Narayana Upanishad

nArAyaNa upaniSad

zloka 1

OM sa॒ha nA॑vavatu | sa॒ha nau॑ bhunaktu | sa॒ha vI॒rya॑-GkaravAvahai |

te॒ja॒svinA॒vadhI॑tamastu॒ mA vi॑dviSA॒vahai᳚ ||

OM zAnti॒-zzAnti॒-zzAntiH॑ ||

OM atha puruSo ha vai nArAyaNo-'kAmayata prajA-ssR॑jeye॒ti |

nA॒rA॒ya॒NAtprA॑No jA॒yate | mana-ssarvendri॑yANi॒ ca |

khaM-vA~yurjyotirApaH pRthivI vizva॑sya dhA॒riNI |

nA॒rA॒ya॒NAdbra॑hmA jA॒yate |

nA॒rA॒ya॒NAdru॑dro jA॒yate |

nA॒rA॒ya॒NAdi॑ndro jA॒yate |

nA॒rA॒ya॒NAtprajApatayaH pra॑jAya॒nte |

nA॒rA॒ya॒NAddvAdazAdityA rudrA vasavassarvANi ca cha॑ndAgM॒si |

nA॒rA॒ya॒NAdeva samu॑tpadya॒nte |

nA॒rA॒ya॒Ne pra॑varta॒nte |

nA॒rA॒ya॒Ne pra॑lIya॒nte ||

om | atha nityo nA॑rAya॒NaH | bra॒hmA nA॑rAya॒NaH |

zi॒vazca॑ nArAya॒NaH | za॒krazca॑ nArAya॒NaH |

dyA॒vA॒pR॒thi॒vyau ca॑ nArAya॒NaH | kA॒lazca॑ nArAya॒NaH |

di॒zazca॑ nArAya॒NaH | U॒rdhvazca॑ nArAya॒NaH |

a॒dhazca॑ nArAya॒NaH | a॒nta॒rba॒hizca॑ nArAya॒NaH |

nArAyaNa eve॑dagM sa॒rvam |

yadbhU॒taM-ya~cca॒ bhavyam᳚ |

niSkalo niraJjano nirvikalpo nirAkhyAta-zzuddho deva

eko॑ nArAya॒NaH | na dvi॒tIyo᳚sti॒ kazci॑t |

ya e॑vaM-ve~॒da |

sa viSNureva bhavati sa viSNure॑va bha॒vati ||

omitya॑gre vyA॒haret | nama i॑ti pa॒zcAt |

nA॒rA॒ya॒NAyetyu॑pari॒STAt |

omi॑tyekA॒kSaram | nama iti॑ dve a॒kSare |

nA॒rA॒ya॒NAyeti paJcA᳚kSarA॒Ni |

etadvai nArAyaNasyASTAkSa॑ra-mpa॒dam |

yo ha vai nArAyaNasyASTAkSara-mpada॑madhye॒ti |

anapabravassarvamA॑yure॒ti |

vindate prA॑jApa॒tyagM rAyaspoSa॑-Ggaupa॒tyam |

tato-'mRtatvamaznute tato-'mRtatvamaznu॑ta i॒ti |

ya e॑vaM-ve~॒da ||

pratyagAnanda-mbrahma puruSa-mpraNava॑svarU॒pam |

akAra ukAra makA॑ra i॒ti |

tAnekadhA samabharattadeta॑domi॒ti |

yamuktvA॑ mucya॑te yo॒gI॒ ja॒nma॒saMsA॑raba॒ndhanAt |

o-nnamo nArAyaNAyeti ma॑ntropA॒sakaH |

vaikuNThabhuvanaloka॑-Ggami॒Syati |

tadida-mpara-mpuNDarIkaM-vi~॑jJAna॒ghanam |

tasmAttadidA॑vanmA॒tram |

brahmaNyo deva॑kIpu॒tro॒ brahmaNyo ma॑dhusU॒danom |

sarvabhUtasthameka॑-nnArA॒yaNam |

kAraNarUpamakAra pa॑rabra॒hmom |

etadatharva ziro॑yo-'dhI॒te prA॒tara॑dhIyA॒no॒ rAtrikRta-mpApa॑-nnAza॒yati |

sA॒yama॑dhIyA॒no॒ divasakRta-mpApa॑-nnAza॒yati |

mAdhyandinamAdityAbhimukho॑-'dhIyA॒naH॒ paJcapAtakopapAtakA᳚tpramu॒cyate |

sarva veda pArAyaNa pu॑NyaM-la~॒bhate |

nArAyaNasAyujyama॑vApno॒ti॒ nArAyaNa sAyujyama॑vApno॒ti |

ya e॑vaM-ve~॒da | ityu॑pa॒niSa॑t ||

OM sa॒ha nA॑vavatu | sa॒ha nau॑ bhunaktu | sa॒ha vI॒rya॑-GkaravAvahai |

te॒ja॒svinA॒vadhI॑tamastu॒ mA vi॑dviSA॒vahai᳚ ||

OM zAnti॒-zzAnti॒-zzAntiH॑ ||