Narayana Suktam

නාරායණ සූක්තම්

ශ්ලොක 1

ඕං ස॒හ නා॑වවතු . ස॒හ නෞ॑ භුනක්තු . ස॒හ වී॒ර්ය॑-ඞ්කරවාවහෛ .

තේ॒ජ॒ස්විනා॒වධී॑තමස්තු॒ මා වි॑ද්විෂා॒වහෛ᳚ ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..

[ධා॒තා පු॒රස්තා॒ද්යමු॑දාජ॒හාර॑ . ශ॒ක්රඃ ප්රවි॒ද්වාන්-ප්ර॒දිශ॒ශ්චත॑ස්රඃ .

තමේ॒වං-විँ॒ද්වාන॒මෘත॑ ඉ॒හ භ॑වති . නාන්යඃ පන්ථා॒ අය॑නාය විද්යතේ ..]

ඕම් .. ස॒හ॒ස්ර॒ශීර්॑​ෂ-න්දේ॒වං॒ වි॒ශ්වාක්ෂං॑-විँ॒ශ්වශ॑ම්භුවම් .

විශ්ව॑-න්නා॒රාය॑ණ-න්දේ॒ව॒ම॒ක්ෂර॑-ම්පර॒ම-ම්ප॒දම් .

වි॒ශ්වතඃ॒ පර॑මාන්නි॒ත්යං॒-විँ॒ශ්ව-න්නා॑රාය॒ණග්ං හ॑රිම් .

විශ්ව॑මේ॒වේද-ම්පුරු॑ෂ॒-ස්තද්විශ්ව-මුප॑ජීවති .

පතිං॒-විँශ්ව॑ස්යා॒ත්මේශ්ව॑ර॒ග්ං॒ ශාශ්ව॑තග්ං ශි॒ව-ම॑ච්යුතම් .

නා॒රාය॒ණ-ම්ම॑හාජ්ඤේ॒යං॒-විँ॒ශ්වාත්මා॑න-ම්ප॒රාය॑ණම් .

නා॒රාය॒ණප॑රෝ ජ්යෝ॒ති॒රා॒ත්මා නා॑රාය॒ණඃ ප॑රඃ .

නා॒රාය॒ණපර॑-ම්බ්ර॒හ්ම॒ තත්ත්ව-න්නා॑රාය॒ණඃ ප॑රඃ .

නා॒රාය॒ණප॑රෝ ධ්යා॒තා॒ ධ්යා॒න-න්නා॑රාය॒ණඃ ප॑රඃ .

යච්ච॑ කි॒ඤ්චිජ්ජ॑ගත්ස॒ර්ව॒-න්දෘ॒ශ්යතේ᳚ ශ්රූය॒තේ-(අ)පි॑ වා ..

අන්ත॑ර්බ॒හිශ්ච॑ තත්ස॒ර්වං॒-ව්යාँ॒ප්ය නා॑රාය॒ණ-ස්ස්ථි॑තඃ .

අනන්ත॒මව්යය॑-ඞ්ක॒විග්ං ස॑මු॒ද්රේං-(අ)තං॑-විँ॒ශ්වශ॑ම්භුවම් .

ප॒ද්ම॒කෝ॒ශ-ප්ර॑තීකා॒ශ॒ග්ං॒ හෘ॒දය॑-ඤ්චාප්ය॒ධෝමු॑ඛම් .

අධෝ॑ නි॒ෂ්ට්යා වි॑තස්යා॒න්තේ॒ නා॒භ්යාමු॑පරි॒ තිෂ්ඨ॑ති .

ජ්වා॒ල॒මා॒ලාකු॑ල-ම්භා॒තී॒ වි॒ශ්වස්යා॑යත॒න-ම්ම॑හත් .

සන්ත॑තග්ං ශි॒ලාභි॑ස්තු॒ ලම්බ॑ත්යාකෝශ॒සන්නි॑භම් .

තස්යාන්තේ॑ සුෂි॒රග්ං සූ॒ක්ෂ්ම-න්තස්මින්᳚ ස॒ර්ව-ම්ප්රති॑ෂ්ඨිතම් .

තස්ය॒ මධ්යේ॑ ම॒හාන॑ග්නි-ර්වි॒ශ්වාර්චි॑-ර්වි॒ශ්වතෝ॑මුඛඃ .

සෝ-(අ)ග්ර॑භු॒ග්විභ॑ජන්ති॒ෂ්ඨ॒-න්නාහා॑රමජ॒රඃ ක॒විඃ .

ති॒ර්ය॒ගූ॒ර්ධ්වම॑ධශ්ශා॒යී॒ ර॒ශ්මය॑ස්තස්ය॒ සන්ත॑තා .

ස॒න්තා॒පය॑ති ස්ව-න්දේ॒හමාපා॑දතල॒මස්ත॑කඃ .

තස්ය॒ මධ්යේ॒ වහ්නි॑ශිඛා අ॒ණීයෝ᳚ර්ධ්වා ව්ය॒වස්ථි॑තඃ .

නී॒ලතෝ॑-යද॑මධ්ය॒ස්ථා॒-ද්වි॒ධ්යුල්ලේ॑ඛේව॒ භාස්ව॑රා .

නී॒වාර॒ශූක॑වත්ත॒න්වී॒ පී॒තා භා᳚ස්වත්ය॒ණූප॑මා .

තස්යා᳚-ශ්ශිඛා॒යා ම॑ධ්යේ ප॒රමා᳚ත්මා ව්ය॒වස්ථි॑තඃ .

ස බ්රහ්ම॒ ස ශිව॒-ස්ස හරි॒-ස්සේන්ද්ර॒-ස්සෝ-(අ)ක්ෂ॑රඃ පර॒ම-ස්ස්ව॒රාට් ..

ඍතග්ං ස॒ත්ය-ම්ප॑ර-ම්බ්ර॒හ්ම॒ පු॒රුෂ॑-ඞ්කෘෂ්ණ॒පිඞ්ග॑ලම් .

ඌ॒ර්ධ්වරේ॑තං-විँ॑රූපා॒ක්ෂං॒-විँ॒ශ්වරූ॑පාය॒ වෛ නමෝ॒ නමඃ॑ ..

ඕ-න්නා॒රා॒ය॒ණාය॑ වි॒ද්මහේ॑ වාසුදේ॒වාය॑ ධීමහි .

තන්නෝ॑ විෂ්ණුඃ ප්රචෝ॒දයා᳚ත් ..

ඕං ශාන්ති॒-ශ්ශාන්ති॒-ශ්ශාන්තිඃ॑ ..