Narayana Kavacham
Narayana Kavacham
ନାରାଯଣ କଵଚମ୍
ନ୍ଯାସଃ
ଅଙ୍ଗନ୍ଯାସଃ
ଓଁ ଓଁ ପାଦଯୋଃ ନମଃ ।
ଓଁ ନଂ ଜାନୁନୋଃ ନମଃ ।
ଓଁ ମୋଂ ଊର୍ଵୋଃ ନମଃ ।
ଓଁ ନାଂ ଉଦରେ ନମଃ ।
ଓଁ ରାଂ ହୃଦି ନମଃ ।
ଓଁ ଯଂ ଉରସି ନମଃ ।
ଓଁ ଣାଂ ମୁଖେ ନମଃ ।
ଓଁ ଯଂ ଶିରସି ନମଃ ।
କରନ୍ଯାସଃ
ଓଁ ଓଁ ଦକ୍ଷିଣତର୍ଜନ୍ଯାଂ ନମଃ ।
ଓଁ ନଂ ଦକ୍ଷିଣମଧ୍ଯମାଯାଂ ନମଃ ।
ଓଁ ମୋଂ ଦକ୍ଷିଣାନାମିକାଯାଂ ନମଃ ।
ଓଁ ଭଂ ଦକ୍ଷିଣକନିଷ୍ଠିକାଯାଂ ନମଃ ।
ଓଁ ଗଂ ଵାମକନିଷ୍ଠିକାଯାଂ ନମଃ ।
ଓଁ ଵଂ ଵାମାନିକାଯାଂ ନମଃ ।
ଓଁ ତେଂ ଵାମମଧ୍ଯମାଯାଂ ନମଃ ।
ଓଁ ଵାଂ ଵାମତର୍ଜନ୍ଯାଂ ନମଃ ।
ଓଁ ସୁଂ ଦକ୍ଷିଣାଙ୍ଗୁଷ୍ଠୋର୍ଧ୍ଵପର୍ଵଣି ନମଃ ।
ଓଁ ଦେଂ ଦକ୍ଷିଣାଙ୍ଗୁଷ୍ଠାଧଃ ପର୍ଵଣି ନମଃ ।
ଓଁ ଵାଂ ଵାମାଙ୍ଗୁଷ୍ଠୋର୍ଧ୍ଵପର୍ଵଣି ନମଃ ।
ଓଁ ଯଂ ଵାମାଙ୍ଗୁଷ୍ଠାଧଃ ପର୍ଵଣି ନମଃ ।
ଵିଷ୍ଣୁଷଡକ୍ଷରନ୍ଯାସଃ
ଓଁ ଓଁ ହୃଦଯେ ନମଃ ।
ଓଁ ଵିଂ ମୂର୍ଧ୍ନୈ ନମଃ ।
ଓଁ ଷଂ ଭ୍ରୁର୍ଵୋର୍ମଧ୍ଯେ ନମଃ ।
ଓଁ ଣଂ ଶିଖାଯାଂ ନମଃ ।
ଓଁ ଵେଂ ନେତ୍ରଯୋଃ ନମଃ ।
ଓଁ ନଂ ସର୍ଵସନ୍ଧିଷୁ ନମଃ ।
ଓଁ ମଃ ପ୍ରାଚ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ଆଗ୍ନେଯ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ଦକ୍ଷିଣସ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ନୈଋତ୍ଯେ ଅସ୍ତ୍ରାଯ ଫଟ୍ ।
ଓଁ ମଃ ପ୍ରତୀଚ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ଵାଯଵ୍ଯେ ଅସ୍ତ୍ରାଯ ଫଟ୍ ।
ଓଁ ମଃ ଉଦୀଚ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ଐଶାନ୍ଯାଂ ଅସ୍ତ୍ରାଯ ଫଟ୍ ।
ଓଁ ମଃ ଊର୍ଧ୍ଵାଯାଂ ଅସ୍ତ୍ରାଯ ଫଟ୍ ।
ଓଁ ମଃ ଅଧରାଯାଂ ଅସ୍ତ୍ରାଯ ଫଟ୍ ।
ଶ୍ରୀ ହରିଃ
ଅଥ ଶ୍ରୀନାରାଯଣକଵଚ
ରାଜୋଵାଚ
ଯଯା ଗୁପ୍ତଃ ସହସ୍ରାକ୍ଷଃ ସଵାହାନ୍ ରିପୁସୈନିକାନ୍ ।
କ୍ରୀଡନ୍ନିଵ ଵିନିର୍ଜିତ୍ଯ ତ୍ରିଲୋକ୍ଯା ବୁଭୁଜେ ଶ୍ରିଯମ୍ ॥ 1 ॥
ଭଗଵଂସ୍ତନ୍ମମାଖ୍ଯାହି ଵର୍ମ ନାରାଯଣାତ୍ମକମ୍ ।
ଯଥାଽଽତତାଯିନଃ ଶତ୍ରୂନ୍ ଯେନ ଗୁପ୍ତୋଽଜଯନ୍ମୃଧେ ॥ 2 ॥
ଶ୍ରୀ ଶୁକ ଉଵାଚ
ଵୃତଃ ପୁରୋହିତସ୍ତ୍ଵାଷ୍ଟ୍ରୋ ମହେନ୍ଦ୍ରାଯାନୁପୃଚ୍ଛତେ ।
ନାରାଯଣାଖ୍ଯଂ ଵର୍ମାହ ତଦିହୈକମନାଃ ଶୃଣୁ ॥ 3 ॥
ଶ୍ରୀଵିଶ୍ଵରୂପ ଉଵାଚ
ଧୌତାଙ୍ଘ୍ରିପାଣିରାଚମ୍ଯ ସପଵିତ୍ର ଉଦଙ୍ମୁଖଃ ।
କୃତସ୍ଵାଙ୍ଗକରନ୍ଯାସୋ ମନ୍ତ୍ରାଭ୍ଯାଂ ଵାଗ୍ଯତଃ ଶୁଚିଃ ॥ 4 ॥
ନାରାଯଣମଯଂ ଵର୍ମ ସନ୍ନହ୍ଯେଦ୍ଭଯ ଆଗତେ ।
ଦୈଵଭୂତାତ୍ମକର୍ମଭ୍ଯୋ ନାରାଯଣମଯଃ ପୁମାନ୍ ॥ 5 ॥
ପାଦଯୋର୍ଜାନୁନୋରୂର୍ଵୋରୁଦରେ ହୃଦ୍ଯଥୋରସି ।
ମୁଖେ ଶିରସ୍ଯାନୁପୂର୍ଵ୍ଯାଦୋଙ୍କାରାଦୀନି ଵିନ୍ଯସେତ୍ ॥ 6 ॥
ଓଁ ନମୋ ନାରାଯଣାଯେତି ଵିପର୍ଯଯମଥାପି ଵା ।
କରନ୍ଯାସଂ ତତଃ କୁର୍ଯାଦ୍ଦ୍ଵାଦଶାକ୍ଷରଵିଦ୍ଯଯା ॥ 7 ॥
ପ୍ରଣଵାଦିଯକାରାନ୍ତମଙ୍ଗୁଲ୍ଯଙ୍ଗୁଷ୍ଠପର୍ଵସୁ ।
ନ୍ଯସେଦ୍ଧୃଦଯ ଓଙ୍କାରଂ ଵିକାରମନୁ ମୂର୍ଧନି ॥ 8 ॥
ଷକାରଂ ତୁ ଭ୍ରୁଵୋର୍ମଧ୍ଯେ ଣକାରଂ ଶିଖଯା ନ୍ଯସେତ୍ ।
ଵେକାରଂ ନେତ୍ରଯୋର୍ଯୁଞ୍ଜ୍ଯାନ୍ନକାରଂ ସର୍ଵସନ୍ଧିଷୁ ॥ 9 ॥
ମକାରମସ୍ତ୍ରମୁଦ୍ଦିଶ୍ଯ ମନ୍ତ୍ରମୂର୍ତିର୍ଭଵେଦ୍ବୁଧଃ ।
ସଵିସର୍ଗଂ ଫଡନ୍ତଂ ତତ୍ସର୍ଵଦିକ୍ଷୁ ଵିନିର୍ଦିଶେତ୍ ॥ 10 ॥
ଓଁ ଵିଷ୍ଣଵେ ନମଃ ॥
ଇତ୍ଯାତ୍ମାନଂ ପରଂ ଧ୍ଯାଯେଦ୍ଧ୍ଯେଯଂ ଷଟ୍ଛକ୍ତିଭିର୍ଯୁତମ୍ ।
ଵିଦ୍ଯାତେଜସ୍ତପୋମୂର୍ତିମିମଂ ମନ୍ତ୍ରମୁଦାହରେତ୍ ॥ 11 ॥
ଓଁ ହରିର୍ଵିଦଧ୍ଯାନ୍ମମ ସର୍ଵରକ୍ଷାଂ
ନ୍ଯସ୍ତାଙ୍ଘ୍ରିପଦ୍ମଃ ପତଗେନ୍ଦ୍ର ପୃଷ୍ଠେ ।
ଦରାରିଚର୍ମାସିଗଦେଷୁଚାପ-
-ପାଶାନ୍ଦଧାନୋଽଷ୍ଟଗୁଣୋଽଷ୍ଟବାହୁଃ ॥ 12 ॥
ଜଲେଷୁ ମାଂ ରକ୍ଷତୁ ମତ୍ସ୍ଯମୂର୍ତି-
-ର୍ଯାଦୋଗଣେଭ୍ଯୋ ଵରୁଣସ୍ଯ ପାଶାତ୍ ।
ସ୍ଥଲେଷୁ ମାଯାଵଟୁଵାମନୋଽଵ୍ଯା-
-ତ୍ତ୍ରିଵିକ୍ରମଃ ଖେଽଵତୁ ଵିଶ୍ଵରୂପଃ ॥ 13 ॥
ଦୁର୍ଗେଷ୍ଵଟଵ୍ଯାଜିମୁଖାଦିଷୁ ପ୍ରଭୁଃ
ପାଯାନ୍ନୃସିଂହୋଽସୁରଯୂଥପାରିଃ ।
ଵିମୁଞ୍ଚତୋ ଯସ୍ଯ ମହାଟ୍ଟହାସଂ
ଦିଶୋ ଵିନେଦୁର୍ନ୍ଯପତଂଶ୍ଚ ଗର୍ଭାଃ ॥ 14 ॥
ରକ୍ଷତ୍ଵସୌ ମାଧ୍ଵନି ଯଜ୍ଞକଲ୍ପଃ
ସ୍ଵଦଂଷ୍ଟ୍ରଯୋନ୍ନୀତଧରୋ ଵରାହଃ ।
ରାମୋଽଦ୍ରିକୂଟେଷ୍ଵଥ ଵିପ୍ରଵାସେ
ସଲକ୍ଷ୍ମଣୋଽଵ୍ଯାଦ୍ଭରତାଗ୍ରଜୋଽସ୍ମାନ୍ ॥ 15 ॥
ମାମୁଗ୍ରଧର୍ମାଦଖିଲାତ୍ପ୍ରମାଦା-
-ନ୍ନାରାଯଣଃ ପାତୁ ନରଶ୍ଚ ହାସାତ୍ ।
ଦତ୍ତସ୍ତ୍ଵଯୋଗାଦଥ ଯୋଗନାଥଃ
ପାଯାଦ୍ଗୁଣେଶଃ କପିଲଃ କର୍ମବନ୍ଧାତ୍ ॥ 16 ॥
ସନତ୍କୁମାରୋଽଵତୁ କାମଦେଵା-
-ଦ୍ଧଯାନନୋ ମାଂ ପଥି ଦେଵହେଲନାତ୍ ।
ଦେଵର୍ଷିଵର୍ଯଃ ପୁରୁଷାର୍ଚନାନ୍ତରା-
-ତ୍କୂର୍ମୋ ହରିର୍ମାଂ ନିରଯାଦଶେଷାତ୍ ॥ 17 ॥
ଧନ୍ଵନ୍ତରିର୍ଭଗଵାନ୍ପାତ୍ଵପଥ୍ଯା-
-ଦ୍ଦ୍ଵନ୍ଦ୍ଵାଦ୍ଭଯାଦୃଷଭୋ ନିର୍ଜିତାତ୍ମା ।
ଯଜ୍ଞଶ୍ଚ ଲୋକାଦଵତାଜ୍ଜନାନ୍ତା-
-ଦ୍ବଲୋ ଗଣାତ୍କ୍ରୋଧଵଶାଦହୀନ୍ଦ୍ରଃ ॥ 18 ॥
ଦ୍ଵୈପାଯନୋ ଭଗଵାନପ୍ରବୋଧା-
-ଦ୍ବୁଦ୍ଧସ୍ତୁ ପାଷଣ୍ଡଗଣାତ୍ପ୍ରମାଦାତ୍ ।
କଲ୍କିଃ କଲେଃ କାଲମଲାତ୍ପ୍ରପାତୁ
ଧର୍ମାଵନାଯୋରୁକୃତାଵତାରଃ ॥ 19 ॥
ମାଂ କେଶଵୋ ଗଦଯା ପ୍ରାତରଵ୍ଯା-
-ଦ୍ଗୋଵିନ୍ଦ ଆସଙ୍ଗଵମାତ୍ତଵେଣୁଃ ।
ନାରାଯଣଃ ପ୍ରାହ୍ଣ ଉଦାତ୍ତଶକ୍ତି-
-ର୍ମଧ୍ଯନ୍ଦିନେ ଵିଷ୍ଣୁରରୀନ୍ଦ୍ରପାଣିଃ ॥ 20 ॥
ଦେଵୋଽପରାହ୍ଣେ ମଧୁହୋଗ୍ରଧନ୍ଵା
ସାଯଂ ତ୍ରିଧାମାଵତୁ ମାଧଵୋ ମାମ୍ ।
ଦୋଷେ ହୃଷୀକେଶ ଉତାର୍ଧରାତ୍ରେ
ନିଶୀଥ ଏକୋଽଵତୁ ପଦ୍ମନାଭଃ ॥ 21 ॥
ଶ୍ରୀଵତ୍ସଧାମାଽପରରାତ୍ର ଈଶଃ
ପ୍ରତ୍ଯୁଷ ଈଶୋଽସିଧରୋ ଜନାର୍ଦନଃ ।
ଦାମୋଦରୋଽଵ୍ଯାଦନୁସନ୍ଧ୍ଯଂ ପ୍ରଭାତେ
ଵିଶ୍ଵେଶ୍ଵରୋ ଭଗଵାନ୍କାଲମୂର୍ତିଃ ॥ 22 ॥
ଚକ୍ରଂ ଯୁଗାନ୍ତାନଲତିଗ୍ମନେମି
ଭ୍ରମତ୍ସମନ୍ତାଦ୍ଭଗଵତ୍ପ୍ରଯୁକ୍ତମ୍ ।
ଦନ୍ଦଗ୍ଧି ଦନ୍ଦଗ୍ଧ୍ଯରିସୈନ୍ଯମାଶୁ
କକ୍ଷଂ ଯଥା ଵାତସଖୋ ହୁତାଶଃ ॥ 23 ॥
ଗଦେଽଶନିସ୍ପର୍ଶନଵିସ୍ଫୁଲିଙ୍ଗେ
ନିଷ୍ପିଣ୍ଢି ନିଷ୍ପିଣ୍ଢ୍ଯଜିତପ୍ରିଯାସି ।
କୂଷ୍ମାଣ୍ଡଵୈନାଯକଯକ୍ଷରକ୍ଷୋ
ଭୂତଗ୍ରହାଂଶ୍ଚୂର୍ଣଯ ଚୂର୍ଣଯାରୀନ୍ ॥ 24 ॥
ତ୍ଵଂ ଯାତୁଧାନପ୍ରମଥପ୍ରେତମାତୃ-
-ପିଶାଚଵିପ୍ରଗ୍ରହଘୋରଦୃଷ୍ଟୀନ୍ ।
ଦରେନ୍ଦ୍ର ଵିଦ୍ରାଵଯ କୃଷ୍ଣପୂରିତୋ
ଭୀମସ୍ଵନୋଽରେର୍ହୃଦଯାନି କମ୍ପଯନ୍ ॥ 25 ॥
ତ୍ଵଂ ତିଗ୍ମଧାରାସିଵରାରିସୈନ୍ଯ-
-ମୀଶପ୍ରଯୁକ୍ତୋ ମମ ଛିନ୍ଧି ଛିନ୍ଧି ।
ଚକ୍ଷୂଂଷି ଚର୍ମନ୍ ଶତଚନ୍ଦ୍ର ଛାଦଯ
ଦ୍ଵିଷାମଘୋନାଂ ହର ପାପଚକ୍ଷୁଷାମ୍ ॥ 26 ॥
ଯନ୍ନୋ ଭଯଂ ଗ୍ରହେଭ୍ଯୋଽଭୂତ୍କେତୁଭ୍ଯୋ ନୃଭ୍ଯ ଏଵ ଚ ।
ସରୀସୃପେଭ୍ଯୋ ଦଂଷ୍ଟ୍ରିଭ୍ଯୋ ଭୂତେଭ୍ଯୋଽଘେଭ୍ଯ ଏଵ ଚ ॥ 27 ॥
ସର୍ଵାଣ୍ଯେତାନି ଭଗଵନ୍ନାମରୂପାସ୍ତ୍ରକୀର୍ତନାତ୍ ।
ପ୍ରଯାନ୍ତୁ ସଙ୍କ୍ଷଯଂ ସଦ୍ଯୋ ଯେ ନଃ ଶ୍ରେଯଃପ୍ରତୀପକାଃ ॥ 28 ॥
ଗରୁଡୋ ଭଗଵାନ୍ ସ୍ତୋତ୍ରସ୍ତୋମଶ୍ଛନ୍ଦୋମଯଃ ପ୍ରଭୁଃ ।
ରକ୍ଷତ୍ଵଶେଷକୃଚ୍ଛ୍ରେଭ୍ଯୋ ଵିଷ୍ଵକ୍ସେନଃ ସ୍ଵନାମଭିଃ ॥ 29 ॥
ସର୍ଵାପଦ୍ଭ୍ଯୋ ହରେର୍ନାମରୂପଯାନାଯୁଧାନି ନଃ ।
ବୁଦ୍ଧୀନ୍ଦ୍ରିଯମନଃପ୍ରାଣାନ୍ପାନ୍ତୁ ପାର୍ଷଦଭୂଷଣାଃ ॥ 30 ॥
ଯଥା ହି ଭଗଵାନେଵ ଵସ୍ତୁତଃ ସଦସଚ୍ଚ ଯତ୍ ।
ସତ୍ଯେନାନେନ ନଃ ସର୍ଵେ ଯାନ୍ତୁ ନାଶମୁପଦ୍ରଵାଃ ॥ 31 ॥
ଯଥୈକାତ୍ମ୍ଯାନୁଭାଵାନାଂ ଵିକଲ୍ପରହିତଃ ସ୍ଵଯମ୍ ।
ଭୂଷଣାଯୁଧଲିଙ୍ଗାଖ୍ଯା ଧତ୍ତେ ଶକ୍ତୀଃ ସ୍ଵମାଯଯା ॥ 32 ॥
ତେନୈଵ ସତ୍ଯମାନେନ ସର୍ଵଜ୍ଞୋ ଭଗଵାନ୍ ହରିଃ ।
ପାତୁ ସର୍ଵୈଃ ସ୍ଵରୂପୈର୍ନଃ ସଦା ସର୍ଵତ୍ର ସର୍ଵଗଃ ॥ 33 ॥
ଵିଦିକ୍ଷୁ ଦିକ୍ଷୂର୍ଧ୍ଵମଧଃ ସମନ୍ତା-
-ଦନ୍ତର୍ବହିର୍ଭଗଵାନ୍ନାରସିଂହଃ ।
ପ୍ରହାପଯଁଲ୍ଲୋକଭଯଂ ସ୍ଵନେନ
ସ୍ଵତେଜସା ଗ୍ରସ୍ତସମସ୍ତତେଜାଃ ॥ 34 ॥
ମଘଵନ୍ନିଦମାଖ୍ଯାତଂ ଵର୍ମ ନାରାଯଣାତ୍ମକମ୍ ।
ଵିଜେଷ୍ଯସ୍ଯଞ୍ଜସା ଯେନ ଦଂଶିତୋଽସୁରଯୂଥପାନ୍ ॥ 35 ॥
ଏତଦ୍ଧାରଯମାଣସ୍ତୁ ଯଂ ଯଂ ପଶ୍ଯତି ଚକ୍ଷୁଷା ।
ପଦା ଵା ସଂସ୍ପୃଶେତ୍ସଦ୍ଯଃ ସାଧ୍ଵସାତ୍ସ ଵିମୁଚ୍ଯତେ ॥ 36 ॥
ନ କୁତଶ୍ଚିଦ୍ଭଯଂ ତସ୍ଯ ଵିଦ୍ଯାଂ ଧାରଯତୋ ଭଵେତ୍ ।
ରାଜଦସ୍ଯୁଗ୍ରହାଦିଭ୍ଯୋ ଵ୍ଯାଧ୍ଯାଦିଭ୍ଯଶ୍ଚ କର୍ହିଚିତ୍ ॥ 37 ॥
ଇମାଂ ଵିଦ୍ଯାଂ ପୁରା କଶ୍ଚିତ୍କୌଶିକୋ ଧାରଯନ୍ ଦ୍ଵିଜଃ ।
ଯୋଗଧାରଣଯା ସ୍ଵାଙ୍ଗଂ ଜହୌ ସ ମରୁଧନ୍ଵନି ॥ 38 ॥
ତସ୍ଯୋପରି ଵିମାନେନ ଗନ୍ଧର୍ଵପତିରେକଦା ।
ଯଯୌ ଚିତ୍ରରଥଃ ସ୍ତ୍ରୀଭିର୍ଵୃତୋ ଯତ୍ର ଦ୍ଵିଜକ୍ଷଯଃ ॥ 39 ॥
ଗଗନାନ୍ନ୍ଯପତତ୍ସଦ୍ଯଃ ସଵିମାନୋ ହ୍ଯଵାକ୍ଛିରାଃ ।
ସ ଵାଲଖିଲ୍ଯଵଚନାଦସ୍ଥୀନ୍ଯାଦାଯ ଵିସ୍ମିତଃ ।
ପ୍ରାପ୍ଯ ପ୍ରାଚ୍ଯାଂ ସରସ୍ଵତ୍ଯାଂ ସ୍ନାତ୍ଵା ଧାମ ସ୍ଵମନ୍ଵଗାତ୍ ॥ 40 ॥
ଶ୍ରୀ ଶୁକ ଉଵାଚ
ଯ ଇଦଂ ଶୃଣୁଯାତ୍କାଲେ ଯୋ ଧାରଯତି ଚାଦୃତଃ ।
ତଂ ନମସ୍ଯନ୍ତି ଭୂତାନି ମୁଚ୍ଯତେ ସର୍ଵତୋ ଭଯାତ୍ ॥ 41 ॥
ଏତାଂ ଵିଦ୍ଯାମଧିଗତୋ ଵିଶ୍ଵରୂପାଚ୍ଛତକ୍ରତୁଃ ।
ତ୍ରୈଲୋକ୍ଯଲକ୍ଷ୍ମୀଂ ବୁଭୁଜେ ଵିନିର୍ଜିତ୍ଯ ମୃଧେଽସୁରାନ୍ ॥ 42 ॥
ଇତି ଶ୍ରୀମଦ୍ଭାଗଵତେ ମହାପୁରାଣେ ଷଷ୍ଠସ୍କନ୍ଧେ ନାରାଯଣଵର୍ମୋପଦେଶୋ ନାମାଷ୍ଟମୋଽଧ୍ଯାଯଃ ।
Related Scriptures
About This Stotram
Overview
The Narayana Kavacham is a Sanskrit protective hymn of 42 verses invoking Lord Narayana for comprehensive spiritual protection. The text is drawn from the Srimad Bhagavatam (Canto 8, Chapter 16), where it is narrated by Shukadeva Goswami to King Parikshit in the context of celestial conflicts. Each verse of the kavacham assigns Narayana's presence to protect a specific part of the body or aspect of life, functioning as a full-body divine armor.
What are the benefits of chanting Narayana Kavacham?
- Provides protection from physical harm, illness, and hostile forces
- Builds courage and mental stability in difficult situations
- Removes obstacles and supports the completion of undertaken tasks
- Deepens devotion to Lord Narayana within the Vaishnava tradition
When is the best time to recite this?
The Narayana Kavacham can be recited at any time, though morning and evening are considered auspicious. It is particularly chanted on Ekadashi, Vaikuntha Ekadashi, and during festivals dedicated to Lord Vishnu. Many devotees recite it before beginning significant undertakings.
What is the historical and traditional background?
The Narayana Kavacham originates from the Srimad Bhagavatam, one of the eighteen major Puranas, traditionally attributed to Veda Vyasa. The Bhagavatam is generally dated by scholars to between the 6th and 10th centuries CE, though it incorporates much older oral material. The kavacham narrative places the text in the cosmic context of the battle between the devas and asuras, giving it authority as a text revealed for divine protection. It has been recited continuously in Vaishnava communities across India and is among the most well-known kavachams in the tradition.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Vishnu Sahasranama — the thousand-name hymn to Vishnu, used in Vaishnava worship alongside the kavacham for comprehensive devotional practice
- Narayana Suktam — a Vedic hymn to Narayana that shares the same deity and tradition, often recited in the same worship context