Narayana Suktam
നാരായണ സൂക്തമ്
Narayana Suktam
നാരായണ സൂക്തമ്
ശ്ലോക 1
ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യ॑-ങ്കരവാവഹൈ ।
തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥
[ധാ॒താ പു॒രസ്താ॒ദ്യമു॑ദാജ॒ഹാര॑ । ശ॒ക്രഃ പ്രവി॒ദ്വാന്-പ്ര॒ദിശ॒ശ്ചത॑സ്രഃ ।
തമേ॒വം-വിഁ॒ദ്വാന॒മൃത॑ ഇ॒ഹ ഭ॑വതി । നാന്യഃ പന്ഥാ॒ അയ॑നായ വിദ്യതേ ॥]
ഓമ് ॥ സ॒ഹ॒സ്ര॒ശീര്॑ഷ-ന്ദേ॒വം॒ വി॒ശ്വാക്ഷം॑-വിഁ॒ശ്വശ॑മ്ഭുവമ് ।
വിശ്വ॑-ന്നാ॒രായ॑ണ-ന്ദേ॒വ॒മ॒ക്ഷര॑-മ്പര॒മ-മ്പ॒ദമ് ।
വി॒ശ്വതഃ॒ പര॑മാന്നി॒ത്യം॒-വിഁ॒ശ്വ-ന്നാ॑രായ॒ണഗ്ം ഹ॑രിമ് ।
വിശ്വ॑മേ॒വേദ-മ്പുരു॑ഷ॒-സ്തദ്വിശ്വ-മുപ॑ജീവതി ।
പതിം॒-വിഁശ്വ॑സ്യാ॒ത്മേശ്വ॑ര॒ഗ്ം॒ ശാശ്വ॑തഗ്ം ശി॒വ-മ॑ച്യുതമ് ।
നാ॒രായ॒ണ-മ്മ॑ഹാജ്ഞേ॒യം॒-വിഁ॒ശ്വാത്മാ॑ന-മ്പ॒രായ॑ണമ് ।
നാ॒രായ॒ണപ॑രോ ജ്യോ॒തി॒രാ॒ത്മാ നാ॑രായ॒ണഃ പ॑രഃ ।
നാ॒രായ॒ണപര॑-മ്ബ്ര॒ഹ്മ॒ തത്ത്വ-ന്നാ॑രായ॒ണഃ പ॑രഃ ।
നാ॒രായ॒ണപ॑രോ ധ്യാ॒താ॒ ധ്യാ॒ന-ന്നാ॑രായ॒ണഃ പ॑രഃ ।
യച്ച॑ കി॒ഞ്ചിജ്ജ॑ഗത്സ॒ര്വ॒-ന്ദൃ॒ശ്യതേ᳚ ശ്രൂയ॒തേ-ഽപി॑ വാ ॥
അന്ത॑ര്ബ॒ഹിശ്ച॑ തത്സ॒ര്വം॒-വ്യാഁ॒പ്യ നാ॑രായ॒ണ-സ്സ്ഥി॑തഃ ।
അനന്ത॒മവ്യയ॑-ങ്ക॒വിഗ്ം സ॑മു॒ദ്രേം-ഽതം॑-വിഁ॒ശ്വശ॑മ്ഭുവമ് ।
പ॒ദ്മ॒കോ॒ശ-പ്ര॑തീകാ॒ശ॒ഗ്ം॒ ഹൃ॒ദയ॑-ഞ്ചാപ്യ॒ധോമു॑ഖമ് ।
അധോ॑ നി॒ഷ്ട്യാ വി॑തസ്യാ॒ന്തേ॒ നാ॒ഭ്യാമു॑പരി॒ തിഷ്ഠ॑തി ।
ജ്വാ॒ല॒മാ॒ലാകു॑ല-മ്ഭാ॒തീ॒ വി॒ശ്വസ്യാ॑യത॒ന-മ്മ॑ഹത് ।
സന്ത॑തഗ്ം ശി॒ലാഭി॑സ്തു॒ ലമ്ബ॑ത്യാകോശ॒സന്നി॑ഭമ് ।
തസ്യാന്തേ॑ സുഷി॒രഗ്ം സൂ॒ക്ഷ്മ-ന്തസ്മിന്᳚ സ॒ര്വ-മ്പ്രതി॑ഷ്ഠിതമ് ।
തസ്യ॒ മധ്യേ॑ മ॒ഹാന॑ഗ്നി-ര്വി॒ശ്വാര്ചി॑-ര്വി॒ശ്വതോ॑മുഖഃ ।
സോ-ഽഗ്ര॑ഭു॒ഗ്വിഭ॑ജന്തി॒ഷ്ഠ॒-ന്നാഹാ॑രമജ॒രഃ ക॒വിഃ ।
തി॒ര്യ॒ഗൂ॒ര്ധ്വമ॑ധശ്ശാ॒യീ॒ ര॒ശ്മയ॑സ്തസ്യ॒ സന്ത॑താ ।
സ॒ന്താ॒പയ॑തി സ്വ-ന്ദേ॒ഹമാപാ॑ദതല॒മസ്ത॑കഃ ।
തസ്യ॒ മധ്യേ॒ വഹ്നി॑ശിഖാ അ॒ണീയോ᳚ര്ധ്വാ വ്യ॒വസ്ഥി॑തഃ ।
നീ॒ലതോ॑-യദ॑മധ്യ॒സ്ഥാ॒-ദ്വി॒ധ്യുല്ലേ॑ഖേവ॒ ഭാസ്വ॑രാ ।
നീ॒വാര॒ശൂക॑വത്ത॒ന്വീ॒ പീ॒താ ഭാ᳚സ്വത്യ॒ണൂപ॑മാ ।
തസ്യാ᳚-ശ്ശിഖാ॒യാ മ॑ധ്യേ പ॒രമാ᳚ത്മാ വ്യ॒വസ്ഥി॑തഃ ।
സ ബ്രഹ്മ॒ സ ശിവ॒-സ്സ ഹരി॒-സ്സേന്ദ്ര॒-സ്സോ-ഽക്ഷ॑രഃ പര॒മ-സ്സ്വ॒രാട് ॥
ഋതഗ്ം സ॒ത്യ-മ്പ॑ര-മ്ബ്ര॒ഹ്മ॒ പു॒രുഷ॑-ങ്കൃഷ്ണ॒പിങ്ഗ॑ലമ് ।
ഊ॒ര്ധ്വരേ॑തം-വിഁ॑രൂപാ॒ക്ഷം॒-വിഁ॒ശ്വരൂ॑പായ॒ വൈ നമോ॒ നമഃ॑ ॥
ഓ-ന്നാ॒രാ॒യ॒ണായ॑ വി॒ദ്മഹേ॑ വാസുദേ॒വായ॑ ധീമഹി ।
തന്നോ॑ വിഷ്ണുഃ പ്രചോ॒ദയാ᳚ത് ॥
ഓം ശാന്തി॒-ശ്ശാന്തി॒-ശ്ശാന്തിഃ॑ ॥