Narayana Kavacham

නාරායණ කවචම්

ශ්ලොක 1

න්යාසඃ

අඞ්ගන්යාසඃ

ඕං ඕං පාදයෝඃ නමඃ .

ඕං නං ජානුනෝඃ නමඃ .

ඕං මෝං ඌර්වෝඃ නමඃ .

ඕං නාං උදරේ නමඃ .

ඕං රාං හෘදි නමඃ .

ඕං යං උරසි නමඃ .

ඕං ණාං මුඛේ නමඃ .

ඕං යං ශිරසි නමඃ .

කරන්යාසඃ

ඕං ඕං දක්ෂිණතර්ජන්යාං නමඃ .

ඕං නං දක්ෂිණමධ්යමායාං නමඃ .

ඕං මෝං දක්ෂිණානාමිකායාං නමඃ .

ඕං භං දක්ෂිණකනිෂ්ඨිකායාං නමඃ .

ඕං ගං වාමකනිෂ්ඨිකායාං නමඃ .

ඕං වං වාමානිකායාං නමඃ .

ඕං තේං වාමමධ්යමායාං නමඃ .

ඕං වාං වාමතර්ජන්යාං නමඃ .

ඕං සුං දක්ෂිණාඞ්ගුෂ්ඨෝර්ධ්වපර්වණි නමඃ .

ඕං දේං දක්ෂිණාඞ්ගුෂ්ඨාධඃ පර්වණි නමඃ .

ඕං වාං වාමාඞ්ගුෂ්ඨෝර්ධ්වපර්වණි නමඃ .

ඕං යං වාමාඞ්ගුෂ්ඨාධඃ පර්වණි නමඃ .

විෂ්ණුෂඩක්ෂරන්යාසඃ

ඕං ඕං හෘදයේ නමඃ .

ඕං විං මූර්ධ්නෛ නමඃ .

ඕං ෂං භ්රුර්වෝර්මධ්යේ නමඃ .

ඕං ණං ශිඛායාං නමඃ .

ඕං වේං නේත්රයෝඃ නමඃ .

ඕං නං සර්වසන්ධිෂු නමඃ .

ඕං මඃ ප්රාච්යාං අස්ත්රාය ඵට් .

ඕං මඃ ආග්නේය්යාං අස්ත්රාය ඵට් .

ඕං මඃ දක්ෂිණස්යාං අස්ත්රාය ඵට් .

ඕං මඃ නෛඍත්යේ අස්ත්රාය ඵට් .

ඕං මඃ ප්රතීච්යාං අස්ත්රාය ඵට් .

ඕං මඃ වායව්යේ අස්ත්රාය ඵට් .

ඕං මඃ උදීච්යාං අස්ත්රාය ඵට් .

ඕං මඃ ඓශාන්යාං අස්ත්රාය ඵට් .

ඕං මඃ ඌර්ධ්වායාං අස්ත්රාය ඵට් .

ඕං මඃ අධරායාං අස්ත්රාය ඵට් .

ශ්රී හරිඃ

අථ ශ්රීනාරායණකවච

රාජෝවාච

යයා ගුප්තඃ සහස්රාක්ෂඃ සවාහාන් රිපුසෛනිකාන් .

ක්රීඩන්නිව විනිර්ජිත්ය ත්රිලෝක්යා බුභුජේ ශ්රියම් .. 1 ..

භගවංස්තන්මමාඛ්යාහි වර්ම නාරායණාත්මකම් .

යථා(අ)(අ)තතායිනඃ ශත්රූන් යේන ගුප්තෝ(අ)ජයන්මෘධේ .. 2 ..

ශ්රී ශුක උවාච

වෘතඃ පුරෝහිතස්ත්වාෂ්ට්රෝ මහේන්ද්රායානුපෘච්ඡතේ .

නාරායණාඛ්යං වර්මාහ තදිහෛකමනාඃ ශෘණු .. 3 ..

ශ්රීවිශ්වරූප උවාච

ධෞතාඞ්ඝ්රිපාණිරාචම්ය සපවිත්ර උදඞ්මුඛඃ .

කෘතස්වාඞ්ගකරන්යාසෝ මන්ත්රාභ්යාං වාග්යතඃ ශුචිඃ .. 4 ..

නාරායණමයං වර්ම සන්නහ්යේද්භය ආගතේ .

දෛවභූතාත්මකර්මභ්යෝ නාරායණමයඃ පුමාන් .. 5 ..

පාදයෝර්ජානුනෝරූර්වෝරුදරේ හෘද්යථෝරසි .

මුඛේ ශිරස්යානුපූර්ව්යාදෝඞ්කාරාදීනි වින්යසේත් .. 6 ..

ඕං නමෝ නාරායණායේති විපර්යයමථාපි වා .

කරන්යාසං තතඃ කුර්යාද්ද්වාදශාක්ෂරවිද්යයා .. 7 ..

ප්රණවාදියකාරාන්තමඞ්ගුල්යඞ්ගුෂ්ඨපර්වසු .

න්යසේද්ධෘදය ඕඞ්කාරං විකාරමනු මූර්ධනි .. 8 ..

ෂකාරං තු භ්රුවෝර්මධ්යේ ණකාරං ශිඛයා න්යසේත් .

වේකාරං නේත්රයෝර්යුඤ්ජ්යාන්නකාරං සර්වසන්ධිෂු .. 9 ..

මකාරමස්ත්රමුද්දිශ්ය මන්ත්රමූර්තිර්භවේද්බුධඃ .

සවිසර්ගං ඵඩන්තං තත්සර්වදික්ෂු විනිර්දිශේත් .. 10 ..

ඕං විෂ්ණවේ නමඃ ..

ඉත්යාත්මානං පරං ධ්යායේද්ධ්යේයං ෂට්ඡක්තිභිර්යුතම් .

විද්යාතේජස්තපෝමූර්තිමිමං මන්ත්රමුදාහරේත් .. 11 ..

ඕං හරිර්විදධ්යාන්මම සර්වරක්ෂාං

න්යස්තාඞ්ඝ්රිපද්මඃ පතගේන්ද්ර පෘෂ්ඨේ .

දරාරිචර්මාසිගදේෂුචාප-

-පාශාන්දධානෝ(අ)ෂ්ටගුණෝ(අ)ෂ්ටබාහුඃ .. 12 ..

ජලේෂු මාං රක්ෂතු මත්ස්යමූර්ති-

-ර්යාදෝගණේභ්යෝ වරුණස්ය පාශාත් .

ස්ථලේෂු මායාවටුවාමනෝ(අ)ව්යා-

-ත්ත්රිවික්රමඃ ඛේ(අ)වතු විශ්වරූපඃ .. 13 ..

දුර්ගේෂ්වටව්යාජිමුඛාදිෂු ප්රභුඃ

පායාන්නෘසිංහෝ(අ)සුරයූථපාරිඃ .

විමුඤ්චතෝ යස්ය මහාට්ටහාසං

දිශෝ විනේදුර්න්යපතංශ්ච ගර්භාඃ .. 14 ..

රක්ෂත්වසෞ මාධ්වනි යජ්ඤකල්පඃ

ස්වදංෂ්ට්රයෝන්නීතධරෝ වරාහඃ .

රාමෝ(අ)ද්රිකූටේෂ්වථ විප්රවාසේ

සලක්ෂ්මණෝ(අ)ව්යාද්භරතාග්රජෝ(අ)ස්මාන් .. 15 ..

මාමුග්රධර්මාදඛිලාත්ප්රමාදා-

-න්නාරායණඃ පාතු නරශ්ච හාසාත් .

දත්තස්ත්වයෝගාදථ යෝගනාථඃ

පායාද්ගුණේශඃ කපිලඃ කර්මබන්ධාත් .. 16 ..

සනත්කුමාරෝ(අ)වතු කාමදේවා-

-ද්ධයානනෝ මාං පථි දේවහේලනාත් .

දේවර්ෂිවර්යඃ පුරුෂාර්චනාන්තරා-

-ත්කූර්මෝ හරිර්මාං නිරයාදශේෂාත් .. 17 ..

ධන්වන්තරිර්භගවාන්පාත්වපථ්යා-

-ද්ද්වන්ද්වාද්භයාදෘෂභෝ නිර්ජිතාත්මා .

යජ්ඤශ්ච ලෝකාදවතාජ්ජනාන්තා-

-ද්බලෝ ගණාත්ක්රෝධවශාදහීන්ද්රඃ .. 18 ..

ද්වෛපායනෝ භගවානප්රබෝධා-

-ද්බුද්ධස්තු පාෂණ්ඩගණාත්ප්රමාදාත් .

කල්කිඃ කලේඃ කාලමලාත්ප්රපාතු

ධර්මාවනායෝරුකෘතාවතාරඃ .. 19 ..

මාං කේශවෝ ගදයා ප්රාතරව්යා-

-ද්ගෝවින්ද ආසඞ්ගවමාත්තවේණුඃ .

නාරායණඃ ප්රාහ්ණ උදාත්තශක්ති-

-ර්මධ්යන්දිනේ විෂ්ණුරරීන්ද්රපාණිඃ .. 20 ..

දේවෝ(අ)පරාහ්ණේ මධුහෝග්රධන්වා

සායං ත්රිධාමාවතු මාධවෝ මාම් .

දෝෂේ හෘෂීකේශ උතාර්ධරාත්රේ

නිශීථ ඒකෝ(අ)වතු පද්මනාභඃ .. 21 ..

ශ්රීවත්සධාමා(අ)පරරාත්ර ඊශඃ

ප්රත්යුෂ ඊශෝ(අ)සිධරෝ ජනාර්දනඃ .

දාමෝදරෝ(අ)ව්යාදනුසන්ධ්යං ප්රභාතේ

විශ්වේශ්වරෝ භගවාන්කාලමූර්තිඃ .. 22 ..

චක්රං යුගාන්තානලතිග්මනේමි

භ්රමත්සමන්තාද්භගවත්ප්රයුක්තම් .

දන්දග්ධි දන්දග්ධ්යරිසෛන්යමාශු

කක්ෂං යථා වාතසඛෝ හුතාශඃ .. 23 ..

ගදේ(අ)ශනිස්පර්ශනවිස්ඵුලිඞ්ගේ

නිෂ්පිණ්ඪි නිෂ්පිණ්ඪ්යජිතප්රියාසි .

කූෂ්මාණ්ඩවෛනායකයක්ෂරක්ෂෝ

භූතග්රහාංශ්චූර්ණය චූර්ණයාරීන් .. 24 ..

ත්වං යාතුධානප්රමථප්රේතමාතෘ-

-පිශාචවිප්රග්රහඝෝරදෘෂ්ටීන් .

දරේන්ද්ර විද්රාවය කෘෂ්ණපූරිතෝ

භීමස්වනෝ(අ)රේර්හෘදයානි කම්පයන් .. 25 ..

ත්වං තිග්මධාරාසිවරාරිසෛන්ය-

-මීශප්රයුක්තෝ මම ඡින්ධි ඡින්ධි .

චක්ෂූංෂි චර්මන් ශතචන්ද්ර ඡාදය

ද්විෂාමඝෝනාං හර පාපචක්ෂුෂාම් .. 26 ..

යන්නෝ භයං ග්රහේභ්යෝ(අ)භූත්කේතුභ්යෝ නෘභ්ය ඒව ච .

සරීසෘපේභ්යෝ දංෂ්ට්රිභ්යෝ භූතේභ්යෝ(අ)ඝේභ්ය ඒව ච .. 27 ..

සර්වාණ්යේතානි භගවන්නාමරූපාස්ත්රකීර්තනාත් .

ප්රයාන්තු සඞ්ක්ෂයං සද්යෝ යේ නඃ ශ්රේයඃප්රතීපකාඃ .. 28 ..

ගරුඩෝ භගවාන් ස්තෝත්රස්තෝමශ්ඡන්දෝමයඃ ප්රභුඃ .

රක්ෂත්වශේෂකෘච්ඡ්රේභ්යෝ විෂ්වක්සේනඃ ස්වනාමභිඃ .. 29 ..

සර්වාපද්භ්යෝ හරේර්නාමරූපයානායුධානි නඃ .

බුද්ධීන්ද්රියමනඃප්රාණාන්පාන්තු පාර්ෂදභූෂණාඃ .. 30 ..

යථා හි භගවානේව වස්තුතඃ සදසච්ච යත් .

සත්යේනානේන නඃ සර්වේ යාන්තු නාශමුපද්රවාඃ .. 31 ..

යථෛකාත්ම්යානුභාවානාං විකල්පරහිතඃ ස්වයම් .

භූෂණායුධලිඞ්ගාඛ්යා ධත්තේ ශක්තීඃ ස්වමායයා .. 32 ..

තේනෛව සත්යමානේන සර්වජ්ඤෝ භගවාන් හරිඃ .

පාතු සර්වෛඃ ස්වරූපෛර්නඃ සදා සර්වත්ර සර්වගඃ .. 33 ..

විදික්ෂු දික්ෂූර්ධ්වමධඃ සමන්තා-

-දන්තර්බහිර්භගවාන්නාරසිංහඃ .

ප්රහාපයँල්ලෝකභයං ස්වනේන

ස්වතේජසා ග්රස්තසමස්තතේජාඃ .. 34 ..

මඝවන්නිදමාඛ්යාතං වර්ම නාරායණාත්මකම් .

විජේෂ්යස්යඤ්ජසා යේන දංශිතෝ(අ)සුරයූථපාන් .. 35 ..

ඒතද්ධාරයමාණස්තු යං යං පශ්යති චක්ෂුෂා .

පදා වා සංස්පෘශේත්සද්යඃ සාධ්වසාත්ස විමුච්යතේ .. 36 ..

න කුතශ්චිද්භයං තස්ය විද්යාං ධාරයතෝ භවේත් .

රාජදස්යුග්රහාදිභ්යෝ ව්යාධ්යාදිභ්යශ්ච කර්හිචිත් .. 37 ..

ඉමාං විද්යාං පුරා කශ්චිත්කෞශිකෝ ධාරයන් ද්විජඃ .

යෝගධාරණයා ස්වාඞ්ගං ජහෞ ස මරුධන්වනි .. 38 ..

තස්යෝපරි විමානේන ගන්ධර්වපතිරේකදා .

යයෞ චිත්රරථඃ ස්ත්රීභිර්වෘතෝ යත්ර ද්විජක්ෂයඃ .. 39 ..

ගගනාන්න්යපතත්සද්යඃ සවිමානෝ හ්යවාක්ඡිරාඃ .

ස වාලඛිල්යවචනාදස්ථීන්යාදාය විස්මිතඃ .

ප්රාප්ය ප්රාච්යාං සරස්වත්යාං ස්නාත්වා ධාම ස්වමන්වගාත් .. 40 ..

ශ්රී ශුක උවාච

ය ඉදං ශෘණුයාත්කාලේ යෝ ධාරයති චාදෘතඃ .

තං නමස්යන්ති භූතානි මුච්යතේ සර්වතෝ භයාත් .. 41 ..

ඒතාං විද්යාමධිගතෝ විශ්වරූපාච්ඡතක්රතුඃ .

ත්රෛලෝක්යලක්ෂ්මීං බුභුජේ විනිර්ජිත්ය මෘධේ(අ)සුරාන් .. 42 ..

ඉති ශ්රීමද්භාගවතේ මහාපුරාණේ ෂෂ්ඨස්කන්ධේ නාරායණවර්මෝපදේශෝ නාමාෂ්ටමෝ(අ)ධ්යායඃ .