Mooka Pancha Sathi 1
Mooka Pancha Sathi 1
Mooka Pancha Sathi 1
mUka pa~ncha shati 1 - Arya shatakam
kAraNaparachidrUpA kA~nchIpurasImni kAmapIThagatA |
kAchana viharati karuNA kAshmIrastabakakomalA~NgalatA ||1||
kanchana kAnchInilayaM karadhRRitakodaNDabANasRRiNipAsham |
kaThinastanabharanamraM kaivalyAnandakandamavalambe ||2||
chintitaphalaparipoShaNachintAmaNireva kA~nchinilayA me |
chiratarasucharitasulabhA chittaM shishirayatu chitsukhAdhArA ||3||
kuTilakachaM kaThinakuchaM kundasmitakAnti ku~NkumachChAyam |
kurute vihRRitiM kA~nchyAM kulaparvatasArvabhaumasarvasvam ||4||
pa~nchasharashAstrabodhanaparamAchAryeNa dRRiShTipAtena |
kA~nchIsImni kumArI kAchana mohayati kAmajetAram ||5||
parayA kA~nchIpurayA parvataparyAyapInakuchabharayA |
paratantrA vayamanayA pa~NkajasabrahmachArilochanayA ||6||
aishvaryamindumauleraikatmyaprakRRiti kA~nchimadhyagatam |
aindavakishorashekharamaidamparyaM chakAsti nigamAnAm ||7||
shritakampasImAnaM shithilitaparamashivadhairyamahimAnam |
kalaye paTalimAnaM kanchana kanchukitabhuvanabhUmAnam ||8||
AdRRitakA~nchInilayamAdyAmArUDhayauvanATopAm |
AgamavataMsakalikAmAnandAdvaitakandalIM vande ||9||
tuNgAbhirAmakuchabharashRRiNgAritamAshrayAmi kA~nchigatam |
gaNgAdharaparatantraM shRRiNgArAdvaitatantrasiddhAntam ||10||
kAnchIratnavibhUShAM kAmapi kandarpasUtikApANgIm |
paramAM kalAmupAse parashivavAmA~NkapIThikAsInAm ||11||
kampAtIcharANAM karuNAkorakitadRRiShTipAtAnAm |
kelIvanaM mano me keShA~nchidbhavatu chidvilAsAnAm ||12||
AmratarumUlavasaterAdimapuruShasya nayanapIyUSham |
ArabdhayauvanotsavamAmnAyarahasyamantaravalambe ||13||
adhikA~nchi paramayogibhirAdimaparapIThasImni dRRishyena |
anubaddhaM mama mAnasamaruNimasarvasvasampradAyena ||14||
aNkitashaNkaradehAmaNkuritorojakaNkaNAshleShaiH |
adhikAnchi nityataruNImadrAkShaM kAnchidadbhutAM bAlAm ||15||
madhuradhanuShA mahIdharajanuShA nandAmi surabhibANajuShA |
chidvapuShA kA~nchipure kelijuShA bandhujIvakAntimuShA ||16||
madhurasmitena ramate mAMsalakuchabhAramandagamanena |
madhyekA~nchi mano me manasijasAmrAjyagarvabIjena ||17||
dharaNimayIM taraNimayIM pavanamayIM gaganadahanahotRRimayIm |
ambumayImindumayImambAmanukampamAdimAmIkShe ||18||
lInasthiti munihRRidaye dhyAnastimitaM tapasyadupakampam |
pInastanabharamIDe mInadhvajatantraparamatAtparyam ||19||
shvetA mantharahasite shAtA madhye cha vADbhano.atItA |
shItA lochanapAte sphItA kuchasImni shAshvatI mAtA ||20||
purataH kadA na karavai puravairivimardapulakitA~NgalatAm |
punatIM kA~nchIdeshaM puShpAyudhavIryasarasaparipATIm ||21||
puNyA kA.api purandhrI pu~NkhitakandarpasampadA vapuShA |
pulinacharI kampAyAH puramathanaM pulakanichulitaM kurute ||22||
tanimAdvaitavalagnaM taruNAruNasampradAyatanulekham |
taTasImani kampAyAstaruNimasarvasvamAdyamadrAkSham ||23||
pauShTikakarmavipAkaM pauShpasharaM savidhasImni kampAyAH |
adrAkShamAttayauvanamabhyudayaM ka~nchidardhashashimaulaiH ||24||
saMshritakA~nchIdeshe sarasijadaurbhAgyajAgraduttaMse |
saMvinmaye vilIye sArasvatapuruShakArasAmrAjye ||25||
moditamadhukaravishikhaM svAdimasamudAyasArakodaNDam |
AdRRitakA~nchIkhelanamAdimamAruNyabhedamAkalaye ||26||
urarIkRRitakA~nchipurImupaniShadaravindakuharamadhudhArAm |
unnamrastanakalashImutsavalaharImupAsmahe shambhoH ||27||
eNashishudIrghalochanamenaHparipanthi santataM bhajatAm |
ekAmranAthajIvitamevampadadUramekamavalambe ||28||
smayamAnamukhaM kA~nchIbhayamAnaM kamapi devatAbhedam |
dayamAnaM vIkShya muhurvayamAnandAmRRitAmbudhau magnAH ||29||
kutukajuShi kA~nchideshe kumudataporAshipAkashekharite |
kurute manovihAraM kulagiriparibRRiDhakulaikamaNidIpe ||30||
vIkShemahi kA~nchipure vipulastanakalashagarimaparavashitam |
vidrumasahacharadehaM vibhramasamavAyasArasannAham ||31||
kuruvindagotragAtraM kUlacharaM kamapi naumi kampAyAH |
kUla~NkaShakuchakumbhaM kusumAyudhavIryasArasaMrambham ||32||
kuDUmalitakuchakishoraiH kurvANaiH kA~nchideshasauhArdam |
ku~NkumashoNairnichitaM kushalapathaM shambhusukRRitasambhAraiH ||33||
aNkitakachena kenachidandhaNkaraNauShadhena kamalAnAm |
antaHpureNa shambhoralaNkriyA kA.api kalpyate kAnchyAm ||34||
UrIkaromi santatamUShmalaphAlena lalitaM puMsA |
upakampamuchitakhelanamurvIdharavaMshasampadunmeSham ||35||
aNkuritastanakorakamaNkAla~NkAramekachUtapateH |
Alokemahi komalamAgamasaMlApasArayAthArthyam ||36||
punjitakaruNamudanchitashinjitamaNikAnchi kimapi kA~nchipure |
manjaritamRRidulahAsaM pinjaratanuruchi pinAkimUladhanam ||37||
lolahRRidayo.asti shambhorlochanayugalena lehyamAnAyAm |
lalitaparamashivAyAM lAvaNyAmRRitatara~NgamAlAyAm ||38||
madhukarasahacharachikurairmadanAgamasamayadIkShitakaTAkShaiH |
maNDitakampAtIrairma~NgalakandairmamAstu sArUpyam ||39||
vadanAravindavakShovAmA~NkataTIvashaMvadIbhUtA |
pUruShatritaye tredhA purandhrirUpA tvameva kAmAkShi ||40||
bAdhAkarIM bhavAbdherAdhArAdyambujeShu vicharantIm |
AdhArIkRRitakA~nchI bodhAmRRitavIchimeva vimRRishAmaH ||41||
kalayAmyantaH shashadharakalayA.a~NkitamaulimamalachidvalayAm |
alayAmAgamapIThInilayAM valayA~NkasundarImambAm ||42||
sharvAdiparamasAdhakagurvAnItAya kAmapIThajuShe |
sarvAkRRitaye shoNimagarvAyAsmai samarpyate hRRidayam ||43||
samayA sAndhyamayUkhaiH samayA buddhayA sadaiva shIlitayA |
umayA kA~nchIratayA na mayA labhyate kiM nu tAdAtmyam ||44||
jantostava padapUjanasantoShatara~Ngitasya kAmAkShi |
vandho yadi bhavati punaH sindhorambhassu bambhramIti shilA ||45||
kuNDali kumAri kuTile chaNDi charAcharasavitri chAmuNDe |
guNini guhAriNi guhye gurumUrte tvAM namAmi kAmAkShi ||46||
abhidAkRRitirbhidAkRRitirachidAkRRitirapi chidAkRRitirmAtaH |
anahantA tvamahantA bhramayasi kAmAkShi shAshvatI vishvam ||47||
shiva shiva pashyanti samaM shrIkAmAkShIkaTAkShitAH puruShAH |
vipinaM bhavanamamitraM mitraM loShTaM cha yuvatibimboShTham ||48||
kAmaparipanthikAmini kAmeshvari kAmapIThamadhyagate |
kAmadughA bhava kamale kAmakale kAmakoTi kAmAkShi ||49||
madhyehRRidayaM madhyeniTilaM madhyeshiro.api vAstavyAm |
chaNDakarashakrakArmukachandrasamAbhAM namAmi kAmAkShIm ||50||
adhikA~nchi kelilolairakhilAgamayantratantramayaiH |
atishItaM mama mAnasamasamasharadrohijIvanopAyaiH ||51||
nandati mama hRRidi kAchana mandirayantA nirantaraM kA~nchIm |
induravimaNDalakuchA binduviyannAdapariNatA taruNI ||52||
shampAlatAsavarNaM sampAdayituM bhavajvarachikitsAm |
limpAmi manasi ki~nchana kampAtaTarohi siddhabhaiShajyam ||53||
anumitakuchakAThinyAmadhivakShaHpIThama~NgajanmaripoH |
AnandadAM bhaje tAmAna~NgabrahmatatvabodhasirAm ||54||
aikShiShi pAshA~NkushadharahastAntaM vismayArhavRRittAntam |
adhikA~nchi nigamavAchAM siddhAntaM shUlapANishuddhAntam ||55||
AhitavilAsabha~NgImAbrahmastambashilpakalpanayA |
AshritakA~nchImatulAmAdyAM visphUrtimAdriye vidyAm ||56||
mUko.api jaTiladurgatishoko.api smarati yaH kShaNaM bhavatIm |
eko bhavati sa janturlokottarakIrtireva kAmAkShi ||57||
panchadashavarNarUpaM kanchana kA~nchIvihAradhaureyam |
panchasharIyaM shambhorvanchanavaidagdhyamUlamavalambe ||58||
pariNatimatIM chaturdhA padavIM sudhiyAM sametya sauShumnIm |
pa~nchAshadarNakalpitamadashilpAM tvAM namAmi kAmAkShi ||59||
AdikShanmama gururADAdikShAntAkSharAtmikAM vidyAm |
svAdiShThachApadaNDAM nediShThAmeva kAmapIThagatAm ||60||
tuShyAmi harShitasmarashAsanayA kA~nchipurakRRitAsanayA |
svAsanayA sakalajagadbhAsanayA kalitashambarAsanayA ||61||
premavatI kampAyAM sthemavatI yatimanassu bhUmavatI |
sAmavatI nityagirA somavatI shirasi bhAti haimavatI ||62||
kautukinA kampAyAM kausumachApena kIlitenAntaH |
kuladaivatena mahatA kuDmalamudrAM dhunotu naHpratibhA ||63||
yUnA kenApi miladdehA svAhAsahAyatilakena |
sahakAramUladeshe saMvidrUpA kuTumbinI ramate ||64||
kusumasharagarvasampatkoshagRRihaM bhAti kA~nchideshagatam |
sthApitamasminkathamapi gopitamantarmayA manoratnam ||65||
dagdhaShaDadhvAraNyaM daradalitakusumbhasambhRRitAruNyam |
kalaye navatAruNyaM kampAtaTasImni kimapi kAruNyam ||66||
adhikA~nchi vardhamAnAmatulAM karavANi pAraNAmakShNoH |
AnandapAkabhedAmaruNimapariNAmagarvapallavitAm ||67||
bANasRRiNipAshakArmukapANimamuM kamapi kAmapIThagatam |
eNadharakoNachUDaM shoNimaparipAkabhedamAkalaye ||68||
kiM vA phalati mamAnyaurbimbAdharachumbimandahAsamukhI |
sambAdhakarI tamasAmambA jAgarti manasi kAmAkShI ||69||
manche sadAshivamaye parishivamayalalitapauShpaparyaNke |
adhichakramadhyamAste kAmAkShI nAma kimapi mama bhAgyam ||70||
rakShyo.asmi kAmapIThIlAsikayA ghanakRRipAmburAshikayA |
shrutiyuvatikuntalImaNimAlikayA tuhinashailabAlikayA ||71||
lIye puraharajAye mAye tava taruNapallavachChAye |
charaNe chandrAbharaNe kA~nchIsharaNe natArtisaMharaNe ||72||
mUrtimati muktibIje mUrdhni stabakitachakorasAmrAjye |
moditakampAkUle muhurmuhurmanasi mumudiShA.asmAkam ||73||
vedamayIM nAdamayIM bindumayIM parapadodyadindumayIm |
mantramayIM tantramayIM prakRRitimayIM naumi vishvavikRRitimayIm ||74||
puramathanapuNyakoTI pu~njitakavilokasUktirasadhATI |
manasi mama kAmakoTI viharatu karuNAvipAkaparipATI ||75||
kuTilaM chaTulaM pRRithulaM mRRidulaM kachanayanajaghanacharaNeShu |
avalokitamavalambitamadhikampAtaTamameyamasmAbhiH ||76||
pratyaNmukhyA dRRiShTayA prasAdadIpANkureNa kAmAkShyAH |
pashyAmi nistulamaho pachelimaM kamapi parashivollAsam ||77||
vidye vidhAtRRiviShaye kAtyAyani kAli kAmakoTikale |
bhArati bhairavi bhadre shAkini shAmbhavi shive stuve bhavatIm ||78||
mAlini maheshachAlini kA~nchIkhelini vipakShakAlini te |
shUlini vidrumashAlini surajanapAlini kapAlini namo.astu ||79||
deshika iti kiM sha~Nke tattAdRRiktava nu taruNimonmeShaH |
kAmAkShi shUlapANeH kAmAgamasamayadIkShAyAm ||80||
vetaNDakumbhaDambaravaitaNDikakuchabharArtamadhyAya |
kuNkumaruche namasyAM shaNkaranayanAmRRitAya rachayAmaH ||81||
adhikAnchitamaNikAnchanakAnchImadhikAnchi kA~nchidadrAkSham |
avanatajanAnukampAmanukampAkUlamasmadanukUlAm ||82||
parichitakampAtIraM parvatarAjanyasukRRitasannAham |
paragurukRRipayA vIkShe paramashivotsaNgamaNgalAbharaNam ||83||
dagdhamadanasya shambhoH prathIyasIM brahmacharyavaidagdhIm |
tava devi taruNimashrIchaturimapAko na chakShame mAtaH ||84||
madajalatamAlapatrA vasanitapatrA karAdRRitakhAnitrA |
viharati pulindayoShA gu~njAbhUShA phaNIndrakRRitaveShA ||85||
a~Nke shukinI gIte kautukinI parisare cha gAyakinI |
jayasi savidhe.amba bhairavamaNDalinI shravasi sha~NkhakunDalinI ||86||
praNatajanatApavargA kRRitabahusargA sasiMhasaMsargA |
kAmAkShi muditabhargA hataripuvargA tvameva sA durgA ||87||
shravaNachaladvetaNDA samaroddaNDA dhutAsurashikhaNDA |
devi kalitAntraShaNDA dhRRitanaramuNDA tvameva chAmuNDA ||88||
urvIdharendrakanye darvIbharitena bhaktapUreNa |
gurvImaki~nchanArti kharvIkuruShe tvameva kAmAkShi ||89||
tADitaripuparipIDanabhayaharaNa nipuNahalamusalA |
kroDapatibhIShaNamukhI krIDasi jagati tvameva kAmAkShi ||90||
smaramathanavaraNalolA manmathahelAvilAsamaNishAlA |
kanakaruchichauryashIlA tvamamba bAlA karAbjadhRRitamAlA ||91||
vimalapaTI kamalakuTI pustakarudrAkShashastahastapuTI |
kAmAkShi pakShmalAkShI kalitavipanchI vibhAsi vairinchI ||92||
kuNkumaruchipiNgamasRRikpa~NkilamuNDAlimaNDitaM mAtaH |
shrIkAmAkShi tadIyasa~NgamakalAmandIbhavatkautukaH
jayati tava rUpadheyaM japapaTapustakavarAbhayakarAbjam ||93||
kanakamaNikalitabhUShAM kAlAyasakalahashIlakAntikalAm |
kAmAkShi shIlaye tvAM kapAlashUlAbhirAmakarakamalAm ||94||
lohitimapu~njamadhye mohitabhuvane mudA nirIkShante |
vadanaM tava kuvayugalaM kA~nchIsImAM cha ke.api kAmAkShi ||95||
jaladhidviguNitahutabahadishAdineshvarakalAshvineyadalaiH |
nalinairmaheshi gachChasi sarvottarakarakamaladalamamalam ||96||
satkRRitadeshikacharaNAH sabIjanirbIjayoganishreNyA |
apavargasaudhavalabhImArohantyamba ke.api tava kRRipayA ||97||
antarapi bahirapi tvaM jantutaterantakAntakRRidahante |
chintitasantAnavatAM santatamapi tantanIShi mahimAnam ||98||
kalamanjulavAganumitagalapanjaragatashukagrahautkaNThyAt |
amba radanAmbaraM te bimbaphalaM shambarAriNA nyastam ||99||
jaya jaya jagadamba shive jaya jaya kAmAkShi jaya jayAdrisute |
jaya jaya maheshadayite jaya jaya chidgaganakaumudIdhAre ||100||
AryAshatakaM bhaktyA paThatAmAryAkaTAkSheNa |
nissarati vadanakamalAdvANI pIyUShadhoraNI divyA ||101||
|| iti AryAshatakaM sampUrNam ||
About This Stotram
Overview
Mooka Pancha Sathi 1 — Arya Satakam is the first of five sections comprising the Mooka Pancha Sathi, a collection of five hundred Sanskrit verses dedicated to Goddess Kamakshi of Kanchipuram, a form of Parvati. This opening section contains 101 verses composed in the Arya meter and is attributed to Mooka Kavi, a poet associated with the legend of receiving speech from the goddess. The work belongs to the South Indian Shakta devotional tradition centered on the Kanchi Kamakshi temple.
What are the benefits of chanting Mooka Pancha Sathi 1?
- Invokes Goddess Kamakshi's grace for eloquence and speech
- Supports the removal of obstacles and limitations
- Cultivates devotion within the Shakta tradition of Kanchipuram
- Used in South Indian temple worship and private devotional practice
When is the best time to recite this?
Morning and evening recitation is standard. Navaratri and days dedicated to Goddess Kamakshi at the Kanchi temple are the most auspicious occasions for this text.
What is the historical and traditional background?
The Mooka Pancha Sathi is traditionally attributed to Mooka Kavi, a poet described in hagiographic accounts as having been mute (mooka) until blessed with speech by Goddess Kamakshi. Scholars place the composition broadly within the medieval period, possibly between the 8th and 14th centuries CE, though a precise date has not been established. Kanchipuram has functioned as a major center of Shakti worship for many centuries. The Arya meter, used throughout this section, is a standard vehicle for Sanskrit devotional poetry of this period.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Mooka Pancha Sathi 2 — Padaravinda Satakam — the second section of the same five-hundred-verse collection, focusing on the lotus feet of Goddess Kamakshi
- Soundarya Lahari — a Shakta hymn in the same South Indian tradition, praising the beauty and cosmic power of the Goddess