Narayana Suktam
Narayana Suktam
নারাযণ সূক্তম্
শ্লোক 1
ওঁ স॒হ না॑ববতু । স॒হ নৌ॑ ভুনক্তু । স॒হ বী॒র্য॑-ঙ্করবাবহৈ ।
তে॒জ॒স্বিনা॒বধী॑তমস্তু॒ মা বি॑দ্বিষা॒বহৈ᳚ ॥
ওঁ শান্তি॒-শ্শান্তি॒-শ্শান্তিঃ॑ ॥
[ধা॒তা পু॒রস্তা॒দ্যমু॑দাজ॒হার॑ । শ॒ক্রঃ প্রবি॒দ্বান্-প্র॒দিশ॒শ্চত॑স্রঃ ।
তমে॒বং-বিঁ॒দ্বান॒মৃত॑ ই॒হ ভ॑বতি । নান্যঃ পন্থা॒ অয॑নায বিদ্যতে ॥]
ওম্ ॥ স॒হ॒স্র॒শীর্॑ষ-ন্দে॒বং॒ বি॒শ্বাক্ষং॑-বিঁ॒শ্বশ॑ম্ভুবম্ ।
বিশ্ব॑-ন্না॒রায॑ণ-ন্দে॒ব॒ম॒ক্ষর॑-ম্পর॒ম-ম্প॒দম্ ।
বি॒শ্বতঃ॒ পর॑মান্নি॒ত্যং॒-বিঁ॒শ্ব-ন্না॑রায॒ণগ্ং হ॑রিম্ ।
বিশ্ব॑মে॒বেদ-ম্পুরু॑ষ॒-স্তদ্বিশ্ব-মুপ॑জীবতি ।
পতিং॒-বিঁশ্ব॑স্যা॒ত্মেশ্ব॑র॒গ্ং॒ শাশ্ব॑তগ্ং শি॒ব-ম॑চ্যুতম্ ।
না॒রায॒ণ-ম্ম॑হাজ্ঞে॒যং॒-বিঁ॒শ্বাত্মা॑ন-ম্প॒রায॑ণম্ ।
না॒রায॒ণপ॑রো জ্যো॒তি॒রা॒ত্মা না॑রায॒ণঃ প॑রঃ ।
না॒রায॒ণপর॑-ম্ব্র॒হ্ম॒ তত্ত্ব-ন্না॑রায॒ণঃ প॑রঃ ।
না॒রায॒ণপ॑রো ধ্যা॒তা॒ ধ্যা॒ন-ন্না॑রায॒ণঃ প॑রঃ ।
যচ্চ॑ কি॒ঞ্চিজ্জ॑গত্স॒র্ব॒-ন্দৃ॒শ্যতে᳚ শ্রূয॒তে-ঽপি॑ বা ॥
অন্ত॑র্ব॒হিশ্চ॑ তত্স॒র্বং॒-ব্যাঁ॒প্য না॑রায॒ণ-স্স্থি॑তঃ ।
অনন্ত॒মব্যয॑-ঙ্ক॒বিগ্ং স॑মু॒দ্রেং-ঽতং॑-বিঁ॒শ্বশ॑ম্ভুবম্ ।
প॒দ্ম॒কো॒শ-প্র॑তীকা॒শ॒গ্ং॒ হৃ॒দয॑-ঞ্চাপ্য॒ধোমু॑খম্ ।
অধো॑ নি॒ষ্ট্যা বি॑তস্যা॒ন্তে॒ না॒ভ্যামু॑পরি॒ তিষ্ঠ॑তি ।
জ্বা॒ল॒মা॒লাকু॑ল-ম্ভা॒তী॒ বি॒শ্বস্যা॑যত॒ন-ম্ম॑হত্ ।
সন্ত॑তগ্ং শি॒লাভি॑স্তু॒ লম্ব॑ত্যাকোশ॒সন্নি॑ভম্ ।
তস্যান্তে॑ সুষি॒রগ্ং সূ॒ক্ষ্ম-ন্তস্মিন্᳚ স॒র্ব-ম্প্রতি॑ষ্ঠিতম্ ।
তস্য॒ মধ্যে॑ ম॒হান॑গ্নি-র্বি॒শ্বার্চি॑-র্বি॒শ্বতো॑মুখঃ ।
সো-ঽগ্র॑ভু॒গ্বিভ॑জন্তি॒ষ্ঠ॒-ন্নাহা॑রমজ॒রঃ ক॒বিঃ ।
তি॒র্য॒গূ॒র্ধ্বম॑ধশ্শা॒যী॒ র॒শ্ময॑স্তস্য॒ সন্ত॑তা ।
স॒ন্তা॒পয॑তি স্ব-ন্দে॒হমাপা॑দতল॒মস্ত॑কঃ ।
তস্য॒ মধ্যে॒ বহ্নি॑শিখা অ॒ণীযো᳚র্ধ্বা ব্য॒বস্থি॑তঃ ।
নী॒লতো॑-যদ॑মধ্য॒স্থা॒-দ্বি॒ধ্যুল্লে॑খেব॒ ভাস্ব॑রা ।
নী॒বার॒শূক॑বত্ত॒ন্বী॒ পী॒তা ভা᳚স্বত্য॒ণূপ॑মা ।
তস্যা᳚-শ্শিখা॒যা ম॑ধ্যে প॒রমা᳚ত্মা ব্য॒বস্থি॑তঃ ।
স ব্রহ্ম॒ স শিব॒-স্স হরি॒-স্সেন্দ্র॒-স্সো-ঽক্ষ॑রঃ পর॒ম-স্স্ব॒রাট্ ॥
ঋতগ্ং স॒ত্য-ম্প॑র-ম্ব্র॒হ্ম॒ পু॒রুষ॑-ঙ্কৃষ্ণ॒পিঙ্গ॑লম্ ।
ঊ॒র্ধ্বরে॑তং-বিঁ॑রূপা॒ক্ষং॒-বিঁ॒শ্বরূ॑পায॒ বৈ নমো॒ নমঃ॑ ॥
ও-ন্না॒রা॒য॒ণায॑ বি॒দ্মহে॑ বাসুদে॒বায॑ ধীমহি ।
তন্নো॑ বিষ্ণুঃ প্রচো॒দযা᳚ত্ ॥
ওঁ শান্তি॒-শ্শান্তি॒-শ্শান্তিঃ॑ ॥