ଯ॒ଣାଦ୍ବ୍ର॑ହ୍ମା ଜା॒ଯତେ ।
ନା॒ରା॒ଯ॒ଣାଦ୍ରୁ॑ଦ୍ରୋ ଜା॒ଯତେ ।
ନା॒ରା॒ଯ॒ଣାଦି॑ନ୍ଦ୍ରୋ ଜା॒ଯତେ ।
ନା॒ରା॒ଯ॒ଣାତ୍ପ୍ରଜାପତଯଃ ପ୍ର॑ଜାଯ॒ନ୍ତେ ।
ନା॒ରା॒ଯ॒ଣାଦ୍ଦ୍ଵାଦଶାଦିତ୍ଯା ରୁଦ୍ରା ଵସଵସ୍ସର୍ଵାଣି ଚ ଛ॑ନ୍ଦାଗ୍ଂ॒ସି ।
ନା॒ରା॒ଯ॒ଣାଦେଵ ସମୁ॑ତ୍ପଦ୍ଯ॒ନ୍ତେ ।
ନା॒ରା॒ଯ॒ଣେ ପ୍ର॑ଵର୍ତ॒ନ୍ତେ ।
ନା॒ରା॒ଯ॒ଣେ ପ୍ର॑ଲୀଯ॒ନ୍ତେ ॥
ଓମ୍ । ଅଥ ନିତ୍ଯୋ ନା॑ରାଯ॒ଣଃ । ବ୍ର॒ହ୍ମା ନା॑ରାଯ॒ଣଃ ।
ଶି॒ଵଶ୍ଚ॑ ନାରାଯ॒ଣଃ । ଶ॒କ୍ରଶ୍ଚ॑ ନାରାଯ॒ଣଃ ।
ଦ୍ଯା॒ଵା॒ପୃ॒ଥି॒ଵ୍ଯୌ ଚ॑ ନାରାଯ॒ଣଃ । କା॒ଲଶ୍ଚ॑ ନାରାଯ॒ଣଃ ।
ଦି॒ଶଶ୍ଚ॑ ନାରାଯ॒ଣଃ । ଊ॒ର୍ଧ୍ଵଶ୍ଚ॑ ନାରାଯ॒ଣଃ ।
ଅ॒ଧଶ୍ଚ॑ ନାରାଯ॒ଣଃ । ଅ॒ନ୍ତ॒ର୍ବ॒ହିଶ୍ଚ॑ ନାରାଯ॒ଣଃ ।
ନାରାଯଣ ଏଵେ॑ଦଗ୍ଂ ସ॒ର୍ଵମ୍ ।
ଯଦ୍ଭୂ॒ତଂ-ଯଁଚ୍ଚ॒ ଭଵ୍ଯମ୍᳚ ।
ନିଷ୍କଲୋ ନିରଞ୍ଜନୋ ନିର୍ଵିକଲ୍ପୋ ନିରାଖ୍ଯାତ-ଶ୍ଶୁଦ୍ଧୋ ଦେଵ
ଏକୋ॑ ନାରାଯ॒ଣଃ । ନ ଦ୍ଵି॒ତୀଯୋ᳚ସ୍ତି॒ କଶ୍ଚି॑ତ୍ ।
ଯ ଏ॑ଵଂ-ଵେଁ॒ଦ ।
ସ ଵିଷ୍ଣୁରେଵ ଭଵତି ସ ଵିଷ୍ଣୁରେ॑ଵ ଭ॒ଵତି ॥
ଓମିତ୍ଯ॑ଗ୍ରେ ଵ୍ଯା॒ହରେତ୍ । ନମ ଇ॑ତି ପ॒ଶ୍ଚାତ୍ ।
ନା॒ରା॒ଯ॒ଣାଯେତ୍ଯୁ॑ପରି॒ଷ୍ଟାତ୍ ।
ଓମି॑ତ୍ଯେକା॒କ୍ଷରମ୍ । ନମ ଇତି॑ ଦ୍ଵେ ଅ॒କ୍ଷରେ ।
ନା॒ରା॒ଯ॒ଣାଯେତି ପଞ୍ଚା᳚କ୍ଷରା॒ଣି ।
ଏତଦ୍ଵୈ ନାରାଯଣସ୍ଯାଷ୍ଟାକ୍ଷ॑ର-ମ୍ପ॒ଦମ୍ ।
ଯୋ ହ ଵୈ ନାରାଯଣସ୍ଯାଷ୍ଟାକ୍ଷର-ମ୍ପଦ॑ମଧ୍ଯେ॒ତି ।
ଅନପବ୍ରଵସ୍ସର୍ଵମା॑ଯୁରେ॒ତି ।
ଵିନ୍ଦତେ ପ୍ରା॑ଜାପ॒ତ୍ଯଗ୍ଂ ରାଯସ୍ପୋଷ॑-ଙ୍ଗୌପ॒ତ୍ଯମ୍ ।
ତତୋ-ଽମୃତତ୍ଵମଶ୍ନୁତେ ତତୋ-ଽମୃତତ୍ଵମଶ୍ନୁ॑ତ ଇ॒ତି ।
ଯ ଏ॑ଵଂ-ଵେଁ॒ଦ ॥
ପ୍ରତ୍ଯଗାନନ୍ଦ-ମ୍ବ୍ରହ୍ମ ପୁରୁଷ-ମ୍ପ୍ରଣଵ॑ସ୍ଵରୂ॒ପମ୍ ।
ଅକାର ଉକାର ମକା॑ର ଇ॒ତି ।
ତାନେକଧା ସମଭରତ୍ତଦେତ॑ଦୋମି॒ତି ।
ଯମୁକ୍ତ୍ଵା॑ ମୁଚ୍ଯ॑ତେ ଯୋ॒ଗୀ॒ ଜ॒ନ୍ମ॒ସଂସା॑ରବ॒ନ୍ଧନାତ୍ ।
ଓ-ନ୍ନମୋ ନାରାଯଣାଯେତି ମ॑ନ୍ତ୍ରୋପା॒ସକଃ ।
ଵୈକୁଣ୍ଠଭୁଵନଲୋକ॑-ଙ୍ଗମି॒ଷ୍ଯତି ।
ତଦିଦ-ମ୍ପର-ମ୍ପୁଣ୍ଡରୀକଂ-ଵିଁ॑ଜ୍ଞାନ॒ଘନମ୍ ।
ତସ୍ମାତ୍ତଦିଦା॑ଵନ୍ମା॒ତ୍ରମ୍ ।
ବ୍ରହ୍ମଣ୍ଯୋ ଦେଵ॑କୀପୁ॒ତ୍ରୋ॒ ବ୍ରହ୍ମଣ୍ଯୋ ମ॑ଧୁସୂ॒ଦନୋମ୍ ।
ସର୍ଵଭୂତସ୍ଥମେକ॑-ନ୍ନାରା॒ଯଣମ୍ ।
କାରଣରୂପମକାର ପ॑ରବ୍ର॒ହ୍ମୋମ୍ ।
ଏତଦଥର୍ଵ ଶିରୋ॑ଯୋ-ଽଧୀ॒ତେ ପ୍ରା॒ତର॑ଧୀଯା॒ନୋ॒ ରାତ୍ରିକୃତ-ମ୍ପାପ॑-ନ୍ନାଶ॒ଯତି ।
ସା॒ଯମ॑ଧୀଯା॒ନୋ॒ ଦିଵସକୃତ-ମ୍ପାପ॑-ନ୍ନାଶ॒ଯତି ।
ମାଧ୍ଯନ୍ଦିନମାଦିତ୍ଯାଭିମୁଖୋ॑-ଽଧୀଯା॒ନଃ॒ ପଞ୍ଚପାତକୋପପାତକା᳚ତ୍ପ୍ରମୁ॒ଚ୍ଯତେ ।
ସର୍ଵ ଵେଦ ପାରାଯଣ ପୁ॑ଣ୍ଯଂ-ଲଁ॒ଭତେ ।
ନାରାଯଣସାଯୁଜ୍ଯମ॑ଵାପ୍ନୋ॒ତି॒ ନାରାଯଣ ସାଯୁଜ୍ଯମ॑ଵାପ୍ନୋ॒ତି ।
ଯ ଏ॑ଵଂ-ଵେଁ॒ଦ । ଇତ୍ଯୁ॑ପ॒ନିଷ॑ତ୍ ॥
ଓଁ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ଯ॑-ଙ୍କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥