Mooka Pancha Sathi 3

mUka pa~ncha shati 3 - stuti shatakam

shloka 1

pANDityaM parameshvari stutividhau naivAshrayante girAM

vairi~nchAnyapi gumphanAni vigaladgarvANi sharvANi te |

stotuM tvAM pariphullanIlanalinashyAmAkShi kAmAkShi mAM

vAchAlIkurute tathApi nitarAM tvatpAdasevAdaraH ||1||

tApi~nChastabakatviShe tanubhRRitAM dAridryamudrAdviShe

saMsArAkhyatamomuShe purariporvAmA~NkasImAjuShe |

kampAtIramupeyuShe kavayatAM jihvAkuTIM jagmuShe

vishvatrANapuShe namo.astu satataM tasmai para~njyotiShe ||2||

ye sandhyAruNayanti sha~NkarajaTAkAntArachanrArbhakaM

sindUranti cha ye purandaravadhUsImantasImAntare |

puNya.M ye paripakkayanti bhajatAM kA~nchIpure mAmamI

pAyAsuH parameshvarapraNayinIpAdodbhavAH pAMsavaH ||3||

kAmADambarapUrayA shashiruchA kamrasmitAnAM tviShA

kAmAreranurAgasindhumadhikaM kallolitaM tanvatI |

kAmAkShIti samastasajjananutA kalyANadAtrI nRRiNAM

kAruNyAkulamAnasA bhagavatI kampAtaTe jRRimbhate ||4||

kAmAkShINaparAkramaprakaTanaM sambhAvayantI dRRishA

shyAmA kShIrasahodarasmitaruchiprakShAlitAshAntarA |

kAmAkShIjanamaulibhUShaNamaNirvAchAM parA devatA

kAmAkShIti vibhAti kApi karuNA kampAtaTinyAstaTe ||5||

shyAmA kAchana chandrikA tribhuvane puNyAtmanAmAnane

sImAshUnyakavitvavarShajananI yA kApi kAdambinI |

mArArAtimanovimohanavidhau kAchitattamaHkandalI

kAmAkShyAH karuNAkaTAkShalaharI kAmAya me kalpatAm ||6||

prauDhadhvAntakadambake kumudinIpuNyA~NkuraM darshayan

jyotsnAsa~Ngamane.api kokamithunaM mishraM samudbhAvayan |

kAlindIlaharIdashAM prakaTayankamrAM nabhasyadbhutAM

kashchinnetramahotsavo vijayate kA~nchIpure shUlinaH ||7||

tandrAhInatamAlanIlasuShamaistAruNyalIlAgRRihaiH

tArAnAthakishoralA~nChitakachaistAmrAravindekShaNaiH |

mAtaH saMshrayatAM mano manasijaprAgalbhyanADindhamaiH

kampAtIracharairghanastanabharaiH puNyANkaraiH shANkaraiH ||8||

nityaM nishchalatAmupetya marutAM rakShAvidhiM puShNatI

tejassa~nchayapATavena kiraNAnuShNadyutermuShNatI |

kA~nchImadhyagatApi dIptijananI vishvAntare jRRimbhate

kAchichchitramaho smRRitApi tamasAM nirvApikA dIpikA ||9||

kAntaiH kesharuchAM chayairbhramaritaM mandasmitaiH puShpitaM

kAntyA pallavitaM padAmburuhayornetratviShA patritam |

kampAtIravanAntaraM vidadhatI kalyANajanmasthalI

kA~nchImadhyamahAmaNirvijayate kAchitkRRipAkandalI ||10||

rAkAchandrasamAnakAntivadanA nAkAdhirAjastutA

mUkAnAmapi kurvatI suradhanInIkAshavAgvaibhavam |

shrIkA~nchInagarIvihArarasikA shokApahantrI satAm

ekA puNyaparamparA pashupaterAkAriNI rAjate ||11||

jAtA shItalashailataH sukRRitinAM dRRishyA paraM dehinAM

lokAnAM kShaNamAtrasaMsmaraNataH santApavichChedinI |

AshcharyaM bahu khelanaM vitanute naishchalyamAbibhratI

kampAyAstaTasImni kApi taTinI kAruNyapAthomayI ||12||

aikyaM yena virachyate haratanau dambhAvapumbhAvuke

rekhA yatkachasImni shekharadashAM naishAkarI gAhate |

aunnatyaM muhureti yena sa mahAnmenAsakhaH sAnumAn

kampAtIravihAriNA sasharaNAstenaiva dhAmnA vayam ||13||

akShNoshcha stanayoH shriyA shravaNayorbAhvoshcha mUlaM spRRishan

uttaMsena mukhena cha pratidinaM druhyanpayojanmane |

mAdhuryeNa girAM gatena mRRidunA haMsA~NganAM hrepayan

kAnchIsImni chakAsti ko.api kavitAsantAnabIjANkuraH ||14||

khaNDaM chAndramasaM vataMsamanishaM kA~nchIpure khelanaM

kAlAyashChavitaskarIM tanuruchiM karNajape lochane |

tAruNyoShmanakhampachaM stanabharaM ja~NghAspRRishaM kuntalaM

bhAgyaM deshikasa~nchitaM mama kadA sampAdayedambike ||15||

tanvAnaM nijakelisaudhasaraNiM naisargikINAM girAM

kedAraM kavimallasUktilaharIsasyashriyAM shAshvatam |

aMhovanchanachunchu kinchana bhaje kAnchIpurImaNDanaM

paryAyachChavi pAkashAsanamaNeH pauShpeShavaM pauruSham ||16||

Aloke mukhapa~Nkaje cha dadhatI saudhAkarIM chAturIM

chUDAlaNkriyamANapaNkajavanIvairAgamaprakriyA |

mugdhasmeramukhI ghansatanataTImUrchChAlamadhyA~nchitA

kA~nchIsImani kAminI vijayate kAchijjaganmohinI ||17||

yasminnamba bhavatkaTAkSharajanI mande.api mandasmita-

jyotsnAsaMsnapitA bhavatyabhimukhI taM pratyaho dehinam |

drakShAmAkShikamAdhurImadabharavrIDAkarI vaikharI

kAmAkShi svayamAtanotyabhisRRitiM vAmekShaNeva kShaNam ||18||

kAlindIjalakAntayaH smitaruchisvarvAhinIpAthasi

prauDhadhvAntaruchaH sphuTAdharamaholauhityasandhyodaye |

maNikyopalakuNDalAMshushikhini vyAmishradhUmashriyaH

kalyANaikabhuvaH kaTAkShasuShamAH kAmAkShi rAjanti te ||19||

kalakalaraNatkAnchI kAnchIvibhUShaNamAlikA

kachabharalasachchandrA chandrAvataMsasadharmiNI |

kavikulagiraH shrAvaMshrAvaM milatpulakA~NkurA

virachitashiraHkampA kampAtaTe parishobhate ||20||

sarasavachasAM vIchI nIchIbhavanmadhumAdhurI

bharitabhuvanA kIrtirmUrtirmanobhavajitvarI |

janani manaso yogyaM bhogyaM nRRiNAM tava jAyate

kathamiva vinA kAnchIbhUShe kaTAkShataraNgitam ||21||

bhramaritasaritkUlo nIlotpalaprabhayA.a.abhayA

natajanatamaHkhaNDI tuNDIrasImni vijRRimbhate |

achalatapasAmekaH pAkaH prasUnasharAsana-

pratibhaTamanohArI nArIkulaikashikhAmaNiH ||22||

madhuravachaso mandasmerA mata~NgajagAminaH

taruNimajuShastApichChAbhAstamaHparipanthinaH |

kuchabharanatAH kuryurbhadraM kura~NgavilochanAH

kalitakaruNAH kA~nchIbhAjaH kapAlimahotsavAH ||23||

kamalasuShamAkShyArohe vichakShaNavIkShaNAH

kumudasukRRitakrIDAchUDAlakuntalabandhurAH |

ruchiraruchibhistApichChashrIprapanchanachunchavaH

puravijayinaH kampAtIre sphuranti manorathAH ||24||

kalitaratayaH kA~nchIlIlAvidhau kavimaNDalI-

vachanalaharIvAsantInAM vasantavibhUtayaH |

kushalavidhaye bhUyAsurme kura~NgavilochanAH

kusumavishikhArAterakShNAM kutUhalavibhramAH ||25||

kabalitatamaskANDAstuNDIramaNDalamaNDanAH

sarasijavanIsantAnAnAmaruntudashekharAH |

nayanasaraNernedIyaMsaH kadA nu bhavanti me

taruNajaladashyAmAH shambhostapaHphalavibhramAH ||26||

acharamamiShuM dInaM mInadhvajasya mukhashriyA

sarasijabhuvo yAnaM mlAnaM gatena cha ma~njunA |

tridashasadasAmannaM khinnaM girA cha vitanvatI

tilakayati sA kampAtIraM trilochanasundarI ||27||

janani bhuvane cha~Nkramye.ahaM kiyantamanehasaM

kupuruShakarabhraShTairduShTairdhanairudarambhariH |

taruNakaruNe tandrAshUnye tara~Ngaya lochane

namati mayi te kinchitkAnchIpurImaNidIpike ||28||

munijanamanaHpeTIratnaM sphuratkaruNAnaTI-

viharaNakalAgehaM kA~nchIpurImaNibhUShaNam |

jagati mahato mohavyAdhernRRiNAM paramauShadhaM

puraharadRRishAM sAphalyaM me puraH parijRRimbhatAm ||29||

munijanamodhAmne dhAmne vachomayajAhnavI-

himagiritaTaprAgbhArAyAkSharAya parAtmane |

viharaNajuShe kA~nchIdeshe maheshvaralochana-

tritayasarasakrIDAsaudhA~NgaNAya namo namaH ||30||

marakataruchAM pratyAdeshaM maheshvarachakShuShAm

amRRitalaharIpUraM pAraM bhavAkhyapayonidheH |

sucharitaphalaM kA~nchIbhAjo janasya pachelimaM

himashikhariNo vaMshasyaikaM vataMsamupAsmahe ||31||

praNamanadinArambhe kampAnadIsakhi tAvake

sarasakavitonmeShaH pUShA satAM samuda~nchitaH |

pratibhaTamahAprauDhaprodyatkavitvakumudvatIM

nayati tarasA nidrAmudrAM nageshvarakanyake ||32||

shamitajaDimArambhA kampAtaTInikaTecharI

nihataduritastomA somArdhamudritakuntalA |

phalitasumanovAnChA pAnchAyudhI paradevatA

saphalayatu me netre gotreshvarapriyanandinI ||33||

mama tu dhiShaNA pIDyA jADyAtireka kathaM tvayA

kumudasuShamAmaitrIpAtrIvataMsitakuntalAm |

jagati shamitastambhAM kampAnadInilayAmasau

shriyati hi galattandrA chandrAvataMsasadharmiNIm ||34||

parimalaparIpAkodrekaM payomuchi kA~nchane

shikhariNi punardbaidhIbhAvaM shashinyaruNAtapam |

api cha janayankamborlakShmImanambuni ko.apyasau

kusumadhanuShaH kA~nchIdeshe chakAsti parAkramaH ||35||

puradamayiturvAmotsaNgasthalena rasajnayA

sarasakavitAbhAjA kA~nchIpurodarasImayA |

taTaparisarairnIhArAdrervachobhirakRRitrimaiH

kimiva na tulAmasmachcheto maheshvari gAhate ||36||

nayanayugalImAsmAkInAM kadA nu phalegrahIM

vidadhati gatau vyAkurvANA gajendrachamatkriyAm |

maratakarucho mAheshAnA ghanastananamritAH

sukRRitavibhavAH prAnchaH kAnchIvataMsadhurandharAH ||37||

manasijayashaHpAramparyaM marandajharIsuvAM

kavikulagirAM kandaM kampAnadItaTamaNDanam |

madhuralalitaM matkaM chakShurmanIShimanoharaM

puravijayinaH sarvasvaM tatpuraskurute kadA ||38||

shithilitatamolIlAM nIlAravindavilochanAM

dahanavilasatphAlAM shrIkAmakoTimupAsmahe |

karadhRRitasachChUlAM kAlArichittaharAM parAM

manasijakRRipAlIlAM lolAlakAmalikekShaNAm ||39||

kalAlIlAshAlA kavikulavachaHkairavavanI-

sharajjyotsnAdhArA shashadharashishushlAghyamukuTI |

punIte naH kampApulinataTasauhArdataralA

kadA chakShurmArgaM kanakagiridhAnuShkamahiShI ||40||

namaH stAnnamrebhyaH stanagarimagarveNa guruNA

dadhAnebhyashchUDAbharaNamamRRitasyandi shishiram |

sadA vAstavebhyaH suvidhabhuvi kampAkhyasarite

yashovyApArebhyaH sukRRitavibhavebhyo ratipateH ||41||

asUyantI kAchinmarakatarucho nAkimukuTI-

kadambaM chumbantI charaNanakhachandrAMshupaTalaiH |

tamomudrAM vidrAvayatu mama kA~nchIrnilayanA

harotsa~NgashrImanmaNigRRihamahAdIpakalikA ||42||

anAdyantA kAchitsujananayanAnandajananI

nirundhAnA kAntiM nijaruchivilAsairjalamuchAm |

smarArestAralyaM manasi janayantI svayamaho

galatkampA shampA parilasati kampAparisare ||43||

sudhADiNDIrashrIH smitaruchiShu tuNDIraviShayaM

pariShkurvANAsau parihasitanIlotpalaruchiH |

stanAbhyAmAnamrA stabakayatu me kA~NkShitataruM

dRRishAmaishAnInAM sukRRitaphalapANDityagarimA ||44||

kRRipAdhArAdroNI kRRipaNadhiShaNAnAM praNamatAM

nihantrI santApaM nigamamukuTottaMsakalikA |

parA kA~nchIlIlAparichayavatI parvatasutA

girAM nIvI devI girishaparatantrA vijayate ||45||

kavitvashrIkandaH sukRRitaparipATI himagireH

vidhAtrI vishveShAM viShamasharavIradhvajapaTI |

sakhI kampAnadyAH padahasitapAthojayugalI

purANo pAyAnnaH puramathanasAmrAjyapadavI ||46||

daridrANA madhye daradalitatApichChasuShamAH

stanAbhogakkAntAstaruNahariNANkANkitakachAH |

harAdhInA nAnAvibudhamukuTIchumbitapadAH

kadA kampAtIre kathaya viharAmo girisute ||47||

varIvartu sthemA tvayi mama girAM devi manaso

narInartu prauDhA vadanakamale vAkyalaharI |

charIchartu praj~nAjanani jaDimAnaH parajane

sarIsartu svairaM janani mayi kAmAkShi karuNA ||48||

kShaNAtte kAmAkShi bhramarasuShamAshikShaNaguruH

kaTAkShavyAkShepo mama bhavatu mokShAya vipadAm |

narInartu svairaM vachanalaharI nirjarapurI-

saridvIchInIchIkaraNapaTurAsye mama sadA ||49||

purastAnme bhUyaHprashamanaparaH stAnmama rujAM

prachAraste kampAtaTavihRRitisampAdini dRRishoH |

imAM yAch~nAmUrIkuru sapadi dUrIkuru tamaH-

parIpAkaM matkaM sapadi budhalokaM cha naya mAm ||50||

udanchantI kAnchInagaranilaye tvatkaruNayA

samRRiddhA vAgdhATI parihasitamAdhvI kavayatAm |

upAdatte mArapratibhaTajaTAjUTamukuTI-

kuTIrollAsinyAH shatamakhataTinyA jayapaTIm ||51||

shriyaM vidyAM dadyAjjanani namatAM kIrtimamitAM

suputrAn prAdatte tava jhaTiti kAmAkShi karuNA |

trilokyAmAdhikyaM tripuraparipanthipraNayini

praNAmastvatpAde shamitadurite kiM na kurute ||52||

manaHstambhaM stambhaM gamayadupakampaM praNamatAM

sadA lolaM nIlaM chikurajitalolambanikaram |

girAM dUraM smeraM dhRRitashashikishoraM pashupateH

dRRishAM yogyaM bhogyaM tuhinagiribhAgyaM vijayate ||53||

ghanashyAmAnkAmAntakamahiShi kAmAkShi madhurAn

dRRishAM pAtAnetAnamRRitajalashItAnanupamAn |

bhavotpAte bhIte mayi vitara nAthe dRRiDhabhava-

nmanashshoke mUke himagiripatAke karuNayA ||54||

natAnAM mandAnAM bhavanigalabandhAkuladhiyAM

mahAndhyAM rundhAnAmabhilaShitasantAnalatikAm |

charantIM kampAyAstaTabhuvi savitrIM trijagatAM

smarAmastAM nityaM smaramathanajIvAtukalikAm ||55||

parA vidyA hRRidyAshritamadanavidyA marakata-

prabhAnIlA lIlAparavashitashUlAyudhamanAH |

tamaHpUraM dUraM charaNanatapaurandarapurI-

mRRigAkShI kAmAkShI kamalataralAkShI nayatu me ||56||

ahantAkhyA matkaM kabalayati hA hanta hariNI

haThAtsaMvidrUpaM haramahiShi sasyA~Nkuramasau |

kaTAkShavyAkShepaprakaTaharipAShANapaTalaiH

imAmuchchairuchchATaya jhaTiti kAmAkShi kRRipayA ||57||

budhe vA mUke vA tava patati yasminkShaNamasau

kaTAkShaH kAmAkShi prakaTajaDimakShodapaTimA |

katha~NkAraM nAsmai karamukulachUDAlamukuTA

namovAkaM brUyurnamuchiparipanthiprabhRRitayaH ||58||

pratIchIM pashyAmaH prakaTaruchinIvArakamaNi-

prabhAsadhrIchInAM pradalitaShaDAdhArakamalAm |

charantIM sauShumne pathi parapadendupravigala-

tsudhArdrAM kAmAkShIM pariNatapara~njyotirudayAm ||59||

jambhArAtiprabhRRitimukuTIH pAdayoH pIThayantI

gumphAnvAchAM kavijanakRRitAnsvairamArAmayantI |

shampAlakShmIM maNigaNaruchApATalaiH prApayantI

kampAtIre kavipariShadAM jRRimbhate bhAgyasImA ||60||

chandrApIDAM chaturavadanAM chanchalApANgalIlAM

kundasmerAM kuchabharanatAM kuntaloddhUtabhRRi~NgAm |

mArArAtermadanashikhinaM mAMsalaM dIpayantIM

kAmAkShIM tAM kavikulagirAM kalpavallImupAse ||61||

kAlAmbhodaprakarasuShamAM kAntibhistirjayantI

kalyANAnAmudayasaraNiH kalpavallI kavInAm |

kandarpAreH priyasahacharI kalmaShANAM nihantrI

kA~nchIdeshaM tilakayati sA kApi kAruNyasImA ||62||

UrIkurvannurasijataTe chAturIM bhUdharANAM

pAthojAnAM nayanayugale paripanthyaM vitanvan |

kampAtIre viharati ruchA moghayanmeghashailIM

kokadveShaM shirasi kalayanko.api vidyAvisheShaH ||63||

kA~nchIlIlAparichayavatI kApi tApichChalakShmIH

jADyAraNye hutavahashikhA janmabhUmiH kRRipAyAH |

mAkandashrIrmadhurakavitAchAturI kokilAnAM

mArge bhUyAnmama nayanayormAnmathI kApi vidyA ||64||

seturmAtarmaratakamayo bhaktibhAjAM bhavAbdhau

lIlAlolA kuvalayamayI mAnmathI vaijayantI |

kAnchIbhUShA pashupatidRRishAM kApi kAlAnjanAlI

matkaM duHkhaM shithilayatu te manjulApANgamAlA ||65||

vyAvRRiNvAnAH kuvalayadalaprakriyAvairamudrAM

vyAkurvANA manasijamahArAjasAmrAjyalakShmIm |

kAnchIlIlAvihRRitirasike kANkShitaM naH kriyAsuH

bandhachChede tava niyaminAM baddhadIkShAH kaTAkShAH ||66||

kAlAmbhode shashiruchi dalaM kaitakaM darshayantI

madhyesaudAmini madhulihAM mAlikAM rAjayantI |

haMsArAvaM vikachakamale ma~njumullAsayantI

kampAtIre vilasati navA kApi kAruNyalakShmIH ||67||

chitraM chitraM nijamRRidutayA bhartsayanpallavAlIM

puMsAM kAmAnbhuvi cha niyataM pUrayanpuNyabhAjAm |

jAtaH shailAnna tu jalanidheH svairasa~nchArashIlaH

kA~nchIbhUShA kalayatu shivaM ko.api chintAmaNirme ||68||

tAmrAmbhojaM jaladanikaTe tatra bandhUkapuShpaM

tasminmallIkusumasuShamAM tatra vINAninAdam |

vyAvRRinvAnA sukRRitalaharI kApi kA~nchinagaryAm

aishAnI sA kalayatitarAmaindrajAlaM vilAsam ||69||

AhArAMshaM tridashasadasAmAshraye chAtakAnAm

AkAshoparyapi cha kalayannAlayaM tu~NgameShAm |

kampAtIre viharatitarAM kAmadhenuH kavInAM

mandasmero madananigamaprakriyAsampradAyaH ||70||

ArdrIbhUtairaviralakRRipairAttalIlAvilAsaiH

AsthApUrNairadhikachapalaira~nchitAmbhojashilpaiH |

kAntairlakShmIlalitabhavanaiH kAntikaivalyasAraiH

kAshmalyaM naH kabalayatu sA kAmakoTI kaTAkShaiH ||71||

AdhUnvantyai taralanayanairA~NgajIM vaijayantIm

Anandinyai nijapadajuShAmAttakA~nchIpurAyai |

AsmAkInaM hRRidayamakhilairAgamAnAM prapa~nchaiH

ArAdhyAyai spRRihayatitarAmadimAyai jananyai ||72||

dUraM vAchAM tridashasadasAM duHkhasindhostaritraM

mohakShvelakShitiruhavane krUradhAraM kuThAram |

kampAtIrapraNayi kavibhirvarNitodyachcharitraM

shAntyai seve sakalavipadAM shA~NkaraM tatkalatram ||73||

khaNDIkRRitya prakRRitikuTilaM kalmaShaM prAtibhashrI-

shuNDIratvaM nijapadajuShAM shUnyatandraM dishantI |

tuNDIrAkhyai mahati viShaye svarNavRRiShTipradAtrI

chaNDI devI kalayati ratiM chandrachUDAlachUDe ||74||

yena khyAto bhavati sa gRRihI pUruSho merudhanvA

yaddRRikkoNe madananigamaprAbhavaM bobhavIti |

yatprItyaiva trijagadadhipo jRRimbhate kimpachAnaH

kampAtIre sa jayati mahAnkashchidojovisheShaH ||75||

dhanyA dhanyA gatiriha girAM devi kAmAkShi yanme

nindyAM bhindyAtsapadi jaDatAM kalmaShAdunmiShantIm |

sAdhvI mAdhvIrasamadhuratAbhanjinI manjurItiH

vANIveNI jhaTiti vRRiNutAtsvardhunIspardhinI mAm ||76||

yasyA vATI hRRidayakamalaM kausumI yogabhAjAM

yasyAH pIThI satatashishirA shIkarairmAkarandaiH |

yasyAH peTI shrutiparichalanmauliratnasya kA~nchI

sA me somAbharaNamahiShI sAdhayetkA~NkShitAni ||77||

ekA mAtA sakalajagatAmIyuShI dhyAnamudrAm

ekAmrAdhIshvaracharaNayorekatAnAM samindhe |

tATa~NkodyanmaNigaNaruchA tAmrakarNapradeshA

tAruNyashrIstabakitatanustApasI kApi bAlA ||78||

dantAdantiprakaTanakarI dantibhirmandayAnaiH

mandArANAM madapariNatiM mathnatI mandahAsaiH |

aNkUrAbhyAM manasijataroraNkitorAH kuchAbhyA-

mantaHkA~nchi sphurati jagatAmAdimA kApi mAtA ||79||

triyambakakuTumbinIM tripurasundarImindirAM

pulindapatisundarIM tripurabhairavIM bhAratIm |

mata~NgakulanAyikAM mahiShamardanIM mAtRRikAM

bhaNanti vibudhottamA vihRRitimeva kAmAkShi te ||80||

mahAmunimanonaTI mahitaramyakampAtaTI-

kuTIrakavihAriNI kuTilabodhasaMhAriNI |

sadA bhavatu kAminI sakaladehinAM svAminI

kRRipAtishayakiNkarI mama vibhUtaye shANkarI ||81||

jaDAH prakRRitinirdhanA janavilochanAruntudA

narA janani vIkShaNaM kShaNamavApya kAmAkShi te |

vachassu madhumAdhurIM prakaTayanti paurandarI-

vibhUtiShu viDambanAM vapuShi mAnmathIM prakriyAm ||82||

ghansatanataTasphuTasphuritakanchulIchanchalI-

kRRitatripurashAsanA sujanashIlitopAsanA |

dRRishoH saraNimashnute mama kadA nu kA~nchIpure

parA paramayoginAM manasi chitkulA puShkalA ||83||

kavIndrahRRidayecharI parigRRihItakA~nchIpurI

nirUDhakaruNAjharI nikhilalokarakShAkarI |

manaHpathadavIyasI madanashAsanapreyasI

mahAguNagarIyasI mama dRRisho.astu nedIyasI ||84||

dhanena na ramAmahe khalajanAnna sevAmahe

na chApalamayAmahe bhavabhayAnna dUyAmahe |

sthirAM tanumahetarAM manasi kiM cha kA~nchIrata-

smarAntakakuTumbinIcharaNapallavopAsanAm ||85||

surAH parijanA vapurmanasijAya vairAyate

triviShTapanitambinIkuchataTI cha kelIgiriH |

giraH surabhayo vayastaruNimA daridrasya vA

kaTAkShasaraNau kShaNaM nipatitasya kAmAkShi te ||86||

pavitraya jagattrayIvibudhabodhajIvAtubhiH

puratrayavimardinaH pulakaka~nchulIdAyibhiH |

bhavakShayavichakShaNairvyasanamokShaNairvIkShaNaiH

nirakSharashiromaNiM karuNayaiva kAmAkShi mAm ||87||

kadA kalitakhelanAH karuNayaiva kA~nchIpure

kalAyamukulatviShaH shubhakadambapUrNA~NkurAH |

payodharabharAlasAH kavijaneShu te bandhurAH

pachelimakRRipArasA paripatanti mArge dRRishoH ||88||

ashodhyamachalodbhavaM hRRidayanandanaM dehinAm

anarghamadhikA~nchi tatkimapi ratnamuddyotate |

anena samalaNkRRitA jayati shaNkarA~NkasthalI

kadAsya mama mAnasaM vrajati peTikAvibhramam ||89||

parAmRRitajharIplutA jayati nityamantashcharI

bhuvAmapi bahishcharI paramasaMvidekAtmikA |

mahadbhiraparokShitA satatameva kA~nchIpure

mamAnvahamahammatirmanasi bhAtu mAheshvarI ||90||

tamovipinadhAvinaM satatameva kA~nchIpure

vihArarasikA parA paramasaMvidurvIruhe |

kaTAkShanigalairdRRiDhaM hRRidayaduShTadantAvalaM

chiraM nayatu mAmakaM tripuravairisImantinI ||91||

tvameva sati chaNDikA tvamasi devi chAmuNDikA

tvameva paramAtRRikA tvamapi yoginIrUpiNI |

tvameva kila shAmbhavI tvamasi kAmakoTI jayA

tvameva vijayA tvayi trijagadamba kiM brUmahe ||92||

pare janani pArvati praNatapAlini prAtibha-

pradAtri parameshvari trijagadAshrite shAshvate |

triyambakakuTumbini tripadasa~Ngini trIkShaNe

trishaktimayi vIkShaNaM mayi nidhehi kAmAkShi te ||93||

manomadhukarotsavaM vidadhatI manIShAjuShAM

svayamprabhavavaikharIvipinavIthikAlambinI |

aho shishiritA kRRipAmadhurasena kampAtaTe

charAcharavidhAyinI chalati kApi chinma~njarI ||94||

kalAvati kalAbhRRito mukuTasImni lIlAvati

spRRihAvati maheshvare bhuvanamohane bhAsvati |

prabhAvati rame sadA mahitarUpashobhAvati

tvarAvati pare satAM gurukRRipAmbudhArAvati ||95||

tvayaiva jagadambayA bhuvanamaNDalaM sUyate

tvayaiva karuNArdrayA tadapi rakShaNaM nIyate |

tvayaiva kharakopayA nayanapAvake hUyate

tvayaiva kila nityayA jagati santataM sthIyate ||96||

charAcharajaganmayIM sakalahRRinmayIM chinmayIM

guNatrayamayIM jagattrayamayIM tridhAmAmayIm |

parAparamayIM sadA dashadishAM nishAharmayIM

parAM satatasanmayIM manasi chinmayIM shIlaye ||97||

jaya jagadambike harakuTumbini vaktraruchA

jitasharadambuje ghanaviDambini kesharuchA |

paramavalambanaM kuru sadA pararUpadhare

mama gatasaMvido jaDimaDambaratANDavinaH ||98||

bhuvanajanani bhUShAbhUtachandre namaste

kaluShashamani kampAtIragehe namaste |

nikhilanigamavedye nityarUpe namaste

parashivamayi pAshachChedahaste namaste ||99||

kvaNatkAnchI kAnchIpuramaNivipa~nchIlayajharI-

shiraHkampA kampAvasatiranukampAjalanidhiH |

ghanashyAmA shyAmA kaThinakuchasImA manasi me

mRRigAkShI kAmAkShI haranaTanasAkShI viharatAt ||100||

samaravijayakoTI sAdhakAnandadhATI

mRRiduguNaparipeTI mukhyakAdambavATI |

muninutaparipATI mohitAjANDakoTI

paramashivavadhUTI pAtu mAM kAmakoTI ||101||

imaM paravarapradaM prakRRitipeshalaM pAvanaM

parAparachidAkRRitiprakaTanapradIpAyitam |

stavaM paThati nityadA manasi bhAvayannambikAM

japairalamalaM makhairadhikadehasaMshoShaNaiH ||102||

|| iti stutishatakaM sampUrNam ||