Narayana Kavacham
Narayana Kavacham
নারাযণ কবচম্
শ্লোক 1
ন্যাসঃ
অঙ্গন্যাসঃ
ওঁ ওঁ পাদযোঃ নমঃ ।
ওঁ নং জানুনোঃ নমঃ ।
ওঁ মোং ঊর্বোঃ নমঃ ।
ওঁ নাং উদরে নমঃ ।
ওঁ রাং হৃদি নমঃ ।
ওঁ যং উরসি নমঃ ।
ওঁ ণাং মুখে নমঃ ।
ওঁ যং শিরসি নমঃ ।
করন্যাসঃ
ওঁ ওঁ দক্ষিণতর্জন্যাং নমঃ ।
ওঁ নং দক্ষিণমধ্যমাযাং নমঃ ।
ওঁ মোং দক্ষিণানামিকাযাং নমঃ ।
ওঁ ভং দক্ষিণকনিষ্ঠিকাযাং নমঃ ।
ওঁ গং বামকনিষ্ঠিকাযাং নমঃ ।
ওঁ বং বামানিকাযাং নমঃ ।
ওঁ তেং বামমধ্যমাযাং নমঃ ।
ওঁ বাং বামতর্জন্যাং নমঃ ।
ওঁ সুং দক্ষিণাঙ্গুষ্ঠোর্ধ্বপর্বণি নমঃ ।
ওঁ দেং দক্ষিণাঙ্গুষ্ঠাধঃ পর্বণি নমঃ ।
ওঁ বাং বামাঙ্গুষ্ঠোর্ধ্বপর্বণি নমঃ ।
ওঁ যং বামাঙ্গুষ্ঠাধঃ পর্বণি নমঃ ।
বিষ্ণুষডক্ষরন্যাসঃ
ওঁ ওঁ হৃদযে নমঃ ।
ওঁ বিং মূর্ধ্নৈ নমঃ ।
ওঁ ষং ভ্রুর্বোর্মধ্যে নমঃ ।
ওঁ ণং শিখাযাং নমঃ ।
ওঁ বেং নেত্রযোঃ নমঃ ।
ওঁ নং সর্বসন্ধিষু নমঃ ।
ওঁ মঃ প্রাচ্যাং অস্ত্রায ফট্ ।
ওঁ মঃ আগ্নেয্যাং অস্ত্রায ফট্ ।
ওঁ মঃ দক্ষিণস্যাং অস্ত্রায ফট্ ।
ওঁ মঃ নৈঋত্যে অস্ত্রায ফট্ ।
ওঁ মঃ প্রতীচ্যাং অস্ত্রায ফট্ ।
ওঁ মঃ বাযব্যে অস্ত্রায ফট্ ।
ওঁ মঃ উদীচ্যাং অস্ত্রায ফট্ ।
ওঁ মঃ ঐশান্যাং অস্ত্রায ফট্ ।
ওঁ মঃ ঊর্ধ্বাযাং অস্ত্রায ফট্ ।
ওঁ মঃ অধরাযাং অস্ত্রায ফট্ ।
শ্রী হরিঃ
অথ শ্রীনারাযণকবচ
রাজোবাচ
যযা গুপ্তঃ সহস্রাক্ষঃ সবাহান্ রিপুসৈনিকান্ ।
ক্রীডন্নিব বিনির্জিত্য ত্রিলোক্যা বুভুজে শ্রিযম্
শ্লোক 2
ভগবংস্তন্মমাখ্যাহি বর্ম নারাযণাত্মকম্ ।
যথাঽঽততাযিনঃ শত্রূন্ যেন গুপ্তোঽজযন্মৃধে
॥ 1 ॥
শ্লোক 3
শ্রী শুক উবাচ
বৃতঃ পুরোহিতস্ত্বাষ্ট্রো মহেন্দ্রাযানুপৃচ্ছতে ।
নারাযণাখ্যং বর্মাহ তদিহৈকমনাঃ শৃণু
॥ 2 ॥
শ্লোক 4
শ্রীবিশ্বরূপ উবাচ
ধৌতাঙ্ঘ্রিপাণিরাচম্য সপবিত্র উদঙ্মুখঃ ।
কৃতস্বাঙ্গকরন্যাসো মন্ত্রাভ্যাং বাগ্যতঃ শুচিঃ
॥ 3 ॥
শ্লোক 5
নারাযণমযং বর্ম সন্নহ্যেদ্ভয আগতে ।
দৈবভূতাত্মকর্মভ্যো নারাযণমযঃ পুমান্
॥ 4 ॥
শ্লোক 6
পাদযোর্জানুনোরূর্বোরুদরে হৃদ্যথোরসি ।
মুখে শিরস্যানুপূর্ব্যাদোঙ্কারাদীনি বিন্যসেত্
॥ 5 ॥
শ্লোক 7
ওঁ নমো নারাযণাযেতি বিপর্যযমথাপি বা ।
করন্যাসং ততঃ কুর্যাদ্দ্বাদশাক্ষরবিদ্যযা
॥ 6 ॥
শ্লোক 8
প্রণবাদিযকারান্তমঙ্গুল্যঙ্গুষ্ঠপর্বসু ।
ন্যসেদ্ধৃদয ওঙ্কারং বিকারমনু মূর্ধনি
॥ 7 ॥
শ্লোক 9
ষকারং তু ভ্রুবোর্মধ্যে ণকারং শিখযা ন্যসেত্ ।
বেকারং নেত্রযোর্যুঞ্জ্যান্নকারং সর্বসন্ধিষু
॥ 8 ॥
শ্লোক 10
মকারমস্ত্রমুদ্দিশ্য মন্ত্রমূর্তির্ভবেদ্বুধঃ ।
সবিসর্গং ফডন্তং তত্সর্বদিক্ষু বিনির্দিশেত্
॥ 9 ॥
শ্লোক 11
ওঁ বিষ্ণবে নমঃ ॥
ইত্যাত্মানং পরং ধ্যাযেদ্ধ্যেযং ষট্ছক্তিভির্যুতম্ ।
বিদ্যাতেজস্তপোমূর্তিমিমং মন্ত্রমুদাহরেত্
॥ 10 ॥
শ্লোক 12
ওঁ হরির্বিদধ্যান্মম সর্বরক্ষাং
ন্যস্তাঙ্ঘ্রিপদ্মঃ পতগেন্দ্র পৃষ্ঠে ।
দরারিচর্মাসিগদেষুচাপ-
-পাশান্দধানোঽষ্টগুণোঽষ্টবাহুঃ
॥ 11 ॥
শ্লোক 13
জলেষু মাং রক্ষতু মত্স্যমূর্তি-
-র্যাদোগণেভ্যো বরুণস্য পাশাত্ ।
স্থলেষু মাযাবটুবামনোঽব্যা-
-ত্ত্রিবিক্রমঃ খেঽবতু বিশ্বরূপঃ
॥ 12 ॥
শ্লোক 14
দুর্গেষ্বটব্যাজিমুখাদিষু প্রভুঃ
পাযান্নৃসিংহোঽসুরযূথপারিঃ ।
বিমুঞ্চতো যস্য মহাট্টহাসং
দিশো বিনেদুর্ন্যপতংশ্চ গর্ভাঃ
॥ 13 ॥
শ্লোক 15
রক্ষত্বসৌ মাধ্বনি যজ্ঞকল্পঃ
স্বদংষ্ট্রযোন্নীতধরো বরাহঃ ।
রামোঽদ্রিকূটেষ্বথ বিপ্রবাসে
সলক্ষ্মণোঽব্যাদ্ভরতাগ্রজোঽস্মান্
॥ 14 ॥
শ্লোক 16
মামুগ্রধর্মাদখিলাত্প্রমাদা-
-ন্নারাযণঃ পাতু নরশ্চ হাসাত্ ।
দত্তস্ত্বযোগাদথ যোগনাথঃ
পাযাদ্গুণেশঃ কপিলঃ কর্মবন্ধাত্
॥ 15 ॥
শ্লোক 17
সনত্কুমারোঽবতু কামদেবা-
-দ্ধযাননো মাং পথি দেবহেলনাত্ ।
দেবর্ষিবর্যঃ পুরুষার্চনান্তরা-
-ত্কূর্মো হরির্মাং নিরযাদশেষাত্
॥ 16 ॥
শ্লোক 18
ধন্বন্তরির্ভগবান্পাত্বপথ্যা-
-দ্দ্বন্দ্বাদ্ভযাদৃষভো নির্জিতাত্মা ।
যজ্ঞশ্চ লোকাদবতাজ্জনান্তা-
-দ্বলো গণাত্ক্রোধবশাদহীন্দ্রঃ
॥ 17 ॥
শ্লোক 19
দ্বৈপাযনো ভগবানপ্রবোধা-
-দ্বুদ্ধস্তু পাষণ্ডগণাত্প্রমাদাত্ ।
কল্কিঃ কলেঃ কালমলাত্প্রপাতু
ধর্মাবনাযোরুকৃতাবতারঃ
॥ 18 ॥
শ্লোক 20
মাং কেশবো গদযা প্রাতরব্যা-
-দ্গোবিন্দ আসঙ্গবমাত্তবেণুঃ ।
নারাযণঃ প্রাহ্ণ উদাত্তশক্তি-
-র্মধ্যন্দিনে বিষ্ণুররীন্দ্রপাণিঃ
॥ 19 ॥
শ্লোক 21
দেবোঽপরাহ্ণে মধুহোগ্রধন্বা
সাযং ত্রিধামাবতু মাধবো মাম্ ।
দোষে হৃষীকেশ উতার্ধরাত্রে
নিশীথ একোঽবতু পদ্মনাভঃ
॥ 20 ॥
শ্লোক 22
শ্রীবত্সধামাঽপররাত্র ঈশঃ
প্রত্যুষ ঈশোঽসিধরো জনার্দনঃ ।
দামোদরোঽব্যাদনুসন্ধ্যং প্রভাতে
বিশ্বেশ্বরো ভগবান্কালমূর্তিঃ
॥ 21 ॥
শ্লোক 23
চক্রং যুগান্তানলতিগ্মনেমি
ভ্রমত্সমন্তাদ্ভগবত্প্রযুক্তম্ ।
দন্দগ্ধি দন্দগ্ধ্যরিসৈন্যমাশু
কক্ষং যথা বাতসখো হুতাশঃ
॥ 22 ॥
শ্লোক 24
গদেঽশনিস্পর্শনবিস্ফুলিঙ্গে
নিষ্পিণ্ঢি নিষ্পিণ্ঢ্যজিতপ্রিযাসি ।
কূষ্মাণ্ডবৈনাযকযক্ষরক্ষো
ভূতগ্রহাংশ্চূর্ণয চূর্ণযারীন্
॥ 23 ॥
শ্লোক 25
ত্বং যাতুধানপ্রমথপ্রেতমাতৃ-
-পিশাচবিপ্রগ্রহঘোরদৃষ্টীন্ ।
দরেন্দ্র বিদ্রাবয কৃষ্ণপূরিতো
ভীমস্বনোঽরের্হৃদযানি কম্পযন্
॥ 24 ॥
শ্লোক 26
ত্বং তিগ্মধারাসিবরারিসৈন্য-
-মীশপ্রযুক্তো মম ছিন্ধি ছিন্ধি ।
চক্ষূংষি চর্মন্ শতচন্দ্র ছাদয
দ্বিষামঘোনাং হর পাপচক্ষুষাম্
॥ 25 ॥
শ্লোক 27
যন্নো ভযং গ্রহেভ্যোঽভূত্কেতুভ্যো নৃভ্য এব চ ।
সরীসৃপেভ্যো দংষ্ট্রিভ্যো ভূতেভ্যোঽঘেভ্য এব চ
॥ 26 ॥
শ্লোক 28
সর্বাণ্যেতানি ভগবন্নামরূপাস্ত্রকীর্তনাত্ ।
প্রযান্তু সঙ্ক্ষযং সদ্যো যে নঃ শ্রেযঃপ্রতীপকাঃ
॥ 27 ॥
শ্লোক 29
গরুডো ভগবান্ স্তোত্রস্তোমশ্ছন্দোমযঃ প্রভুঃ ।
রক্ষত্বশেষকৃচ্ছ্রেভ্যো বিষ্বক্সেনঃ স্বনামভিঃ
॥ 28 ॥
শ্লোক 30
সর্বাপদ্ভ্যো হরের্নামরূপযানাযুধানি নঃ ।
বুদ্ধীন্দ্রিযমনঃপ্রাণান্পান্তু পার্ষদভূষণাঃ
॥ 29 ॥
শ্লোক 31
যথা হি ভগবানেব বস্তুতঃ সদসচ্চ যত্ ।
সত্যেনানেন নঃ সর্বে যান্তু নাশমুপদ্রবাঃ
॥ 30 ॥
শ্লোক 32
যথৈকাত্ম্যানুভাবানাং বিকল্পরহিতঃ স্বযম্ ।
ভূষণাযুধলিঙ্গাখ্যা ধত্তে শক্তীঃ স্বমাযযা
॥ 31 ॥
শ্লোক 33
তেনৈব সত্যমানেন সর্বজ্ঞো ভগবান্ হরিঃ ।
পাতু সর্বৈঃ স্বরূপৈর্নঃ সদা সর্বত্র সর্বগঃ
॥ 32 ॥
শ্লোক 34
বিদিক্ষু দিক্ষূর্ধ্বমধঃ সমন্তা-
-দন্তর্বহির্ভগবান্নারসিংহঃ ।
প্রহাপযঁল্লোকভযং স্বনেন
স্বতেজসা গ্রস্তসমস্ততেজাঃ
॥ 33 ॥
শ্লোক 35
মঘবন্নিদমাখ্যাতং বর্ম নারাযণাত্মকম্ ।
বিজেষ্যস্যঞ্জসা যেন দংশিতোঽসুরযূথপান্
॥ 34 ॥
শ্লোক 36
এতদ্ধারযমাণস্তু যং যং পশ্যতি চক্ষুষা ।
পদা বা সংস্পৃশেত্সদ্যঃ সাধ্বসাত্স বিমুচ্যতে
॥ 35 ॥
শ্লোক 37
ন কুতশ্চিদ্ভযং তস্য বিদ্যাং ধারযতো ভবেত্ ।
রাজদস্যুগ্রহাদিভ্যো ব্যাধ্যাদিভ্যশ্চ কর্হিচিত্
॥ 36 ॥
শ্লোক 38
ইমাং বিদ্যাং পুরা কশ্চিত্কৌশিকো ধারযন্ দ্বিজঃ ।
যোগধারণযা স্বাঙ্গং জহৌ স মরুধন্বনি
॥ 37 ॥
শ্লোক 39
তস্যোপরি বিমানেন গন্ধর্বপতিরেকদা ।
যযৌ চিত্ররথঃ স্ত্রীভির্বৃতো যত্র দ্বিজক্ষযঃ
॥ 38 ॥
শ্লোক 40
গগনান্ন্যপতত্সদ্যঃ সবিমানো হ্যবাক্ছিরাঃ ।
স বালখিল্যবচনাদস্থীন্যাদায বিস্মিতঃ ।
প্রাপ্য প্রাচ্যাং সরস্বত্যাং স্নাত্বা ধাম স্বমন্বগাত্
॥ 39 ॥
শ্লোক 41
শ্রী শুক উবাচ
য ইদং শৃণুযাত্কালে যো ধারযতি চাদৃতঃ ।
তং নমস্যন্তি ভূতানি মুচ্যতে সর্বতো ভযাত্
॥ 40 ॥
শ্লোক 42
এতাং বিদ্যামধিগতো বিশ্বরূপাচ্ছতক্রতুঃ ।
ত্রৈলোক্যলক্ষ্মীং বুভুজে বিনির্জিত্য মৃধেঽসুরান্
॥ 41 ॥
শ্লোক 43
ইতি শ্রীমদ্ভাগবতে মহাপুরাণে ষষ্ঠস্কন্ধে নারাযণবর্মোপদেশো নামাষ্টমোঽধ্যাযঃ ।