Lalita Pancha Ratnam

lalitA paJca ratnam

zloka 1

prAtaH smarAmi lalitAvadanAravindaM

bimbAdharaM pRthulamauktikazobhinAsam |

AkarNadIrghanayanaM maNikuNDalADhyaM

mandasmitaM mRgamadojjvalaphAladezam || 1 ||

prAtarbhajAmi lalitAbhujakalpavallIM

raktAGgulIyalasadaGgulipallavADhyAm |

mANikyahemavalayAGgadazobhamAnAM

puNDrekSucApakusumeSusRNIrdadhAnAm || 2 ||

prAtarnamAmi lalitAcaraNAravindaM

bhakteSTadAnanirataM bhavasindhupotam |

padmAsanAdisuranAyakapUjanIyaM

padmAGkuzadhvajasudarzanalAJchanADhyam || 3 ||

prAtaH stuve parazivAM lalitAM bhavAnIM

trayyantavedyavibhavAM karuNAnavadyAm |

vizvasya sRSTavilayasthitihetubhUtAM

vidyezvarIM nigamavAGmamanasAtidUrAm || 4 ||

prAtarvadAmi lalite tava puNyanAma

kAmezvarIti kamaleti mahezvarIti |

zrIzAmbhavIti jagatAM jananI pareti

vAgdevateti vacasA tripurezvarIti || 5 ||

yaH zlokapaJcakamidaM lalitAmbikAyAH

saubhAgyadaM sulalitaM paThati prabhAte |

tasmai dadAti lalitA jhaTiti prasannA

vidyAM zriyaM vimalasaukhyamanantakIrtim ||