Lalita Pancha Ratnam

lalitA pa~ncha ratnam

shloka 1

prAtaH smarAmi lalitAvadanAravindaM

bimbAdharaM pRRithulamauktikashobhinAsam |

AkarNadIrghanayanaM maNikuNDalADhyaM

mandasmitaM mRRigamadojjvalaphAladesham || 1 ||

prAtarbhajAmi lalitAbhujakalpavallIM

raktANgulIyalasadaNgulipallavADhyAm |

mANikyahemavalayA~NgadashobhamAnAM

puNDrekShuchApakusumeShusRRiNIrdadhAnAm || 2 ||

prAtarnamAmi lalitAcharaNAravindaM

bhakteShTadAnanirataM bhavasindhupotam |

padmAsanAdisuranAyakapUjanIyaM

padmANkushadhvajasudarshanalAnChanADhyam || 3 ||

prAtaH stuve parashivAM lalitAM bhavAnIM

trayyantavedyavibhavAM karuNAnavadyAm |

vishvasya sRRiShTavilayasthitihetubhUtAM

vidyeshvarIM nigamavA~NmamanasAtidUrAm || 4 ||

prAtarvadAmi lalite tava puNyanAma

kAmeshvarIti kamaleti maheshvarIti |

shrIshAmbhavIti jagatAM jananI pareti

vAgdevateti vachasA tripureshvarIti || 5 ||

yaH shlokapa~nchakamidaM lalitAmbikAyAH

saubhAgyadaM sulalitaM paThati prabhAte |

tasmai dadAti lalitA jhaTiti prasannA

vidyAM shriyaM vimalasaukhyamanantakIrtim ||