Narayana Suktam
Narayana Suktam
ନାରାଯଣ ସୂକ୍ତମ୍
ଶ୍ଲୋକ 1
ଓଁ ସ॒ହ ନା॑ଵଵତୁ । ସ॒ହ ନୌ॑ ଭୁନକ୍ତୁ । ସ॒ହ ଵୀ॒ର୍ଯ॑-ଙ୍କରଵାଵହୈ ।
ତେ॒ଜ॒ସ୍ଵିନା॒ଵଧୀ॑ତମସ୍ତୁ॒ ମା ଵି॑ଦ୍ଵିଷା॒ଵହୈ᳚ ॥
ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥
[ଧା॒ତା ପୁ॒ରସ୍ତା॒ଦ୍ଯମୁ॑ଦାଜ॒ହାର॑ । ଶ॒କ୍ରଃ ପ୍ରଵି॒ଦ୍ଵାନ୍-ପ୍ର॒ଦିଶ॒ଶ୍ଚତ॑ସ୍ରଃ ।
ତମେ॒ଵଂ-ଵିଁ॒ଦ୍ଵାନ॒ମୃତ॑ ଇ॒ହ ଭ॑ଵତି । ନାନ୍ଯଃ ପନ୍ଥା॒ ଅଯ॑ନାଯ ଵିଦ୍ଯତେ ॥]
ଓମ୍ ॥ ସ॒ହ॒ସ୍ର॒ଶୀର୍॑ଷ-ନ୍ଦେ॒ଵଂ॒ ଵି॒ଶ୍ଵାକ୍ଷଂ॑-ଵିଁ॒ଶ୍ଵଶ॑ମ୍ଭୁଵମ୍ ।
ଵିଶ୍ଵ॑-ନ୍ନା॒ରାଯ॑ଣ-ନ୍ଦେ॒ଵ॒ମ॒କ୍ଷର॑-ମ୍ପର॒ମ-ମ୍ପ॒ଦମ୍ ।
ଵି॒ଶ୍ଵତଃ॒ ପର॑ମାନ୍ନି॒ତ୍ଯଂ॒-ଵିଁ॒ଶ୍ଵ-ନ୍ନା॑ରାଯ॒ଣଗ୍ଂ ହ॑ରିମ୍ ।
ଵିଶ୍ଵ॑ମେ॒ଵେଦ-ମ୍ପୁରୁ॑ଷ॒-ସ୍ତଦ୍ଵିଶ୍ଵ-ମୁପ॑ଜୀଵତି ।
ପତିଂ॒-ଵିଁଶ୍ଵ॑ସ୍ଯା॒ତ୍ମେଶ୍ଵ॑ର॒ଗ୍ଂ॒ ଶାଶ୍ଵ॑ତଗ୍ଂ ଶି॒ଵ-ମ॑ଚ୍ଯୁତମ୍ ।
ନା॒ରାଯ॒ଣ-ମ୍ମ॑ହାଜ୍ଞେ॒ଯଂ॒-ଵିଁ॒ଶ୍ଵାତ୍ମା॑ନ-ମ୍ପ॒ରାଯ॑ଣମ୍ ।
ନା॒ରାଯ॒ଣପ॑ରୋ ଜ୍ଯୋ॒ତି॒ରା॒ତ୍ମା ନା॑ରାଯ॒ଣଃ ପ॑ରଃ ।
ନା॒ରାଯ॒ଣପର॑-ମ୍ବ୍ର॒ହ୍ମ॒ ତତ୍ତ୍ଵ-ନ୍ନା॑ରାଯ॒ଣଃ ପ॑ରଃ ।
ନା॒ରାଯ॒ଣପ॑ରୋ ଧ୍ଯା॒ତା॒ ଧ୍ଯା॒ନ-ନ୍ନା॑ରାଯ॒ଣଃ ପ॑ରଃ ।
ଯଚ୍ଚ॑ କି॒ଞ୍ଚିଜ୍ଜ॑ଗତ୍ସ॒ର୍ଵ॒-ନ୍ଦୃ॒ଶ୍ଯତେ᳚ ଶ୍ରୂଯ॒ତେ-ଽପି॑ ଵା ॥
ଅନ୍ତ॑ର୍ବ॒ହିଶ୍ଚ॑ ତତ୍ସ॒ର୍ଵଂ॒-ଵ୍ଯାଁ॒ପ୍ଯ ନା॑ରାଯ॒ଣ-ସ୍ସ୍ଥି॑ତଃ ।
ଅନନ୍ତ॒ମଵ୍ଯଯ॑-ଙ୍କ॒ଵିଗ୍ଂ ସ॑ମୁ॒ଦ୍ରେଂ-ଽତଂ॑-ଵିଁ॒ଶ୍ଵଶ॑ମ୍ଭୁଵମ୍ ।
ପ॒ଦ୍ମ॒କୋ॒ଶ-ପ୍ର॑ତୀକା॒ଶ॒ଗ୍ଂ॒ ହୃ॒ଦଯ॑-ଞ୍ଚାପ୍ଯ॒ଧୋମୁ॑ଖମ୍ ।
ଅଧୋ॑ ନି॒ଷ୍ଟ୍ଯା ଵି॑ତସ୍ଯା॒ନ୍ତେ॒ ନା॒ଭ୍ଯାମୁ॑ପରି॒ ତିଷ୍ଠ॑ତି ।
ଜ୍ଵା॒ଲ॒ମା॒ଲାକୁ॑ଲ-ମ୍ଭା॒ତୀ॒ ଵି॒ଶ୍ଵସ୍ଯା॑ଯତ॒ନ-ମ୍ମ॑ହତ୍ ।
ସନ୍ତ॑ତଗ୍ଂ ଶି॒ଲାଭି॑ସ୍ତୁ॒ ଲମ୍ବ॑ତ୍ଯାକୋଶ॒ସନ୍ନି॑ଭମ୍ ।
ତସ୍ଯାନ୍ତେ॑ ସୁଷି॒ରଗ୍ଂ ସୂ॒କ୍ଷ୍ମ-ନ୍ତସ୍ମିନ୍᳚ ସ॒ର୍ଵ-ମ୍ପ୍ରତି॑ଷ୍ଠିତମ୍ ।
ତସ୍ଯ॒ ମଧ୍ଯେ॑ ମ॒ହାନ॑ଗ୍ନି-ର୍ଵି॒ଶ୍ଵାର୍ଚି॑-ର୍ଵି॒ଶ୍ଵତୋ॑ମୁଖଃ ।
ସୋ-ଽଗ୍ର॑ଭୁ॒ଗ୍ଵିଭ॑ଜନ୍ତି॒ଷ୍ଠ॒-ନ୍ନାହା॑ରମଜ॒ରଃ କ॒ଵିଃ ।
ତି॒ର୍ଯ॒ଗୂ॒ର୍ଧ୍ଵମ॑ଧଶ୍ଶା॒ଯୀ॒ ର॒ଶ୍ମଯ॑ସ୍ତସ୍ଯ॒ ସନ୍ତ॑ତା ।
ସ॒ନ୍ତା॒ପଯ॑ତି ସ୍ଵ-ନ୍ଦେ॒ହମାପା॑ଦତଲ॒ମସ୍ତ॑କଃ ।
ତସ୍ଯ॒ ମଧ୍ଯେ॒ ଵହ୍ନି॑ଶିଖା ଅ॒ଣୀଯୋ᳚ର୍ଧ୍ଵା ଵ୍ଯ॒ଵସ୍ଥି॑ତଃ ।
ନୀ॒ଲତୋ॑-ଯଦ॑ମଧ୍ଯ॒ସ୍ଥା॒-ଦ୍ଵି॒ଧ୍ଯୁଲ୍ଲେ॑ଖେଵ॒ ଭାସ୍ଵ॑ରା ।
ନୀ॒ଵାର॒ଶୂକ॑ଵତ୍ତ॒ନ୍ଵୀ॒ ପୀ॒ତା ଭା᳚ସ୍ଵତ୍ଯ॒ଣୂପ॑ମା ।
ତସ୍ଯା᳚-ଶ୍ଶିଖା॒ଯା ମ॑ଧ୍ଯେ ପ॒ରମା᳚ତ୍ମା ଵ୍ଯ॒ଵସ୍ଥି॑ତଃ ।
ସ ବ୍ରହ୍ମ॒ ସ ଶିଵ॒-ସ୍ସ ହରି॒-ସ୍ସେନ୍ଦ୍ର॒-ସ୍ସୋ-ଽକ୍ଷ॑ରଃ ପର॒ମ-ସ୍ସ୍ଵ॒ରାଟ୍ ॥
ଋତଗ୍ଂ ସ॒ତ୍ଯ-ମ୍ପ॑ର-ମ୍ବ୍ର॒ହ୍ମ॒ ପୁ॒ରୁଷ॑-ଙ୍କୃଷ୍ଣ॒ପିଙ୍ଗ॑ଲମ୍ ।
ଊ॒ର୍ଧ୍ଵରେ॑ତଂ-ଵିଁ॑ରୂପା॒କ୍ଷଂ॒-ଵିଁ॒ଶ୍ଵରୂ॑ପାଯ॒ ଵୈ ନମୋ॒ ନମଃ॑ ॥
ଓ-ନ୍ନା॒ରା॒ଯ॒ଣାଯ॑ ଵି॒ଦ୍ମହେ॑ ଵାସୁଦେ॒ଵାଯ॑ ଧୀମହି ।
ତନ୍ନୋ॑ ଵିଷ୍ଣୁଃ ପ୍ରଚୋ॒ଦଯା᳚ତ୍ ॥
ଓଁ ଶାନ୍ତି॒-ଶ୍ଶାନ୍ତି॒-ଶ୍ଶାନ୍ତିଃ॑ ॥